1 ຊາມູເອນ 3:18 - ພຣະຄຳພີສັກສິ

¹⁸ ດັ່ງນັ້ນ ຊາມູເອນ​ຈຶ່ງ​ບອກ​ເພິ່ນ​ທຸກຢ່າງ​ໂດຍ​ບໍ່ໄດ້​ປິດບັງ​ຫຍັງ​ໝົດ. ເອລີ​ໄດ້​ເວົ້າ​ວ່າ, “ພຣະອົງ​ເປັນ​ພຣະເຈົ້າຢາເວ; ພຣະອົງ​ຈະ​ກະທຳ​ທຸກຢ່າງ​ຕາມ​ທີ່​ພຣະອົງ​ເຫັນ​ວ່າ​ດີທີ່ສຸດ.”

1 ຊາມູເອນ 3:18 Jak'a apnaqawi uñst'ayäwi

ປະຖົມມະການ 18:25

ແນ່ນອນ​ທີ່ສຸດ ພຣະອົງ​ຈະ​ບໍ່​ຂ້າ​ຄົນ​ຊອບທຳ​ພ້ອມ​ກັບ​ຄົນ​ອະທຳ ເປັນ​ໄປ​ບໍ່ໄດ້ ພຣະອົງ​ຈະ​ບໍ່​ເຮັດ​ເຊັ່ນ​ນັ້ນ. ຖ້າ​ພຣະອົງ​ເຮັດ ຄົນ​ຊອບທຳ​ກໍ​ຈະ​ຖືກ​ລົງໂທດ ເຊັ່ນດຽວ​ກັນ​ກັບ​ຄົນ​ອະທຳ ເປັນ​ໄປ​ບໍ່ໄດ້. ຜູ້​ພິພາກສາ​ໂລກ​ຕ້ອງ​ເຮັດ​ທຸກສິ່ງ​ຢ່າງ​ຍຸດຕິທຳ.”

2 ຊາມູເອນ 10:12

ຈົ່ງ​ເຂັ້ມແຂງ​ແລະ​ກ້າຫານ ຂໍ​ໃຫ້​ພວກເຮົາ​ສູ້ຮົບ​ຢ່າງ​ເດັດດ່ຽວ​ເພື່ອ​ປະຊາຊົນ​ຂອງ​ພວກເຮົາ ແລະ​ເພື່ອ​ບັນດາ​ເມືອງ​ຕ່າງໆ​ຂອງ​ພຣະເຈົ້າ ແລະ​ຂໍ​ໃຫ້​ພຣະເຈົ້າຢາເວ​ດຳເນີນການ ຕາມ​ທີ່​ພຣະອົງ​ເຫັນ​ຊອບ​ເຖີດ.”

2 ຊາມູເອນ 15:26

ແຕ່​ຖ້າ​ພຣະອົງ​ບໍ່​ພໍໃຈ​ນຳ​ເຮົາ ກໍ​ຂໍ​ໃຫ້​ພຣະອົງ​ເຮັດ​ຕໍ່​ເຮົາ​ຕາມ​ທີ່​ພຣະອົງ​ຕ້ອງການ​ເຖີດ.”

2 ກະສັດ 20:19

ກະສັດ​ເຮເຊກີຢາ​ເຂົ້າໃຈ​ເລື່ອງນີ້​ໃນ​ຄວາມໝາຍ​ທີ່​ວ່າ ຄວາມ​ສະຫງົບສຸກ​ກັບ​ຄວາມ​ປອດໄພ​ຈະ​ມີ​ຢູ່​ຕະຫລອດ​ຊົ່ວຊີວິດ​ຂອງ​ເພິ່ນ; ດັ່ງນັ້ນ ເພິ່ນ​ຈຶ່ງ​ຕອບ​ເອຊາຢາ​ວ່າ, “ຖ້ອຍຄຳ​ຂອງ​ພຣະເຈົ້າຢາເວ​ທີ່​ທ່ານ​ໄດ້​ບອກ​ກັບ​ຂ້າພະເຈົ້າ​ນີ້​ດີ​ຫລາຍ.”

1 ຂ່າວຄາວ 19:13

ຈົ່ງ​ເຂັ້ມແຂງ​ແລະ​ກ້າຫານ ໃຫ້​ພວກເຮົາ​ສູ້ຮົບ​ຢ່າງ​ເດັດດ່ຽວ​ເພື່ອ​ປະຊາຊົນ​ຂອງ​ພວກເຮົາ ແລະ​ເພື່ອ​ຫົວເມືອງຕ່າງໆ​ຂອງ​ພຣະເຈົ້າ. ຂໍ​ໃຫ້​ພຣະເຈົ້າຢາເວ​ກະທຳການ​ຂອງ​ພຣະອົງ​ດ້ວຍ​ເທີ້ນ.”

ພຣະທຳ​ໂຢບ 1:21

ເພິ່ນ​ເວົ້າ​ວ່າ, “ຂ້ານ້ອຍ​ໄດ້​ອອກ​ມາ​ຈາກ​ທ້ອງ​ແມ່​ດ້ວຍ​ຕົວເປົ່າ ແລະ​ຂ້ານ້ອຍ​ກໍ​ຈະ​ຈາກ​ໂລກ​ໄປ​ດ້ວຍ​ຕົວເປົ່າ. ພຣະເຈົ້າຢາເວ​ໄດ້​ໂຜດ​ໃຫ້ ແລະ​ພຣະເຈົ້າຢາເວ​ໄດ້​ເອົາ​ຄືນ​ໄປ. ຂໍ​ໃຫ້​ພຣະນາມ​ຂອງ​ພຣະເຈົ້າຢາເວ​ເປັນ​ທີ່​ຍ້ອງຍໍ​ສັນລະເສີນ​ເທີ້ນ.”

ພຣະທຳ​ໂຢບ 2:10

ໂຢບ​ຕອບ​ວ່າ, “ເຈົ້າ​ຢ່າ​ເວົ້າ​ແບບ​ບໍ່ມີ​ຄວາມຄິດ​ຢ່າງນີ້​ແມ ເມື່ອ​ພຣະເຈົ້າ​ໃຫ້​ຂອງ​ດີ​ແກ່​ເຮົາ ເຮົາ​ກໍ​ຮັບ​ເອົາ​ໄວ້. ເມື່ອ​ພຣະອົງ​ໃຫ້​ຄວາມ​ລຳບາກ​ແກ່​ເຮົາ ເຮົາ​ຈະ​ຈົ່ມທຸກ​ໄດ້​ຢ່າງໃດ?” ເຖິງ​ແມ່ນ​ໄດ້​ຮັບ​ຄວາມ​ທົນທຸກ​ທັງໝົດ​ນີ້​ກໍຕາມ ແຕ່​ໂຢບ​ກໍ​ບໍ່ໄດ້​ເວົ້າ​ຫຍັງ​ຕໍ່ສູ້​ພຣະເຈົ້າ​ເລີຍ.

ເພງ^ສັນລະເສີນ 39:9

ຂ້ານ້ອຍ​ຈະ​ມິດງຽບ​ແລະ​ຈະ​ບໍ່​ເວົ້າ​ຫຍັງ​ຈັກ​ຄຳ ເພາະວ່າ​ພຣະອົງ​ໃຫ້​ເຮັດ​ຢູ່​ຢ່າງນີ້.

ອົບພະຍົບ 34:5

ດັ່ງນັ້ນ ພຣະເຈົ້າຢາເວ​ໄດ້​ລົງ​ມາ​ໃນ​ເມກ​ຢືນ​ຢູ່​ກັບ​ໂມເຊ​ໃນ​ທີ່ນັ້ນ. ພຣະອົງ​ປະກາດ​ນາມຊື່​ອັນ​ສັກສິດ​ຂອງ​ພຣະອົງ​ວ່າ ພຣະເຈົ້າຢາເວ.

ເອຊາຢາ 39:8

ກະສັດ​ເຮເຊກີຢາ​ໄດ້​ເຂົ້າໃຈ​ເລື່ອງ​ນີ້​ໂດຍ​ຕີ​ຄວາມໝາຍ​ເອົາ​ວ່າ ໃນ​ຣາຊການ​ຂອງ​ເພິ່ນ​ນັ້ນ​ຈະ​ມີ​ຄວາມ​ສະຫງົບສຸກ ແລະ​ມີ​ຄວາມ​ໝັ້ນຄົງ​ດີ; ສະນັ້ນ ເພິ່ນ​ຈຶ່ງ​ຕອບ​ເອຊາຢາ​ວ່າ, “ຖ້ອຍຄຳ​ທີ່​ພຣະເຈົ້າຢາເວ​ໄດ້​ໃຫ້​ເຈົ້າ ນຳ​ມາ​ບອກ​ເຮົາ​ນັ້ນ​ດີ​ຫລາຍ.”

ເຢເຣມີຢາ 34:6

ແລ້ວ​ຂ້າພະເຈົ້າ​ກໍ​ບອກ​ຖ້ອຍຄຳ​ນີ້ ໃຫ້​ແກ່​ກະສັດ​ເຊເດກີຢາ​ຢູ່​ໃນ​ນະຄອນ​ເຢຣູຊາເລັມ

ເຢເຣມີຢາ 38:14

ໃນ​ໂອກາດ​ອື່ນ​ອີກ ກະສັດ​ເຊເດກີຢາ​ໄດ້​ນຳ​ຂ້າພະເຈົ້າ​ມາ​ພົບ​ເພິ່ນ ທີ່​ທາງ​ປະຕູເຂົ້າ​ພຣະວິຫານ​ຂອງ​ພຣະເຈົ້າຢາເວ​ປ່ອງ​ທີ​ສາມ; ເພິ່ນ​ເວົ້າ​ວ່າ, “ເຮົາ​ຈະ​ຂໍ​ຖາມ​ເຈົ້າ​ຈັກ​ຂໍ້​ໜຶ່ງ ແລະ​ເຮົາ​ຢາກ​ໃຫ້​ເຈົ້າ​ເວົ້າ​ຄວາມຈິງ​ທັງໝົດ​ສູ່​ເຮົາ​ຟັງ.”

ເຢເຣມີຢາ 42:4

ຂ້າພະເຈົ້າ​ຈຶ່ງ​ຕອບ​ວ່າ, “ຖ້າດັ່ງນັ້ນ ກໍດີ​ແລ້ວ; ຂ້ອຍ​ຈະ​ພາວັນນາ​ອະທິຖານ​ຕໍ່​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ​ຕາມ​ທີ່​ພວກເຈົ້າ​ໄດ້​ຂໍຮ້ອງ​ມາ, ແລະ​ເມື່ອ​ພຣະເຈົ້າຢາເວ​ກ່າວ​ສິ່ງໃດ​ສິ່ງໜຶ່ງ​ແລ້ວ ຂ້ອຍ​ຈະ​ບອກ​ພວກເຈົ້າ. ຂ້ອຍ​ຈະ​ບໍ່​ປິດບັງ​ສິ່ງໃດໆ​ຕໍ່​ພວກເຈົ້າ​ເລີຍ.”

ເພງ^ຄໍ່າຄວນ 3:39

ເມື່ອ​ຖືກ​ລົງໂທດ​ຍ້ອນ​ບາບ​ທີ່​ພວກເຮົາ​ໄດ້​ກະທຳ ເປັນຫຍັງ​ພວກເຮົາ​ຈຶ່ງ​ມັກ​ຈົ່ມຮ້າຍ?

ລະບຽບ^ພວກເລວີ 10:3

ແລ້ວ​ໂມເຊ​ໄດ້​ກ່າວ​ແກ່​ອາໂຣນ​ວ່າ, “ພຣະເຈົ້າຢາເວ​ໄດ້​ປະກາດ​ໄວ້​ດັ່ງນີ້: ‘ທຸກຄົນ​ທີ່​ຮັບໃຊ້​ເຮົາ​ຕ້ອງ​ຢຳເກງ​ຄວາມ​ບໍຣິສຸດ​ຂອງເຮົາ; ເຮົາ​ຈະ​ໃຫ້​ປະຊາຊົນ​ຂອງເຮົາ​ເຫັນ​ສະຫງ່າຣາສີ​ຂອງເຮົາ.”’ ສ່ວນ​ອາໂຣນ​ກໍໄດ້​ແຕ່​ຕົກສະເງີ້​ຈົນ​ປາກ​ບໍ່​ອອກ.

1 ເປໂຕ 5:6

ດ້ວຍເຫດນັ້ນ ພວກເຈົ້າ​ຈົ່ງ​ຖ່ອມໃຈ​ລົງ ຢູ່​ໃຕ້​ພຣະຫັດ​ອັນ​ຊົງ​ຣິດ​ຂອງ​ພຣະເຈົ້າ ເພື່ອ​ພຣະອົງ​ຈະ​ຊົງ​ຍົກ​ພວກເຈົ້າ​ຂຶ້ນ ເມື່ອ​ເຖິງ​ເວລາ​ອັນ​ຄວນ.

ພວກ^ຜູ້ປົກຄອງ 10:15

ແຕ່​ປະຊາຊົນ​ອິດສະຣາເອນ​ຍັງ​ຮ້ອງ​ຂໍ​ຕໍ່​ພຣະເຈົ້າຢາເວ​ວ່າ, “ພວກ​ຂ້ານ້ອຍ​ໄດ້​ເຮັດ​ບາບ​ແລ້ວ ຈົ່ງ​ເຮັດ​ກັບ​ພວກ​ຂ້ານ້ອຍ​ຕາມ​ທີ່​ພຣະອົງ​ເຫັນ​ສົມຄວນ​ເທີ້ນ, ແຕ່​ສຳລັບ​ວັນນີ້ ໂຜດ​ຊ່ວຍ​ພວກ​ຂ້ານ້ອຍ​ດ້ວຍ​ເຖີດ.”