1 ຊາມູເອນ 3:6 - ພຣະຄຳພີສັກສິ

^6-7 ພຣະເຈົ້າຢາເວ​ໄດ້​ເອີ້ນ​ຊາມູເອນ​ອີກ ແລະ​ເດັກຊາຍ​ຄົນ​ນີ້​ກໍ​ລຸກ​ຂຶ້ນ​ໄປ​ຫາ​ເອລີ ແລະ​ຖາມ​ວ່າ, “ທ່ານ​ເອີ້ນ​ຂ້ານ້ອຍ​ບໍ? ຂ້ານ້ອຍ​ຢູ່​ທີ່ນີ້​ເດ.” ແຕ່​ເອລີ​ຕອບ​ວ່າ, “ລູກເອີຍ ພໍ່​ບໍ່ໄດ້​ເອີ້ນ​ເຈົ້າ ຈົ່ງ​ກັບຄືນ​ໄປ​ນອນ​ສາ.” ຊາມູເອນ​ບໍ່​ຮູ້ຈັກ​ວ່າ​ແມ່ນ​ພຣະເຈົ້າຢາເວ​ເອີ້ນ​ຕົນ ເພາະ​ພຣະເຈົ້າຢາເວ​ຍັງ​ບໍ່ເຄີຍ​ກ່າວ​ກັບ​ລາວ​ມາ​ກ່ອນ.

1 ຊາມູເອນ 3:6 Jak'a apnaqawi uñst'ayäwi

ປະຖົມມະການ 43:29

ເມື່ອ​ໂຢເຊັບ​ເຫັນ​ເບັນຢາມິນ​ນ້ອງຊາຍ​ຄີງໆ​ຂອງຕົນ ເພິ່ນ​ກໍ​ເວົ້າ​ວ່າ, “ຊາຍ​ຄົນ​ນີ້​ຄົງ​ເປັນ​ນ້ອງຊາຍ​ຫລ້າ​ຂອງ​ພວກເຈົ້າ ທີ່​ພວກເຈົ້າ​ໄດ້​ເວົ້າ​ສູ່​ຂ້ອຍ​ຟັງ​ເມື່ອ​ມາ​ຄັ້ງ​ກ່ອນ​ແມ່ນ​ບໍ? ນ້ອງເອີຍ ຂໍ​ພຣະເຈົ້າ​ຈົ່ງ​ອວຍພອນ​ເຈົ້າ​ເດີ.”

2 ຊາມູເອນ 18:22

ສ່ວນ​ອາຮີມາອາດ​ລູກຊາຍ​ຂອງ​ຊາດົກ​ກໍ​ຍັງ​ຢືນຢັນ​ຢູ່​ດັ່ງ​ເດີມ​ວ່າ, “ຂ້ອຍ​ບໍ່​ຫ່ວງ​ດອກ ເຖິງ​ຈະ​ມີ​ຫຍັງ​ເກີດຂຶ້ນ​ກໍຕາມ; ຂ້ອຍ​ຈະ​ນຳ​ຂ່າວ​ນີ້​ໄປ​ບອກ​ຄືກັນ.” ໂຢອາບ​ຖາມ​ວ່າ, “ລູກເອີຍ ເປັນຫຍັງ​ເຈົ້າ​ຈຶ່ງ​ຢາກ​ໄປ? ເຈົ້າ​ຈະ​ບໍ່ໄດ້​ຮັບ​ລາງວັນ​ຫຍັງ​ສຳລັບ​ເລື່ອງ​ນີ້.”

ມັດທາຍ 9:2

ບ່ອນ​ນັ້ນ ພວກເຂົາ​ໄດ້​ຫາມ​ຄົນເປ້ຍ​ຜູ້ໜຶ່ງ ນອນ​ຢູ່​ເທິງ​ບ່ອນ​ນອນ​ມາ​ຫາ​ພຣະອົງ, ເມື່ອ​ພຣະເຢຊູເຈົ້າ​ໄດ້​ເຫັນ​ຄວາມເຊື່ອ​ຂອງ​ຄົນ​ເຫຼົ່ານັ້ນ ພຣະອົງ​ຈຶ່ງ​ກ່າວ​ແກ່​ຄົນເປ້ຍ​ນັ້ນ​ວ່າ, “ລູກເອີຍ, ຈົ່ງ​ຊື່ນ​ໃຈ​ເຖີດ ບາບກຳ​ຂອງ​ເຈົ້າ​ໄດ້​ຮັບ​ການອະໄພ​ແລ້ວ.”

1 ຊາມູເອນ 3:5

ແລ້ວ​ລາວ​ກໍ​ແລ່ນ​ໄປ​ຫາ​ເອລີ ແລະ​ເວົ້າ​ວ່າ, “ທ່ານ​ເອີ້ນ​ຂ້ານ້ອຍ​ບໍ? ຂ້ານ້ອຍ​ຢູ່​ທີ່ນີ້​ເດ.” ແຕ່​ເອລີ​ຕອບ​ວ່າ, “ຂ້ອຍ​ບໍ່ໄດ້​ເອີ້ນ​ເຈົ້າ ຈົ່ງ​ກັບຄືນ​ໄປ​ນອນ​ສາ.” ສະນັ້ນ ຊາມູເອນ​ຈຶ່ງ​ກັບຄືນ​ໄປ​ນອນ.

1 ຊາມູເອນ 4:16

ຊາຍ​ຄົນ​ນີ້​ໄດ້​ເວົ້າ​ວ່າ, “ຂ້ານ້ອຍ​ຫາ​ກໍ​ໜີ​ມາ​ຈາກ​ສະໜາມຮົບ​ມື້ນີ້ ແລະ​ຟ້າວ​ແລ່ນ​ມາ​ທີ່ນີ້​ໂລດ.” ເອລີ​ຈຶ່ງ​ຖາມ​ລາວ​ວ່າ, “ລູກເອີຍ ມີ​ເຫດການ​ຫຍັງ​ເກີດຂຶ້ນ?”