1 ຊາມູເອນ 30:8 - ພຣະຄຳພີສັກສິ

⁸ ດາວິດ​ຖາມ​ພຣະເຈົ້າຢາເວ​ວ່າ, “ຂ້ານ້ອຍ​ຄວນ​ຈະ​ໄລ່​ຕິດຕາມ​ພວກ​ນັກປຸ້ນ​ຫລື​ບໍ່? ຂ້ານ້ອຍ​ຈະ​ຕາມ​ທັນ​ພວກເຂົາ​ຫລື​ບໍ່?” ພຣະອົງ​ຕອບ​ວ່າ, “ຈົ່ງ​ໄລ່​ຕິດຕາມ​ພວກເຂົາ​ໄປ ແລະ​ເຈົ້າ​ຈະ​ຕາມ​ທັນ ພ້ອມ​ທັງ​ຈະ​ຊ່ວຍ​ກອບກູ້​ເອົາ​ທຸກສິ່ງ​ນັ້ນ​ກັບຄືນ​ມາ.”

1 ຊາມູເອນ 30:8 Jak'a apnaqawi uñst'ayäwi

ປະຖົມມະການ 14:16

ແລະ​ຢຶດເອົາ​ຊັບສົມບັດ​ເງິນຄຳ​ກັບ​ເຂົ້າ​ຂອງ​ທັງໝົດ​ຄືນ​ມາ​ໄດ້. ເພິ່ນ​ຍັງ​ນຳ​ເອົາ​ໂລດ​ຫລານຊາຍ​ຂອງຕົນ​ແລະ​ຊັບສົມບັດ​ຂອງ​ລາວ ພ້ອມ​ທັງ​ພວກ​ແມ່ຍິງ ແລະ​ຄົນອື່ນໆ​ກັບຄືນ​ມາ​ດ້ວຍ.

2 ຊາມູເອນ 5:19

ກະສັດ​ດາວິດ​ຖາມ​ພຣະເຈົ້າຢາເວ​ວ່າ, “ໃຫ້​ຂ້ານ້ອຍ​ໄປ​ໂຈມຕີ​ພວກ​ຟີລິດສະຕິນ​ຫລື​ບໍ່? ພຣະອົງ​ຈະ​ໃຫ້​ຂ້ານ້ອຍ​ຮົບ​ຊະນະ​ພວກເຂົາ​ຫລື​ບໍ່?” ພຣະເຈົ້າຢາເວ​ໄດ້ຕອບ​ວ່າ, “ຈົ່ງ​ໄປ​ໂຈມຕີ​ພວກເຂົາ ເຮົາ​ຈະ​ໃຫ້​ເຈົ້າ​ຮົບ​ຊະນະ.”

2 ຊາມູເອນ 5:23

ກະສັດ​ດາວິດ​ຈຶ່ງ​ຖາມ​ພຣະເຈົ້າຢາເວ​ຕື່ມ ແລະ​ພຣະອົງ​ຕອບ​ວ່າ, “ຢ່າ​ໂຈມຕີ​ພວກເຂົາ​ໃນ​ບ່ອນ​ນີ້ ແຕ່​ໃຫ້​ອ້ອມ​ໄປ​ໂຈມຕີ​ພວກເຂົາ​ທາງ​ດ້ານຫລັງ​ຢູ່​ໃກ້​ກັບ​ຕົ້ນ​ມອນ.

ເພງ^ສັນລະເສີນ 50:15

ເມື່ອ​ເຈົ້າ​ຖືກ​ເດືອດຮ້ອນ ຈົ່ງ​ຮ້ອງຫາ​ເຮົາ ເຮົາ​ຈະ​ຊ່ວຍ​ເຈົ້າ​ໃຫ້​ພົ້ນ ແລະ​ເຈົ້າ​ກໍ​ຈະ​ຍ້ອງຍໍ​ສັນລະເສີນ​ເຮົາ.”

ເພງ^ສັນລະເສີນ 91:15

ເຮົາ​ຈະ​ຂານ​ຕອບ​ເມື່ອ​ພວກເຂົາ​ເອີ້ນ​ຫາ​ເຮົາ ເຮົາ​ຈະ​ຢູ່​ນຳ​ເມື່ອ​ພວກເຂົາ​ເດືອດຮ້ອນ. ເຮົາ​ຈະ​ຊ່ວຍກູ້​ເອົາ​ພວກເຂົາ​ໃຫ້​ພົ້ນໄພ ທັງ​ຈະ​ໃຫ້​ຍົດສັກ​ແກ່​ເຂົາເຈົ້າ​ດ້ວຍ.

ອົບພະຍົບ 15:9

ສັດຕູ​ເວົ້າ​ວ່າ, ‘ຂ້ອຍ​ຈະ​ຕາມລ່າ​ຈັບ​ກຸມ​ເອົາ​ພວກເຂົາ ຂ້ອຍ​ຈະ​ແບ່ງປັນ​ຊັບສິນ​ຂອງ​ພວກເຂົາ​ໃຫ້​ໄດ້; ແລະ​ຢຶດເອົາ​ສິ່ງ​ທີ່​ຂ້ອຍ​ຕ້ອງການ​ທັງໝົດ​ໄປ ຂ້ອຍ​ຈະ​ຊັກ​ດາບ​ແລະ​ຢຶດ​ສິ່ງ​ຂອງ​ທີ່​ພວກເຂົາ​ມີ​ນັ້ນ.’

ຈົດບັນຊີ 27:21

ລາວ​ຈະ​ເພິ່ງ​ປະໂຣຫິດ​ເອເລອາຊາ ຜູ້​ທີ່​ຈະ​ຮຽນຮູ້​ຄວາມປະສົງ​ຂອງເຮົາ ໂດຍ​ໃຊ້​ອຸຣິມ​ແລະ​ທຸມມິມ ຕໍ່ໜ້າ​ພຣະເຈົ້າຢາເວ ອັນ​ນີ້​ຈະ​ແມ່ນ​ວິທີ​ທີ່​ເອເລອາຊາ ນຳພາ​ໂຢຊວຍ ແລະ​ຊຸມຊົນ​ອິດສະຣາເອນ ໃນ​ວຽກ​ການ​ທັງໝົດ​ຂອງ​ພວກເຂົາ.”

ພວກ^ຜູ້ປົກຄອງ 20:18

ສ່ວນ​ພວກ​ອິດສະຣາເອນ​ໄດ້​ໄປ​ບ່ອນ​ນະມັດສະການ​ທີ່​ເບັດເອນ ແລະ​ໃນ​ທີ່ນັ້ນ​ພວກເຂົາ​ຖາມ​ພຣະເຈົ້າ​ວ່າ, “ພຣະອົງ​ຈະ​ໃຫ້​ເຜົ່າໃດ​ອອກ​ໄປ​ໂຈມຕີ​ພວກ​ເບັນຢາມິນ​ກ່ອນ?” ພຣະເຈົ້າຢາເວ​ຕອບ​ວ່າ, “ເຜົ່າ​ຢູດາ​ໄປ​ກ່ອນ.”

ພວກ^ຜູ້ປົກຄອງ 8:4

ກີເດໂອນ​ກັບ​ພັກພວກ​ສາມຮ້ອຍ​ຄົນ​ໄດ້​ເດີນທາງ​ມາ​ເຖິງ​ແມ່ນໍ້າ​ຈໍແດນ ແລ້ວ​ກໍ​ຂ້າມ​ແມ່ນໍ້າ​ໄປ. ພວກເຂົາ​ອິດເມື່ອຍ​ອ່ອນ​ແຮງ​ຫລາຍ, ແຕ່​ກໍ​ຍັງ​ສືບຕໍ່​ກວາດລ້າງ​ສັດຕູ​ໄປ​ເລື້ອຍໆ.

1 ຊາມູເອນ 10:22

ພວກເຂົາ​ຈຶ່ງ​ທູນ​ຖາມ​ພຣະເຈົ້າຢາເວ​ວ່າ, “ຍັງ​ມີ​ຄົນອື່ນ​ອີກ​ບໍ?” ພຣະເຈົ້າຢາເວ​ຈຶ່ງ​ຕອບ​ວ່າ, “ໂຊນ​ຢູ່​ຫັ້ນ​ເດ ພວມ​ລີ້​ຢູ່​ທາງຫລັງ​ເຄື່ອງ​ຂອງ.”

1 ຊາມູເອນ 14:37

ດັ່ງນັ້ນ ກະສັດ​ໂຊນ​ຈຶ່ງ​ຖາມ​ພຣະເຈົ້າ​ວ່າ, “ພຣະອົງ​ຈະ​ໃຫ້​ພວກ​ຂ້ານ້ອຍ​ໄປ​ສູ້ຮົບ​ພວກ​ຟີລິດສະຕິນ​ຫລື​ບໍ່? ພຣະອົງ​ຈະ​ໃຫ້​ພວກ​ຂ້ານ້ອຍ​ຮົບ​ຊະນະ​ພວກເຂົາ​ຫລື​ບໍ່?” ແຕ່​ໃນ​ມື້​ນັ້ນ ພຣະອົງ​ບໍ່ໄດ້​ຕອບ​ເພິ່ນ.

1 ຊາມູເອນ 23:2

ສະນັ້ນ ລາວ​ຈຶ່ງ​ຖາມ​ພຣະເຈົ້າຢາເວ​ວ່າ, “ຂ້ານ້ອຍ​ຄວນ​ຈະ​ໄປ​ໂຈມຕີ​ພວກ​ຟີລິດສະຕິນ​ຫລື​ບໍ່?” ພຣະເຈົ້າຢາເວ​ຕອບ​ດາວິດ​ວ່າ, “ຄວນໄປ ໂຈມຕີ​ພວກເຂົາ​ແລະ​ຊ່ວຍ​ເອົາ​ເມືອງ​ເກອີລາ​ໄວ້.”

1 ຊາມູເອນ 23:4

ສະນັ້ນ ດາວິດ​ຈຶ່ງ​ໄດ້​ປຶກສາ​ນຳ​ພຣະເຈົ້າຢາເວ​ອີກ ແລະ​ພຣະເຈົ້າຢາເວ​ກໍ​ຕອບ​ດາວິດ​ວ່າ, “ໄປ​ໂຈມຕີ​ເມືອງ​ເກອີລາ ແລະ​ເຮົາ​ຈະ​ໃຫ້​ເຈົ້າ​ມີ​ໄຊຊະນະ​ເໜືອ​ພວກ​ຟີລິດສະຕິນ.”

1 ຊາມູເອນ 28:6

ສະນັ້ນ ເພິ່ນ​ຈຶ່ງ​ຖາມ​ພຣະເຈົ້າຢາເວ​ວ່າ​ຄວນ​ຈະ​ເຮັດ​ຢ່າງໃດ, ແຕ່​ພຣະເຈົ້າຢາເວ​ບໍ່​ຕອບ​ເພິ່ນ​ຢ່າງໃດ​ໝົດ ບໍ່​ວ່າ​ທາງ​ຄວາມຝັນ ຫລື​ທາງ​ອຸຣິມ​ແລະ​ທຸມມິມ ຫລື​ທາງ​ຜູ້ທຳນວາຍ.

1 ຊາມູເອນ 30:18

ດາວິດ​ໄດ້​ຊ່ວຍກູ້​ເອົາ​ທຸກຄົນ​ໄວ້​ໄດ້​ພ້ອມ​ທັງ​ສິ່ງຂອງ​ຕ່າງໆ ທີ່​ພວກ​ອາມາເຫຼັກ​ໄດ້​ຢຶດເອົາ​ໄປ​ນັ້ນ​ຄືນ​ມາ​ໝົດ ຕະຫລອດ​ທັງ​ເມຍ​ສອງ​ຄົນ​ຂອງຕົນ​ໂດຍ​ບໍ່ມີ​ສິ່ງໃດ​ຂາດຫາຍ​ໄປ.

1 ຊາມູເອນ 30:19

ດາວິດ​ໄດ້​ທຸກສິ່ງ​ຄືນມາ ຕະຫລອດ​ທັງ​ພວກ​ລູກຊາຍ, ລູກສາວ ແລະ​ສິ່ງຂອງ​ທີ່​ພວກ​ອາມາເຫຼັກ​ໄດ້​ປຸ້ນ​ໄປ​ນັ້ນ.