1 ຊາມູເອນ 4:11 - ພຣະຄຳພີສັກສິ

¹¹ ຫີບ​ຂອງ​ພຣະເຈົ້າ​ໄດ້​ຖືກ​ຢຶດ​ໄປ ແລະ​ໂຮຟະນີ​ກັບ​ຟີເນຮາ​ລູກຊາຍ​ສອງ​ຄົນ​ຂອງ​ເອລີ​ກໍ​ຖືກ​ຂ້າ​ດ້ວຍ.

1 ຊາມູເອນ 4:11 Jak'a apnaqawi uñst'ayäwi

ເພງ^ສັນລະເສີນ 78:56

ແຕ່​ພວກເຂົາ​ໄດ້​ພາກັນ​ທົດລອງ​ພຣະເຈົ້າ​ອົງ​ຊົງ​ຣິດທານຸພາບ​ສູງສຸດ. ແລະ​ກະບົດ​ຕໍ່ສູ້​ພຣະອົງ.

ເພງ^ສັນລະເສີນ 78:64

ປະໂຣຫິດ​ກໍ​ຕາຍ​ດ້ວຍ​ຄົມ​ດາບ ແລະ​ຍິງໝ້າຍ​ຂອງ​ພວກເຂົາ​ກໍ​ບໍ່ມີ​ການ​ໄວ້ທຸກ​ໃຫ້​ເຂົາເຈົ້າ.

ເອຊາຢາ 3:11

ແຕ່​ຄົນຊົ່ວຊ້າ ພັດ​ໄດ້​ຮັບ​ຄວາມ​ຫາຍຍະນະ; ສິ່ງ​ທີ່​ພວກເຂົາ​ໄດ້​ກະທຳ​ໃຫ້​ຜູ້​ອື່ນ​ນັ້ນ ບັດນີ້ ສິ່ງ​ນັ້ນ​ໄດ້​ຕາມ​ມາ​ສະໜອງ​ພວກເຂົາ​ເອງ.

ເຢເຣມີຢາ 7:12

ຈົ່ງ​ໄປ​ທີ່​ເມືອງ​ຊີໂລ ບ່ອນ​ທີ່​ເຮົາ​ໄດ້​ເລືອກ​ໄວ້​ໃຫ້​ເປັນ​ບ່ອນ​ນະມັດສະການ​ເຮົາ​ເທື່ອ​ທຳອິດ ແລະ​ຈົ່ງ​ເບິ່ງ​ສິ່ງ​ທີ່​ເຮົາ​ໄດ້​ເຮັດ​ຕໍ່​ເມືອງ​ນັ້ນ ເພາະ​ບາບ​ຂອງ​ຊາວ​ອິດສະຣາເອນ ປະຊາຊົນ​ຂອງເຮົາ.

1 ຊາມູເອນ 2:31

ບັດນີ້ ເຖິງ​ເວລາ​ແລ້ວ​ທີ່​ເຮົາ​ຈະ​ຂ້າ​ຊາຍໜຸ່ມ​ທຸກຄົນ ໃນ​ຄອບຄົວ ແລະ ໃນ​ຕະກຸນ​ຂອງ​ເຈົ້າ ເພື່ອ​ວ່າ​ຈະ​ບໍ່ມີ​ຜູ້ຊາຍ​ຄົນ​ໃດ​ໃນ​ຄອບຄົວ​ມີ​ອາຍຸ​ຍືນຍາວ​ຈົນເຖິງ​ເຖົ້າແກ່.

1 ຊາມູເອນ 2:32

ເຈົ້າ​ຈະ​ໄດ້​ຮັບ​ຄວາມ​ເດືອດຮ້ອນ​ແລະ​ຈະ​ເບິ່ງ​ດ້ວຍ​ໃຈ​ອິດສາ ພອນ​ທຸກຢ່າງ ທີ່​ເຮົາ​ຈະ​ໃຫ້​ຄົນອື່ນ​ໃນ​ຊາດ​ອິດສະຣາເອນ, ແຕ່​ຈະ​ບໍ່ມີ​ຜູ້ໃດ​ໃນ​ຄອບຄົວ​ຂອງ​ເຈົ້າ​ມີ​ຊີວິດ​ຢູ່​ຕໍ່ໄປ​ຈົນເຖິງ​ເຖົ້າແກ່.

1 ຊາມູເອນ 2:34

ການນີ້​ຈະ​ເປັນ​ໝາຍສຳຄັນ​ແກ່​ເຈົ້າ ເມື່ອ​ໂຮຟະນີ​ແລະ​ຟີເນຮາ​ລູກຊາຍ​ທັງສອງ​ຂອງ​ເຈົ້າ​ຕາຍໄປ​ໃນ​ວັນ​ດຽວກັນ.

1 ຊາມູເອນ 3:12

ໃນ​ມື້ນັ້ນ ເຮົາ​ຈະ​ເຮັດ​ຕາມ​ທີ່​ເຮົາ​ໄດ້​ກ່າວ​ໄວ້​ຕໍ່​ຄອບຄົວ​ເອລີ ຕັ້ງແຕ່​ຕົ້ນ​ຈົນ​ຈົບ.

1 ຊາມູເອນ 4:21

ນາງ​ໃສ່​ຊື່​ເດັກ​ນັ້ນ​ວ່າ ອີຄາບົດ ໂດຍ​ອະທິບາຍ​ວ່າ, “ສະຫງ່າຣາສີ​ໄດ້​ໄປ​ຈາກ​ຊາດ​ອິດສະຣາເອນ” ອັນ​ເປັນ​ການ​ອ້າງ​ເຖິງ​ຫີບ​ຂອງ​ພຣະເຈົ້າ​ທີ່​ໄດ້​ຖືກ​ຢຶດ​ໄປ​ນັ້ນ ແລະ​ການ​ຕາຍ​ຂອງ​ພໍ່ປູ່​ພ້ອມ​ທັງ​ຜົວ​ຂອງ​ນາງ.