1 ຊາມູເອນ 4:19 - ພຣະຄຳພີສັກສິ

¹⁹ ລູກໃພ້​ຂອງ​ເອລີ ເມຍ​ຂອງ​ຟີເນຮາ​ກຳລັງ​ຖືພາ​ແລະ​ໃກ້​ຈະ​ຄອດ​ຢູ່​ແລ້ວ. ເມື່ອ​ນາງ​ໄດ້ຍິນ​ວ່າ​ຫີບ​ພັນທະສັນຍາ​ຂອງ​ພຣະເຈົ້າ​ຖືກ​ຢຶດ​ໄປ ແລະ​ພໍ່ປູ່​ກັບ​ຜົວ​ຂອງຕົນ​ກໍໄດ້​ຕາຍໄປ​ແລ້ວ ດ້ວຍ​ຄວາມ​ເສຍໃຈ ນາງ​ຈຶ່ງ​ເຈັບ​ທ້ອງ ແລະ​ຄອດ​ລູກ​ອອກ​ມາ​ໃນ​ກະທັນຫັນ.

1 ຊາມູເອນ 4:19 Jak'a apnaqawi uñst'ayäwi

ປະຖົມມະການ 3:16

ແລ້ວ​ພຣະອົງ​ກໍໄດ້​ກ່າວ​ກັບ​ຍິງ​ນັ້ນ​ວ່າ, “ເຮົາ​ຈະ​ເພີ່ມ​ຄວາມ​ລຳບາກ​ເມື່ອ​ເຈົ້າ​ຖືພາ, ເຈົ້າ​ຈະ​ຕ້ອງ​ເບັ່ງ​ລູກ​ອອກ​ມາ​ຢ່າງ​ເຈັບປວດ​ເຫລືອລົ້ນ. ເຖິງ​ປານ​ນັ້ນ​ເຈົ້າ​ກໍ​ບໍ່​ພົ້ນ​ທີ່​ຢາກ​ໄດ້​ຜົວ, ແລ້ວ​ຜົວ​ຂອງ​ເຈົ້າ​ນັ້ນ​ຈະ​ເປັນ​ນາຍ​ເໜືອ​ເຈົ້າ.”

ປະຖົມມະການ 35:17

ເມື່ອ​ນາງ​ເບັ່ງ​ລູກ​ອອກ​ເທື່ອໃດ ນາງ​ຜະດຸງຄັນ​ກໍ​ເວົ້າ​ກັບ​ນາງ​ວ່າ “ບໍ່​ຕ້ອງ​ຢ້ານ​ຣາເຊັນ​ເອີຍ ເຈົ້າ​ຈະ​ໄດ້​ລູກ​ຜູ້ຊາຍ​ອີກ.”

1 ກະສັດ 14:1

ໃນ​ເວລາ​ນັ້ນ ອາບີຢາ​ລູກຊາຍ​ຂອງ​ກະສັດ​ເຢໂຣໂບອາມ​ໄດ້​ເຈັບປ່ວຍ.

ເພງ^ສັນລະເສີນ 78:64

ປະໂຣຫິດ​ກໍ​ຕາຍ​ດ້ວຍ​ຄົມ​ດາບ ແລະ​ຍິງໝ້າຍ​ຂອງ​ພວກເຂົາ​ກໍ​ບໍ່ມີ​ການ​ໄວ້ທຸກ​ໃຫ້​ເຂົາເຈົ້າ.

ເຢເຣມີຢາ 26:6

ຖ້າ​ພວກເຈົ້າ​ສືບຕໍ່​ບໍ່​ຍອມ​ເຊື່ອຟັງ ແລ້ວ​ເຮົາ​ກໍ​ຈະ​ເຮັດ​ຕໍ່​ພຣະວິຫານ​ນີ້ ດັ່ງ​ທີ່​ເຮົາ​ໄດ້​ເຮັດ​ຕໍ່​ເມືອງ​ຊີໂລ ແລະ​ທຸກ​ຊົນຊາດ​ທົ່ວ​ທັງໂລກ​ກໍ​ຈະ​ໃຊ້​ຊື່​ຂອງ​ເມືອງ​ນີ້​ເປັນ​ຄຳສາບແຊ່ງ.”

1 ຊາມູເອນ 4:18

ພໍ​ຊາຍ​ຄົນ​ນັ້ນ​ເວົ້າ​ເຖິງ​ຫີບ​ຂອງ​ພຣະເຈົ້າ ເອລີ​ຜູ້​ທີ່​ນັ່ງ​ຢູ່​ໃກ້​ປະຕູ​ພຣະວິຫານ ກໍ​ຫງາຍຫລັງ​ລົ້ມລົງ​ຄໍ​ຫັກ​ຕາຍ​ເພາະ​ເພິ່ນ​ເຖົ້າແກ່​ແລະ​ຕຸ້ຍ. ເອລີ​ເປັນ​ຜູ້ປົກຄອງ​ຊາດ​ອິດສະຣາເອນ​ເປັນ​ເວລາ​ສີ່ສິບ​ປີ.

1 ຊາມູເອນ 4:20

ເມື່ອ​ນາງ​ກຳລັງ​ຈະ​ສິ້ນໃຈ​ນັ້ນ ພວກຜູ້ຍິງ​ທີ່​ມາ​ຊ່ວຍ​ນາງ​ຄອດ​ລູກ​ກໍ​ເວົ້າ​ວ່າ, “ຈົ່ງ​ເຮັດ​ໃຈ​ໃຫ້​ເຂັ້ມແຂງ​ເອົາ​ໄວ້ ເຈົ້າ​ໄດ້​ລູກ​ຜູ້ຊາຍ” ແຕ່​ນາງ​ບໍ່​ສົນໃຈ​ແລະ​ບໍ່​ຕອບ.