1 ຊາມູເອນ 4:8 - ພຣະຄຳພີສັກສິ

⁸ ແມ່ນ​ຜູ້ໃດ​ຈະ​ຊ່ວຍ​ພວກເຮົາ​ໃຫ້​ພົ້ນ​ຈາກ​ພຣະ​ທີ່​ມີ​ຣິດອຳນາດ​ເຫຼົ່ານັ້ນ​ໄດ້? ແມ່ນ​ພຣະ​ເຫຼົ່ານີ້​ແຫລະ ທີ່​ໄດ້​ຂ້າ​ຊາວ​ເອຢິບ​ດ້ວຍ​ໄພພິບັດ​ນາໆ​ປະການ ຢູ່​ໃນ​ຖິ່ນ​ແຫ້ງແລ້ງ​ກັນດານ.

1 ຊາມູເອນ 4:8 Jak'a apnaqawi uñst'ayäwi

ອົບພະຍົບ 15:14

ເມື່ອ​ຊົນຊາດ​ທັງຫລາຍ​ໄດ້ຍິນ​ເລື່ອງ ກໍ​ແຕກຕື່ນ​ຕົກໃຈ​ກົວ; ຄວາມ​ຢ້ານກົວ​ອັນ​ໃຫຍ່ຫລວງ ໄດ້​ຄວບຄຸມ​ຊາວ​ຟີລິດສະຕິນ​ໄວ້.

ອົບພະຍົບ 7:5

ຊາວ​ເອຢິບ​ຈະ​ຮູ້​ວ່າ ເຮົາ​ແມ່ນ​ພຣະເຈົ້າຢາເວ ກໍ​ຕໍ່​ເມື່ອ​ເຮົາ​ໃຊ້​ຣິດອຳນາດ​ຂອງເຮົາ​ຕໍ່ສູ້​ພວກເຂົາ ແລະ​ນຳ​ຊາວ​ອິດສະຣາເອນ​ອອກ​ໄປ​ຈາກ​ປະເທດ​ຂອງ​ພວກເຂົາ​ເທົ່ານັ້ນ.”

ອົບພະຍົບ 9:14

ໃນ​ເທື່ອ​ນີ້ ເຮົາ​ຈະ​ບໍ່​ລົງໂທດ​ບັນດາ​ຂ້າຣາຊການ ແລະ​ປະຊາຊົນ​ຂອງ​ເຈົ້າ​ເທົ່ານັ້ນ; ແຕ່​ເຮົາ​ຈະ​ລົງໂທດ​ເຈົ້າ​ເຊັ່ນກັນ​ເພື່ອ​ເຈົ້າ​ຈະ​ໄດ້​ຮູ້​ວ່າ ທົ່ວ​ເທິງ​ແຜ່ນດິນ​ໂລກນີ້​ບໍ່ມີ​ພະອື່ນ​ໃດ​ເທົ່າທຽມ​ເຮົາ.

ພຣະນິມິດ 11:6

ພະຍານ​ທັງສອງ​ນີ້ ມີ​ສິດ​ອຳນາດ​ທີ່​ຈະ​ອັດ​ທ້ອງຟ້າ​ໄວ້ ເພື່ອ​ບໍ່​ໃຫ້​ຝົນ​ຕົກ​ໃນ​ຂະນະທີ່​ພວກເພິ່ນ​ປະກາດ​ພຣະທຳ​ຂອງ​ພຣະເຈົ້າ​ຢູ່​ນັ້ນ ພວກເພິ່ນ​ຍັງ​ມີ​ສິດ​ອຳນາດ​ເຮັດ​ໃຫ້​ນໍ້າ​ກາຍເປັນ​ເລືອດ​ໄດ້ ທັງ​ມີ​ສິດ​ອຳນາດ​ບັນດານ​ໃຫ້​ໄພ​ອັນຕະລາຍ​ທຸກຢ່າງ ທໍລະມານ​ແຜ່ນດິນ​ໂລກ​ໄດ້​ທຸກ​ເວລາ ຕາມ​ຄວາມ​ປາຖະໜາ.

1 ຊາມູເອນ 4:7

ພວກເຂົາ​ຈຶ່ງ​ຢ້ານກົວ ແລະ​ເວົ້າ​ວ່າ, “ມີ​ພຣະ​ຕົນ​ໜຶ່ງ​ມາ​ຢູ່​ໃນ​ຄ້າຍ​ຂອງ​ພວກເຂົາ​ແລ້ວ. ບັດນີ້ ພວກເຮົາ​ຈະ​ຕ້ອງ​ເສຍໄຊ​ເປັນ​ແນ່ ເພາະ​ບໍ່ເຄີຍ​ມີ​ເຫດການ​ຢ່າງ​ນີ້​ເກີດຂຶ້ນ​ກັບ​ພວກເຮົາ​ມາ​ກ່ອນ​ເລີຍ.

1 ຊາມູເອນ 4:9

ຊາວ​ຟີລິດສະຕິນ​ເອີຍ ຈົ່ງ​ກ້າຫານ​ເຖີດ ຈົ່ງ​ຕໍ່ສູ້​ຢ່າງ​ລູກ​ຜູ້ຊາຍ; ບໍ່​ດັ່ງນັ້ນ ພວກເຮົາ​ຈະ​ຕ້ອງ​ຕົກ​ເປັນ​ທາດຮັບໃຊ້​ຂອງ​ຊາວ​ເຮັບເຣີ ດັ່ງ​ທີ່​ພວກເຂົາ​ເຄີຍ​ຕົກ​ເປັນ​ທາດຮັບໃຊ້​ຂອງ​ພວກເຮົາ​ມາ​ແລ້ວ. ສະນັ້ນ ຈົ່ງ​ຕໍ່ສູ້​ຢ່າງ​ລູກ​ຜູ້ຊາຍ​ເຖີດ.”

1 ຊາມູເອນ 5:7

ເມື່ອ​ພວກເຂົາ​ໄດ້​ເຫັນ​ເຫດການ​ດັ່ງນີ້​ເກີດຂຶ້ນ ຈຶ່ງ​ເວົ້າ​ວ່າ, “ຢ່າ​ເອົາ​ຫີບ​ຂອງ​ພຣະເຈົ້າ​ຂອງ​ຊາດ​ອິດສະຣາເອນ​ຢູ່ນຳ​ພວກເຮົາ ເພາະວ່າ​ມື​ຂອງ​ພຣະອົງ​ໄດ້​ລົງໂທດ​ພວກເຮົາ​ກັບ​ພະ​ດາໂກນ​ຂອງ​ພວກເຮົາ.”