2 ໂກຣິນໂທ 3:12 - ພຣະຄຳພີສັກສິ

¹² ເຫດສະນັ້ນ ໃນ​ເມື່ອ​ພວກເຮົາ​ມີ​ຄວາມຫວັງ​ຢ່າງ​ນີ້ ພວກເຮົາ​ກໍ​ມີ​ໃຈ​ກ້າ​ຫລາຍ​ຂຶ້ນ.

ພຣະຄຳພີລາວສະບັບສະໄໝໃໝ່

¹² ເຫດສະນັ້ນ ເພາະ​ພວກເຮົາ​ມີ​ຄວາມຫວັງ​ຢ່າງນີ້, ພວກເຮົາ​ຈຶ່ງ​ມີ​ໃຈກ້າ​ຫລາຍ.

2 ໂກຣິນໂທ 3:12 Jak'a apnaqawi uñst'ayäwi

ໂຢຮັນ 10:24

ປະຊາຊົນ​ໄດ້​ມາ​ອ້ອມ​ພຣະອົງ​ແລ້ວ​ຖາມ​ວ່າ, “ຈະ​ໃຫ້​ພວກເຮົາ​ສົງໄສ​ໄປ​ດົນ​ປານໃດ? ຈົ່ງ​ບອກ​ພວກເຮົາ​ໃຫ້​ຮູ້​ຄັກ​ສາ​ວ່າ ທ່ານ​ເປັນ​ພຣະຄຣິດ​ບໍ?”

ໂຢຮັນ 16:25

“ເຮົາ​ໄດ້​ກ່າວ​ສິ່ງ​ເຫຼົ່ານີ້​ແກ່​ພວກເຈົ້າ​ເປັນ​ຄຳອຸປະມາ, ແຕ່​ເວລາ​ໜຶ່ງ​ຈະ​ມາ​ເຖິງ ເຮົາ​ຈະ​ບໍ່​ໃຊ້​ຄຳອຸປະມາ​ກ່າວ​ແກ່​ພວກເຈົ້າ ແຕ່​ຈະ​ກ່າວ​ແກ່​ພວກເຈົ້າ​ຢ່າງ​ຈະແຈ້ງ​ເຖິງ​ເລື່ອງ​ພຣະບິດາເຈົ້າ.

ໂຢຮັນ 16:29

ແລ້ວ​ພວກ​ສາວົກ​ຂອງ​ພຣະອົງ​ເວົ້າ​ວ່າ, “ບັດນີ້​ພຣະອົງ​ກ່າວ​ຢ່າງ​ຈະແຈ້ງ ໂດຍ​ບໍ່​ໃຊ້​ຄຳອຸປະມາ.

ກິດຈະການ 14:3

ດັ່ງນັ້ນ ທ່ານ​ທັງສອງ​ຈຶ່ງ​ໄດ້​ອາໄສ​ຢູ່​ທີ່​ເມືອງ​ອີໂກນີອົມ​ນີ້​ດົນນານ​ສົມຄວນ, ມີ​ໃຈ​ກ້າ​ກ່າວ​ດ້ວຍ​ຄວາມ​ໄວ້ວາງໃຈ​ໃນ​ອົງພຣະ​ຜູ້​ເປັນເຈົ້າ ຜູ້​ໄດ້​ເປັນ​ພະຍານ​ເຖິງ​ເລື່ອງ​ພຣະຄຸນ​ຂອງ​ພຣະອົງ ໂດຍ​ໃຫ້​ທ່ານ​ທັງສອງ​ມີ​ຣິດອຳນາດ​ເຮັດ​ໝາຍສຳຄັນ ແລະ​ການ​ອັດສະຈັນ​ຫລາຍ​ຢ່າງ.

ກິດຈະການ 4:13

ບັນດາ​ສະມາຊິກ​ຂອງ​ສະພາ​ສູງສຸດ​ຕ່າງ​ກໍ​ງຶດ​ປະຫລາດ​ໃຈ ເມື່ອ​ເຫັນ​ເປໂຕ​ກັບ​ໂຢຮັນ​ມີ​ຄວາມ​ກ້າຫານ​ເຊັ່ນນີ້ ແລະ​ຮູ້​ວ່າ​ທ່ານ​ທັງສອງ​ເປັນ​ຄົນ​ສາມັນ​ທຳມະດາ ແລະ​ຂາດ​ການ​ສຶກສາ ພວກເຂົາ​ຮູ້​ວ່າ​ທ່ານ​ທັງສອງ​ເຄີຍ​ເປັນ​ຜູ້​ໃກ້ຊິດ​ກັບ​ພຣະເຢຊູເຈົ້າ.

ກິດຈະການ 9:27

ຕໍ່ມາ ບາຣະນາບາ​ກໍ​ຊ່ວຍ​ໂຊໂລ​ໃຫ້​ໄດ້​ເຂົ້າ​ຮ່ວມ​ນຳ​ພວກ​ອັກຄະສາວົກ ເພິ່ນ​ໄດ້​ອະທິບາຍ​ສູ່​ພວກ​ອັກຄະສາວົກ​ຟັງ​ວ່າ ໂຊໂລ​ໄດ້​ເຫັນ​ອົງພຣະ​ຜູ້​ເປັນເຈົ້າ ໃນ​ກາງ​ທາງ​ຢ່າງ​ໃດ ແລະ​ພຣະອົງ​ໄດ້​ກ່າວ​ແກ່​ໂຊໂລ​ຢ່າງ​ໃດ ໂຊໂລ​ໄດ້​ເທດສະໜາ​ປະກາດ​ອອກ​ພຣະນາມ​ພຣະເຢຊູເຈົ້າ ດ້ວຍ​ໃຈ​ກ້າຫານ​ຢູ່​ໃນ​ເມືອງ​ດາມັສກັດ​ຢ່າງ​ໃດ​ດ້ວຍ.

ກິດຈະການ 9:29

ແລະ​ທ່ານ​ຍັງ​ໄດ້​ສົນທະນາ​ໂຕ້​ຕອບ​ກັບ​ຊາວ​ຢິວ ທີ່​ປາກ​ພາສາ​ກຣີກ ແຕ່​ຄົນ​ເຫຼົ່ານີ້​ພະຍາຍາມ​ຈະ​ຂ້າ​ເພິ່ນ.

1 ໂກຣິນໂທ 14:19

ແຕ່​ໃນ​ການ​ນະມັດສະການ​ທີ່​ຄຣິສຕະຈັກ​ແລ້ວ ເຮົາ​ພໍໃຈ​ທີ່​ຈະ​ເວົ້າ​ຫ້າ​ຄຳ ຊຶ່ງ​ຄົນ​ເຂົ້າໃຈ​ໄດ້ ເພື່ອ​ເປັນ​ຄະຕິ​ສັ່ງສອນ​ຄົນອື່ນ ຫລາຍກວ່າ​ເວົ້າ​ໝື່ນ​ຄຳ​ທີ່​ເປັນ​ພາສາ​ແປກໆ.

2 ໂກຣິນໂທ 10:1

ເຮົາ​ຄື​ໂປໂລ ຂໍ​ອ້ອນວອນ​ເຈົ້າ​ທັງຫລາຍ​ເປັນ​ສ່ວນຕົວ ໂດຍ​ເຫັນແກ່​ຄວາມ​ອ່ອນ​ສຸພາບ ແລະ​ໃຈ​ກະລຸນາ​ຂອງ​ພຣະຄຣິດ ເຮົາ​ຜູ້​ທີ່​ພວກເຈົ້າ​ເວົ້າ​ວ່າ ເປັນ​ຄົນ​ສຸພາບ​ຖ່ອມຕົວ​ເມື່ອ​ຢູ່​ຕໍ່ໜ້າ, ແຕ່​ເມື່ອ​ຢູ່​ໄກ​ກໍ​ເປັນ​ຄົນ​ໃຈ​ກ້າ,

2 ໂກຣິນໂທ 3:11

ດ້ວຍວ່າ, ຖ້າ​ສິ່ງ​ທີ່​ຈາງຫາຍ​ໄປ ຍັງ​ມີ​ສະຫງ່າຣາສີ​ເຖິງ​ພຽງ​ນັ້ນ ສິ່ງ​ທີ່​ເປັນ​ຢູ່​ຕະຫລອດໄປ ກໍ​ຍິ່ງ​ມີ​ສະຫງ່າຣາສີ​ລື່ນ​ກວ່າ​ນັ້ນ​ອີກ​ຈັກ​ເທົ່າ​ໃດ​ໜໍ.

2 ໂກຣິນໂທ 4:13

ແຕ່​ເຮົາ​ມີ​ວິນຍານ​ແຫ່ງ​ຄວາມເຊື່ອ​ຢ່າງ​ດຽວກັນ​ກັບ​ຂໍ້​ພຣະຄຳພີ​ທີ່​ຂຽນ​ໄວ້​ແລ້ວ​ວ່າ, “ຂ້າພະເຈົ້າ​ໄດ້​ເຊື່ອ ເພາະ​ສະນັ້ນ ຂ້າພະເຈົ້າ​ຈຶ່ງ​ໄດ້​ກ່າວ​ໄວ້.” ພວກເຮົາ​ກໍ​ເຊື່ອ​ເໝືອນກັນ ເພາະ​ສະນັ້ນ​ພວກເຮົາ​ຈຶ່ງ​ກ່າວ​ໄວ້.

2 ໂກຣິນໂທ 7:4

ເຮົາ​ມີ​ຄວາມ​ໄວ້​ໃຈ ແລະ​ພາກ​ພູມ​ໃຈ​ໃນ​ພວກເຈົ້າ​ຢ່າງ​ຫລວງຫລາຍ ເຮົາ​ໄດ້​ຮັບ​ຄວາມ​ຊູໃຈ​ຢ່າງ​ບໍລິບູນ ແລະ​ໃນ​ຄວາມ​ທຸກ​ລຳບາກ​ຂອງເຮົາ​ທຸກຢ່າງ ເຮົາ​ກໍ​ຍັງ​ມີ​ຄວາມ​ຊົມຊື່ນ​ຍິນດີ​ຢ່າງ​ລົ້ນ​ເຫຼືອ.

ຟີລິບປອຍ 1:14

ຍ້ອນ​ການ​ຖືກ​ຄຸກ​ຂອງເຮົາ ພີ່ນ້ອງ​ຫລາຍ​ຄົນ​ຈຶ່ງ​ມີ​ຄວາມ​ໝັ້ນໃຈ​ຍິ່ງ​ຂຶ້ນ ໃນ​ອົງພຣະ​ຜູ້​ເປັນເຈົ້າ ເພື່ອ​ໃຫ້​ພວກເຂົາ​ມີ​ໃຈ​ກ້າຫານ​ກ່າວ​ພຣະທຳ​ຂອງ​ພຣະເຈົ້າ​ຢ່າງ​ບໍ່​ຢ້ານກົວ.

ຟີລິບປອຍ 1:20

ເພາະ​ເປັນ​ຄວາມ​ມຸ້ງມາດ​ປາຖະໜາ ແລະ​ຄວາມຫວັງ​ຂອງເຮົາ​ວ່າ ເຮົາ​ຈະ​ບໍ່ມີ​ຄວາມ​ລະອາຍ​ໃນ​ສິ່ງໃດ​ເລີຍ, ແຕ່​ເມື່ອ​ກ່ອນ​ທຸກ​ເທື່ອ​ມີ​ໃຈ​ກ້າ​ສະເໝີ​ສັນໃດ ບັດນີ້ ກໍ​ຂໍ​ໃຫ້​ເປັນ​ຢ່າງ​ດຽວກັນ​ສັນນັ້ນ ພຣະຄຣິດ​ຈະ​ຊົງ​ຮັບ​ພຣະ​ກຽດຕິຍົດ​ໃນ​ຮ່າງກາຍ​ຂອງເຮົາ​ສະເໝີ ເຖິງ​ແມ່ນ​ເຮົາ​ຈະ​ມີ​ຊີວິດ​ຢູ່ ຫລື​ຕາຍ​ກໍຕາມ.

ໂກໂລຊາຍ 4:4

ເພື່ອ​ເຮົາ​ຈະ​ໄດ້​ກ່າວ​ຂໍ້​ເລິກລັບ​ນັ້ນ​ໃຫ້​ຈະແຈ້ງ ຕາມ​ທີ່​ເຮົາ​ຄວນ​ຈະ​ກ່າວ.

1 ເທສະໂລນິກ 2:2

ພວກເຈົ້າ​ກໍ​ຮູ້​ແລ້ວ​ວ່າ ພວກເຮົາ​ໄດ້​ຮັບ​ການ​ຂົ່ມເຫັງ ແລະ​ການ​ປະຈານ​ຢ່າງ​ໃດ ໃນ​ເມືອງ​ຟີລິບປອຍ ກ່ອນ​ທີ່​ພວກເຮົາ​ມາ​ຫາ​ພວກເຈົ້າ​ໃນ​ເມືອງ​ເທສະໂລນິກ ເຖິງ​ແມ່ນ​ວ່າ​ມີ​ການ​ຕໍ່ຕ້ານ​ຢ່າງ​ຫລວງຫລາຍ​ຢູ່​ໃນ​ທີ່ນັ້ນ​ກໍຕາມ ພຣະເຈົ້າ​ຂອງ​ພວກເຮົາ​ກໍໄດ້​ປະທານ​ໃຈ​ກ້າຫານ​ແກ່​ພວກເຮົາ ເພື່ອ​ປະກາດ​ຂ່າວປະເສີດ​ທີ່​ມາ​ຈາກ​ພຣະອົງ​ແກ່​ພວກເຈົ້າ.

1 ຕີໂມທຽວ 3:13

ຜູ້ດູແລ​ຮັບໃຊ້​ທີ່​ປະຕິບັດ​ໜ້າທີ່​ໄດ້​ດີ​ນັ້ນ ກໍໄດ້​ຮັບ​ກຽດ​ສູງ ແລະ​ມີ​ໃຈ​ກ້າ​ສາມາດ​ກ່າວ​ຢ່າງ​ໝັ້ນໃຈ ເຖິງ​ຄວາມເຊື່ອ​ຂອງ​ພວກ​ຕົນ​ໃນ​ພຣະຄຣິດເຈົ້າ​ເຢຊູ.

ຟີເລໂມນ 1:8

ເພາະ​ເຫດ​ທີ່​ເປັນ​ພີ່ນ້ອງ​ກັນ​ໃນ​ພຣະຄຣິດ ເຮົາ​ຈຶ່ງ​ມີ​ໃຈ​ກ້າ​ພໍ​ທີ່​ຈະ​ສັ່ງ​ເຈົ້າ​ໃຫ້​ເຮັດ​ໃນ​ສິ່ງ​ທີ່​ສົມຄວນ​ເຮັດ.