1 ຊາມູເອນ 6:14 - ພຣະຄຳພີສັກສິ

¹⁴ ກວຽນ​ນັ້ນ​ໄດ້​ມາ​ຢຸດ​ຢູ່​ໃກ້​ໂງ່ນຫີນ​ໃຫຍ່​ບ່ອນ​ໜຶ່ງ​ໃນ​ນາ​ຂອງ​ຊາຍ​ຜູ້ໜຶ່ງ​ຊື່​ວ່າ ໂຢຊວຍ​ຊາວ​ເມືອງ​ເບັດເຊເມດ. ແລ້ວ​ຊາວເມືອງ​ກໍ​ມ້າງ​ໄມ້ກວຽນ​ອອກ​ເປັນ​ທ່ອນໆ ແລະ​ຂ້າ​ງົວແມ່​ສອງ​ໂຕ​ນັ້ນ​ເຜົາ​ເປັນ​ເຄື່ອງ​ບູຊາ​ຖວາຍ​ແກ່​ພຣະເຈົ້າຢາເວ.

1 ຊາມູເອນ 6:14 Jak'a apnaqawi uñst'ayäwi

2 ຊາມູເອນ 24:18

ໃນ​ວັນ​ດຽວກັນ​ນັ້ນ ກາດ​ໄດ້​ໄປ​ຫາ​ກະສັດ​ດາວິດ ແລະ​ເວົ້າ​ວ່າ, “ໃຫ້​ທ່ານ​ຂຶ້ນ​ໄປ​ທີ່​ລານ​ຟາດເຂົ້າ​ຂອງ​ອາໂຣນາ​ຊາວ​ເຢບຸດ ແລະ​ສ້າງ​ແທ່ນບູຊາ​ຖວາຍ​ແກ່​ພຣະເຈົ້າຢາເວ​ຢູ່​ທີ່​ນັ້ນ.”

2 ຊາມູເອນ 24:22

ອາໂຣນາ​ບອກ​ວ່າ, “ຂ້າແດ່​ພະຣາຊາ ເຊີນ​ທ່ານ​ເອົາ​ໄດ້ ແລະ​ຖວາຍ​ບູຊາ​ຕາມ​ທີ່​ທ່ານ​ຕ້ອງການ​ເຖີດ ນີ້​ເດ​ງົວ​ສຳລັບ​ເຜົາ​ຖວາຍບູຊາ ແລະ​ນີ້​ແມ່ນ​ແອກ​ກັບ​ໄມ້​ຟາດ​ເຂົ້າ​ສຳລັບ​ໃຊ້​ເຮັດ​ຟືນ.”

2 ຊາມູເອນ 24:25

ເພິ່ນ​ໄດ້​ສ້າງ​ແທ່ນບູຊາ​ຖວາຍ​ແກ່​ພຣະເຈົ້າຢາເວ​ຢູ່​ທີ່​ນັ້ນ ແລະ​ຖວາຍ​ເຄື່ອງ​ເຜົາບູຊາ​ຕະຫລອດ​ທັງ​ເຄື່ອງບູຊາ​ເພື່ອ​ຄວາມ​ສາມັກຄີທຳ. ດັ່ງນັ້ນ ພຣະເຈົ້າຢາເວ​ໄດ້​ຕອບ​ຄຳພາວັນນາ​ອະທິຖານ​ຂອງ​ກະສັດ​ດາວິດ ແລ້ວ​ໂຣກ​ລະບາດ​ໃນ​ດິນແດນ​ອິດສະຣາເອນ​ກໍໄດ້​ໝົດໄປ.

1 ກະສັດ 19:21

ແລ້ວ​ເອລີຊາ​ກໍໄດ້​ໄປ​ຂ້າ​ງົວ​ຄູ່ນັ້ນ​ຂອງຕົນ ແລະ​ເອົາ​ຊີ້ນ​ເຮັດ​ອາຫານ ໂດຍ​ໃຊ້​ໄຖ​ເປັນ​ຟືນ​ດັງ​ໄຟ. ລາວ​ແບ່ງ​ຊີ້ນ​ໃຫ້​ຄົນ​ທັງຫລາຍ ແລະ​ພວກເຂົາ​ກໍ​ກິນ. ແລ້ວ​ລາວ​ກໍ​ຈາກ​ໄປ ແລະ​ຕິດຕາມ​ເອລີຢາ ໂດຍ​ເປັນ​ຜູ້​ຮັບໃຊ້​ຂອງເພິ່ນ.

ອົບພະຍົບ 20:24

ຈົ່ງ​ເອົາ​ດິນ​ມາ​ສ້າງ​ແທ່ນບູຊາ​ສຳລັບ​ເຮົາ ແລະ​ທີ່​ເທິງ​ແທ່ນ​ນັ້ນ​ໃຫ້​ນຳ​ແກະ ແລະ​ງົວເຖິກ​ມາ​ເຜົາ​ຖວາຍ​ເປັນ​ເຄື່ອງ​ບູຊາ ແລະຖວາຍ​ບູຊາ​ເພື່ອ​ຄວາມ​ສາມັກຄີທຳ. ໃນ​ທຸກ​ບ່ອນ​ທີ່​ເຮົາ​ຈັດ​ໃຫ້​ນະມັດສະການ ເຮົາ​ຈະ​ມາ​ອວຍພອນ​ພວກເຈົ້າ​ໃນ​ທີ່ນັ້ນ.

ພວກ^ຜູ້ປົກຄອງ 21:4

ແລ້ວ​ເຊົ້າ​ມື້​ໃໝ່​ມາ ປະຊາຊົນ​ກໍ​ລຸກ​ແຕ່​ເດິກໆ ແລະ​ສ້າງ​ແທ່ນບູຊາ​ຂຶ້ນ​ໃນ​ທີ່ນັ້ນ. ພວກເຂົາ​ໄດ້​ຖວາຍ​ເຄື່ອງ​ບູຊາ​ເພື່ອ​ຄວາມ​ສາມັກຄີທຳ ແລະ​ເຜົາ​ສັດ​ທັງ​ໂຕ​ເປັນ​ເຄື່ອງ​ບູຊາ.

ພວກ^ຜູ້ປົກຄອງ 6:26

ຈົ່ງ​ສ້າງ​ແທ່ນບູຊາ​ທີ່​ແໜ້ນແກ່ນ​ສຳລັບ​ພຣະເຈົ້າຢາເວ ພຣະເຈົ້າ​ຂອງ​ເຈົ້າ ທີ່​ເທິງ​ຈອມ​ໂພນ​ນີ້. ແລ້ວ​ຈົ່ງ​ເຜົາ​ງົວເຖິກ​ໂຕ​ທີ​ສອງ ທັງ​ໂຕ​ຖວາຍ​ເປັນ​ເຄື່ອງບູຊາ ໂດຍ​ເອົາ​ເສົາ​ສັກສິດ​ທີ່​ເຈົ້າ​ໄດ້​ຕັດ​ລົງ​ນັ້ນ​ໃຊ້​ເປັນ​ຟືນ.”

1 ຊາມູເອນ 11:5

ສ່ວນ​ໂຊນ​ນັ້ນ​ກຳລັງ​ຈູງ​ງົວ​ມາ​ແຕ່​ນາ ເພິ່ນ​ຖາມ​ວ່າ, “ມີ​ຫຍັງ​ເກີດຂຶ້ນ? ເປັນຫຍັງ​ທຸກຄົນ​ຈຶ່ງ​ຮ້ອງໄຫ້?” ພວກເຂົາ​ບອກ​ເລື່ອງ​ທີ່​ຄົນນຳຂ່າວ​ຈາກ​ຢາເບັດ​ໄດ້​ມາ​ລາຍງານ​ນັ້ນ​ສູ່​ລາວ​ຟັງ.

1 ຊາມູເອນ 20:29

ລາວ​ເວົ້າ​ວ່າ, ‘ອະນຸຍາດ​ໃຫ້​ຂ້ອຍ​ໄປ​ເທາະ ເພາະ​ຄອບຄົວ​ຂອງ​ພວກເຮົາ​ສະຫລອງ​ງານ​ຖວາຍບູຊາ​ຢູ່​ໃນ​ເມືອງ ແລະ​ອ້າຍ​ຂອງ​ຂ້ອຍ​ກໍ​ສັ່ງ​ໃຫ້​ຂ້ອຍ​ໄປ​ທີ່​ນັ້ນ. ຖ້າ​ເຈົ້າ​ເປັນ​ເພື່ອນຂ້ອຍ ຈົ່ງ​ອະນຸຍາດ​ໃຫ້​ຂ້ອຍ​ໄປ​ຫາ​ພີ່ນ້ອງ​ຂອງຂ້ອຍ​ສາ.’ ດ້ວຍເຫດນີ້ ດາວິດ​ຈຶ່ງ​ບໍ່ໄດ້​ມາ​ຮ່ວມ​ໂຕະ​ນຳ​ພໍ່.”

1 ຊາມູເອນ 6:13

ຊາວ​ເບັດເຊເມດ​ກຳລັງ​ພາກັນ​ກ່ຽວເຂົ້າ​ຢູ່​ໃນ​ທົ່ງນາ; ເມື່ອ​ຫລຽວ​ເຫັນ​ຫີບ​ພັນທະສັນຍາ​ກໍ​ພາກັນ​ຊົມຊື່ນ​ຍິນດີ​ຫຼາຍ.

1 ຊາມູເອນ 6:18

ສ່ວນ​ກ້ອນ​ຄຳ​ທີ່​ເປັນ​ແບບ​ຮູບ​ໜູ​ແມ່ນ​ສຳລັບ​ເມືອງ​ຕ່າງໆ​ຂອງ​ພວກ​ຟີລິດສະຕິນ ຊຶ່ງ​ຖືກ​ປົກຄອງ​ໂດຍ​ກະສັດ​ຫ້າ​ຄົນ ພ້ອມ​ທັງ​ເມືອງ​ທີ່​ມີ​ປ້ອມ​ປ້ອງກັນ​ດ້ວຍ. ສ່ວນ​ໂງ່ນຫີນ​ໃນ​ທົ່ງນາ​ຂອງ​ໂຢຊວຍ​ທີ່​ເບັດເຊເມດ ບ່ອນ​ທີ່​ຊາວ​ເມືອງ​ວາງ​ຫີບ​ຂອງ​ພຣະເຈົ້າຢາເວ​ໃສ່​ນັ້ນ ກໍ​ຍັງ​ເປັນ​ຫຼັກຖານ​ພະຍານ​ເຖິງ​ເຫດການ​ທີ່​ໄດ້​ເກີດຂຶ້ນ​ນັ້ນ​ຈົນ​ເທົ່າ​ເຖິງທຸກ​ວັນ​ນີ້.