1 ຊາມູເອນ 7:10 - ພຣະຄຳພີສັກສິ

¹⁰ ໃນ​ຂະນະທີ່​ຊາມູເອນ​ກຳລັງ​ຖວາຍ​ເຄື່ອງ​ບູຊາ​ຢູ່​ນັ້ນ ພວກ​ຟີລິດສະຕິນ​ໄດ້​ເຄື່ອນທັບ​ເຂົ້າ​ມາ​ໂຈມຕີ. ແຕ່​ພຣະເຈົ້າຢາເວ​ເຮັດ​ໃຫ້​ພວກເຂົາ​ໄດ້ຍິນ​ສຽງ​ຮ້ອງ​ອັນ​ໜ້າຢ້ານກົວ​ຍິ່ງ. ສະນັ້ນ ພວກເຂົາ​ຈຶ່ງ​ສັບສົນ​ວຸ້ນວາຍ ແລະ​ແຕກ​ໜີໄປ​ດ້ວຍ​ຄວາມ​ແຕກຕື່ນ​ຕົກໃຈ.

1 ຊາມູເອນ 7:10 Jak'a apnaqawi uñst'ayäwi

ເພງ^ສັນລະເສີນ 18:15

ພື້ນ​ມະຫາສະໝຸດ​ກໍ​ຫວ່າງເປົ່າ​ເປີດແປນ ແລະ​ຮາກຖານ​ແຜ່ນດິນ​ກໍ​ບໍ່ມີ​ຫຍັງ​ຫຸ້ມ​ໄວ້ ເມື່ອ​ອົງພຣະ​ຜູ້​ເປັນເຈົ້າ​ນາບຂູ່​ເຫຼົ່າ​ສັດຕູ ແລະ​ຮ້ອງ​ໃສ່​ພວກເຂົາ​ດ້ວຍ​ຄວາມ​ໂກດຮ້າຍ.

ເພງ^ສັນລະເສີນ 29:3

ສຽງ​ຂອງ​ພຣະເຈົ້າຢາເວ​ດັງ ກ້ອງ​ກັງວານ​ອອກ​ໄປ​ເທິງ​ໜ້າ​ນໍ້າ​ມະຫາສະໝຸດ​ເລິກ ສະຫງ່າຣາສີ​ຂອງ​ພຣະເຈົ້າ​ເປັນ​ສຽງ​ດັງ​ກ້ອງ​ກັງວານ ສຽງ​ຂອງ​ພຣະເຈົ້າຢາເວ​ກໍ​ດັງ​ທົ່ວ​ທັງ​ມະຫາສະໝຸດ​ດ້ວຍ.

ເພງ^ສັນລະເສີນ 29:4

ສຽງ​ຂອງ​ພຣະເຈົ້າຢາເວ​ມີ​ຣິດເດດ ສຽງ​ຂອງ​ພຣະເຈົ້າຢາເວ​ໜ້າ​ຢ້ານກົວ.

ເພງ^ສັນລະເສີນ 78:66

ພຣະອົງ​ໄດ້​ຂັບໄລ່​ພວກ​ສັດຕູ​ໃຫ້​ພ່າຍແພ້​ຖອຍຄືນ​ໄປ ຢ່າງ​ອັບອາຍ​ຕະຫຼອດໄປ.

ເຊກາຣີຢາ 4:6

ເທວະດາ​ຕົນ​ນັ້ນ​ໄດ້​ສັ່ງ​ຂ້າພະເຈົ້າ​ໃຫ້​ມອບ​ຖ້ອຍຄຳ​ຈາກ​ພຣະເຈົ້າຢາເວ​ແກ່​ເຊຣຸບບາເບນ. ຖ້ອຍຄຳ​ນັ້ນ​ມີ​ດັ່ງນີ້: “ເຈົ້າ​ຈະ​ພົບ​ຄວາມ​ສຳເລັດ ບໍ່ແມ່ນ​ໂດຍ​ກຳລັງ​ທາງ​ທະຫານ ຫລື​ໂດຍ​ກຳລັງ​ຂອງ​ເຈົ້າເອງ ແຕ່​ໂດຍ​ພຣະວິນຍານ​ຂອງເຮົາ. ພຣະເຈົ້າຢາເວ​ອົງ​ຊົງ​ຣິດອຳນາດ​ຍິ່ງໃຫຍ່​ກ່າວ​ດັ່ງນັ້ນແຫຼະ.

ພຣະບັນຍັດສອງ 28:7

ພຣະເຈົ້າຢາເວ​ຈະ​ເອົາ​ຊະນະ​ສັດຕູ​ທັງຫລາຍ​ທີ່​ມາ​ໂຈມຕີ​ພວກເຈົ້າ. ພວກເຂົາ​ຈະ​ໂຈມຕີ​ພວກເຈົ້າ​ຈາກ​ທິດດຽວ ແຕ່​ພວກເຂົາ​ຈະ​ແລ່ນ​ເປີດ​ໜີໄປ​ທຸກ​ທິດ​ທຸກ​ທາງ.

ໂຢຊວຍ 10:10

ພຣະເຈົ້າຢາເວ​ໄດ້​ເຮັດ​ໃຫ້​ພວກ​ອາໂມ​ແຕກຕື່ນ ແລະ​ໜີໄປ​ຕໍ່ໜ້າ​ກອງທັບ​ອິດສະຣາເອນ. ຝ່າຍ​ພວກ​ອິດສະຣາເອນ ກໍໄດ້​ຂ້າ​ພວກເຂົາ​ເປັນ​ຈຳນວນ​ຫລວງຫລາຍ​ຢູ່​ໃນ​ເມືອງ​ກີເບໂອນ ແລະ​ໄລ່​ຕິດຕາມ​ພວກ​ທີ່​ເຫຼືອ​ຢູ່ ລົງ​ໄປ​ສູ່​ຊ່ອງແຄບ​ຂອງ​ພູເຂົາ​ທີ່​ເມືອງ​ເບັດ​ໂຮໂຣນ ໂດຍ​ສືບຕໍ່​ໂຈມຕີ​ພວກເຂົາ​ໄປ​ທາງໃຕ້ ຈົນເຖິງ​ເມືອງ​ອາເຊກາ​ແລະ​ເມືອງ​ມັກເກດາ.

ພວກ^ຜູ້ປົກຄອງ 4:15

ເມື່ອ​ບາຣັກ​ໃຊ້​ກອງທັບ​ຂອງຕົນ​ໂຈມຕີ​ຢູ່​ນັ້ນ ພຣະເຈົ້າຢາເວ​ໄດ້​ບັນດານ​ໃຫ້​ສີເສຣາ​ສັບສົນ​ວຸ້ນວາຍ ພ້ອມ​ດ້ວຍ​ລົດຮົບ​ແລະ​ທະຫານ​ຂອງ​ລາວ. ສີເສຣາ​ຈຶ່ງ​ໂດດ​ອອກ​ຈາກ​ລົດຮົບ​ຂອງຕົນ​ແລະ​ແລ່ນ​ໜີໄປ.

ພວກ^ຜູ້ປົກຄອງ 5:20

ທີ່​ເທິງ​ຟ້າ​ສະຫວັນ ດວງດາວ​ທັງຫລາຍ​ກໍ​ມາ​ສູ້ຮົບ ເຄື່ອນຍ້າຍ​ຕາມ​ມາ​ຕໍ່ສູ້​ສີເສຣາ.

ພວກ^ຜູ້ປົກຄອງ 5:8

ຕໍ່ມາ ສົງຄາມ​ຈຶ່ງ​ເກີດຂຶ້ນ​ໃນ​ດິນແດນ ເມື່ອ​ຊາວ​ອິດສະຣາເອນ​ເລືອກ​ພະ​ຕົນ​ໃໝ່. ໃນ​ຊາດ​ອິດສະຣາເອນ​ມີ​ທະຫານ​ສີ່ສິບພັນ​ຄົນ ມີ​ໃຜ​ຖື​ຫອກ​ແລະ​ໂລ້​ເປັນ​ອາວຸດ​ແດ່​ຫລື​ບໍ່?

1 ຊາມູເອນ 12:17

ດຽວນີ້ ເປັນ​ລະດູແລ້ງ​ແມ່ນ​ບໍ່? ແຕ່​ຂ້າພະເຈົ້າ​ຈະ​ພາວັນນາ​ອະທິຖານ​ຂໍ​ໃຫ້​ພຣະເຈົ້າຢາເວ​ສົ່ງ​ສຽງ​ຟ້າຮ້ອງ​ມາ ແລະ​ຝົນ​ກໍ​ຈະ​ຕົກລົງ. ເມື່ອ​ພວກເຈົ້າ​ໄດ້​ເຫັນ​ເຫດການ​ນີ້​ແລ້ວ ພວກເຈົ້າ​ຈະ​ຮູ້​ວ່າ​ເວລາ​ທີ່​ພວກເຈົ້າ​ຂໍ​ເອົາ​ກະສັດ​ຈາກ​ພຣະອົງ​ນັ້ນ ພວກເຈົ້າ​ໄດ້​ເຮັດ​ຜິດ​ຢ່າງ​ຮ້າຍແຮງ​ຕໍ່​ພຣະເຈົ້າຢາເວ.”

1 ຊາມູເອນ 14:15

ພວກ​ຟີລິດສະຕິນ​ທຸກຄົນ​ທີ່​ຢູ່​ນອກເມືອງ​ເກີດ​ຢ້ານກົວ; ພວກ​ກອງໂຈນ​ແລະ​ພວກ​ທະຫານ​ທີ່​ຢູ່​ໃນ​ຄ້າຍ​ກໍ​ຢ້ານກົວ​ຈົນ​ຕົວ​ສັ່ນເຊັນ ແຜ່ນດິນ​ຫວັ່ນໄຫວ ແລະ​ເກີດ​ມີ​ການ​ສັບສົນ​ວຸ້ນວາຍ​ກັນ​ຢ່າງ​ໃຫຍ່.

1 ຊາມູເອນ 2:10

ສັດຕູ​ຂອງ​ພຣະເຈົ້າຢາເວ​ຈະ​ຖືກ​ດັບສູນ ຈາກ​ສະຫວັນ ພຣະອົງ​ຈະ​ແຜດ​ສຽງ​ຕໍ່ສູ້. ພຣະເຈົ້າຢາເວ​ຈະ​ຕັດສິນ​ທຸກຄົນ ທັງໝົດ​ທີ່ສຸດ​ປາຍ​ແຜ່ນດິນ​ໂລກ; ພຣະອົງ​ຈະ​ປະທານ​ກຳລັງ​ແກ່​ກະສັດ​ຂອງ​ພຣະອົງ ແລະ​ໃຫ້​ໄຊຊະນະ​ແກ່​ກະສັດ ທີ່​ພຣະອົງ​ຊົງ​ເລືອກ.”

1 ຊາມູເອນ 7:11

ແລ້ວ​ຊາວ​ອິດສະຣາເອນ​ກໍ​ຍົກທັບ​ອອກ​ມາ​ຈາກ​ເມືອງ​ມີຊະປາ ແລະ​ໄລ່​ຕາມລ່າ​ພວກເຂົາ​ໄປ​ຈົນ​ຮອດ​ເບັດຄາ ໂດຍ​ຂ້າ​ພວກເຂົາ​ໄປ​ຕາມ​ທາງ.