1 ຊາມູເອນ 9:21 - ພຣະຄຳພີສັກສິ

²¹ ໂຊນ​ຕອບ​ວ່າ, “ຂ້ານ້ອຍ​ຢູ່​ໃນ​ເຜົ່າ​ເບັນຢາມິນ ຊຶ່ງ​ເປັນ​ເຜົ່ານ້ອຍ​ທີ່ສຸດ​ໃນ​ຊາດ​ອິດສະຣາເອນ ແລະ​ຄອບຄົວ​ຂອງ​ຂ້ານ້ອຍ​ກໍ​ມີ​ຄວາມ​ສຳຄັນ​ໜ້ອຍ​ກວ່າ​ໝູ່​ໃນ​ເຜົ່າ​ນີ້. ແລ້ວ​ເປັນຫຍັງ​ທ່ານ​ຈຶ່ງ​ເວົ້າ​ເຊັ່ນນີ້​ກັບ​ຂ້ານ້ອຍ?”

1 ຊາມູເອນ 9:21 Jak'a apnaqawi uñst'ayäwi

ເພງ^ສັນລະເສີນ 68:27

ເບັນຢາມິນ​ເປັນ​ເຜົ່ານ້ອຍ​ທີ່ສຸດ​ໃຫ້​ມາ​ກ່ອນ ແລ້ວ​ຜູ້ນຳ​ເຜົ່າຢູດາ​ພ້ອມ​ໝວດ​ໝູ່​ຂອງ​ພວກຕົນ ທັງ​ພວກຜູ້ນຳ​ເຜົ່າ​ເຊບູໂລນ​ແລະ​ເນັບທາລີ ກໍ​ໃຫ້​ພາກັນ​ເດີນ​ຕິດຕາມ​ໄປ​ນຳ​ດ້ວຍ.

ເພງ^ສັນລະເສີນ 68:28

ຂ້າແດ່​ພຣະເຈົ້າ ຂໍ​ຊົງ​ໂຜດ​ສຳແດງ​ຣິດອຳນາດ​ຂອງ​ພຣະອົງ; ຂ້າແດ່​ພຣະເຈົ້າ ດັ່ງ​ທີ່​ພຣະອົງ​ເຄີຍ​ກະທຳ​ເພື່ອ​ນຳພາ​ພວກ​ຂ້ານ້ອຍ​ນັ້ນ.

ໂຮເສອາ 13:1

ໃນ​ອະດີດ ເມື່ອ​ເຜົ່າ​ເອຟຣາອິມ​ເວົ້າ​ວ່າ ເຜົ່າ​ອື່ນໆ​ກໍ​ຢ້ານຢຳ; ພວກເຂົາ​ໃຫ້​ຄວາມ​ເຄົາຣົບ​ນັບຖື​ແກ່​ເອຟຣາອິມ. ແຕ່​ປະຊາຊົນ​ໄດ້​ເຮັດ​ບາບ​ຍ້ອນ​ຂາບໄຫວ້​ພະບາອານ ແລະ​ຍ້ອນ​ການ​ປະພຶດ​ເຊັ່ນນີ້ ພວກເຂົາ​ຈະ​ຕາຍ.

ລູກາ 14:11

ເພາະວ່າ, ທຸກຄົນ​ທີ່​ຍົກ​ຕົວ​ຂຶ້ນ ຈະ​ຕ້ອງ​ຖືກ​ຖອຍລົງ ແລະ​ຜູ້​ທີ່​ຖ່ອມຕົວ​ລົງ ຈະ​ໄດ້​ຮັບ​ການ​ຍົກ​ຂຶ້ນ.”

ເອເຟໂຊ 3:8

ໃນ​ບັນດາ​ໄພ່ພົນ​ຂອງ​ພຣະເຈົ້າ​ທັງໝົດ​ນັ້ນ ຂ້າພະເຈົ້າ​ເປັນ​ຜູ້​ຕໍ່າຕ້ອຍ​ທີ່ສຸດ​ກວ່າ​ຜູ້​ທີ່​ເລັກນ້ອຍ​ທີ່ສຸດ, ເຖິງ​ປານນັ້ນ ພຣະອົງ​ກໍ​ຍັງ​ໂຜດ​ປະທານ​ພຣະຄຸນ​ນີ້​ແກ່​ຂ້າພະເຈົ້າ ຄື​ໃຫ້​ຂ້າພະເຈົ້າ​ປະກາດ​ຂ່າວປະເສີດ​ແກ່​ຄົນຕ່າງຊາດ ເຖິງ​ຄວາມ​ບໍຣິບູນ​ອັນ​ຫາ​ທີ່​ປຽບ​ບໍ່ໄດ້​ຂອງ​ພຣະຄຣິດ,

1 ຊາມູເອນ 10:27

ແຕ່​ນັກເລງ​ບາງຄົນ​ໄດ້​ເວົ້າ​ວ່າ, “ຄົນ​ນີ້​ຈະ​ຊ່ວຍ​ພວກເຮົາ​ໄດ້​ຢ່າງ​ໃດ?” ພວກເຂົາ​ໝິ່ນປະໝາດ​ໂຊນ ແລະ​ບໍ່ໄດ້​ນຳ​ເອົາ​ຂອງຂວັນ​ຫຍັງ​ມາ​ໃຫ້​ລາວ​ເລີຍ, ແຕ່​ລາວ​ກໍມິດ​ເສີຍ.

1 ຊາມູເອນ 14:51

ກີເຊ​ຜູ້​ທີ່​ເປັນ​ພໍ່​ຂອງ​ໂຊນ ແລະ​ເນຣະ​ຜູ້​ທີ່​ເປັນ​ພໍ່​ຂອງ​ອັບເນ ທັງສອງ​ເປັນ​ລູກຊາຍ​ຂອງ​ອາບີເອນ.

1 ຊາມູເອນ 15:17

ຊາມູເອນ​ກ່າວ​ວ່າ, “ເຖິງ​ແມ່ນ​ເຈົ້າ​ຖື​ຕົນເອງ​ວ່າ​ບໍ່ມີ​ຄວາມ​ສຳຄັນ​ກໍຕາມ ແຕ່​ເຈົ້າ​ກໍ​ເປັນ​ຜູ້ນຳ​ເຜົ່າ​ຕ່າງໆ​ຂອງ​ຊາດ​ອິດສະຣາເອນ. ພຣະເຈົ້າຢາເວ​ໄດ້​ໃຊ້​ນໍ້າມັນ​ສັກສິດ​ຫົດສົງ​ເຈົ້າ​ໃຫ້​ເປັນ​ກະສັດ​ຂອງ​ຊາດ​ອິດສະຣາເອນ

1 ຊາມູເອນ 18:18

ດາວິດ​ຕອບ​ວ່າ, “ຂ້ານ້ອຍ​ແມ່ນ​ຜູ້ໃດ​ແລະ​ຄອບຄົວ​ຂອງ​ພໍ່​ຂ້ານ້ອຍ​ກໍ​ບໍ່ມີ​ຄວາມ​ສຳຄັນ​ຫຍັງ ດ້ວຍເຫດໃດ​ຂ້ານ້ອຍ​ຈຶ່ງ​ຈະ​ໄດ້​ກາຍເປັນ​ລູກ​ເຂີຍ​ຂອງ​ກະສັດ?”

1 ຊາມູເອນ 18:23

ສະນັ້ນ ພວກ​ຂ້າຣາຊການ​ຈຶ່ງ​ໄປ​ເວົ້າ​ກັບ​ດາວິດ​ແລະ​ລາວ​ຕອບ​ວ່າ, “ມັນ​ເປັນ​ກຽດ​ອັນ​ສູງສົ່ງ​ສຳລັບ​ຄົນ​ຍາກຈົນ​ທີ່​ບໍ່ມີ​ຄວາມ​ສຳຄັນ​ຫຍັງ​ດັ່ງ​ຂ້ອຍ ທີ່​ຈະ​ໄດ້​ເປັນ​ລູກ​ເຂີຍ​ຂອງ​ກະສັດ.”

1 ຊາມູເອນ 9:22

ແລ້ວ​ຊາມູເອນ​ກໍ​ນຳ​ໂຊນ​ແລະ​ຄົນ​ຮັບໃຊ້​ຂອງ​ລາວ ເຂົ້າ​ໄປ​ໃນ​ຫ້ອງ​ໃຫຍ່​ຫ້ອງ​ໜຶ່ງ ແລະ​ໃຫ້​ທັງສອງ​ນັ່ງ​ຢູ່​ສົ້ນ​ໂຕະ ບ່ອນ​ທີ່​ມີ​ແຂກ​ຖືກ​ເຊີນ​ມາ​ນັ່ງ​ຢູ່​ກ່ອນ​ແລ້ວ​ປະມານ​ສາມສິບ​ຄົນ.