1 ຊາມູເອນ 3:2 - ພຣະຄຳພີສັກສິ

² ໃນຄືນໜຶ່ງ ເອລີ​ຜູ້​ທີ່​ເກືອບ​ບໍ່​ເຫັນ​ຮຸ່ງ​ແລ້ວ ພວມ​ນອນ​ຫລັບ​ຢູ່​ໃນ​ຫ້ອງ​ສ່ວນຕົວ​ຂອງ​ເພິ່ນ

1 ຊາມູເອນ 3:2 Jak'a apnaqawi uñst'ayäwi

ປະຖົມມະການ 27:1

ອີຊາກ​ເຖົ້າແກ່​ຫລາຍ ແລະ​ສາຍ​ຕາ​ກໍ​ມືດມົວ​ລົງ. ເພິ່ນ​ເອີ້ນ​ເອຊາວ​ລູກຊາຍກົກ​ມາ ແລະ​ເວົ້າ​ວ່າ, “ລູກເອີຍ” ລາວ​ຕອບ​ວ່າ, “ໂດຍ ລູກ​ກຳລັງ​ຟັງ​ຢູ່.”

ປະຖົມມະການ 48:10

ສາຍຕາ​ຂອງ​ຢາໂຄບ​ອ່ອນ​ລົງ​ຫລາຍ ຍ້ອນ​ຄວາມ​ຊະລາ​ແລະ​ບໍ່​ເຫັນ​ຮຸ່ງ​ຄັກ. ເມື່ອ​ໂຢເຊັບ​ນຳ​ພວກເຂົາ​ເຂົ້າ​ມາ ເພິ່ນ​ຈຶ່ງ​ກອດ​ແລະ​ຈູບ​ພວກເຂົາ.

ປະຖົມມະການ 48:19

ຢາໂຄບ​ປະຕິເສດ ແລະ​ເວົ້າ​ວ່າ, “ພໍ່​ຮູ້​ແລ້ວ​ລູກ​ເອີຍ ພໍ່​ຮູ້​ດີ. ເຊື້ອສາຍ​ຂອງ​ມານາເຊ​ກໍ​ຈະ​ກາຍເປັນ​ຊົນຊາດ​ໃຫຍ່​ເໝືອນກັນ. ແຕ່​ຜູ້ນ້ອງ​ນັ້ນ​ຈະ​ຍິ່ງໃຫຍ່​ກວ່າ​ຜູ້ອ້າຍ ແລະ​ເຊື້ອສາຍ​ຂອງ​ລາວ​ຈະ​ກາຍເປັນ​ຊົນຊາດ​ທີ່​ຍິ່ງໃຫຍ່.”

1 ກະສັດ 14:4

ດັ່ງນັ້ນ ຜູ້​ເປັນ​ເມຍ​ຈຶ່ງ​ໄປ​ຫາ​ອາຮີຢາ​ທີ່​ເມືອງ​ຊີໂລ. ສ່ວນ​ອາຮີຢາ​ກໍ​ເຖົ້າແກ່​ຫລາຍ​ຈົນ​ຕາ​ບໍ່​ເຫັນ​ຮຸ່ງ.

ເພງ^ສັນລະເສີນ 90:10

ພວກ​ຂ້ານ້ອຍ​ມີ​ຊີວິດ​ຢູ່​ພຽງແຕ່​ເຈັດສິບ​ປີ ອາດຮອດ​ແປດສິບ​ປີ​ຖ້າ​ມີ​ເຫື່ອແຮງ​ຢູ່ ແຕ່​ຊ່ວງ​ໄລຍະ​ອາຍຸ​ນັ້ນ​ກໍ​ພົບ​ຄວາມ​ລຳບາກ ແລະ​ເຮັດ​ໃຫ້​ລະທົມ​ທຸກໃຈ ໃນບໍ່ຊ້າ​ຊີວິດ​ຈະ​ຈົບ​ລົງ​ແລະ​ຕາຍໄປ​ເທົ່ານັ້ນ.

ປັນຍາຈານ 12:3

ແລ້ວ​ແຂນ​ທີ່​ປົກປ້ອງ​ເຈົ້າ​ກໍ​ຈະ​ສັ່ນເຊັນ ແລະ​ຂາ​ທີ່​ດຽວ​ນີ້​ຍັງ​ແຂງແຮງ​ຢູ່​ກໍ​ຈະ​ອ່ອນເພຍ​ລົງ. ແຂ້ວ​ທີ່​ເຈົ້າ​ໃຊ້​ຫຍໍ້າ​ອາຫານ​ກໍ​ຈະ​ຍັງ​ມີ​ໜ້ອຍດຽວ ແລະ​ຕາ​ກໍ​ຈະ​ມົວ​ລົງ​ເຫັນ​ບໍ່​ແຈ້ງ.

1 ຊາມູເອນ 2:22

ບັດນີ້ ເອລີ​ກໍ​ເຖົ້າແກ່​ຫລາຍ​ແລ້ວ ເພິ່ນ​ໄດ້ຍິນ​ເລື່ອງ​ຕ່າງໆ​ທີ່​ລູກຊາຍ​ຂອງຕົນ​ໄດ້​ເຮັດ​ຕໍ່​ຊາວ​ອິດສະຣາເອນ ລວມທັງ​ເລື່ອງ​ທີ່​ພວກເຂົາ​ເປັນຊູ້​ກັບ​ພວກຜູ້ຍິງ ທີ່​ມາ​ບົວລະບັດ​ຮັບໃຊ້​ຢູ່​ຕໍ່ໜ້າ​ຫໍເຕັນ​ບ່ອນ​ຊຸມນຸມ​ນັ້ນ​ດ້ວຍ.

1 ຊາມູເອນ 4:15

ໃນ​ຂະນະ​ນັ້ນ ເອລີ​ມີ​ອາຍຸ​ເກົ້າສິບແປດ​ປີ ແລະ​ຕາ​ກໍ​ເກືອບ​ບໍ່​ເຫັນ​ຮຸ່ງ​ແລ້ວ).