1 ຊາມູເອນ 3:10 - ພຣະຄຳພີສັກສິ

¹⁰ ພຣະເຈົ້າຢາເວ​ໄດ້​ມາ​ຢືນ​ຢູ່​ໃນ​ບ່ອນ​ນັ້ນ ແລະ​ເອີ້ນ​ເໝືອນ​ດັ່ງ​ແຕ່​ກ່ອນ​ວ່າ, “ຊາມູເອນ ຊາມູເອນ​ເອີຍ!” ຊາມູເອນ​ຕອບ​ວ່າ, “ຜູ້ຮັບໃຊ້​ຂອງ​ພຣະອົງ​ກຳລັງ​ຟັງ​ຢູ່ ຂໍ​ພຣະອົງ​ສັ່ງ​ມາ​ເຖີດ.”

1 ຊາມູເອນ 3:10 Jak'a apnaqawi uñst'ayäwi

ໂຢຊວຍ 5:14

ຊາຍ​ຜູ້ນັ້ນ​ໄດ້​ຕອບ​ວ່າ, “ເຮົາ​ບໍ່​ເປັນ​ຝ່າຍ​ໃດ​ໝົດ ເຮົາ​ມາ​ນີ້​ໃນ​ຖານະ​ເປັນ​ຜູ້​ບັນຊາການ​ກອງທັບ​ຂອງ​ພຣະເຈົ້າຢາເວ.” ໂຢຊວຍ​ຈຶ່ງ​ກົ້ມຂາບ​ລົງ​ພື້ນດິນ ແລະ​ຖາມ​ວ່າ, “ທ່ານເອີຍ ຂ້ານ້ອຍ​ເປັນ​ຜູ້ຮັບໃຊ້​ຂອງທ່ານ ທ່ານ​ຢາກ​ຈະ​ໃຫ້​ຂ້ານ້ອຍ​ເຮັດ​ຫຍັງ?”

1 ຊາມູເອນ 12:2

ແລະ​ດຽວ​ນີ້​ພວກເຈົ້າ​ກໍ​ມີ​ກະສັດ​ໂຊນ​ເປັນ​ຜູ້​ນຳພາ. ສຳລັບ​ຂ້າພະເຈົ້າ​ເອງ​ນັ້ນ​ເຖົ້າແກ່​ແລະ​ຜົມ​ກໍ​ຫງອກ​ຫລາຍ​ແລ້ວ ແລະ​ພວກ​ລູກຊາຍ​ຂອງ​ຂ້າພະເຈົ້າ​ກໍ​ຍັງ​ຢູ່​ນຳ​ພວກເຈົ້າ. ຂ້າພະເຈົ້າ​ເປັນ​ຜູ້ນຳ​ຂອງ​ພວກເຈົ້າ​ແຕ່​ຍັງ​ໜຸ່ມ​ຈົນເຖິງ​ດຽວນີ້.

1 ຊາມູເອນ 3:11

ພຣະເຈົ້າຢາເວ​ກ່າວ​ແກ່​ຊາມູເອນ​ວ່າ, “ມື້ໜຶ່ງ ເຮົາ​ຈະ​ເຮັດ​ສິ່ງ​ອັນ​ໜ້າຢ້ານກົວ​ຫລາຍ​ຕໍ່​ປະຊາຊົນ​ອິດສະຣາເອນ ເມື່ອ​ທຸກຄົນ​ໄດ້ຍິນ​ເຖິງ​ເລື່ອງ​ນີ້​ແລ້ວ ພວກເຂົາ​ຈະ​ຕ້ອງ​ຢ້ານກົວ​ທີ່ສຸດ.

1 ຊາມູເອນ 3:15

ຊາມູເອນ​ນອນ​ຫລັບ​ໄປ​ຈົນເຖິງ​ມື້​ເຊົ້າ ແລ້ວ​ລາວ​ກໍ​ລຸກ​ຂຶ້ນ​ໄປ​ໄຂ​ປະຕູ​ພຣະວິຫານ​ຂອງ​ພຣະເຈົ້າຢາເວ, ແຕ່​ລາວ​ບໍ່ກ້າ​ບອກ​ນິມິດ​ນີ້​ແກ່​ເອລີ.

1 ຊາມູເອນ 3:21

ໃນ​ເມືອງ​ຊີໂລ ບ່ອນ​ທີ່​ພຣະເຈົ້າຢາເວ​ໄດ້​ປາກົດ​ຕໍ່​ຊາມູເອນ​ແລະ​ກ່າວ​ແກ່​ລາວ​ນັ້ນ ພຣະເຈົ້າຢາເວ​ກໍ​ສືບຕໍ່​ປາກົດ​ແກ່​ຊາມູເອນ​ໂດຍ​ຖ້ອຍຄຳ​ຂອງ​ພຣະເຈົ້າຢາເວ.

1 ຊາມູເອນ 3:8

ພຣະເຈົ້າຢາເວ​ເອີ້ນ​ຊາມູເອນ​ອີກ​ເປັນ​ຄັ້ງ​ທີ​ສາມ; ລາວ​ຈຶ່ງ​ລຸກ​ຂຶ້ນ​ໄປ​ຫາ​ເອລີ ແລະ​ຖາມ​ວ່າ, “ທ່ານ​ເອີ້ນ​ຂ້ານ້ອຍ​ບໍ? ຂ້ານ້ອຍ​ຢູ່​ທີ່ນີ້​ເດ.” ແລ້ວ​ເອລີ​ກໍ​ເຂົ້າໃຈ​ວ່າ​ແມ່ນ​ພຣະເຈົ້າຢາເວ​ທີ່​ເປັນ​ຜູ້​ເອີ້ນ​ເດັກຊາຍ​ຄົນ​ນີ້

1 ຊາມູເອນ 3:9

ດັ່ງນັ້ນ ເພິ່ນ​ຈຶ່ງ​ບອກ​ລາວ​ວ່າ, “ຈົ່ງ​ກັບຄືນ​ໄປ​ນອນ​ສາ ແລະ​ຖ້າ​ເພິ່ນ​ເອີ້ນ​ເຈົ້າ​ອີກ ໃຫ້​ເຈົ້າ​ຕອບ​ວ່າ, ‘ພຣະເຈົ້າຢາເວ​ເອີຍ ຜູ້ຮັບໃຊ້​ຂອງ​ພຣະອົງ​ກຳລັງ​ຟັງ​ຢູ່ ຂໍ​ພຣະອົງ​ສັ່ງ​ມາ​ເຖີດ.”’ ດັ່ງນັ້ນ ຊາມູເອນ​ຈຶ່ງ​ກັບຄືນ​ໄປ​ນອນ.