1 ຕີໂມທຽວ 4:15 - ພຣະຄຳພີສັກສິ

¹⁵ ຈົ່ງ​ຝຶກຝົນ​ສິ່ງ​ເຫຼົ່ານັ້ນ ແລະ​ອຸທິດ​ເຈົ້າ​ເອງ​ຢ່າງ​ໝົດ​ສິ້ນ​ໃສ່​ການ​ນີ້ ເພື່ອ​ວ່າ​ທຸກຄົນ​ຈະ​ໄດ້​ເຫັນ​ເຈົ້າ​ຈະເລີນ​ຂຶ້ນ.

ພຣະຄຳພີລາວສະບັບສະໄໝໃໝ່

¹⁵ ຈົ່ງ​ໝັ່ນ​ພາກພຽນ​ໃນ​ສິ່ງ​ເຫລົ່ານີ້ ທຸ້ມເທ​ຕົນເອງ​ທັງໝົດ​ໃຫ້​ກັບ​ສິ່ງ​ເຫລົ່ານີ້ ເພື່ອ​ວ່າ​ທຸກຄົນ​ຈະ​ເຫັນ​ຄວາມກ້າວໜ້າ​ຂອງ​ເຈົ້າ.

1 ຕີໂມທຽວ 4:15 Jak'a apnaqawi uñst'ayäwi

ເພງ^ສັນລະເສີນ 1:2

ແຕ່​ພວກເຂົາ​ພົບ​ຄວາມ​ຊົມຊື່ນ​ຍິນດີ​ຢູ່​ໃນ​ພຣະຄຳ​ຂອງ​ພຣະເຈົ້າຢາເວ ແລະ​ພາວັນນາ​ເອົາ​ທັງເວັນ​ທັງຄືນ.

ເພງ^ສັນລະເສີນ 104:34

ຂໍ​ໃຫ້​ບົດເພງ​ນັ້ນ​ຈົ່ງ​ເປັນ​ທີ່​ພໍໃຈ​ພຣະອົງ ຂ້ານ້ອຍ​ຊົມຊື່ນ​ຍິນດີ​ໃນ​ພຣະເຈົ້າຢາເວ.

ເພງ^ສັນລະເສີນ 105:5

ພວກເຈົ້າ​ຜູ້​ເປັນ​ລູກຫລານ​ຂອງ​ອັບຣາຮາມ​ຜູ້ຮັບໃຊ້​ຂອງ​ພຣະອົງ​ເອີຍ ພວກເຈົ້າ​ຜູ້​ເປັນ​ເຊື້ອສາຍ​ຂອງ​ຢາໂຄບ​ຜູ້​ທີ່​ພຣະອົງ​ຊົງ​ເລືອກໄວ້ ຈົ່ງ​ຈົດຈຳ​ການ​ອັດສະຈັນ​ທີ່​ພຣະອົງ​ໄດ້​ຊົງ​ກະທຳ ແລະ​ການ​ພິພາກສາ​ທີ່​ພຣະອົງ​ໄດ້​ມອບ​ໃຫ້.

ເພງ^ສັນລະເສີນ 119:148

ຂ້ານ້ອຍ​ນອນ​ບໍ່ໄດ້ ແລະ​ຕື່ນ​ຂຶ້ນ​ທັງຄືນ ຂ້ານ້ອຍ​ມີ​ແຕ່​ພາວັນນາ​ເຖິງ​ຄຳແນະນຳ​ຂອງ​ພຣະອົງ.

ເພງ^ສັນລະເສີນ 119:15

ຂ້ານ້ອຍ​ສຶກສາ​ຄັກແນ່​ຄຳສອນ​ທັງຫລາຍ​ຂອງ​ພຣະອົງ ຂ້ານ້ອຍ​ພິຈາລະນາ​ເຖິງ​ຄຳສັ່ງສອນ​ທັງຫລາຍ​ຂອງ​ພຣະອົງ.

ເພງ^ສັນລະເສີນ 119:23

ພວກ​ຜູ້ປົກຄອງ​ຮ່ວມໃຈ​ກັນ​ປອງຮ້າຍ​ຂ້ານ້ອຍ ແຕ່​ຂ້ານ້ອຍ​ຈະ​ພາວັນນາ​ຂໍ້ຄຳສັ່ງ​ຂອງ​ພຣະອົງ.

ເພງ^ສັນລະເສີນ 119:48

ຂ້ານ້ອຍ​ເຄົາຣົບ​ແລະ​ຮັກ​ຂໍ້ຄຳສັ່ງ​ຂອງ​ພຣະອົງ ແລະ​ຈະ​ພາວັນນາ​ເຖິງ​ຂໍ້​ຄຳແນະນຳ​ນັ້ນ.

ເພງ^ສັນລະເສີນ 119:97

ຂ້ານ້ອຍ​ຮັກ​ກົດບັນຍັດ​ຂອງ​ພຣະອົງ​ຫລວງຫລາຍ​ທີ່ສຸດ ຂ້ານ້ອຍ​ພາວັນນາ​ເຖິງ​ກົດບັນຍັດ​ຢູ່​ຕະຫລອດ​ວັນ.

ເພງ^ສັນລະເສີນ 119:99

ຂ້ານ້ອຍ​ເຂົ້າໃຈ​ຫລາຍກວ່າ​ຄູ​ອາຈານ ເພາະ​ຂ້ານ້ອຍ​ພາວັນນາ​ເຖິງ​ຄຳແນະນຳ​ຂອງ​ພຣະອົງ.

ເພງ^ສັນລະເສີນ 143:5

ເມື່ອ​ລະນຶກເຖິງ​ວັນ​ທີ່​ໄດ້​ຜ່ານ​ພົ້ນ​ໄປ ຄິດເຖິງ​ທຸກສິ່ງ​ທີ່​ພຣະອົງ​ໄດ້​ກະທຳ​ທັງ​ພາລະກິດ​ທຸກຢ່າງ​ດ້ວຍ.

ເພງ^ສັນລະເສີນ 19:14

ໂຜດ​ໃຫ້​ຄຳເວົ້າ​ແລະ​ຄວາມຄິດ​ຂອງ​ຂ້ານ້ອຍ​ເປັນ​ທີ່​ພໍໃຈ​ພຣະອົງ ຂ້າແດ່​ພຣະເຈົ້າຢາເວ ອົງ​ເປັນ​ສີລາ​ຂອງ​ຂ້ານ້ອຍ​ແລະ​ເປັນ​ພຣະຜູ້ໄຖ່​ຂອງ​ຂ້ານ້ອຍ.

ເພງ^ສັນລະເສີນ 49:3

ແນວຄິດ​ຂອງ​ຂ້ານ້ອຍ​ນັ້ນ​ຈະ​ປອດໂປ່ງ​ດີ ຂ້ານ້ອຍ​ມີ​ຖ້ອຍຄຳ​ແຫ່ງ​ປັນຍາ​ທີ່​ຈະ​ກ່າວ.

ເພງ^ສັນລະເສີນ 63:6

ເມື່ອ​ຂ້ານ້ອຍ​ນອນລົງ ຂ້ານ້ອຍ​ກໍ​ລະນຶກ​ຄິດເຖິງ​ພຣະອົງ ແລະ​ຄິດເຖິງ​ພຣະອົງ​ຕະຫລອດ​ທັງຄືນ

ເພງ^ສັນລະເສີນ 77:12

ຂ້ານ້ອຍ​ຈະ​ຄິດເຖິງ​ທຸກສິ່ງ​ທີ່​ຊົງ​ໄດ້​ກະທຳ ຄິດ​ຄຳນຶງເຖິງ​ທຸກສິ່ງ​ທີ່​ປ່ຽມ​ດ້ວຍ​ຣິດທານຸພາບ​ຂອງ​ພຣະອົງ.

ຈົດບັນຊີ 8:26

ຫລັງຈາກ​ນັ້ນ​ແລ້ວ ພວກເຂົາ​ອາດ​ຊ່ວຍ​ພີ່ນ້ອງ​ເລວີ​ຄົນອື່ນໆ​ເຮັດ​ໜ້າທີ່​ຮັກສາ​ໃນ​ຫໍເຕັນ​ບ່ອນ​ຊຸມນຸມ​ກໍໄດ້; ແຕ່​ຢ່າ​ໃຫ້​ພວກເຂົາ​ປະຕິບັດ​ໜ້າທີ່​ໂດຍ​ຕົນເອງ. ອັນນີ້ ແມ່ນ​ຂໍ້​ບັງຄັບ​ໃນ​ການ​ກຳນົດ​ໜ້າທີ່​ໃຫ້​ພວກ​ເລວີ​ເຮັດ.”

ມັດທາຍ 5:16

ໃນທຳນອງ​ດຽວກັນ​ນີ້​ແຫຼະ ຈົ່ງ​ໃຫ້​ແສງ​ສະຫວ່າງ​ທີ່​ຢູ່​ໃນ​ພວກເຈົ້າ​ນັ້ນ​ສ່ອງ​ແຈ້ງ​ຕໍ່ໜ້າ​ຄົນ​ທັງຫລາຍ ເພື່ອ​ວ່າ​ພວກເຂົາ​ຈະ​ໄດ້​ເຫັນ​ຄຸນງາມ​ຄວາມດີ​ທີ່​ພວກເຈົ້າ​ເຮັດ ແລະ​ພວກເຂົາ​ຈະ​ສັນລະເສີນ​ພຣະບິດາເຈົ້າ​ຂອງ​ພວກເຈົ້າ​ທີ່​ສະຖິດ​ຢູ່​ໃນ​ສະຫວັນ.”

ກິດຈະການ 6:4

ສ່ວນ​ພວກເຮົາ ກໍ​ຈະ​ອຸທິດ​ເວລາ​ທັງໝົດ​ໃສ່​ໃນ​ການ​ພາວັນນາ​ອະທິຖານ ແລະ​ການ​ສັ່ງສອນ​ພຣະທຳ.”

1 ໂກຣິນໂທ 16:15

ພວກເຈົ້າ​ກໍ​ຮູ້​ສະເຕຟານາ​ກັບ​ຄອບຄົວ​ຂອງ​ລາວ ພວກເຂົາ​ເປັນ​ຊາວ​ຄຣິສຕຽນ​ພວກ​ທຳອິດ​ຢູ່​ໃນ​ແຂວງ​ອະຂາຢາ ແລະ​ໄດ້​ອຸທິດ​ຕົວ​ພວກເຂົາ​ເອງ​ໃນ​ການ​ບົວລະບັດ​ຮັບໃຊ້​ໄພ່ພົນ​ຂອງ​ພຣະເຈົ້າ,

2 ໂກຣິນໂທ 4:14

ເພາະ​ພວກເຮົາ​ຮູ້​ວ່າ ພຣະອົງ​ຜູ້​ໄດ້​ຊົງ​ບັນດານ​ໃຫ້​ອົງ​ພຣະເຢຊູເຈົ້າ​ເປັນ​ຄືນ​ມາ​ຈາກ​ຄວາມ​ຕາຍ​ນັ້ນ ຈະ​ບັນດານ​ໃຫ້​ພວກເຮົາ​ເປັນ​ຄືນ​ມາ​ກັບ​ພຣະເຢຊູເຈົ້າ​ເໝືອນກັນ ແລະ​ຈະ​ນຳ​ພວກເຮົາ​ພ້ອມ​ກັບ​ພວກເຈົ້າ ເຂົ້າ​ໄປ​ຢູ່​ຊ້ອງ​ພຣະພັກ​ພຣະອົງ.

2 ໂກຣິນໂທ 8:5

ບໍ່​ເໝືອນ​ດັ່ງ​ເຮົາ​ໄດ້​ຄາດໝາຍ​ໄວ້, ແຕ່​ຂໍ້​ສຳຄັນ​ທີ່ສຸດ ແມ່ນ​ພວກເຂົາ​ໄດ້​ຖວາຍ​ຕົວ​ເອງ​ແກ່​ອົງພຣະ​ຜູ້​ເປັນເຈົ້າ​ກ່ອນ ແລ້ວ​ໄດ້​ມອບ​ຕົວ​ໃຫ້​ເຮົາ​ຕາມ​ນໍ້າພຣະໄທ​ຂອງ​ພຣະເຈົ້າ.

1 ຕີໂມທຽວ 4:14

ຢ່າ​ເມີນເສີຍ​ຕໍ່​ຂອງ​ປະທານ ຝ່າຍ​ຈິດ​ວິນຍານ​ທີ່​ມີ​ໃນ​ເຈົ້າ ຊຶ່ງ​ຖືກ​ມອບໝາຍ​ໃຫ້​ເຈົ້າ ເມື່ອ​ພວກ​ຜູ້ທຳນວາຍ​ແລະ​ພວກ​ເຖົ້າແກ່​ວາງ​ມື​ໃສ່​ເຈົ້າ.

1 ຕີໂມທຽວ 4:16

ຈົ່ງ​ລະວັງຕົວ​ຂອງ​ເຈົ້າ ແລະ​ຄຳສັ່ງສອນ​ຂອງ​ເຈົ້າ​ດ້ວຍ. ຈົ່ງ​ສືບຕໍ່​ດຳເນີນ​ການ​ເຫຼົ່ານີ້ ເພາະ​ຖ້າ​ເຈົ້າ​ປະຕິບັດ​ຢ່າງ​ນີ້ ເຈົ້າ​ກໍ​ຈະ​ຊ່ວຍ​ເຈົ້າ​ເອງ​ແລະ​ທຸກຄົນ ຜູ້​ທີ່​ຟັງ​ເຈົ້າ​ໃຫ້​ພົ້ນ.

1 ຕີໂມທຽວ 4:6

ຖ້າ​ເຈົ້າ​ໃຫ້​ຄຳແນະນຳ​ເຫຼົ່ານີ້​ແກ່​ບັນດາ​ພີ່ນ້ອງ, ເຈົ້າ​ກໍ​ຈະ​ເປັນ​ຜູ້ຮັບໃຊ້​ທີ່​ດີ​ຂອງ​ພຣະເຢຊູ​ຄຣິດເຈົ້າ ສົມກັບ​ທີ່​ເຈົ້າ​ໄດ້​ບຳລຸງ​ຕົນ​ດ້ວຍ​ຖ້ອຍຄຳ​ເລື່ອງ​ຄວາມເຊື່ອ ແລະ​ດ້ວຍ​ຄຳສັ່ງສອນ​ອັນ​ແທ້ຈິງ​ທີ່​ເຈົ້າ​ໄດ້​ປະຕິບັດ​ຕາມ​ນັ້ນ.

ຕີໂຕ 2:14

ພຣະອົງ​ໄດ້​ສະຫລະ​ພຣະອົງ​ເອງ ແທນ​ພວກເຮົາ​ທັງຫລາຍ ເພື່ອ​ໄຖ່​ເອົາ​ພວກເຮົາ​ໃຫ້​ພົ້ນ​ຈາກ​ຄວາມ​ຊົ່ວຊ້າ​ທັງໝົດ ແລະ​ເພື່ອ​ຊຳລະ​ພວກເຮົາ​ໃຫ້​ເປັນ​ຜູ້​ບໍຣິສຸດ ເພື່ອ​ເປັນ​ໄພ່ພົນ​ຂອງ​ພຣະອົງ​ໂດຍ​ສະເພາະ ແລະ​ມີ​ໃຈ​ຮ້ອນຮົນ​ສຳລັບ​ເຮັດ​ຄວາມດີ.

ໂຢຊວຍ 1:8

ຢ່າ​ໃຫ້​ໜັງສື​ກົດບັນຍັດ​ນີ້​ຫ່າງໄກ​ຈາກ​ປາກ​ຂອງ​ເຈົ້າ. ຈົ່ງ​ພາວັນນາ​ເອົາ​ທຸກວັນ​ທຸກຄືນ ແລະ​ໃຫ້​ແນ່ໃຈ​ວ່າ​ເຈົ້າ​ເຊື່ອຟັງ​ທຸກໆ​ສິ່ງ​ທີ່​ໄດ້​ມີ​ຂຽນ​ໄວ້​ໃນ​ນັ້ນ. ແລ້ວ​ເຈົ້າ​ກໍ​ຈະ​ຈະເລີນ​ຮຸ່ງເຮືອງ ແລະ​ຈະ​ປະສົບ​ຄວາມ​ສຳເລັດ.