1 ຊາມູເອນ 30:16 - ພຣະຄຳພີສັກສິ

¹⁶ ດັ່ງນັ້ນ ລາວ​ຈຶ່ງ​ພາ​ດາວິດ​ໄປ. ພວກ​ນັກປຸ້ນ​ຕ່າງ​ກໍ​ກະຈັດ​ກະຈາຍ​ກັນ​ຢູ່​ທົ່ວ​ແຖບ​ນັ້ນ ທັງ​ກິນ​ທັງ​ດື່ມ​ສະຫລອງ ເນື່ອງ​ຈາກ​ປຸ້ນ​ເຂົ້າຂອງ​ມາ​ໄດ້​ຢ່າງ​ຫລວງຫລາຍ​ຈາກ​ຟີລິດສະຕິນ​ແລະ​ຢູດາຍ.

1 ຊາມູເອນ 30:16 Jak'a apnaqawi uñst'ayäwi

2 ຊາມູເອນ 13:28

ແລະ​ອັບຊາໂລມ​ໄດ້​ແນະນຳ​ຄົນ​ຮັບໃຊ້​ຂອງຕົນ​ວ່າ, “ໃຫ້​ພວກເຈົ້າ​ສັງເກດ​ເບິ່ງ​ອຳໂນນ ຖ້າ​ລາວ​ດື່ມ​ເຫຼົ້າ​ເມົາ​ຫລາຍ​ແລ້ວ ເມື່ອ​ຂ້ອຍ​ອອກ​ຄຳສັ່ງ ໃຫ້​ພາກັນ​ຂ້າ​ລາວ​ໂລດ. ພວກເຈົ້າ​ບໍ່​ຕ້ອງ​ຢ້ານ. ຂ້ອຍ​ຈະ​ເປັນ​ຜູ້​ຮັບຜິດຊອບ​ເອງ. ຈົ່ງ​ກ້າຫານ​ແລະ​ຢ່າ​ລັ່ງເລ​ໃຈ.”

1 ຂ່າວຄາວ 4:43

ຢູ່​ໃນ​ທີ່ນັ້ນ ພວກເຂົາ​ໄດ້​ສັງຫານ​ຊາວ​ອາມາເຫຼັກ​ຜູ້​ທີ່​ລອດຊີວິດ​ມາ​ໄດ້ ແລະ​ໄດ້​ອາໄສ​ຢູ່​ທີ່​ນັ້ນ​ຈົນເຖິງ​ທຸກ​ວັນນີ້.

ພຣະທຳ​ໂຢບ 20:5

ຄົນຊົ່ວຊ້າ​ນັ້ນ​ຈະ​ມີ​ໄຊຊະນະ​ຢູ່​ຊົ່ວຄາວ ພວກເຂົາ​ຈະ​ພົບ​ຄວາມສຸກ​ໃນ​ໄລຍະ​ສັ້ນໆ​ເທົ່ານັ້ນ.

ເພງ^ສັນລະເສີນ 119:162

ຂ້ານ້ອຍ​ສຸກໃຈ​ຍ້ອນ​ຖ້ອຍຄຳ​ຂອງ​ພຣະອົງ ມີ​ຄວາມສຸກ​ຫລາຍ​ເໝືອນດັ່ງ​ຄົນ​ທີ່​ພົບ​ສົມບັດ​ອັນ​ມັ່ງຄັ່ງ.

ອົບພະຍົບ 32:6

ໃນ​ມື້​ຕໍ່ມາ ພວກເຂົາ​ໄດ້​ຕື່ນ​ແຕ່​ເຊົ້າໆ ພວກເຂົາ​ໄດ້​ເຜົາ​ສັດ​ທັງ​ໂຕ​ຖວາຍບູຊາ ແລະ​ນຳ​ເອົາ​ສັດ​ໂຕ​ອື່ນ​ມາ​ຂ້າ​ກິນ​ເພື່ອ​ຄວາມ​ສາມັກຄີທຳ. ປະຊາຊົນ​ຕ່າງ​ກໍໄດ້​ນັ່ງ​ລົງ​ກິນ​ແລະ​ດື່ມ ຊຶ່ງ​ຕໍ່ມາ​ກໍ​ໄດ້​ມີ​ການ​ເຕັ້ນລຳ​ຖວາຍ​ບູຊາ​ຮູບເຄົາຣົບ​ຢ່າງ​ເຖິງ​ໃຈ.

ເອຊາຢາ 22:13

ແຕ່​ພວກເຈົ້າ​ພັດ​ຫົວເລາະ ແລະ​ສະເຫລີມ​ສະຫລອງ​ກັນ. ພວກເຈົ້າ​ໄດ້​ຂ້າ​ແກະ​ແລະ​ງົວ​ກິນ ທັງ​ມີ​ເຫຼົ້າ​ອະງຸ່ນ​ດື່ມ​ດ້ວຍ. ພວກເຈົ້າ​ໄດ້​ກ່າວ​ວ່າ, “ຈົ່ງ​ກິນ​ແລະ​ດື່ມ​ສາ ມື້ອື່ນ​ພວກເຮົາ​ຈະ​ຕາຍ.”

ເອຊາຢາ 9:3

ພຣະອົງ​ໃຫ້​ພວກເຂົາ​ມີ​ຄວາມ​ຍິນດີ​ອັນ​ຍິ່ງໃຫຍ່ ພຣະອົງ​ໄດ້​ເຮັດ​ໃຫ້​ພວກເຂົາ​ມີ​ຄວາມສຸກ​ໃນ​ຈິດໃຈ. ພວກເຂົາ​ຊົມຊື່ນ​ຍິນດີ​ດ້ວຍ​ສິ່ງ​ທີ່​ພຣະອົງ​ໄດ້​ກະທຳ ດັ່ງ​ຄົນ​ຊົມຊື່ນ​ຍິນດີ​ເມື່ອ​ພວກເຂົາ​ເກັບກ່ຽວ​ເຂົ້າ ຫລື​ເໝືອນ​ດັ່ງ​ຄົນ​ໂຮຮ້ອງ​ຢ່າງ​ຊົມຊື່ນ​ຍິນດີ ເວລາ​ທີ່​ພວກເຂົາ​ແບ່ງປັນ​ຊັບສິນ​ທີ່​ຢຶດ​ມາ​ໄດ້.

1 ເທສະໂລນິກ 5:3

ເມື່ອໃດ​ພວກເຂົາ​ເວົ້າ​ວ່າ, “ສະຫງົບສຸກ ແລະ​ປອດໄພ​ດີ​ແລ້ວ” ເມື່ອນັ້ນ​ແຫຼະ ຄວາມ​ພິນາດ​ຈິບຫາຍ​ຈະ​ມາ​ເຖິງ​ພວກເຂົາ​ໃນ​ທັນທີ ເໝືອນ​ດັ່ງ​ຄວາມ​ເຈັບປວດ​ມາ​ເຖິງ​ຍິງ​ທີ່​ມີ​ທ້ອງ ແລະ​ພວກເຂົາ​ຈະ​ໜີ​ບໍ່​ພົ້ນ​ເປັນ​ແນ່.

ພວກ^ຜູ້ປົກຄອງ 8:11

ກີເດໂອນ​ໄດ້​ນຳ​ທະຫານ​ໄປ​ຕາມ​ທາງ​ທີ່​ແຄມ​ຖິ່ນ​ແຫ້ງແລ້ງ​ກັນດານ ທາງທິດ​ຕາເວັນອອກ​ຂອງ​ໂນບາ​ແລະ​ໂຢກເບຮາ ແລະ​ເຂົ້າ​ບຸກໂຈມຕີ​ທະຫານ​ເຫຼົ່ານັ້ນ​ຢ່າງ​ບໍ່​ທັນ​ໃຫ້​ຮູ້​ຕົວ.

1 ຊາມູເອນ 30:14

ພວກເຮົາ​ໄດ້​ປຸ້ນ​ເຂດແດນ​ເນເກັບ​ຂອງ​ຊາວ​ເກເຣັດ​ທີ່​ທາງ​ພາກໃຕ້​ຂອງ​ຢູດາຍ ແລະ​ເຂດແດນ​ຂອງ​ຕະກຸນ​ກາເລັບ​ແລະ​ໄດ້​ຈູດ​ເມືອງ​ຊິກລັກ​ຖິ້ມ.”

1 ຊາມູເອນ 30:15

ດາວິດ​ຖາມ​ລາວ​ວ່າ, “ໃຫ້​ເຈົ້າ​ພາ​ຂ້ອຍ​ໄປ​ຫາ​ພວກ​ນັກປຸ້ນ​ນັ້ນ​ໄດ້​ບໍ່?” ລາວ​ຕອບ​ວ່າ, “ຖ້າ​ທ່ານ​ສັນຍາ​ຕໍ່​ຂ້ານ້ອຍ​ຊ້ອງ​ພຣະພັກ​ພຣະເຈົ້າ​ວ່າ ຈະ​ບໍ່​ສັງຫານ​ຂ້ານ້ອຍ​ຫລື​ມອບ​ຂ້ານ້ອຍ​ໃຫ້​ນາຍ​ຄືນ ຂ້ານ້ອຍ​ກໍ​ຈະ​ພາ​ທ່ານ​ໄປ.”