1 ຊາມູເອນ 9:7 - ພຣະຄຳພີສັກສິ

⁷ ໂຊນ​ຖາມ​ວ່າ, “ຖ້າ​ພວກເຮົາ​ໄປ​ຫາ​ເພິ່ນ ພວກເຮົາ​ຈະ​ມີ​ຫຍັງ​ໃຫ້​ເພິ່ນ? ອາຫານ​ກໍ​ບໍ່ມີ​ເຫຼືອ ແລະ​ພວກເຮົາ​ບໍ່ມີ​ຫຍັງ​ຈັກ​ແນວ​ທີ່​ຈະ​ເອົາ​ໄປ​ໃຫ້​ຄົນ​ຂອງ​ພຣະເຈົ້າ.”

1 ຊາມູເອນ 9:7 Jak'a apnaqawi uñst'ayäwi

1 ກະສັດ 13:7

ແລ້ວ​ກະສັດ​ກໍ​ກ່າວ​ແກ່​ຄົນ​ຂອງ​ພຣະເຈົ້າ​ວ່າ, “ເຊີນ​ເມືອ​ຮັບປະທານ​ອາຫານ​ໃນ​ວັງ​ນຳ​ເຮົາ​ເທີ້ນ ແລະ​ເຮົາ​ຈະ​ໃຫ້​ບຳເໜັດ​ແກ່​ທ່ານ​ໃນ​ສິ່ງ​ທີ່​ທ່ານ​ໄດ້​ກະທຳ.”

1 ກະສັດ 14:3

ໃຫ້​ເຈົ້າ​ເອົາ​ເຂົ້າຈີ່​ສິບ​ກ້ອນ, ເຂົ້າໜົມ​ບາງ​ຢ່າງ ແລະ​ໄຫ​ນໍ້າເຜິ້ງ​ໄປ​ໃຫ້. ໃຫ້​ເຈົ້າ​ຖາມ​ລາວ​ວ່າ ແມ່ນ​ຫຍັງ​ທີ່​ກຳລັງ​ຈະ​ເກີດຂຶ້ນ​ກັບ​ລູກຊາຍ​ຂອງ​ພວກເຮົາ ແລະ​ລາວ​ຈະ​ບອກ​ໃຫ້​ເຈົ້າ​ຮູ້.”

2 ກະສັດ 4:42

ຄັ້ງໜຶ່ງ ຍັງ​ມີ​ຊາຍ​ຄົນ​ໜຶ່ງ​ມາ​ຈາກ​ເມືອງ​ບາອານ​ຊາລີຊາ ລາວ​ໄດ້​ນຳ​ເອົາ​ເຂົ້າຈີ່​ຊາວ​ກ້ອນ ທີ່​ເຮັດ​ດ້ວຍ​ເຂົ້າບາເລ​ທີ່​ເກັບກ່ຽວ​ໃໝ່ໆ​ໃນ​ປີ​ນັ້ນ ແລະ​ຮວງເຂົ້າ​ທີ່​ຫາ​ກໍ​ຕັດ​ໃໝ່ໆ ມາ​ໃຫ້​ເອລີຊາ. ແລ້ວ​ເອລີຊາ​ກໍ​ບອກ​ຄົນ​ຮັບໃຊ້​ຂອງຕົນ ໃຫ້​ນຳ​ອາຫານ​ເຫຼົ່ານີ້​ໄປ​ລ້ຽງ​ຄົນ​ຂອງ​ພຣະເຈົ້າ​ກຸ່ມ​ໜຶ່ງ;

2 ກະສັດ 5:15

ນາອາມານ​ພ້ອມ​ທັງ​ຄົນ​ຂອງຕົນ​ໄດ້​ກັບຄືນ​ໄປ​ຫາ​ຄົນ​ຂອງ​ພຣະເຈົ້າ ແລະ​ເວົ້າ​ວ່າ, “ດຽວ​ນີ້​ຂ້າພະເຈົ້າ​ຮູ້​ແລ້ວ​ວ່າ​ບໍ່ມີ​ພຣະເຈົ້າ​ອົງ​ອື່ນ ນອກຈາກ​ພຣະເຈົ້າ​ຂອງ​ຊາດ​ອິດສະຣາເອນ; ສະນັ້ນ ທ່ານເອີຍ ກະລຸນາ​ຮັບ​ເອົາ​ຂອງຂວັນ​ຈາກ​ຂ້າພະເຈົ້າ​ດ້ວຍ​ເຖີດ.”

2 ກະສັດ 5:5

ກະສັດ​ບອກ​ວ່າ, “ຈົ່ງ​ໄປ​ຫາ​ກະສັດ​ແຫ່ງ​ອິດສະຣາເອນ ແລະ​ຖື​ຈົດໝາຍ​ນີ້​ໄປ​ໃຫ້​ເພິ່ນ.” ດັ່ງນັ້ນ ນາອາມານ​ຈຶ່ງ​ໄດ້​ນຳ​ເອົາ​ເງິນ​ສາມສິບພັນ​ແທ່ງ, ຄຳ​ຫົກພັນ​ແທ່ງ, ພ້ອມ​ທັງ​ເຄື່ອງນຸ່ງ​ທີ່​ສວຍງາມ​ສິບ​ຊຸດ ແລະ​ອອກ​ເດີນທາງ​ໄປ.

2 ກະສັດ 8:8

ເພິ່ນ​ຈຶ່ງ​ກ່າວ​ແກ່​ຮາຊາເອນ ຂ້າຣາຊການ​ຄົນ​ໜຶ່ງ​ຂອງຕົນ​ວ່າ, “ຈົ່ງ​ນຳ​ເອົາ​ຂອງຂວັນ​ນີ້​ໄປ​ໃຫ້​ຄົນ​ຂອງ​ພຣະເຈົ້າ ເພື່ອ​ຂໍ​ເພິ່ນ​ຖາມ​ພຣະເຈົ້າຢາເວ​ວ່າ ເຮົາ​ຈະ​ຫາຍ​ປ່ວຍ​ຫລື​ບໍ່.”

2 ກະສັດ 8:9

ດັ່ງນັ້ນ ຮາຊາເອນ​ຈຶ່ງ​ຈັດ​ເອົາ​ຜະລິດທະພັນ​ທຸກ​ຊະນິດ​ຢ່າງດີ​ທີ່ສຸດ ໃນ​ນະຄອນ​ດາມັສກັດ​ບັນທຸກ​ໃສ່​ຫລັງ​ອູດ​ສີ່ສິບ​ໂຕ ໄປ​ຫາ​ເອລີຊາ. ເມື່ອ​ຮາຊາເອນ​ເຫັນ​ເອລີຊາ ລາວ​ກໍ​ກ່າວ​ແກ່​ເພິ່ນ​ວ່າ, “ກະສັດ​ເບັນຮາດາດ​ຜູ້ຮັບໃຊ້​ຂອງທ່ານ​ໄດ້​ສົ່ງ​ຂ້ານ້ອຍ​ມາ​ຖາມ​ທ່ານ​ວ່າ ເພິ່ນ​ຈະ​ຫາຍ​ປ່ວຍ​ຫລື​ບໍ່?”

ເອເຊກຽນ 13:19

ພວກເຈົ້າ​ລຶບ​ກຽດ​ຂອງເຮົາ​ຕໍ່ໜ້າ​ປະຊາຊົນ​ຂອງເຮົາ ເພື່ອ​ຈະ​ໄດ້​ເຂົ້າເດືອຍ​ບາງ​ກຳ ແລະ​ເຂົ້າຈີ່​ບາງ​ກ້ອນ. ພວກເຈົ້າ​ຂ້າ​ປະຊາຊົນ​ທີ່​ບໍ່​ສົມຄວນ​ຈະ​ຕາຍ​ເລີຍ ແລະ​ພວກເຈົ້າ​ປ່ອຍ​ປະຊາຊົນ​ທີ່​ບໍ່​ສົມຄວນ​ຈະ​ມີ​ຊີວິດ​ໃຫ້​ມີ​ຊີວິດ​ຢູ່. ດັ່ງນັ້ນ ພວກເຈົ້າ​ຈຶ່ງ​ເວົ້າ​ຕົວະ​ຕໍ່​ປະຊາຊົນ​ຂອງເຮົາ ແລະ​ພວກເຂົາ​ກໍ​ເຊື່ອ​ພວກເຈົ້າ.’

ພວກ^ຜູ້ປົກຄອງ 6:18

ຂໍ​ພຣະອົງ​ຢ່າ​ຟ້າວ​ໜີໄປ​ຈາກ​ບ່ອນ​ນີ້ ຈົນກວ່າ​ຂ້ານ້ອຍ​ຈະ​ນຳ​ເອົາ​ອາຫານ​ມາ​ຖວາຍ​ແກ່​ພຣະອົງ.” ພຣະອົງ​ໄດ້​ຕອບ​ວ່າ, “ເຮົາ​ຈະ​ຢູ່​ທີ່​ນີ້ ຈົນກວ່າ​ເຈົ້າ​ກັບ​ມາ.”