1 ຊາມູເອນ 9:22 - ພຣະຄຳພີສັກສິ

²² ແລ້ວ​ຊາມູເອນ​ກໍ​ນຳ​ໂຊນ​ແລະ​ຄົນ​ຮັບໃຊ້​ຂອງ​ລາວ ເຂົ້າ​ໄປ​ໃນ​ຫ້ອງ​ໃຫຍ່​ຫ້ອງ​ໜຶ່ງ ແລະ​ໃຫ້​ທັງສອງ​ນັ່ງ​ຢູ່​ສົ້ນ​ໂຕະ ບ່ອນ​ທີ່​ມີ​ແຂກ​ຖືກ​ເຊີນ​ມາ​ນັ່ງ​ຢູ່​ກ່ອນ​ແລ້ວ​ປະມານ​ສາມສິບ​ຄົນ.

1 ຊາມູເອນ 9:22 Jak'a apnaqawi uñst'ayäwi

ປະຖົມມະການ 43:32

ເຂົາ​ໄດ້​ຈັດແຈ່ງ​ໂຕະ​ໃຫ້​ໂຢເຊັບ​ກິນ​ຜູ້​ດຽວ​ຕ່າງຫາກ ແລະ​ຈັດແຈ່ງ​ໃຫ້​ພວກ​ອ້າຍ​ນ້ອງ​ຂອງ​ໂຢເຊັບ​ກິນ​ໂຕະ​ໜຶ່ງ​ຕ່າງຫາກ. ຊາວ​ເອຢິບ​ຜູ້​ທີ່​ມາ​ຮ່ວມ​ນຳ​ນັ້ນ ເຂົາ​ໄດ້​ຈັດ​ໃຫ້​ກິນ​ໂຕະ​ໜຶ່ງ​ອີກ​ຕ່າງຫາກ ເພາະ​ເຂົາ​ຖື​ວ່າ​ມັນ​ເປັນ​ການ​ອັບອາຍ​ຂາຍໜ້າ ທີ່​ຈະ​ກິນ​ເຂົ້າ​ຮ່ວມ​ໂຕະ​ກັບ​ຊາວ​ເຮັບເຣີ.

ລູກາ 14:10

ແຕ່​ເມື່ອ​ມີ​ຄົນ​ເຊີນ​ເຈົ້າ​ໄປ​ໃນ​ງານ ຈົ່ງ​ໄປ​ນັ່ງ​ບ່ອນ​ຕໍ່າ​ທີ່ສຸດ ເພື່ອ​ວ່າ​ເມື່ອ​ເຈົ້າພາບ​ມາ​ແລ້ວ ເຂົາ​ຈະ​ເວົ້າ​ກັບ​ເຈົ້າ​ວ່າ, ‘ສະຫາຍ​ເອີຍ ເຊີນ​ໄປ​ນັ່ງ​ບ່ອນ​ສູງ​ກວ່າ.’ ແລ້ວ​ເຈົ້າ​ກໍ​ຈະ​ໄດ້​ຮັບ​ກຽດ ຕໍ່ໜ້າ​ບັນດາ​ແຂກ​ທຸກຄົນ ທີ່​ໄດ້​ຖືກ​ເຊີນ​ມາ​ນັ້ນ.

1 ຊາມູເອນ 9:21

ໂຊນ​ຕອບ​ວ່າ, “ຂ້ານ້ອຍ​ຢູ່​ໃນ​ເຜົ່າ​ເບັນຢາມິນ ຊຶ່ງ​ເປັນ​ເຜົ່ານ້ອຍ​ທີ່ສຸດ​ໃນ​ຊາດ​ອິດສະຣາເອນ ແລະ​ຄອບຄົວ​ຂອງ​ຂ້ານ້ອຍ​ກໍ​ມີ​ຄວາມ​ສຳຄັນ​ໜ້ອຍ​ກວ່າ​ໝູ່​ໃນ​ເຜົ່າ​ນີ້. ແລ້ວ​ເປັນຫຍັງ​ທ່ານ​ຈຶ່ງ​ເວົ້າ​ເຊັ່ນນີ້​ກັບ​ຂ້ານ້ອຍ?”

1 ຊາມູເອນ 9:23

ຊາມູເອນ​ເວົ້າ​ກັບ​ຄົນ​ຄົວກິນ​ວ່າ, “ຈົ່ງ​ເອົາ​ຕ່ອນ​ຊີ້ນ​ທີ່​ຂ້ອຍ​ບອກ​ເຈົ້າ​ໃຫ້​ແຍກ​ອອກ​ໄວ້​ຕ່າງຫາກ​ນັ້ນ​ມາ.”