1 ຊາມູເອນ 3:17 - ພຣະຄຳພີສັກສິ

¹⁷ ເອລີ​ຈຶ່ງ​ຖາມ​ວ່າ, “ພຣະອົງ​ໄດ້​ບອກ​ເຈົ້າ​ຫຍັງ​ແດ່? ຢ່າ​ປິດບັງ​ພໍ່​ເລີຍ. ຖ້າ​ບໍ່​ບອກ​ພໍ່​ໃນ​ສິ່ງ​ທີ່​ພຣະອົງ​ກ່າວ​ແກ່​ເຈົ້າ ພຣະເຈົ້າ​ຈະ​ລົງໂທດ​ເຈົ້າ​ຢ່າງ​ຮ້າຍແຮງ.”

1 ຊາມູເອນ 3:17 Jak'a apnaqawi uñst'ayäwi

2 ຊາມູເອນ 14:18

ກະສັດ​ຕອບ​ນາງ​ວ່າ, “ເຮົາ​ຢາກ​ຖາມ​ເຈົ້າ​ຢ່າງ​ໜຶ່ງ ແລະ​ເຈົ້າ​ຈະ​ຕ້ອງ​ບອກ​ເຮົາ​ທັງໝົດ​ຕາມ​ຄວາມ​ເປັນຈິງ.” ນາງ​ຕອບ​ວ່າ, “ຂ້າແດ່​ພະຣາຊາ ເຊີນ​ຖາມ​ຂ້ານ້ອຍ​ໄດ້​ທຸກຢ່າງ.”

2 ຊາມູເອນ 19:13

ກະສັດ​ດາວິດ​ຍັງ​ສົ່ງ​ຄົນ​ໄປ​ບອກ​ອາມາສາ​ຄືກັນ​ວ່າ, “ເຈົ້າ​ກໍ​ເປັນ​ຍາດຕິ​ພີ່ນ້ອງ​ຂອງເຮົາ. ນັບ​ຕັ້ງແຕ່​ນີ້​ໄປ ເຮົາ​ຈະ​ແຕ່ງຕັ້ງ​ເຈົ້າ​ໃຫ້​ເປັນ​ຜູ້​ບັນຊາການ​ກອງທັບ​ແທນ​ໂຢອາບ. ຖ້າ​ເຮົາ​ບໍ່​ປະຕິບັດ​ຕາມ​ຄຳ​ເວົ້າ ຂໍ​ໃຫ້​ພຣະເຈົ້າ​ລົງໂທດ​ເຮົາ​ເຖິງ​ຕາຍ​ເຖີດ.”

2 ຊາມູເອນ 3:35

ຕະຫລອດ​ທັງ​ວັນ ປະຊາຊົນ​ທັງ​ໝົດ​ໄດ້​ພະຍາຍາມ​ໃຫ້​ກະສັດ​ດາວິດ​ກິນ​ອາຫານ, ແຕ່​ເພິ່ນ​ກັບ​ສັນຍາ​ຢ່າງ​ໜັກແໜ້ນ​ວ່າ, “ຂໍ​ໃຫ້​ພຣະເຈົ້າ​ລົງໂທດ​ຂ້ານ້ອຍ​ເຖິງ​ຕາຍ​ເຖີດ ຖ້າ​ຂ້ານ້ອຍ​ກິນ​ສິ່ງໃດ​ສິ່ງໜຶ່ງ​ກ່ອນ​ຕາເວັນ​ຕົກ​ດິນ.”

2 ຊາມູເອນ 3:9

ພຣະເຈົ້າຢາເວ​ໄດ້​ສາບານ​ກັບ​ດາວິດ​ວ່າ ພຣະອົງ​ຈະ​ເອົາ​ອານາຈັກ​ໄປ​ຈາກ​ກະສັດ​ໂຊນ ແລະ​ເຊື້ອສາຍ​ຂອງ​ເພິ່ນ; ແລ້ວ​ພຣະອົງ​ກໍ​ຈະ​ໃຫ້​ດາວິດ​ຂຶ້ນ​ເປັນ​ກະສັດ​ປົກຄອງ​ຊາວ​ອິດສະຣາເອນ​ແລະ​ຊາວ​ຢູດາ ຕັ້ງແຕ່​ເມືອງ​ດານ​ທາງ​ພາກເໜືອ ຈົນເຖິງ​ເບເອນເຊບາ​ທາງ​ພາກໃຕ້. ຖ້າ​ຂ້ອຍ​ບໍ່​ເຮັດ​ສິ່ງ​ນີ້​ໃຫ້​ກາຍເປັນຈິງ ກໍ​ຂໍ​ພຣະເຈົ້າ​ລົງໂທດ​ຂ້ອຍ​ໃຫ້​ເຖິງ​ຕາຍ​ເຖີດ.”

1 ກະສັດ 22:16

ແຕ່​ກະສັດ​ອາຮາບ​ຕອບ​ຄືນ​ວ່າ, “ເມື່ອ​ເວົ້າ​ກັບ​ເຮົາ​ໃນ​ນາມ​ຂອງ​ພຣະເຈົ້າຢາເວ ຈົ່ງ​ເວົ້າ​ຄວາມຈິງ​ແມ ເຮົາ​ໄດ້​ບອກ​ເຈົ້າ​ຈັກເທື່ອ​ແລ້ວ.”

2 ກະສັດ 6:31

ເພິ່ນ​ຮ້ອງ​ຂຶ້ນ​ວ່າ, “ຖ້າ​ເອລີຊາ​ບໍ່​ຖືກ​ຕັດ​ຫົວ​ກ່ອນ​ວັນ​ນີ້​ໝົດ​ໄປ ກໍ​ຂໍ​ໃຫ້​ພຣະເຈົ້າ​ປະຫານ​ຊີວິດ​ຂອງ​ຂ້ານ້ອຍ​ເສຍ​ເຖີດ.”

ເພງ^ສັນລະເສີນ 141:5

ຝ່າຍ​ຄົນດີ​ອາດ​ລົງໂທດ​ແລະ​ຕຳໜິ​ຕິຕຽນ ດ້ວຍ​ຄວາມຫວັງ​ດີ​ຕໍ່​ຂ້ານ້ອຍ​ກໍໄດ້, ແຕ່​ຂ້ານ້ອຍ​ຈະ​ບໍ່​ຍອມ​ຮັບ​ກຽດ​ຈາກ​ຄົນຊົ່ວ​ເລີຍ ເພາະ​ຂ້ານ້ອຍ​ຍັງ​ພາວັນນາ​ອະທິຖານ​ຕໍ່ສູ້​ການກະທຳ​ຊົ່ວ​ຂອງ​ພວກເຂົາ​ຢູ່.

ເຢເຣມີຢາ 38:14

ໃນ​ໂອກາດ​ອື່ນ​ອີກ ກະສັດ​ເຊເດກີຢາ​ໄດ້​ນຳ​ຂ້າພະເຈົ້າ​ມາ​ພົບ​ເພິ່ນ ທີ່​ທາງ​ປະຕູເຂົ້າ​ພຣະວິຫານ​ຂອງ​ພຣະເຈົ້າຢາເວ​ປ່ອງ​ທີ​ສາມ; ເພິ່ນ​ເວົ້າ​ວ່າ, “ເຮົາ​ຈະ​ຂໍ​ຖາມ​ເຈົ້າ​ຈັກ​ຂໍ້​ໜຶ່ງ ແລະ​ເຮົາ​ຢາກ​ໃຫ້​ເຈົ້າ​ເວົ້າ​ຄວາມຈິງ​ທັງໝົດ​ສູ່​ເຮົາ​ຟັງ.”

ເຢເຣມີຢາ 42:4

ຂ້າພະເຈົ້າ​ຈຶ່ງ​ຕອບ​ວ່າ, “ຖ້າດັ່ງນັ້ນ ກໍດີ​ແລ້ວ; ຂ້ອຍ​ຈະ​ພາວັນນາ​ອະທິຖານ​ຕໍ່​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ​ຕາມ​ທີ່​ພວກເຈົ້າ​ໄດ້​ຂໍຮ້ອງ​ມາ, ແລະ​ເມື່ອ​ພຣະເຈົ້າຢາເວ​ກ່າວ​ສິ່ງໃດ​ສິ່ງໜຶ່ງ​ແລ້ວ ຂ້ອຍ​ຈະ​ບອກ​ພວກເຈົ້າ. ຂ້ອຍ​ຈະ​ບໍ່​ປິດບັງ​ສິ່ງໃດໆ​ຕໍ່​ພວກເຈົ້າ​ເລີຍ.”

ດານີເອນ 4:19

ແລ້ວ​ດານີເອນ (ຜູ້​ມີ​ຊື່​ໜຶ່ງ​ອີກ​ວ່າ​ເບັນເຕຊັດຊາເຣ) ກໍ​ອຸກໃຈ​ຈົນ​ເວົ້າ​ຢ່າງໃດ​ບໍ່ໄດ້. ກະສັດ​ໄດ້​ກ່າວ​ຕໍ່​ລາວ​ວ່າ, “ເບັນເຕຊັດຊາເຣ​ເອີຍ ຢ່າ​ໃຫ້​ຄວາມຝັນ ແລະ​ສິ່ງ​ທີ່​ຈະ​ເກີດຂຶ້ນ​ນັ້ນ ເຮັດ​ໃຫ້​ເຈົ້າ​ຕົກໃຈ​ເລີຍ.” ເບັນເຕຊັດຊາເຣ​ໄດ້​ຕອບ​ວ່າ, “ຂ້າແດ່​ພະຣາຊາ ຂ້ານ້ອຍ​ຢາກ​ໃຫ້​ຄວາມຝັນ ແລະ​ຄຳ​ແກ້​ຄວາມຝັນ​ນັ້ນ​ຕົກ​ຖືກ​ພວກ​ສັດຕູ​ຂອງທ່ານ ແທນ​ທີ່​ຈະ​ຕົກ​ຖືກ​ທ່ານເອງ.

ມີກາ 2:7

ເຈົ້າ​ຄິດ​ວ່າ​ປະຊາຊົນ​ອິດສະຣາເອນ​ຖືກ​ສາບແຊ່ງ​ຊັ້ນບໍ? ພຣະເຈົ້າຢາເວ​ໝົດ​ຄວາມ​ອົດທົນ​ແລ້ວ​ຫລື? ພຣະອົງ​ຈະ​ເຮັດ​ສິ່ງ​ເຫຼົ່ານັ້ນ​ແທ້​ບໍ? ພຣະອົງ​ຈະ​ບໍ່​ກ່າວ​ຕໍ່​ຜູ້​ທີ່​ເຮັດ​ຖືກຕ້ອງ ຢ່າງ​ເມດຕາປານີ​ດອກ​ຫລື?”

ຈົດບັນຊີ 23:17

ສະນັ້ນ ລາວ​ຈຶ່ງ​ກັບຄືນ​ມາ ແລະ​ພົບ​ເຈົ້າ​ບາຫລາກ​ຢືນ​ຢູ່​ໃກ້​ແທ່ນ​ຖວາຍ​ເຄື່ອງຫອມ ພ້ອມ​ກັບ​ພວກ​ຫົວໜ້າ​ຂອງ​ຊາວ​ໂມອາບ. ເຈົ້າ​ບາຫລາກ​ຈຶ່ງ​ຖາມ​ສິ່ງ​ທີ່​ພຣະເຈົ້າຢາເວ​ກ່າວ

ມັດທາຍ 26:63

ແຕ່​ພຣະເຢຊູເຈົ້າ​ມິດງຽບ​ຢູ່ ແລ້ວ​ມະຫາ​ປະໂຣຫິດ​ໄດ້​ເວົ້າ​ຕໍ່​ພຣະອົງ​ອີກ​ວ່າ, “ໃນ​ນາມ​ຂອງ​ພຣະເຈົ້າ​ອົງ​ຊົງ​ຊີວິດ​ຢູ່ ໃຫ້​ເຈົ້າ​ສາບານ​ວ່າ, ‘ເຈົ້າ​ເປັນ​ພຣະຄຣິດ​ພຣະບຸດ​ຂອງ​ພຣະເຈົ້າ.”’

ນາງຣຸດ 1:17

ແມ່​ຕາຍ​ຢູ່​ບ່ອນໃດ​ລູກ​ກໍ​ຈະ​ຕາຍ​ຢູ່​ບ່ອນນັ້ນ ແລະ​ທີ່ນັ້ນ ຈະ​ເປັນ​ບ່ອນ​ຝັງສົບ​ຂອງ​ລູກ. ຖ້າ​ມີ​ສິ່ງໃດ​ເຮັດ​ໃຫ້​ລູກ​ຈາກ​ແມ່​ໄປ ຊຶ່ງ​ນອກຈາກ​ຄວາມ​ຕາຍ​ເທົ່ານັ້ນ ຂໍ​ໃຫ້​ພຣະເຈົ້າຢາເວ​ລົງໂທດ​ລູກ​ຢ່າງໜັກ​ເຖີດ.”

1 ຊາມູເອນ 14:44

ກະສັດ​ໂຊນ​ກ່າວ​ຕໍ່​ລາວ​ວ່າ, “ຖ້າ​ຂ້ອຍ​ບໍ່​ຂ້າ​ເຈົ້າ ກໍ​ຂໍ​ພຣະອົງ​ຂ້າ​ຂ້ອຍ​ສາ​ເຖີດ.”

1 ຊາມູເອນ 20:13

ຖ້າ​ເພິ່ນ​ຍັງ​ມີ​ເຈດຕະນາ​ທຳຮ້າຍ​ເຈົ້າ ແລະ​ຖ້າ​ຂ້ອຍ​ບໍ່​ສົ່ງ​ຂ່າວ​ມາ​ບອກ​ໃຫ້​ເຈົ້າ​ໜີ​ໄປ​ຢ່າງ​ປອດໄພ ກໍ​ຂໍ​ໃຫ້​ພຣະເຈົ້າຢາເວ​ລົງໂທດ​ຂ້ອຍ​ເຖິງ​ຕາຍ. ຂໍ​ໃຫ້​ພຣະເຈົ້າຢາເວ​ສະຖິດ​ຢູ່​ກັບ​ເຈົ້າ ດັ່ງ​ທີ່​ພຣະອົງ​ເຄີຍ​ສະຖິດ​ຢູ່​ນຳ​ພໍ່​ຂອງຂ້ອຍ​ເຖີດ.

1 ຊາມູເອນ 25:22

ຂໍ​ໃຫ້​ພຣະເຈົ້າ​ລົງໂທດ​ຂ້ອຍ ເຖິງ​ຕາຍ ຖ້າ​ຂ້ອຍ​ບໍ່ໄດ້​ຂ້າ​ຜູ້ຊາຍ​ທຸກຄົນ​ໃນ​ຄອບຄົວ​ຂອງ​ນາບານ ກ່ອນ​ມື້ອື່ນ​ເຊົ້າ.”

1 ຊາມູເອນ 3:16

ເອລີ​ຈຶ່ງ​ເອີ້ນ​ຫາ​ລາວ​ວ່າ, “ຊາມູເອນ ລູກເອີຍ.” ຊາມູເອນ​ຕອບ​ວ່າ, “ຂ້ານ້ອຍ​ຢູ່​ທີ່ນີ້”.