2 ຊາມູເອນ 10:3 - ພຣະຄຳພີສັກສິ

³ ບັນດາ​ຜູ້ນຳ​ຊາວ​ອຳໂມນ​ກໍ​ໄປ​ບອກ​ກະສັດ​ຂອງ​ພວກຕົນ​ວ່າ, “ທ່ານ​ຄິດ​ເຫັນ​ຢ່າງ​ໃດ​ທີ່​ກະສັດ​ດາວິດ​ສົ່ງ​ຄະນະທູດ ມາ​ສະແດງ​ຄວາມ​ເສຍໃຈ​ນຳ​ທ່ານ​ໃນ​ເວລາ​ເຊັ່ນນີ້ ເພື່ອ​ເປັນ​ການ​ໃຫ້ກຽດ​ແກ່​ພໍ່​ຂອງທ່ານ​ຊັ້ນບໍ? ຄົງ​ບໍ່​ເປັນ​ດັ່ງນັ້ນ​ດອກ ເພິ່ນ​ສົ່ງ​ພວກ​ເຫຼົ່ານີ້​ມາ​ສອດແນມ​ເບິ່ງ​ບ້ານ​ເມືອງ​ເພື່ອ​ເອົາ​ຊະນະ​ພວກເຮົາ.”

2 ຊາມູເອນ 10:3 Jak'a apnaqawi uñst'ayäwi

ປະຖົມມະການ 42:16

ໃຫ້​ສົ່ງ​ຜູ້ໜຶ່ງ​ໃນ​ພວກເຈົ້າ​ໄປ​ເອົາ​ລາວ​ມາ. ພວກ​ທີ່​ເຫຼືອ​ຢູ່​ນັ້ນ​ຈະ​ຕ້ອງ​ຖືກ​ກັກຂັງ​ໄວ້​ທີ່​ນີ້ ຈົນກວ່າ​ສິ່ງ​ທີ່​ພວກເຈົ້າ​ໄດ້​ເວົ້າ​ມາ​ນັ້ນ ຈະ​ພິສູດ​ໃຫ້​ເຫັນ​ວ່າ​ເປັນ​ຄວາມຈິງ. ຖ້າບໍ່​ດັ່ງນັ້ນ ຕາບໃດ​ທີ່​ກະສັດ​ຍັງ​ມີ​ຊີວິດ​ຢູ່ ຕາບນັ້ນ​ພວກເຈົ້າ​ກໍ​ຍັງ​ເປັນ​ນັກສືບ​ຢູ່.”

ປະຖົມມະການ 42:9

ເພິ່ນ​ລະນຶກເຖິງ​ຄວາມຝັນ​ທີ່​ເພິ່ນ​ໄດ້​ມີ​ກ່ຽວກັບ​ພວກເຂົາ ແລະ​ເວົ້າ​ວ່າ, “ພວກເຈົ້າ​ເປັນ​ນັກສືບ ພວກເຈົ້າ​ມາ​ສືບ​ເບິ່ງ​ຈຸດອ່ອນ​ໃນ​ປະເທດ​ຂອງເຮົາ.”

2 ຊາມູເອນ 3:25

ທ່ານ​ເອງ​ຄົງ​ຮູ້​ດີ​ວ່າ​ອັບເນ​ລູກຊາຍ​ຂອງ​ເນຣະ​ມາ​ນີ້​ເພື່ອ​ລໍ້ລວງ​ທ່ານ ແລະ​ເພື່ອ​ສືບ​ເອົາ​ເລື່ອງ​ຕ່າງໆ​ທີ່​ທ່ານ​ເຮັດ ຕະຫລອດ​ທັງ​ທຸກ​ບ່ອນ​ທີ່​ທ່ານ​ໄປ.”

1 ຂ່າວຄາວ 19:3

ພວກ​ຜູ້ນຳ​ຊາວ​ອຳໂມນ​ຈຶ່ງ​ໄປ​ບອກ​ກະສັດ​ວ່າ, “ທ່ານ​ຄິດ​ວ່າ​ກະສັດ​ດາວິດ​ສົ່ງ​ຄະນະທູດ ມາ​ສະແດງ​ການ​ໄວ້​ອາໄລ​ນຳ​ທ່ານ​ໃນ​ເວລາ​ນີ້ ເພື່ອ​ເປັນ​ການ​ໃຫ້ກຽດ​ພໍ່​ຂອງທ່ານ​ບໍ? ແນ່ນອນ​ບໍ່ແມ່ນ​ດອກ ເພິ່ນ​ສົ່ງ​ພວກເຂົາ​ມາ​ທີ່​ນີ້​ເພື່ອ​ສອດແນມ​ເບິ່ງ​ເມືອງ​ຂອງ​ພວກເຮົາ ເພື່ອ​ວ່າ​ເພິ່ນ​ຈະ​ສາມາດ​ຮົບ​ຊະນະ​ພວກເຮົາ​ໄດ້.”

1 ໂກຣິນໂທ 13:5

ບໍ່​ເຮັດ​ການ​ອັນ​ບໍ່​ສຸພາບ ບໍ່​ຄິດເຫັນ​ປະໂຫຍດ​ສ່ວນຕົວ​ແຕ່​ຝ່າຍ​ດຽວ ບໍ່ມີ​ໃຈ​ຮ້າຍ​ງ່າຍ ບໍ່​ມັກ​ຈົດຈຳ​ຄວາມຜິດ

1 ໂກຣິນໂທ 13:7

ຄວາມຮັກ​ສູ້ທົນ​ທຸກສິ່ງ ເຊື່ອ​ທຸກສິ່ງ ໄວ້ວາງໃຈ​ໃນ​ທຸກສິ່ງ ແລະ​ພຽນທົນ​ເອົາ​ທຸກສິ່ງ.