1 ຊາມູເອນ 7:1 - ພຣະຄຳພີສັກສິ

¹ ສະນັ້ນ ຊາວ​ກີຣີອາດ​ເຢອາຣີມ​ຈຶ່ງ​ລົງ​ມາ​ເອົາ​ຫີບ​ຂອງ​ພຣະເຈົ້າຢາເວ​ໄປ​ທີ່​ເຮືອນ​ຂອງ​ຊາຍ​ຄົນ​ໜຶ່ງ​ຜູ້​ທີ່​ອາໄສ​ຢູ່​ຕາມ​ເນີນພູ​ຊື່​ວ່າ ອາບີນາດາບ. ພວກເຂົາ​ໄດ້​ແຕ່ງຕັ້ງ​ເອເລອາຊາ​ລູກຊາຍ​ຂອງ​ລາວ ໃຫ້​ຮັບ​ໜ້າທີ່​ເບິ່ງແຍງ​ຫີບ​ຂອງ​ພຣະເຈົ້າຢາເວ.

1 ຊາມູເອນ 7:1 Jak'a apnaqawi uñst'ayäwi

1 ຂ່າວຄາວ 13:3

ແລ້ວ​ພວກເຮົາ​ກໍ​ຈະ​ພາກັນ​ໄປ​ເອົາ​ຫີບ​ຂອງ​ພຣະເຈົ້າ ທີ່​ໄດ້​ຖືກ​ລືມ​ໃນ​ຄາວ​ໂຊນ​ເປັນ​ກະສັດ​ນັ້ນ.”

ເພງ^ສັນລະເສີນ 132:6

ທີ່​ເອຟຣາທາ​ພວກເຮົາ​ໄດ້ຍິນ​ເຖິງ​ຫີບ​ພັນທະສັນຍາ ທີ່​ທົ່ງນາ​ເຢອາຣິມ ພວກເຮົາ​ໄດ້​ພົບ​ຫີບ​ນີ້.

ເອຊາຢາ 52:11

ທຸກຄົນ​ທີ່​ແບກຫາບ​ເຄື່ອງໃຊ້​ຂອງ​ພຣະເຈົ້າຢາເວ ຈົ່ງ​ອອກ​ໄປ​ໄວໆ ຈາກ​ນະຄອນ​ບາບີໂລນ​ເຖີດ ຢ່າ​ແຕະຕ້ອງ​ສິ່ງ​ຫວງຫ້າມ​ໃດໆ ຈົ່ງ​ຮັກສາ​ຕົວ​ໃຫ້​ບໍຣິສຸດ ແລະ​ອອກ​ໜີໄປ​ເຖີດ

ໂຢຊວຍ 18:14

ແລ້ວ​ຊາຍແດນ​ນີ້​ກໍ​ອອກ​ໄປ​ທາງ​ທິດໜຶ່ງອີກ ໂຄ້ງ​ໄປ​ທາງທິດໃຕ້​ດ້ານ​ທະເລ ຈາກ​ທິດ​ຕາເວັນຕົກ​ຂອງ​ພູ​ນີ້ ແລະ​ໄປ​ຈົນເຖິງ​ກີຣິອາດບາອານ (ຫລື​ກີຣີອາດ​ເຢອາຣີມ) ຊຶ່ງ​ເປັນ​ເມືອງ​ຂອງ​ເຜົ່າຢູດາ. ນີ້​ແມ່ນ​ຊາຍແດນ​ທາງທິດ​ຕາເວັນຕົກ.

ໂຢຊວຍ 9:17

ດັ່ງນັ້ນ ປະຊາຊົນ​ອິດສະຣາເອນ​ຈຶ່ງ​ໄດ້​ອອກ​ເດີນທາງ ແລະ​ໄປ​ຮອດ​ເມືອງ​ຂອງ​ພວກເຂົາ​ພາຍ​ໃນ​ສາມ​ວັນ. ເມືອງ​ເຫຼົ່ານີ້ ມີ​ດັ່ງນີ້: ກີເບໂອນ, ເກຟີຣາ, ເບເອໂຣດ ແລະ​ກີຣີອາດ​ເຢອາຣີມ.

1 ຊາມູເອນ 6:21

ແລ້ວ​ພວກເຂົາ​ກໍ​ສົ່ງ​ຄົນນຳຂ່າວ​ໄປ​ຫາ​ຊາວ​ກີຣີອາດ​ເຢອາຣີມ​ວ່າ, “ພວກ​ຟີລິດສະຕິນ​ໄດ້​ສົ່ງ​ຫີບ​ຂອງ​ພຣະເຈົ້າຢາເວ​ຄືນ​ມາ​ແລ້ວ ຂໍ​ໃຫ້​ລົງ​ມາ​ເອົາ​ສາ.”

1 ຊາມູເອນ 7:2

ຫີບ​ນັ້ນ​ຢູ່​ໃນ​ເມືອງ​ກີຣີອາດ​ເຢອາຣີມ ເປັນ​ເວລາ​ດົນນານ​ເຖິງ​ຊາວ​ປີ. ໃນ​ເວລາ​ນັ້ນ ຊາວ​ອິດສະຣາເອນ​ທຸກຄົນ​ໄດ້​ຮ້ອງ​ຫາ​ພຣະເຈົ້າຢາເວ​ໃຫ້​ຊ່ວຍເຫລືອ.