1 ຊາມູເອນ 5:6 - ພຣະຄຳພີສັກສິ

⁶ ພຣະເຈົ້າຢາເວ​ໄດ້​ລົງໂທດ​ຊາວ​ເມືອງ​ອາຊະໂດດ​ຢ່າງໜັກ ທັງ​ເຮັດ​ໃຫ້​ພວກເຂົາ​ຢ້ານກົວ​ພຣະອົງ​ຫລາຍ​ທີ່ສຸດ. ພຣະອົງ​ຍັງ​ໄດ້​ລົງໂທດ​ພວກເຂົາ ຕະຫລອດ​ທັງ​ປະຊາຊົນ​ທີ່​ຢູ່​ອ້ອມແອ້ມ​ນັ້ນ​ໂດຍ​ໃຫ້​ເກີດ​ຕຸ່ມຝີ.

1 ຊາມູເອນ 5:6 Jak'a apnaqawi uñst'ayäwi

ປະຖົມມະການ 41:31

ປີ​ແຫ່ງ​ຄວາມ​ອຸດົມ​ສົມບູນ​ຈະ​ຖືກ​ລຶບ​ໄປ​ຢ່າງ​ໝົດສິ້ນ ເພາະ​ຄວາມ​ອຶດຢາກ​ທີ່​ຈະ​ຕາມ​ມາ​ນັ້ນ ຮ້າຍແຮງ​ທີ່ສຸດ.

ພຣະທຳ​ໂຢບ 31:3

ພຣະອົງ​ສົ່ງ​ຄວາມພິນາດ​ແລະ​ຄວາມ​ຈິບຫາຍ ມາ​ທຳລາຍ​ຄົນ​ທັງຫລາຍ​ທີ່​ເຮັດ​ການ​ຊົ່ວຮ້າຍ.

ເພງ^ສັນລະເສີນ 145:20

ພຣະເຈົ້າຢາເວ​ປົກປັກ​ຮັກສາ​ຜູ້​ທີ່​ຮັກ​ພຣະອົງ​ທຸກຄົນ ແຕ່​ພຣະອົງ​ຈະ​ທຳລາຍ​ຜູ້​ຊົ່ວຮ້າຍ​ທຸກຄົນ​ຖິ້ມ.

ເພງ^ສັນລະເສີນ 147:6

ພຣະເຈົ້າຢາເວ​ຍົກ​ຜູ້​ທີ່​ຖ່ອມຕົວ ສ່ວນ​ຄົນຊົ່ວຮ້າຍ​ທັງຫລາຍ ພຣະອົງ​ຢຽບຢໍ່າ​ລົງ​ແລະ​ທຳລາຍ​ຖິ້ມ.

ເພງ^ສັນລະເສີນ 32:4

ພຣະອົງ​ລົງໂທດ​ໃສ່​ໃຫ້​ຂ້ານ້ອຍ​ທັງ​ເວັນ​ແລະ​ຄືນ​ນັ້ນ ກຳລັງ​ຂ້ານ້ອຍ​ກໍ​ອ່ອນ​ແຮງ​ລົງ​ຢ່າງ​ໝົດ​ສິ້ນ ດັ່ງ​ຄວາມຊຸ່ມ​ທີ່​ແຫ້ງ​ລົງ​ໂດຍ​ລະດູ​ອົບເອົ້າ.

ເພງ^ສັນລະເສີນ 78:66

ພຣະອົງ​ໄດ້​ຂັບໄລ່​ພວກ​ສັດຕູ​ໃຫ້​ພ່າຍແພ້​ຖອຍຄືນ​ໄປ ຢ່າງ​ອັບອາຍ​ຕະຫຼອດໄປ.

ອົບພະຍົບ 9:3

ມື​ຂອງ​ພຣະເຈົ້າຢາເວ​ຈະ​ລົງໂທດ​ເຈົ້າ​ໂດຍ​ຈະ​ໃຫ້​ເກີດ​ໂຣກ​ລະບາດ​ຢ່າງ​ຮ້າຍແຮງ ແກ່​ຝູງສັດ​ທັງຫລາຍ​ຄື: ມ້າ, ລໍ, ອູດ, ງົວ, ແກະ ແລະ​ແບ້.

ກິດຈະການ 13:11

ບັດນີ້​ຈົ່ງ​ຟັງ ມື​ຂອງ​ອົງພຣະ​ຜູ້​ເປັນເຈົ້າ​ຈະ​ລົງ​ຢູ່​ເທິງ​ເຈົ້າ, ເຈົ້າ​ຈະ​ຕາບອດ ແລະ​ຈະ​ບໍ່​ເຫັນ​ແສງ​ສະຫວ່າງ ຈົນເຖິງ​ເວລາ​ທີ່​ກຳນົດ​ໄວ້.” ໃນ​ທັນໃດນັ້ນ ຕາ​ຂອງ​ເອລີມາ​ກໍ​ມືດມົວ​ແລະ​ງົມທາວ​ຫາ​ຮອບ​ຕົວ ເພື່ອ​ຊອກຫາ​ຄົນ​ຈູງ​ມື​ຂອງຕົນ.

ພຣະບັນຍັດສອງ 28:27

ພຣະເຈົ້າຢາເວ​ຈະ​ສົ່ງ​ຕຸ່ມຝີ​ມາ​ຖືກ​ພວກເຈົ້າ ເໝືອນ​ດັ່ງ​ທີ່​ພຣະອົງ​ໄດ້​ເຮັດ​ກັບ​ຊາວ​ເອຢິບ. ພຣະອົງ​ຈະ​ເຮັດ​ໃຫ້​ຕົນຕົວ​ຂອງ​ພວກເຈົ້າ​ມີ​ບາດແຜ. ພວກເຈົ້າ​ຈະ​ມີ​ເກັດ​ເຕັມຕົວ​ທັງ​ຄັນ​ແລະ​ຮັກສາ​ບໍ່​ດີ​ຈັກເທື່ອ.

1 ຊາມູເອນ 5:11

ດັ່ງນັ້ນ ພວກເຂົາ​ຈຶ່ງ​ເຊີນ​ເອົາ​ກະສັດ​ແຫ່ງ​ຟີລິດສະຕິນ​ທັງໝົດ​ມາ ແລະ​ຂໍຮ້ອງ​ວ່າ, “ຈົ່ງ​ສົ່ງ​ຫີບ​ພັນທະສັນຍາ​ຂອງ​ພຣະເຈົ້າ​ແຫ່ງ​ຊາດ​ອິດສະຣາເອນ​ກັບຄືນ​ເມືອ​ບ່ອນ​ເກົ່າ​ສາ ເພື່ອ​ວ່າ​ພວກເຮົາ​ແລະ​ປະຊາຊົນ​ຂອງ​ພວກເຮົາ​ຈະ​ບໍ່ໄດ້​ຖືກ​ຂ້າ​ຕາຍ.” ທົ່ວ​ທັງ​ເມືອງ​ເລີຍ​ເກີດ​ສັບສົນ​ວຸ້ນວາຍ​ກັນ​ຫຼາຍ ຍ້ອນ​ວ່າ​ພຣະເຈົ້າ​ໄດ້​ລົງໂທດ​ພວກເຂົາ​ຢ່າງໜັກ.

1 ຊາມູເອນ 5:7

ເມື່ອ​ພວກເຂົາ​ໄດ້​ເຫັນ​ເຫດການ​ດັ່ງນີ້​ເກີດຂຶ້ນ ຈຶ່ງ​ເວົ້າ​ວ່າ, “ຢ່າ​ເອົາ​ຫີບ​ຂອງ​ພຣະເຈົ້າ​ຂອງ​ຊາດ​ອິດສະຣາເອນ​ຢູ່ນຳ​ພວກເຮົາ ເພາະວ່າ​ມື​ຂອງ​ພຣະອົງ​ໄດ້​ລົງໂທດ​ພວກເຮົາ​ກັບ​ພະ​ດາໂກນ​ຂອງ​ພວກເຮົາ.”

1 ຊາມູເອນ 5:9

ແຕ່​ພໍ​ຫີບ​ໄປ​ເຖິງ​ທີ່​ນັ້ນ​ແລ້ວ ພຣະເຈົ້າຢາເວ​ກໍ​ລົງໂທດ​ຊາວ​ເມືອງ​ນີ້​ເຊັ່ນກັນ ຄື​ເຮັດ​ໃຫ້​ພວກເຂົາ​ສັບສົນ​ວຸ້ນວາຍ​ຫຼາຍ. ພຣະອົງ​ໄດ້​ລົງໂທດ​ພວກເຂົາ​ໃຫ້​ເກີດ​ຕຸ່ມຝີ​ທັງ​ຜູ້ໜຸ່ມ​ແລະ​ຜູ້ເຖົ້າ.