1 ຕີໂມທຽວ 5:19 - ພຣະຄຳພີສັກສິ

¹⁹ ຢ່າ​ຮັບ​ຟັງ​ຄຳ​ກ່າວຫາ​ໃດໆ ໃສ່​ຜູ້ນຳ​ຄົນ​ໃດ​ຄົນ​ໜຶ່ງ ນອກຈາກ​ມີ​ພະຍານ​ສອງ​ຫລື​ສາມ​ປາກ.

ພຣະຄຳພີລາວສະບັບສະໄໝໃໝ່

¹⁹ ຢ່າ​ຮັບ​ເອົາ​ຄຳກ່າວຫາ​ໃສ່​ຜູ້ປົກຄອງ​ຄົນ​ໃດ​ເວັ້ນ​ແຕ່​ຈະ​ມີ​ພະຍານ​ສອງ ຫລື ສາມ​ຄົນ.

1 ຕີໂມທຽວ 5:19 Jak'a apnaqawi uñst'ayäwi

ມັດທາຍ 18:16

ແຕ່​ຖ້າ​ລາວ​ບໍ່​ຟັງ​ເຈົ້າ ຈົ່ງ​ນຳ​ເອົາ​ຄົນ​ໜຶ່ງ ຫລື​ສອງ​ຄົນ​ໄປ​ກັບ​ເຈົ້າ ເພື່ອ​ໃຫ້​ເປັນ​ພະຍານ​ສອງ​ຫລື​ສາມ​ປາກ ເພື່ອ​ວ່າ​ທຸກໆ​ຖ້ອຍຄຳ​ນັ້ນ​ຈະ​ລວມ​ເປັນ​ຫຼັກຖານ.

ໂຢຮັນ 18:29

ດັ່ງນັ້ນ ປີລາດ​ຈຶ່ງ​ອອກ​ໄປ​ຖາມ​ພວກເຂົາ​ວ່າ, “ພວກທ່ານ​ໄດ້​ຟ້ອງ​ຊາຍ​ຄົນ​ນີ້​ໃນ​ເລື່ອງ​ໃດ?”

ໂຢຮັນ 8:17

ໃນ​ກົດບັນຍັດ​ຂອງ​ພວກເຈົ້າ​ມີ​ຄຳ​ຂຽນ​ໄວ້​ວ່າ ເມື່ອ​ພະຍານ​ສອງ​ປາກ​ໃຫ້​ການ​ກົງກັນ ສິ່ງ​ທີ່​ເຂົາ​ເວົ້າ​ນັ້ນ​ກໍ​ເປັນ​ຄວາມຈິງ.

ກິດຈະການ 11:30

ພວກເພິ່ນ​ໄດ້​ເຮັດ​ດັ່ງນັ້ນ​ແລ້ວ, ຈຶ່ງ​ຝາກ​ໄປ​ນຳ​ບາຣະນາບາ ແລະ ໂຊໂລ ໄປ​ໃຫ້​ບັນດາ​ເຖົ້າແກ່​ໃນ​ຄຣິສຕະຈັກ.

ກິດຈະການ 25:16

ແຕ່​ຂ້ານ້ອຍ​ຕອບ​ພວກເພິ່ນ​ວ່າ, ຊາວ​ໂຣມ​ບໍ່ມີ​ທຳນຽມ​ທີ່​ຈະ​ມອບ​ຕົວ​ຈຳເລີຍ ກ່ອນ​ທີ່​ໂຈດ​ກັບ​ຈຳເລີຍ​ມາ​ຊ້ອງໜ້າ​ກັນ ເພື່ອ​ໃຫ້​ຈຳເລີຍ​ມີ​ໂອກາດ​ກ່າວ​ແກ້​ຄະດີ​ຕໍ່​ຂໍ້​ກ່າວຫາ.

2 ໂກຣິນໂທ 13:1

ນີ້​ກໍ​ເປັນ​ເທື່ອ​ທີ​ສາມ ທີ່​ເຮົາ​ກຳລັງ​ຈະ​ມາ​ຫາ​ພວກເຈົ້າ ດັ່ງ​ທີ່​ມີ​ຄຳ​ຂຽນ​ໄວ້​ໃນ​ພຣະຄຳພີ​ວ່າ, “ຂໍ້​ກ່າວຫາ​ໃດໆ ຕ້ອງ​ມີ​ພະຍານ​ສອງ ຫລື​ສາມ​ປາກ​ຈຶ່ງ​ເປັນ​ທີ່​ເຊື່ອຖື​ໄດ້.”

ພຣະບັນຍັດສອງ 17:6

ເຖິງ​ຢ່າງ​ໃດ​ກໍຕາມ ຜູ້​ທີ່​ຖືກ​ກ່າວຫາ​ຈະ​ໄດ້​ຮັບ​ໂທດ​ເຖິງ​ຕາຍ ກໍ​ຕໍ່​ເມື່ອ​ມີ​ພະຍານ​ສອງ​ຫລື​ສາມ​ຄົນ​ເປັນ​ຫຼັກຖານ. ຖ້າ​ມີ​ພະຍານ​ແຕ່​ຜູ້​ດຽວ​ເທົ່ານັ້ນ ຢ່າ​ໄດ້​ລົງໂທດ​ຄົນ​ນັ້ນ​ໃຫ້​ເຖິງ​ຕາຍ.

ພຣະບັນຍັດສອງ 19:15

“ພະຍານ​ປາກ​ດຽວ​ບໍ່​ພຽງພໍ​ຈະ​ຢືນຢັນ​ກ່າວໂທດ​ຜູ້​ເຮັດ​ຜິດ​ໄດ້; ຢ່າງໜ້ອຍ​ຕ້ອງ​ມີ​ພະຍານ​ສອງ​ຄົນ​ຂຶ້ນ​ໄປ ຈຶ່ງ​ຈະ​ພິສູດ​ໄດ້​ວ່າ​ຄົນ​ນັ້ນ​ໄດ້​ເຮັດ​ຜິດ.

1 ຕີໂມທຽວ 4:14

ຢ່າ​ເມີນເສີຍ​ຕໍ່​ຂອງ​ປະທານ ຝ່າຍ​ຈິດ​ວິນຍານ​ທີ່​ມີ​ໃນ​ເຈົ້າ ຊຶ່ງ​ຖືກ​ມອບໝາຍ​ໃຫ້​ເຈົ້າ ເມື່ອ​ພວກ​ຜູ້ທຳນວາຍ​ແລະ​ພວກ​ເຖົ້າແກ່​ວາງ​ມື​ໃສ່​ເຈົ້າ.

1 ຕີໂມທຽວ 5:17

ຈົ່ງ​ຖື​ວ່າ​ຜູ້ປົກຄອງ​ທັງຫລາຍ ທີ່​ນຳພາ​ຄຣິສຕະຈັກ​ເປັນ​ຢ່າງດີ​ນັ້ນ ກໍ​ສົມຄວນ​ໄດ້​ຮັບ​ກຽດ ແລະ​ການ​ບຳລຸງລ້ຽງ​ສອງ​ເທົ່າ ໂດຍ​ສະເພາະ​ຜູ້​ທີ່​ເຮັດ​ວຽກ​ຢ່າງ​ດຸໝັ່ນ ໃນ​ການ​ເທດສະໜາ​ແລະ​ການ​ສັ່ງສອນ.

ຕີໂຕ 1:6

ຄື​ພວກ​ຜູ້ປົກຄອງ​ນັ້ນ ຕ້ອງ​ເປັນ​ຜູ້​ທີ່​ບໍ່ມີ​ຂໍ້​ຕິຕຽນ ມີ​ເມຍ​ຄົນ​ດຽວ ມີ​ລູກ​ທີ່​ເຊື່ອ​ໃນ​ພຣະເຈົ້າ ແລະ​ບໍ່​ຖືກ​ກ່າວຫາ​ວ່າ​ເປັນ​ນັກເລງ ຫລື​ເປັນ​ຄົນ​ດື້ດ້ານ.

ເຮັບເຣີ 10:28

ຄົນ​ທີ່​ລະເມີດ​ກົດບັນຍັດ​ຂອງ​ໂມເຊ​ນັ້ນ ຖ້າ​ມີ​ພະຍານ​ສອງ ຫລື​ສາມ​ປາກ ກໍ​ຈະ​ຕ້ອງ​ຕາຍ​ໂດຍ​ບໍ່ມີ​ຄວາມ​ເມດຕາ.