2 ໂກຣິນໂທ 13:1 - ພຣະຄຳພີສັກສິ

¹ ນີ້​ກໍ​ເປັນ​ເທື່ອ​ທີ​ສາມ ທີ່​ເຮົາ​ກຳລັງ​ຈະ​ມາ​ຫາ​ພວກເຈົ້າ ດັ່ງ​ທີ່​ມີ​ຄຳ​ຂຽນ​ໄວ້​ໃນ​ພຣະຄຳພີ​ວ່າ, “ຂໍ້​ກ່າວຫາ​ໃດໆ ຕ້ອງ​ມີ​ພະຍານ​ສອງ ຫລື​ສາມ​ປາກ​ຈຶ່ງ​ເປັນ​ທີ່​ເຊື່ອຖື​ໄດ້.”

ພຣະຄຳພີລາວສະບັບສະໄໝໃໝ່

¹ ນີ້​ຄົງ​ຈະ​ເປັນ​ເທື່ອ​ທີສາມ​ທີ່​ເຮົາ​ມາ​ຢ້ຽມຢາມ​ພວກເຈົ້າ. “ທຸກ​ຄະດີ​ຈະ​ຕ້ອງ​ມີ​ພະຍານ​ຢືນຢັນ​ສອງ ຫລື ສາມ​ປາກ”.

2 ໂກຣິນໂທ 13:1 Jak'a apnaqawi uñst'ayäwi

1 ກະສັດ 1:14

ແລະ​ນາທານ​ກໍ​ເວົ້າ​ຕື່ມ​ວ່າ, “ເວລາ​ຣາຊິນີ​ກຳລັງ​ເວົ້າ​ກັບ​ກະສັດ​ດາວິດ​ຢູ່​ນັ້ນ ຂ້ານ້ອຍ​ຈະ​ເຂົ້າ​ໄປ​ຢືນຢັນ​ຄຳ​ເວົ້າ​ຂອງ​ຣາຊິນີ.”

1 ກະສັດ 21:10

ເອົາ​ນັກເລງ​ສອງ​ຄົນ​ມາ​ຢືນ​ຢູ່​ຕໍ່ໜ້າ​ຟ້ອງ​ວ່າ ລາວ​ໄດ້​ປ້ອຍດ່າ​ພຣະເຈົ້າ​ແລະ​ກະສັດ. ແລ້ວ​ເອົາ​ລາວ​ອອກ​ໄປ​ນອກ​ເມືອງ ແລະ​ແກວ່ງ​ກ້ອນຫີນ​ໃສ່​ລາວ​ໃຫ້​ຕາຍ.”

1 ກະສັດ 21:13

ນັກເລງ​ສອງ​ຄົນ​ໄດ້​ມາ​ຟ້ອງ​ທ່າມກາງ​ປະຊາຊົນ​ວ່າ, “ນາໂບດ​ໄດ້​ປ້ອຍດ່າ​ພຣະເຈົ້າ​ແລະ​ກະສັດ.” ດັ່ງນັ້ນ ພວກເຂົາ​ຈຶ່ງ​ນຳ​ລາວ​ອອກ​ໄປ​ນອກເມືອງ ແລະ​ແກວ່ງ​ກ້ອນຫີນ​ໃສ່​ລາວ​ໃຫ້​ຕາຍ.

ຈົດບັນຊີ 35:30

ຜູ້ໃດ​ທີ່​ຖືກ​ກ່າວຫາ​ວ່າ​ເປັນ​ຜູ້​ຂ້າ​ຄົນ​ຈະ​ຖືກ​ລົງໂທດ​ເຖິງ​ຕາຍ​ໄດ້ ກໍ​ຕໍ່​ເມື່ອ​ມີ​ພະຍານ​ສອງ​ຄົນ ຫລື​ຫລາຍກວ່າ​ນັ້ນ; ພະຍານ​ຄົນ​ດຽວ​ບໍ່​ພຽງພໍ​ຈະ​ສະໜັບສະໜູນ​ຂໍ້​ກ່າວຫາ​ໄດ້.

ມັດທາຍ 18:16

ແຕ່​ຖ້າ​ລາວ​ບໍ່​ຟັງ​ເຈົ້າ ຈົ່ງ​ນຳ​ເອົາ​ຄົນ​ໜຶ່ງ ຫລື​ສອງ​ຄົນ​ໄປ​ກັບ​ເຈົ້າ ເພື່ອ​ໃຫ້​ເປັນ​ພະຍານ​ສອງ​ຫລື​ສາມ​ປາກ ເພື່ອ​ວ່າ​ທຸກໆ​ຖ້ອຍຄຳ​ນັ້ນ​ຈະ​ລວມ​ເປັນ​ຫຼັກຖານ.

2 ໂກຣິນໂທ 12:14

ນີ້​ແຫຼະ ເປັນ​ເທື່ອ​ທີ​ສາມ​ທີ່​ເຮົາ​ຕຽມພ້ອມ​ທີ່​ເຮົາ​ຈະ​ມາ​ຫາ​ເຈົ້າ​ທັງຫລາຍ ແລະ​ເຮົາ​ຈະ​ບໍ່​ເປັນ​ພາລະ​ອັນ​ໜັກ​ແກ່​ພວກເຈົ້າ ເພາະວ່າ​ເຮົາ​ບໍ່​ຕ້ອງການ​ສິ່ງໃດ​ຈາກ​ພວກເຈົ້າ, ແຕ່​ວ່າ​ຕ້ອງການ​ຕົວ​ພວກເຈົ້າ. ເຫດ​ວ່າ, ທີ່​ລູກ​ຈະ​ທ້ອນໂຮມ​ຊັບ​ໄວ້​ສຳລັບ​ພໍ່​ແມ່ ກໍ​ບໍ່​ສົມຄວນ, ແຕ່​ວ່າ​ແມ່ນ​ພໍ່​ແມ່​ເປັນ​ຜູ້​ທ້ອນໂຮມ​ຊັບ​ໄວ້​ສຳລັບ​ລູກ.

ພຣະບັນຍັດສອງ 17:6

ເຖິງ​ຢ່າງ​ໃດ​ກໍຕາມ ຜູ້​ທີ່​ຖືກ​ກ່າວຫາ​ຈະ​ໄດ້​ຮັບ​ໂທດ​ເຖິງ​ຕາຍ ກໍ​ຕໍ່​ເມື່ອ​ມີ​ພະຍານ​ສອງ​ຫລື​ສາມ​ຄົນ​ເປັນ​ຫຼັກຖານ. ຖ້າ​ມີ​ພະຍານ​ແຕ່​ຜູ້​ດຽວ​ເທົ່ານັ້ນ ຢ່າ​ໄດ້​ລົງໂທດ​ຄົນ​ນັ້ນ​ໃຫ້​ເຖິງ​ຕາຍ.

ພຣະບັນຍັດສອງ 19:15

“ພະຍານ​ປາກ​ດຽວ​ບໍ່​ພຽງພໍ​ຈະ​ຢືນຢັນ​ກ່າວໂທດ​ຜູ້​ເຮັດ​ຜິດ​ໄດ້; ຢ່າງໜ້ອຍ​ຕ້ອງ​ມີ​ພະຍານ​ສອງ​ຄົນ​ຂຶ້ນ​ໄປ ຈຶ່ງ​ຈະ​ພິສູດ​ໄດ້​ວ່າ​ຄົນ​ນັ້ນ​ໄດ້​ເຮັດ​ຜິດ.