2 ຊາມູເອນ 10:8 - ພຣະຄຳພີສັກສິ

⁸ ຊາວ​ອຳໂມນ​ໄດ້​ເຄື່ອນທັບ​ໄປ​ຕັ້ງ​ທີ່ໝັ້ນ​ຢູ່​ທາງ​ເຂົ້າ​ຣັບບາ ເມືອງ​ເອກ​ຂອງ​ພວກເຂົາ; ໃນຂະນະ​ດຽວກັນ​ນັ້ນ ພວກ​ອື່ນ​ຄື​ຊາວ​ຊີເຣຍ​ກັບ​ທະຫານ​ຈາກ​ເມືອງ​ໂຕບ ແລະ​ມາອາກາ ກໍ​ຕັ້ງ​ທີ່ໝັ້ນ​ຢູ່​ນອກເມືອງ.

2 ຊາມູເອນ 10:8 Jak'a apnaqawi uñst'ayäwi

2 ຊາມູເອນ 10:6

ຊາວ​ອຳໂມນ​ຮູ້ຕົວ​ວ່າ​ພວກຕົນ​ໄດ້​ສ້າງ​ສັດຕູ​ກັບ​ກະສັດ​ດາວິດ. ດັ່ງນັ້ນ ພວກເຂົາ​ຈຶ່ງ​ໄປ​ຈ້າງ​ເອົາ​ທະຫານ​ຊີເຣຍ ຊາວພັນ​ຄົນ ຈາກ​ເມືອງ​ເບັດເຣໂຮບ ແລະ​ເມືອງ​ໂຊບາ ສິບສອງພັນ​ຄົນ ຈາກ​ເມືອງ​ໂຕບ ແລະ​ກະສັດ​ແຫ່ງ​ມາອາກາ​ພ້ອມ​ກັບ​ທະຫານ​ໜຶ່ງພັນ​ຄົນ.

2 ຊາມູເອນ 10:7

ເມື່ອ​ກະສັດ​ດາວິດ​ໄດ້ຍິນ​ເຊັ່ນນັ້ນ ເພິ່ນ​ຈຶ່ງ​ສົ່ງ​ໂຢອາບ​ພ້ອມ​ທັງ​ກອງທັບ​ໄປ​ສູ້ຮົບ​ພວກເຂົາ.

2 ຊາມູເອນ 10:9

ເມື່ອ​ໂຢອາບ​ເຫັນ​ວ່າ ກອງທັບ​ຂອງ​ສັດຕູ​ຈະ​ໂຈມຕີ​ຕົນ​ທາງ​ດ້ານ​ໜ້າ​ກັບ​ທາງ​ດ້ານຫລັງ; ສະນັ້ນ ລາວ​ຈຶ່ງ​ເລືອກເອົາ​ທະຫານ​ອິດສະຣາເອນ​ຜູ້​ທີ່​ເກັ່ງກ້າ ໃຫ້​ໄປ​ຕັ້ງ​ທ່າ​ໄວ້​ປະເຊີນ​ໜ້າ​ກັບ​ພວກ​ຊີເຣຍ.

2 ຊາມູເອນ 23:34

ເອລີເຟເລດ ລູກຊາຍ​ອາຮາສະໄບ ຊາວ​ມາອາກາ; ເອລີອາມ ລູກຊາຍ​ຂອງ​ອາຮີໂຕເຟນ ຊາວ​ກີໂລ.

1 ກະສັດ 11:24

ແລະ​ໄດ້​ກາຍເປັນ​ຫົວໜ້າ​ຂອງ​ພວກ​ກອງໂຈນ. (ເຫດການ​ນີ້​ໄດ້​ເກີດຂຶ້ນ ຫລັງຈາກ​ກະສັດ​ດາວິດ​ໄດ້​ເອົາ​ຊະນະ​ຮາດາເດເຊ ແລະ​ຂ້າ​ຊາວ​ຊີເຣຍ​ຜູ້​ເປັນ​ພັນທະມິດ​ຂອງ​ລາວ.) ເຣຊົນ ແລະ​ພັກພວກ​ຂອງ​ລາວ​ໄດ້​ໄປ​ຢູ່​ໃນ​ເມືອງ​ດາມັສກັດ ແລ້ວ​ພັກພວກ​ຂອງ​ລາວ​ກໍໄດ້​ແຕ່ງຕັ້ງ​ລາວ​ໃຫ້​ເປັນ​ກະສັດ​ແຫ່ງ​ຊີເຣຍ.

1 ຂ່າວຄາວ 19:7

ລົດຮົບ​ສາມສິບສອງພັນ​ຄັນ ທີ່​ຖືກ​ຈ້າງ​ມາ ແລະ​ກອງທັບ​ຂອງ​ກະສັດ​ມາອາກາ ໄດ້​ຕັ້ງ​ຄ້າຍ​ຢູ່​ໃກ້​ເມືອງ​ເມເດບາ. ແລ້ວ​ຊາວ​ອຳໂມນ​ກໍໄດ້​ອອກ​ມາ​ຈາກ​ເມືອງຕ່າງໆ​ຂອງ​ພວກເຂົາ ເພື່ອ​ຕຽມ​ສູ້ຮົບ.

1 ຂ່າວຄາວ 19:9

ພວກ​ອຳໂມນ​ເຄື່ອນທັບ​ມາ​ຕັ້ງ​ທີ່ໝັ້ນ​ຢູ່​ທາງ​ເຂົ້າ​ຂອງ​ຣັບບາ ເມືອງເອກ​ຂອງ​ພວກເຂົາ; ແລະ​ບັນດາ​ກະສັດ​ທີ່​ມາ​ຊ່ວຍ​ນັ້ນ ກໍ​ຕັ້ງ​ທີ່ໝັ້ນ​ຂອງ​ພວກ​ຕົນ​ຢູ່​ນອກ​ຕົວເມືອງ.

ເຢເຣມີຢາ 40:8

ສະນັ້ນ ອິດຊະມາເອນ​ລູກຊາຍ​ຂອງ​ເນທານີຢາ, ໂຢຮານານ​ລູກຊາຍ​ຂອງ​ກາເຣຢາ, ເສຣາອີຢາ​ລູກຊາຍ​ຂອງ​ຕັນຮູເມັດ, ບັນດາ​ລູກຊາຍ​ຂອງ​ເອຟາອີ​ຈາກ​ເມືອງ​ເນໂຕຟາ ແລະ​ຢາອາຊານີຢາ ຈາກ​ເມືອງ​ມາອາກາ ຈຶ່ງ​ໄດ້​ນຳ​ຄົນ​ຂອງ​ພວກ​ຕົນ​ໄປ​ຫາ​ເກດາລີຢາ​ທີ່​ເມືອງ​ມີຊະປາ.

ຈົດບັນຊີ 13:21

ດັ່ງນັ້ນ ພວກ​ສອດແນມ​ຈຶ່ງ​ເດີນທາງ​ໄປ​ສູ່​ເຂດເໜືອ ແລະ​ສຳຫລວດ​ເບິ່ງ​ດິນແດນ ແຕ່​ຖິ່ນ​ແຫ້ງແລ້ງ​ກັນດານ​ຊິນ​ຢູ່​ທາງ​ເຂດ​ໃຕ້ ຈົນເຖິງ​ທາງ​ໄປ​ສູ່​ເມືອງ​ເຣໂຮບ​ໃກ້​ກັບ​ຊ່ອງແຄບ​ຮາມັດ​ທາງທິດເໜືອ.

ໂຢຊວຍ 19:28

ເອັບໂຣນ, ເຣໂຮບ, ຮາມໂມນ ແລະ​ການາ, ຈົນ​ໄປ​ຮອດ​ຊີໂດນ.

ພວກ^ຜູ້ປົກຄອງ 1:31

ເຜົ່າ​ອາເຊ​ບໍ່ໄດ້​ຂັບໄລ່​ປະຊາຊົນ​ໃຫ້​ອອກ​ໜີໄປ​ຈາກ​ເມືອງ​ຕ່າງໆ ດັ່ງນີ້: ເມືອງ​ອັກໂກ, ຊີໂດນ, ອາຮະລັບ, ອັກຊິບ, ເຮນບາ, ອາເຟັກ ແລະ​ເຣໂຮບ.

ພວກ^ຜູ້ປົກຄອງ 11:3

ດັ່ງນັ້ນ ເຢັບທາ​ຈຶ່ງ​ໜີ​ຈາກ​ພວກ​ອ້າຍ​ນ້ອງ​ຂອງຕົນ​ໄປ​ອາໄສ​ຢູ່​ໃນ​ເມືອງ​ໂຕບ. ໃນ​ເມືອງນີ້ ລາວ​ໄດ້​ຈູງໃຈ​ພວກ​ນັກເລງ ແລະ​ພວກເຂົາ​ໄດ້​ເຂົ້າ​ມາ​ເປັນ​ລູກ​ນ້ອງ​ຂອງ​ລາວ.

ພວກ^ຜູ້ປົກຄອງ 11:5

ເມື່ອ​ການ​ສູ້ຮົບ​ເລີ່ມ​ຂຶ້ນ ບັນດາ​ຜູ້ນຳ​ກີເລອາດ​ຈຶ່ງ​ໄປ​ນຳ​ເອົາ​ເຢັບທາ​ກັບຄືນ​ມາ​ຈາກ​ເມືອງ​ໂຕບ.