1 ຊາມູເອນ 4:2 - ພຣະຄຳພີສັກສິ

² ພວກ​ຟີລິດສະຕິນ​ເປັນ​ຝ່າຍ​ລົງມື​ໂຈມຕີ​ກ່ອນ ແລະ​ຫລັງຈາກ​ຕໍ່ສູ້​ກັນ​ຢ່າງ​ດຸເດືອດ​ແລ້ວ ພວກເຂົາ​ຈຶ່ງ​ຕີ​ຊະນະ​ພວກ​ອິດສະຣາເອນ ໂດຍ​ຂ້າ​ພວກເຂົາ​ຕາຍ​ໃນ​ສະໜາມຮົບ​ປະມານ​ສີ່ພັນ​ຄົນ.

1 ຊາມູເອນ 4:2 Jak'a apnaqawi uñst'ayäwi

ເພງ^ຄໍ່າຄວນ 3:40

ຂໍ​ໃຫ້​ພວກເຮົາ​ສຳຫລວດ​ທາງ​ຊີວິດ​ຂອງ​ພວກເຮົາ ແລະ​ຫັນ​ກັບຄືນ​ມາ​ຫາ​ພຣະເຈົ້າຢາເວ.

ລະບຽບ^ພວກເລວີ 26:37

ພວກເຈົ້າ​ຈະ​ສະດຸ້ງ​ຕື່ນ​ກັນ​ເອງ ທັງໆ​ທີ່​ບໍ່ມີ​ໃຜ​ໄລ່​ຕິດຕາມ​ມາ ແລະ​ພວກເຈົ້າ​ຈະ​ບໍ່​ສາມາດ​ຕໍ່ສູ້​ສັດຕູ​ໃດໆ​ໄດ້.

ຈົດບັນຊີ 14:45

ແລ້ວ​ພວກ​ອາມາເຫຼັກ​ແລະ​ພວກ​ການາອານ​ທີ່​ຢູ່​ໃນ​ທີ່ນັ້ນ​ກໍໄດ້​ໂຈມຕີ​ຄືນ ແລະ​ຂັບໄລ່​ພວກເຂົາ​ໃຫ້​ພ່າຍແພ້​ຢ່າງ​ສິ້ນເຊີງ​ທີ່​ເມືອງ​ໂຮມາ.

ໂຢຊວຍ 7:12

ດ້ວຍເຫດນີ້ ຊາວ​ອິດສະຣາເອນ​ຈຶ່ງ​ສູ້ຮົບ​ເຫຼົ່າ​ສັດຕູ​ຂອງ​ພວກເຂົາ​ບໍ່ໄດ້. ພວກເຂົາ​ຖືກ​ຕີ​ໃຫ້​ຖອຍໜີ​ໄປ ກໍ​ຍ້ອນ​ວ່າ​ພວກເຂົາ​ເປັນ​ຝ່າຍ​ທີ່​ຕ້ອງ​ຖືກ​ທຳລາຍ ເຮົາ​ຈະ​ບໍ່​ຢູ່​ກັບ​ພວກເຈົ້າ​ຕໍ່ໄປ ຈົນກວ່າ​ພວກເຈົ້າ​ຈະ​ທຳລາຍ​ສິ່ງ​ທີ່​ເຮົາ​ຫ້າມ​ບໍ່​ໃຫ້​ເອົາ​ນັ້ນ.

1 ຊາມູເອນ 17:21

ທະຫານ​ຂອງ​ພວກ​ຟີລິດສະຕິນ​ແລະ​ຂອງ​ພວກ​ອິດສະຣາເອນ ຕ່າງ​ກໍ​ຕັ້ງ​ທີ່ໝັ້ນ​ຂອງ​ໃຜ​ລາວ​ປະເຊີນ​ໜ້າ​ກັນ​ເພື່ອ​ຕຽມ​ສູ້ຮົບ.

1 ຊາມູເອນ 17:8

ໂກລີອາດ​ຢືນ​ຮ້ອງ​ແຜດສຽງ​ໃສ່​ພວກ​ອິດສະຣາເອນ​ວ່າ, “ພວກສູ​ກຳລັງ​ເຮັດ​ຫຍັງ​ຢູ່​ທີ່​ນີ້, ລຽນ​ແຖວ​ເຂົ້າ​ມາ​ສູ້ຮົບ​ຊັ້ນບໍ? ກູ​ເປັນ​ຄົນ​ຟີລິດສະຕິນ ພວກສູ​ເປັນ​ທາດຮັບໃຊ້​ຂອງ​ໂຊນ ຈົ່ງ​ເລືອກ​ເອົາ​ທະຫານ​ຄົນ​ໜຶ່ງ​ໃນ​ພວກສູ​ອອກ​ມາ​ຕໍ່ສູ້​ກັບ​ກູ.

1 ຊາມູເອນ 4:1

ໃນ​ເວລາ​ນັ້ນ ພວກ​ຟີລິດສະຕິນ​ໄດ້​ທ້ອນໂຮມກັນ ເຮັດ​ເສິກ​ຕໍ່ສູ້​ຊົນຊາດ​ອິດສະຣາເອນ. ດັ່ງນັ້ນ ຊາວ​ອິດສະຣາເອນ​ຈຶ່ງ​ຍົກທັບ​ອອກ​ໄປ​ສູ້ຮົບ​ພວກເຂົາ. ພວກ​ອິດສະຣາເອນ​ຕັ້ງ​ຄ້າຍ​ຢູ່​ທີ່​ເມືອງ​ເອເບັນເອເຊ ສ່ວນ​ພວກ​ຟີລິດສະຕິນ​ນັ້ນ​ຕັ້ງ​ຄ້າຍ​ຢູ່​ທີ່​ເມືອງ​ອາເຟັກ.

1 ຊາມູເອນ 4:10

ພວກ​ຟີລິດສະຕິນ​ຕໍ່ສູ້​ຢ່າງໜັກ ຈົນ​ພວກ​ອິດສະຣາເອນ​ພ່າຍແພ້​ໃນທີ່ສຸດ ແລະ​ແຕກ​ໜີໄປ​ບ້ານ​ເຮືອນ​ຂອງ​ໃຜ​ລາວ. ມີ​ການ​ເຂັ່ນຂ້າ​ເປັນ​ໝູ່​ຢ່າງໜັກ​ຄື: ທະຫານ​ອິດສະຣາເອນ​ຖືກ​ຂ້າ​ຕາຍ​ສາມສິບພັນ​ຄົນ.

1 ຊາມູເອນ 4:3

ເມື່ອ​ພວກ​ທີ່​ລອດ​ຕາຍ​ກັບຄືນ​ມາ​ຄ້າຍ ພວກ​ຜູ້ນຳ​ຊາວ​ອິດສະຣາເອນ​ຈຶ່ງ​ເວົ້າ​ວ່າ, “ເປັນຫຍັງ​ມື້ນີ້​ພຣະເຈົ້າຢາເວ​ຈຶ່ງ​ໃຫ້​ພວກ​ຟີລິດສະຕິນ​ຊະນະ​ພວກເຮົາ? ຈົ່ງ​ໄປ​ເອົາ​ຫີບ​ພັນທະສັນຍາ​ຂອງ​ພຣະເຈົ້າຢາເວ​ມາ​ຈາກ​ເມືອງ​ຊີໂລ ເພື່ອ​ວ່າ​ພຣະອົງ ຈະ​ສະຖິດ​ຢູ່​ກັບ​ພວກເຮົາ ແລະ​ຊ່ວຍ​ພວກເຮົາ​ໃຫ້​ພົ້ນ​ຈາກ​ເງື້ອມມື​ສັດຕູ​ຂອງ​ພວກເຮົາ.”