1 ຊາມູເອນ 9:25 - ພຣະຄຳພີສັກສິ

²⁵ ດັ່ງນັ້ນ ໂຊນ​ຈຶ່ງ​ຮັບປະທານ​ອາຫານ​ຮ່ວມ​ກັບ ຊາມູເອນ​ໃນ​ມື້​ນັ້ນ. ເມື່ອ​ພວກເຂົາ​ລົງ​ມາ​ຈາກ​ບ່ອນ​ນະມັດສະການ ແລະ​ກັບຄືນ​ເຂົ້າ​ໄປ​ໃນ​ເມືອງ​ແລ້ວ ພວກເຂົາ​ກໍ​ຈັດ​ທີ່​ນອນ​ໃຫ້​ໂຊນ ຢູ່​ເທິງ​ຫລັງຄາ​ພຽງ,

1 ຊາມູເອນ 9:25 Jak'a apnaqawi uñst'ayäwi

2 ຊາມູເອນ 11:2

ໃນ​ຕອນ​ຂ້ອນ​ບ່າຍ​ວັນ​ໜຶ່ງ ກະສັດ​ດາວິດ​ຕື່ນ​ຂຶ້ນ​ຈາກ​ນອນ ແລະ​ຂຶ້ນ​ໄປ​ເທິງ​ຫລັງຄາ​ພຽງ​ຂອງ​ຣາຊວັງ. ໃນຂະນະທີ່​ເພິ່ນ​ຍ່າງ​ໄປມາ​ນັ້ນ ເພິ່ນ​ເລີຍ​ຫລຽວເຫັນ​ຍິງ​ຄົນ​ໜຶ່ງ​ກຳລັງ​ອາບນໍ້າ. ນາງ​ເປັນ​ຄົນ​ງາມ​ຫລາຍ.

ເນເຫມີຢາ 8:16

ດັ່ງນັ້ນ ປະຊາຊົນ​ຈຶ່ງ​ອອກ​ໄປ​ເອົາ​ງ່າ​ໄມ້​ມາ​ເຮັດ​ຕູບ​ຢູ່ ຕາມ​ຫລັງຄາ​ພຽງ​ເທິງ​ເຮືອນ​ຂອງ​ພວກເຂົາ, ຕາມ​ເດີ່ນ​ຫຍ້າ, ຕາມ​ເດີ່ນ​ຂອງ​ວິຫານ​ຂອງ​ພຣະເຈົ້າ ແລະ​ຕາມ​ສີ່​ແຍກ​ໃນ​ກາງເມືອງ​ໃກ້​ປະຕູ​ນໍ້າ ແລະ​ໃກ້​ປະຕູ​ຂອງ​ເອຟຣາອິມ.

ເຢເຣມີຢາ 19:13

ເຮືອນ​ຢູ່​ໃນ​ນະຄອນ​ເຢຣູຊາເລັມ, ຫໍໂຮງ​ຕ່າງໆ​ຂອງ​ກະສັດ​ແຫ່ງ​ຢູດາຍ ແລະ​ບ້ານເຮືອນ​ຂອງ​ທຸກຄົນ​ທີ່​ເຜົາ​ເຄື່ອງຫອມ​ບູຊາ​ຕາເວັນ, ເດືອນ, ດວງດາວ ແລະ​ຖອກ​ເຫຼົ້າ​ອະງຸ່ນ​ຖວາຍ​ໃຫ້​ບັນດາ​ພະອື່ນ ຈະ​ເປັນ​ມົນທິນ​ດັ່ງ​ໂຕເຟັດ.”

ມັດທາຍ 10:27

ສິ່ງ​ທີ່​ເຮົາ​ກ່າວ​ແກ່​ພວກເຈົ້າ​ໃນ​ທີ່​ມືດ​ພວກເຈົ້າ​ຈົ່ງ​ກ່າວ​ໃນ​ທີ່​ແຈ້ງ ແລະ​ສິ່ງໃດ​ທີ່​ພວກເຈົ້າ​ໄດ້ຍິນ​ສຽງ​ຊິ່ມ​ເປັນ​ທາງ​ສ່ວນຕົວ ພວກເຈົ້າ​ຈົ່ງ​ປະກາດ​ເທິງ​ຫລັງຄາ​ເຮືອນ.

ມັດທາຍ 24:17

ຜູ້​ທີ່​ຢູ່​ເທິງ​ຫລັງຄາ​ເຮືອນ​ຂອງຕົນ ບໍ່​ຕ້ອງ​ລົງ​ມາ​ເກັບ​ເອົາ​ສິ່ງຂອງ​ອອກ​ໄປ.

ລູກາ 5:19

ເມື່ອ​ຫາ​ທາງ​ເຂົ້າ​ບໍ່ໄດ້​ເພາະ​ມີ​ຄົນ​ຫລາຍ ພວກເຂົາ​ຈຶ່ງ​ຂຶ້ນ​ໄປ​ທີ່​ເທິງ​ຫລັງຄາ​ເຮືອນ ແລະ​ຢ່ອນ​ຄົນເປ້ຍ​ກັບ​ທັງ​ບ່ອນ​ນອນ ລົງ​ຕາມ​ປ່ອງ​ດິນ​ຂໍ​ຕໍ່ໜ້າ​ພຣະເຢຊູເຈົ້າ ທ່າມກາງ​ປະຊາຊົນ.

ກິດຈະການ 10:9

ຕອນ​ທ່ຽງ​ວັນ​ໃນ​ວັນ​ຕໍ່ມາ ເມື່ອ​ພວກເຂົາ​ເດີນທາງ​ມາ ແລະ​ໃກ້​ຈະ​ຮອດ​ເມືອງ​ຢົບປາ​ນັ້ນ ເປໂຕ​ໄດ້​ຂຶ້ນ​ໄປ​ເທິງ​ຫລັງຄາ​ພຽງ ເພື່ອ​ພາວັນນາ​ອະທິຖານ.

ພຣະບັນຍັດສອງ 22:8

ເມື່ອ​ພວກເຈົ້າ​ສ້າງ​ເຮືອນ​ໃໝ່​ໃຫ້​ເຮັດ​ຂອບ​ເທິງ​ຫລັງຄາ​ເຮືອນ​ໄວ້. ແລ້ວ​ພວກເຈົ້າ​ຈະ​ບໍ່​ຕ້ອງ​ຮັບຜິດຊອບ ຖ້າ​ຜູ້ໃດ​ຜູ້ໜຶ່ງ​ຕົກລົງ​ຕາຍ.

1 ຊາມູເອນ 9:26

ແລະ​ລາວ​ກໍ​ນອນ​ຢູ່​ທີ່ນັ້ນ. ແຕ່​ເຊົ້າໆ ຊາມູເອນ​ເອີ້ນ​ໃສ່​ໂຊນ​ທີ່​ເທິງ​ຫລັງຄາ​ພຽງ​ວ່າ, “ຕື່ນ​ຂຶ້ນ​ແມ ຂ້ອຍ​ຈະ​ສົ່ງ​ເຈົ້າ​ຄືນ​ເມືອ.” ແລ້ວ​ໂຊນ​ກໍ​ຕື່ນ​ຂຶ້ນ​ແລະ​ມຸ່ງໜ້າ​ໄປ​ສູ່​ຖະໜົນ​ໃຫຍ່​ກັບ ຊາມູເອນ.