2 ຊາມູເອນ 1:23 - ພຣະຄຳພີສັກສິ

²³ ໂຊນ​ກັບ​ໂຢນາທານ​ໜ້າ​ຮັກແພງ​ອີຫລີ ມີ​ຊີວິດ​ຢູ່​ນຳກັນ ແລະ​ຕາຍໄປ​ນຳກັນ​ດ້ວຍ; ທັງສອງ​ວ່ອງໄວ​ແທ້ໆ​ດັ່ງ​ນົກ​ອີນຊີ ແຂງແຮງ​ກວ່າ​ໂຕສິງ​ທັງຝູງ​ພຸ້ນ.

2 ຊາມູເອນ 1:23 Jak'a apnaqawi uñst'ayäwi

2 ຊາມູເອນ 1:24

ຍິງສາວ​ອິດສະຣາເອນ​ເອີຍ ພວກເຈົ້າ ຈົ່ງ​ໄວ້ທຸກ​ໃຫ້​ກະສັດ​ໂຊນ​ເດີ ເພາະ​ເພິ່ນ​ໃຫ້​ພວກເຈົ້າ​ທັງຫລາຍ ໄດ້​ນຸ່ງ​ເສື້ອລ່າມ​ຍາວ​ສີແດງເຂັ້ມ ທັງ​ໃຫ້​ປະດັບ​ດ້ວຍ​ເພັດພອຍ​ນາໆ​ຊະນິດ ພ້ອມ​ທັງ​ຄຳ​ຕິດ​ຕົວ​ຂອງ​ພວກເຈົ້າ​ອີກ​ດ້ວຍ.

2 ຊາມູເອນ 2:18

ລູກຊາຍ​ສາມ​ຄົນ​ຂອງ​ນາງ​ເຊຣູອີຢາ: ໂຢອາບ, ອາບີໄຊ ແລະ​ອາສາເຮນ​ກໍ​ຢູ່​ໃນ​ທີ່ນັ້ນ​ດ້ວຍ. ສ່ວນ​ອາສາເຮນ​ຜູ້​ແລ່ນ​ໄວ​ເໝືອນ​ຟານ​ປ່າ​ນັ້ນ

2 ຊາມູເອນ 23:20

ເບນາອີຢາ ລູກຊາຍ​ຂອງ​ເຢໂຮຍອາດາ​ຊາວ​ກັບເຊເອນ ເປັນ​ທະຫານ​ທີ່​ມີ​ຊື່ສຽງ​ອີກ​ຄົນ​ໜຶ່ງ; ລາວ​ໄດ້​ສ້າງ​ວິລະກຳ​ໄວ້​ຫລາຍ​ຢ່າງ ຄື​ໄດ້​ຂ້າ​ທະຫານ​ໂມອາບ​ຜູ້​ສຳຄັນ​ສອງ​ຄົນ. ມີ​ຄັ້ງ​ໜຶ່ງ ໃນ​ມື້​ຫິມະ​ຕົກ ລາວ​ໄດ້​ລົງ​ໄປ​ໃນ​ຫລຸມ​ແລະ​ໄດ້​ຂ້າ​ສິງ​ໂຕໜຶ່ງ.

1 ຂ່າວຄາວ 12:8

ຄົນ​ເຫຼົ່ານີ້​ແມ່ນ​ທະຫານ ທີ່​ມີ​ຊື່ສຽງ​ແລະ​ຊຳນິ​ຊຳນານ​ໃນ​ການ​ຮົບ​ຈາກ​ເຜົ່າກາດ ທີ່​ໄດ້​ເຂົ້າ​ຮ່ວມ​ກັບ​ທະຫານ​ຂອງ​ດາວິດ ເມື່ອ​ເພິ່ນ​ຢູ່​ໃນ​ປ້ອມ​ທີ່​ຖິ່ນ​ແຫ້ງແລ້ງ​ກັນດານ. ພວກເຂົາ​ເກັ່ງກ້າ​ແລະ​ຊ່ຽວຊານ​ໃນ​ການ​ໃຊ້​ໂລ້​ແລະ​ຫອກ ເບິ່ງ​ໂຫດຮ້າຍ​ເໝືອນ​ສິງ ແລະ​ວ່ອງໄວ​ເໝືອນ​ກວາງ​ທີ່​ເທິງ​ພູເຂົາ.

ພຣະທຳ​ໂຢບ 9:26

ຊີວິດ​ຂ້ອຍ​ຜ່ານ​ໄປ​ໄວ ດັ່ງ​ຖືກ​ລົມ​ພັດ​ເຮືອໃບ ໄວກວ່າ​ນົກອິນຊີ​ເຈີດ​ລົງ​ຂຸບ​ກິນ​ກະຕ່າຍ.

ສຸພາສິດ 30:30

ສິງ ເປັນ​ສັດ​ທີ່​ແຂງແຮງ​ກວ່າໝູ່ ແລະ​ບໍ່​ຢ້ານ​ຫຍັງ​ເລີຍ,

ຍອດເພງ 5:16

ປາກ​ລາວ​ຫວານຊື່ນ ເປັນ​ໜ້າ​ຈູບ​ອີ່ຫລີ ທຸກສິ່ງ​ໃນ​ຕົວ​ລາວ ເຮັດ​ໃຫ້​ຂ້ອຍ​ໄຝ່ຝັນ​ຫາ​ເລື້ອຍ. ຄົນຮັກ​ຂອງຂ້ອຍ ກໍ​ເປັນ​ດັ່ງນີ້ແຫລະ ເປັນ​ທັງ​ເພື່ອນແທ້ ແລະ​ທີ່ຮັກ​ຂອງຂ້ອຍ​ຄືກັນ.

ເຢເຣມີຢາ 4:13

ຈົ່ງ​ເບິ່ງ​ພຸ້ນ​ດຸ ສັດຕູ​ກຳລັງ​ມາ​ດັ່ງ​ກ້ອນເມກ. ລົດຮົບ​ຂອງ​ພວກເຂົາ​ແລ່ນ​ມາ​ດັ່ງ​ລົມ​ບ້າໝູ ແລະ​ມ້າ​ຂອງ​ພວກເຂົາ​ກໍ​ແລ່ນ​ໄວ​ດັ່ງ​ນົກອິນຊີ. ພວກເຮົາ​ໄດ້​ເສຍໄຊ ຄາວ​ເຄາະກຳ​ມາເຖິງ​ສາ​ແລ້ວ.

ເພງ^ຄໍ່າຄວນ 4:19

ພວກເຂົາ​ໄດ້​ໄລ່​ຕິດຕາມ​ພວກເຮົາ​ວ່ອງໄວ​ດັ່ງ​ນົກອິນຊີ​ໃນ​ທ້ອງຟ້າ, ພວກມັນ​ບິນ​ລົງ​ມາ​ສະກົດຮອຍ​ຕາມ​ພວກເຮົາ​ຢູ່. ພວກມັນ​ໄລ່​ຕິດ​ຕາມ​ເທິງ​ພູ​ທັງຫຼາຍ​ເພື່ອ​ຄອຍ​ຈັບ​ເອົາ​ພວກເຮົາ ຢ່າງ​ບໍ່​ຮູ້ຕົວ​ໃນ​ຖິ່ນ​ແຫ້ງແລ້ງ​ກັນດານ​ນັ້ນ.

ພຣະບັນຍັດສອງ 28:49

ພຣະເຈົ້າຢາເວ​ຈະ​ນຳ​ຊົນຊາດ​ທີ່​ຢູ່​ສຸດປາຍ​ແຜ່ນດິນ​ໂລກ ຊຶ່ງ​ພວກເຈົ້າ​ບໍ່​ຮູ້ຈັກ​ພາສາ ມາ​ຕໍ່ສູ້​ພວກເຈົ້າ. ພວກເຂົາ​ຈະ​ບຸກ​ຖະຫຼົ່ມ​ໂຈມຕີ​ພວກເຈົ້າ ເໝືອນ​ດັ່ງ​ນົກອິນຊີ​ບິນ​ລົງ​ຈັບ​ເຫຍື່ອ.

ພວກ^ຜູ້ປົກຄອງ 14:18

ດັ່ງນັ້ນ ໃນ​ວັນ​ທີ​ເຈັດ​ກ່ອນ​ແຊມຊັນ​ເຂົ້າ​ໄປ​ຫ້ອງ​ນອນ ພວກ​ຜູ້ຊາຍ​ໃນ​ເມືອງ​ຈຶ່ງ​ເວົ້າ​ຕໍ່​ລາວ​ວ່າ, “ບໍ່ມີ​ສິ່ງໃດ​ທີ່​ຫວານ​ກວ່າ​ນໍ້າເຜິ້ງ ແລະ​ບໍ່ມີ​ສິ່ງໃດ​ທີ່​ແຮງກວ່າ​ໂຕສິງ.” ແຕ່​ແຊມຊັນ​ຕອບຄືນ​ວ່າ, “ຖ້າ​ພວກເຈົ້າ​ບໍ່​ເອົາ​ງົວແມ່​ຂອງ​ຂ້ອຍ​ໄປ​ໄຖ​ນາ ຄົນ​ໜ້າ​ຄື​ພວກເຈົ້າ​ນັ້ນ​ຫວາ ຈະ​ຮູ້​ຄຳຕອບ.”

1 ຊາມູເອນ 18:1

ເມື່ອ​ກະສັດ​ໂຊນ​ແລະ​ດາວິດ​ໄດ້​ສົນທະນາກັນ​ຈົບ​ລົງ​ແລ້ວ ໂຢນາທານ​ລູກຊາຍ​ຂອງ​ໂຊນ​ກໍ​ເກີດ​ນິຍົມ​ຊົມຊອບ​ໃນ​ຕົວ​ຂອງ​ດາວິດ ແລະ​ຮັກ​ລາວ​ຫລາຍ​ເທົ່າ​ກັບ​ຮັກ​ຕົນເອງ.

1 ຊາມູເອນ 20:2

ໂຢນາທານ​ຕອບ​ວ່າ, “ເຈົ້າ​ຈະ​ບໍ່​ຕາຍ​ດອກ ພໍ່​ຂອງຂ້ອຍ​ໄດ້​ບອກ​ໃຫ້​ຂ້ອຍ​ຮູ້​ທຸກສິ່ງ​ທີ່​ເພິ່ນ​ຈະ​ເຮັດ ບໍ່​ວ່າ​ຈະ​ເປັນ​ສິ່ງ​ສຳຄັນ​ຫລື​ບໍ່​ກໍຕາມ ເປັນຫຍັງ​ເພິ່ນ​ຈຶ່ງ​ຈະ​ປິດບັງ​ເລື່ອງ​ນີ້​ຕໍ່​ຂ້ອຍ ຄົງ​ບໍ່​ເປັນ​ຢ່າງນັ້ນ​ດອກ.”