2 ໂກຣິນໂທ 3:1 - ພຣະຄຳພີສັກສິ

¹ ພວກເຮົາ​ກຳລັງ​ຍ້ອງຍໍ​ພວກເຮົາ​ເອງ​ອີກ​ບໍ? ຫລື​ວ່າ​ພວກເຮົາ​ຕ້ອງການ​ໜັງສື​ແນະນຳ​ຕົວ​ມາ​ໃຫ້​ພວກເຈົ້າ​ເໝືອນ​ຢ່າງ​ບາງຄົນ​ບໍ? ຫລື​ເຮົາ​ຕ້ອງການ​ໜັງສື​ແນະນຳ​ຕົວ​ຈາກ​ພວກເຈົ້າ​ບໍ?

ພຣະຄຳພີລາວສະບັບສະໄໝໃໝ່

¹ ພວກເຮົາ​ກຳລັງ​ຈະ​ຍົກຍ້ອງ​ຕົນເອງ​ອີກ​ບໍ? ຫລື ໃຫ້​ພວກເຮົາ​ເຮັດ​ຈົດໝາຍ​ແນະນຳ​ຕົວ​ມາ​ໃຫ້​ພວກເຈົ້າ​ເໝືອນ​ດັ່ງ​ບາງຄົນ​ບໍ, ຫລື ເຮົາ​ຕ້ອງການ​ຈົດໝາຍ​ແນະນຳ​ຕົວ​ຈາກ​ພວກເຈົ້າ​ບໍ?

2 ໂກຣິນໂທ 3:1 Jak'a apnaqawi uñst'ayäwi

ກິດຈະການ 18:27

ເມື່ອ​ອາໂປໂລ​ຕັດສິນໃຈ​ຈະ​ຂ້າມ​ໄປ​ແຂວງ​ອະຂາຢາ ພວກ​ພີ່ນ້ອງ​ໄດ້​ໜູນໃຈ​ລາວ ແລະ​ໄດ້​ຂຽນ​ຈົດໝາຍ​ຝາກ​ໄປ​ເຖິງ​ພີ່ນ້ອງ​ທີ່​ເຊື່ອ​ໃນ​ແຂວງ​ອະຂາຢາ​ໃຫ້​ຕ້ອນຮັບ​ລາວ​ໄວ້ ເມື່ອ​ລາວ​ເດີນທາງ​ມາ​ຮອດ ລາວ​ກໍ​ຊ່ວຍເຫລືອ​ຄົນ​ທີ່​ໄດ້​ເຊື່ອ ຍ້ອນ​ພຣະຄຸນ​ຂອງ​ພຣະເຈົ້າ​ຢ່າງ​ຫລວງຫລາຍ.

ໂຣມ 16:1

ເຮົາ​ຂໍ​ຝາກ​ນ້ອງສາວ​ຂອງເຮົາ ຄື​ນາງ​ຟອຍເບ​ໄວ້​ກັບ​ພວກເຈົ້າ ນາງ​ເປັນ​ຜູ້​ບົວລະບັດ​ຮັບໃຊ້​ໃນ​ຄຣິສຕະຈັກ​ທີ່​ເມືອງ​ເກັນເຂໄອ.

1 ໂກຣິນໂທ 10:33

ເໝືອນ​ດັ່ງ​ເຮົາ​ເອງ​ເຄີຍ​ເຮັດ​ທຸກຢ່າງ ໃຫ້​ເປັນ​ທີ່​ພໍໃຈ​ຄົນ​ທັງປວງ ໂດຍ​ບໍ່​ເຫັນແກ່​ປະໂຫຍດ​ສ່ວນຕົວ ແຕ່​ເຫັນແກ່​ປະໂຫຍດ​ຂອງ​ຄົນ​ທັງຫລາຍ ເພື່ອ​ພວກເຂົາ​ຈະ​ໄດ້​ພົ້ນ.

1 ໂກຣິນໂທ 16:3

ເມື່ອ​ເຮົາ​ມາ​ເຖິງ ເຮົາ​ຈະ​ມອບ​ຈົດໝາຍ​ແນະນຳ​ຕົວ​ໃຫ້​ແກ່​ບັນດາ​ຜູ້​ທີ່​ພວກເຈົ້າ​ເຫັນຊອບ ແລະ​ໃຊ້​ພວກເຂົາ​ນຳ​ຊັບ​ຊຶ່ງ​ພີ່ນ້ອງ​ຖວາຍ​ນັ້ນ ໄປ​ທີ່​ນະຄອນ​ເຢຣູຊາເລັມ.

1 ໂກຣິນໂທ 3:10

ໂດຍ​ພຣະຄຸນ​ທີ່​ພຣະເຈົ້າ​ໄດ້​ຊົງ​ໂຜດ​ປະທານ​ໃຫ້​ແກ່​ເຮົາ​ນັ້ນ, ເຮົາ​ໄດ້​ວາງ​ຮາກ​ລົງ​ເໝືອນ​ນາຍຊ່າງ​ຜູ້​ຊຳນານ ແລະ​ຄົນອື່ນ​ກໍ​ມາ​ກໍ່​ຂຶ້ນ​ເທິງ​ຮາກຖານ​ນັ້ນ, ແຕ່​ທຸກຄົນ ຈົ່ງ​ລະວັງ​ໃຫ້​ດີ​ວ່າ​ຈະ​ກໍ່​ຂຶ້ນ​ຢ່າງ​ໃດ.

1 ໂກຣິນໂທ 4:15

ເຖິງ​ແມ່ນ​ວ່າ ຊີວິດ​ໃນ​ພຣະຄຣິດ ພວກເຈົ້າ​ມີ​ຜູ້​ຄວບຄຸມ​ດູແລ​ເປັນ​ສິບພັນ​ຄົນ​ກໍຕາມ, ແຕ່​ພວກເຈົ້າ​ກໍ​ມີ​ພໍ່​ຄົນ​ດຽວ​ເທົ່ານັ້ນ ເພາະ​ຊີວິດ​ໃນ​ພຣະເຢຊູ​ຄຣິດເຈົ້າ​ນັ້ນ, ເຮົາ​ໄດ້​ໃຫ້​ກຳເນີດ​ພວກເຈົ້າ​ໂດຍ​ຂ່າວປະເສີດ.

2 ໂກຣິນໂທ 10:12

ເພາະວ່າ ເຮົາ​ບໍ່​ກ້າ​ນັບ​ຕົວ​ເຮົາ​ເຂົ້າ ຫລື​ປຽບ​ໃສ່​ກັບ​ບາງຄົນ​ທີ່​ຖື​ຕົວ​ວ່າ ເປັນ​ຄົນ​ສຳຄັນ ພວກເຂົາ​ໂງ່​ສໍ່າ​ໃດ​ໜໍ ພວກເຂົາ​ວາງ​ຫລັກເກນ​ຂອງຕົນ​ຂຶ້ນ​ເພື່ອ​ວັດ​ແທກ​ຕົນເອງ ແລະ​ວັດແທກ​ຕົນເອງ​ຕາມ​ຫລັກເກນ​ທີ່​ພວກເຂົາ​ຕັ້ງ​ຂຶ້ນ​ນັ້ນ.

2 ໂກຣິນໂທ 10:18

ເພາະ​ຄົນ​ທີ່​ຍົກຍ້ອງ​ຕົນເອງ ບໍ່​ເປັນ​ທີ່​ນັບຖື​ແກ່​ຜູ້ໃດ, ແຕ່​ຄົນ​ທີ່​ໜ້າ​ນັບຖື​ນັ້ນ ຄື​ຜູ້​ທີ່​ອົງພຣະ​ຜູ້​ເປັນເຈົ້າ​ຊົງ​ຍົກຍ້ອງ.

2 ໂກຣິນໂທ 10:8

ດ້ວຍວ່າ, ເຮົາ​ບໍ່​ຮູ້​ສຶກ​ມີ​ຄວາມ​ອັບອາຍ​ໃດໆ ເຖິງ​ແມ່ນ​ວ່າ ເຮົາ​ໄດ້​ເວົ້າ​ອວດອ້າງ​ຫລາຍ​ໄປ​ແດ່​ແລ້ວ​ກໍຕາມ ເຖິງ​ສິດ​ອຳນາດ ຊຶ່ງ​ອົງພຣະ​ຜູ້​ເປັນເຈົ້າ​ໄດ້​ໂຜດ​ປະທານ​ໃຫ້​ແກ່​ພວກເຮົາ ຄື​ສິດ​ອຳນາດ​ເພື່ອ​ເສີມສ້າງ​ພວກເຈົ້າ​ຂຶ້ນ ແລະ​ບໍ່ແມ່ນ​ເພື່ອ​ທຳລາຍ​ພວກເຈົ້າ​ລົງ.

2 ໂກຣິນໂທ 12:11

ເຮົາ​ກາຍເປັນ​ຄົນ​ໂງ່​ແລ້ວ ເຈົ້າ​ທັງຫລາຍ​ໄດ້​ບັງຄັບ​ເຮົາ​ໃຫ້​ເປັນ​ເຊັ່ນນັ້ນ ເພາະວ່າ​ສົມຄວນ​ແລ້ວ​ທີ່​ພວກເຈົ້າ​ຈະ​ຍ້ອງຍໍ​ເຮົາ. ເຖິງ​ວ່າ​ເຮົາ​ບໍ່​ເປັນ​ຜູ້​ດີ​ວິເສດ​ກໍ​ຈິງ ເຮົາ​ກໍ​ບໍ່ໄດ້​ຕໍ່າຕ້ອຍ​ກວ່າ​ອັກຄະສາວົກ​ຊັ້ນ​ຜູ້ໃຫຍ່​ເຫຼົ່ານັ້ນ​ໃນ​ປະການ​ໜຶ່ງ​ປະການ​ໃດ.

2 ໂກຣິນໂທ 12:19

ເຈົ້າ​ທັງຫລາຍ​ຄົງ​ຄິດ​ຢູ່​ຕະຫລອດ​ມາ​ວ່າ, ເຮົາ​ກ່າວ​ແກ້​ຕົວ​ຕໍ່​ພວກເຈົ້າ ທີ່​ຈິງ​ເຮົາ​ກ່າວ​ໃນ​ພຣະຄຣິດ ເໝືອນ​ເຮົາ​ຢູ່​ຊ້ອງໜ້າ​ພຣະເຈົ້າ. ພີ່ນ້ອງ​ທີ່​ຮັກ​ຂອງເຮົາ​ເອີຍ, ສິ່ງສາລະພັດ​ທີ່​ເຮົາ​ໄດ້​ເຮັດ​ນັ້ນ ເຮົາ​ເຮັດ​ເພື່ອ​ໃຫ້​ເຈົ້າ​ທັງຫລາຍ​ຈະເລີນ​ຂຶ້ນ.

2 ໂກຣິນໂທ 2:17

ພວກເຮົາ​ບໍ່​ຄື​ຫລາຍ​ຄົນ ທີ່​ເຮັດ​ກັບ​ຖ້ອຍຄຳ​ຂອງ​ພຣະເຈົ້າ ເປັນ​ເໝືອນ​ສິນຄ້າ​ຊື້​ຂາຍ​ລາຄາ​ຖືກໆ ແຕ່​ເພາະ​ພຣະເຈົ້າ​ໄດ້​ໃຊ້​ພວກເຮົາ​ມາ ພວກເຮົາ​ຈຶ່ງ​ກ່າວ​ດ້ວຍ​ຄວາມ​ຈິງໃຈ​ຊ້ອງໜ້າ​ພຣະອົງ ເໝືອນ​ຢ່າງ​ຜູ້ຮັບໃຊ້​ຂອງ​ພຣະຄຣິດ.

2 ໂກຣິນໂທ 5:12

ທີ່​ເວົ້າ​ຢ່າງ​ນີ້ ບໍ່ແມ່ນ​ພວກເຮົາ​ຍ້ອງຍໍ​ຕົວ​ເຮົາ​ເອງ​ຕໍ່​ເຈົ້າ​ທັງຫລາຍ, ແຕ່​ເພື່ອ​ໃຫ້​ເຈົ້າ​ທັງຫລາຍ​ໄດ້​ມີ​ໂອກາດ​ສະແດງ​ຄວາມ​ອວດອ້າງ​ກ່ຽວກັບ​ພວກເຮົາ ເພື່ອ​ໃຫ້​ເຈົ້າ​ທັງຫລາຍ​ສາມາດ​ມີ​ຂໍ້​ໂຕ້ຕອບ​ແກ່​ຄົນ​ທັງຫລາຍ​ທີ່​ມັກ​ອວດ​ໃນ​ສິ່ງ​ພາຍ​ນອກ ບໍ່ແມ່ນ​ສິ່ງ​ທີ່​ຢູ່​ພາຍ​ໃນ​ຈິດໃຈ.