1 ຊາມູເອນ 8:1 - ພຣະຄຳພີສັກສິ

¹ ເມື່ອ​ຊາມູເອນ​ເຖົ້າແກ່​ແລ້ວ ເພິ່ນ​ໄດ້​ໃຫ້​ພວກ​ລູກຊາຍ​ຂອງຕົນ ຂຶ້ນ​ເປັນ​ຜູ້ປົກຄອງ​ຊາດ​ອິດສະຣາເອນ​ແທນ​ຕົນ.

1 ຊາມູເອນ 8:1 Jak'a apnaqawi uñst'ayäwi

ເນເຫມີຢາ 7:2

ຂ້າພະເຈົ້າ​ໄດ້​ມອບໝາຍ​ໃຫ້​ສອງ​ຄົນ​ເປັນ​ຜູ້​ຮັບຜິດຊອບ​ໃນ​ການປົກຄອງ​ນະຄອນ​ເຢຣູຊາເລັມ​ຄື: ຮານານີ​ນ້ອງຊາຍ​ຂອງ​ຂ້າພະເຈົ້າ ແລະ​ຮານານີຢາ​ຜູ້​ບັນຊາການ​ປ້ອມ​ຂອງ​ເມືອງ. ຮານານີຢາ​ເປັນ​ຄົນ​ທີ່​ໄວ້ວາງໃຈ​ໄດ້ ແລະ​ຢຳເກງ​ພຣະເຈົ້າ​ຢ່າງ​ບໍ່ມີ​ຜູ້ໃດ​ທໍ່.

1 ຕີໂມທຽວ 5:21

ເຮົາ​ສັ່ງ​ເຈົ້າ​ຕໍ່​ພຣະພັກ​ພຣະເຈົ້າ ແລະ ພຣະຄຣິດເຈົ້າ​ເຢຊູ ແລະ ຝູງ​ເທວະດາ​ທີ່​ຊົງ​ເລືອກ​ໄວ້​ແລ້ວ​ນັ້ນ ໃຫ້​ເຈົ້າ​ຮັກສາ​ລະບຽບ​ເຫຼົ່ານີ້​ໄວ້ ໂດຍ​ບໍ່​ເຫັນ​ແກ່​ໜ້າ​ຜູ້ໃດ ແລະ​ບໍ່​ເຮັດ​ການ​ໃດໆ​ດ້ວຍ​ໃຈ​ລຳອຽງ.

ພວກ^ຜູ້ປົກຄອງ 10:4

ລາວ​ມີ​ລູກຊາຍ​ສາມສິບ​ຄົນ ທີ່​ຂີ່​ລໍ​ສາມສິບ​ໂຕ. ພວກເຂົາ​ປົກຄອງ​ສາມສິບ​ເມືອງ​ຢູ່​ໃນ​ດິນແດນ​ກີເລອາດ ຊຶ່ງ​ຍັງ​ມີ​ຄົນ​ເອີ້ນ​ວ່າ​ໝູ່ບ້ານ​ຂອງ​ຢາອີ​ຈົນເຖິງ​ທຸກ​ວັນນີ້.

ພວກ^ຜູ້ປົກຄອງ 12:14

ເພິ່ນ​ມີ​ລູກຊາຍ​ສີ່ສິບ​ຄົນ ແລະ​ຫລານຊາຍ​ສາມສິບ​ຄົນ​ທີ່​ຂີ່​ລໍ​ເຈັດສິບ​ໂຕ. ອັບໂດນ​ໄດ້​ປົກຄອງ​ຊາດ​ອິດສະຣາເອນ​ເປັນ​ເວລາ​ແປດ​ປີ.

ພວກ^ຜູ້ປົກຄອງ 5:10

ພວກ​ທີ່​ນັ່ງ​ເທິງ​ອານ​ແລະ​ຂີ່​ໂຕ​ລໍ​ຂາວ ຜູ້​ທີ່​ຍ່າງ​ໄປມາ ຈົ່ງ​ກ່າວ​ເຖິງ​ເລື່ອງນີ້.

1 ຊາມູເອນ 12:2

ແລະ​ດຽວ​ນີ້​ພວກເຈົ້າ​ກໍ​ມີ​ກະສັດ​ໂຊນ​ເປັນ​ຜູ້​ນຳພາ. ສຳລັບ​ຂ້າພະເຈົ້າ​ເອງ​ນັ້ນ​ເຖົ້າແກ່​ແລະ​ຜົມ​ກໍ​ຫງອກ​ຫລາຍ​ແລ້ວ ແລະ​ພວກ​ລູກຊາຍ​ຂອງ​ຂ້າພະເຈົ້າ​ກໍ​ຍັງ​ຢູ່​ນຳ​ພວກເຈົ້າ. ຂ້າພະເຈົ້າ​ເປັນ​ຜູ້ນຳ​ຂອງ​ພວກເຈົ້າ​ແຕ່​ຍັງ​ໜຸ່ມ​ຈົນເຖິງ​ດຽວນີ້.