1 ຊາມູເອນ 27:8 - ພຣະຄຳພີສັກສິ

⁸ ໃນ​ສະໄໝ​ນັ້ນ ດາວິດ​ກັບ​ທະຫານ​ຂອງ​ເພິ່ນ​ກໍໄດ້​ໂຈມຕີ​ຊາວ​ເກຊູ, ຊາວ​ກີຣິຊີ ແລະ​ຊາວ​ອາມາເຫຼັກ ຊຶ່ງ​ເປັນ​ພວກ​ທີ່​ຢູ່​ໃນ​ດິນແດນ​ນັ້ນ​ດົນນານ​ມາ​ແລ້ວ. ເພິ່ນ​ໄດ້​ຫລອນ​ໂຈມຕີ​ດິນແດນ​ຂອງ​ພວກເຂົາ ໄປ​ຈົນເຖິງ​ເມືອງ​ຊູເຣ​ແລະ​ລົງ​ໄປ​ເຖິງ​ດິນແດນ​ປະເທດ​ເອຢິບ.

1 ຊາມູເອນ 27:8 Jak'a apnaqawi uñst'ayäwi

2 ຊາມູເອນ 14:23

ແລ້ວ​ລາວ​ກໍ​ລຸກ​ຂຶ້ນ​ອອກ​ເດີນທາງ​ໄປ​ທີ່​ເມືອງ​ເກຊູ ແລະ​ນຳ​ເອົາ​ອັບຊາໂລມ​ກັບຄືນ​ມາ​ສູ່​ນະຄອນ​ເຢຣູຊາເລັມ.

2 ຊາມູເອນ 14:32

ອັບຊາໂລມ​ຕອບ​ວ່າ, “ກໍ​ເພາະ​ເຈົ້າ​ບໍ່​ຍອມ​ມາ ເມື່ອ​ຂ້ອຍ​ສົ່ງ​ຄົນ​ໄປ​ເອີ້ນ​ເຈົ້າ. ຂ້ອຍ​ຢາກ​ໃຫ້​ເຈົ້າ​ໄປ​ຫາ​ກະສັດ ແລະ​ຖາມ​ເພິ່ນ​ໃຫ້​ຂ້ອຍ​ວ່າ, ‘ເຫດໃດ​ຂ້ອຍ​ຈຶ່ງ​ຈາກ​ເມືອງ​ເກຊູ​ມາ​ຢູ່​ທີ່​ນີ້? ຖ້າ​ຂ້ອຍ​ຢູ່​ພຸ້ນ​ຄົງ​ຈະ​ເປັນ​ການ​ດີກວ່າ.’ ດຽວນີ້ ຂ້ອຍ​ຢາກ​ໃຫ້​ເຈົ້າ​ຫາທາງ​ໃຫ້​ຂ້ອຍ​ໄດ້​ເຂົ້າ​ໄປ​ພົບ​ກະສັດ ແລະ​ຖ້າ​ຂ້ອຍ​ເປັນ​ຄົນ​ຜິດ​ກໍ​ໃຫ້​ເພິ່ນ​ຂ້າ​ຂ້ອຍ​ເສຍ.”

2 ຊາມູເອນ 15:8

ເມື່ອ​ຂ້ານ້ອຍ​ຢູ່​ທີ່​ເມືອງ​ເກຊູ​ໃນ​ຊີເຣຍ​ນັ້ນ ຂ້ານ້ອຍ​ໄດ້​ສາບານ​ໄວ້​ວ່າ, ຖ້າ​ພຣະເຈົ້າຢາເວ​ໃຫ້​ຂ້ານ້ອຍ​ກັບຄືນ​ມາ​ທີ່​ນະຄອນ​ເຢຣູຊາເລັມ ຂ້ານ້ອຍ​ຈະ​ນະມັດສະການ​ພຣະເຈົ້າຢາເວ​ທີ່​ເມືອງ​ເຮັບໂຣນ.”

2 ຊາມູເອນ 3:22

ຕໍ່ມາ ໂຢອາບ​ແລະ​ບັນດາ​ຂ້າຣາຊການ​ຄົນອື່ນໆ​ຂອງ​ດາວິດ ກໍ​ກັບ​ມາ​ແຕ່​ການ​ປຸ້ນສະດົມ. ພວກເຂົາ​ນຳ​ເອົາ​ສິ່ງຂອງ​ຢ່າງ​ຫລວງຫລາຍ​ທີ່​ຢຶດ​ໄດ້​ມາ, ແຕ່​ອັບເນ​ບໍ່ໄດ້​ຢູ່​ໃນ​ເມືອງ​ເຮັບໂຣນ​ກັບ​ດາວິດ ເພາະ​ເພິ່ນ​ໄດ້​ສົ່ງ​ລາວ​ກັບ​ເມືອ​ໂດຍ​ຮັບຮອງ​ຄວາມ​ປອດໄພ​ໃຫ້​ແກ່​ລາວ​ແລ້ວ.

2 ຊາມູເອນ 3:3

ກີເລອາບ ຜູ້​ທີ່​ເປັນ​ແມ່​ແມ່ນ​ນາງ​ອາບີກາຍ​ຊາວ​ກາເມນ ເມຍ​ໝ້າຍ​ຂອງ​ນາບານ; ອັບຊາໂລມ ຜູ້​ທີ່​ເປັນ​ແມ່​ແມ່ນ​ນາງ​ມາອາກາ ລູກສາວ​ຂອງ​ກະສັດ​ຕານໄມ​ແຫ່ງ​ເກຊູ;

2 ຊາມູເອນ 8:12

ເອໂດມ, ໂມອາບ, ອຳໂມນ, ຟີລິດສະຕິນ, ອາມາເຫຼັກ ແລະ​ຕະຫລອດ​ທັງ​ຂອງ​ທີ່​ປຸ້ນສະດົມ​ມາ​ໄດ້​ຈາກ​ເຈົ້າ​ຮາດາເດເຊ​ລູກຊາຍ​ຂອງ​ເຣໂຮບ​ແຫ່ງ​ໂຊບາ​ນັ້ນ​ດ້ວຍ.

1 ຂ່າວຄາວ 2:23

ແຕ່​ເພິ່ນ​ໄດ້​ໃຊ້​ກຳລັງ​ຢຶດເອົາ​ອານາຈັກ​ຕ່າງໆ​ຂອງ​ເກຊູ ແລະ​ຂອງ​ອາຣາມ​ຫົກສິບ​ຕົວເມືອງ ລວມ​ທັງ​ໝູ່ບ້ານ​ທັງຫລາຍ​ຂອງ​ຢາອີ​ແລະ​ເກນາດ ຕະຫລອດ​ທັງ​ເມືອງ​ຕ່າງໆ​ທີ່​ຢູ່​ອ້ອມແອ້ມ​ນັ້ນ. ຊາວ​ເມືອງ​ທີ່​ອາໄສ​ຢູ່​ທີ່​ນັ້ນ ແມ່ນ​ໄດ້​ສືບ​ເຊື້ອສາຍ​ມາ​ຈາກ​ມາກີ ຜູ້​ເປັນ​ພໍ່​ຂອງ​ກີເລອາດ.

ອົບພະຍົບ 15:22

ແລ້ວ​ໂມເຊ​ກໍໄດ້​ນຳ​ປະຊາຊົນ​ອິດສະຣາເອນ​ຈາກ​ທະເລແດງ ມຸ້ງໜ້າ​ເຂົ້າ​ໄປ​ສູ່​ຖິ່ນ​ແຫ້ງແລ້ງ​ກັນດານ ຊູເຣ. ພວກເຂົາ​ຍ່າງ​ຢູ່​ໃນ​ຖິ່ນ​ແຫ້ງແລ້ງ​ກັນດານ​ເຖິງ​ສາມ​ມື້ ແຕ່​ບໍ່​ພົບ​ນໍ້າ.

ອົບພະຍົບ 17:8

ຊາວ​ອາມາເຫຼັກ​ໄດ້​ຍົກທັບ​ມາ​ຕີ​ຊາວ​ອິດສະຣາເອນ​ທີ່​ເຣຟີດີມ.

ຈົດບັນຊີ 13:29

ຊາວ​ອາມາເຫຼັກ​ອາໄສ​ຢູ່​ທາງທິດໃຕ້​ຂອງ​ດິນແດນ; ຊາວ​ຮິດຕີ, ຊາວ​ເຢບຸດ ແລະ​ຊາວ​ອາໂມ​ອາໄສ​ຢູ່​ເຂດ​ເນີນພູ ແລະ​ຊາວ​ການາອານ​ກໍ​ອາໄສ​ຢູ່​ຕາມ​ຝັ່ງ​ທີ່​ທະເລ​ເມດີແຕຣາເນ​ແລະ​ຝັ່ງ​ແມ່ນໍ້າ​ຈໍແດນ.”

ຈົດບັນຊີ 14:45

ແລ້ວ​ພວກ​ອາມາເຫຼັກ​ແລະ​ພວກ​ການາອານ​ທີ່​ຢູ່​ໃນ​ທີ່ນັ້ນ​ກໍໄດ້​ໂຈມຕີ​ຄືນ ແລະ​ຂັບໄລ່​ພວກເຂົາ​ໃຫ້​ພ່າຍແພ້​ຢ່າງ​ສິ້ນເຊີງ​ທີ່​ເມືອງ​ໂຮມາ.

ໂຢຊວຍ 12:5

ອານາຈັກ​ຂອງ​ເພິ່ນ​ນັ້ນ​ມີ​ດັ່ງນີ້: ພູເຂົາ​ເຮີໂມນ, ສາເລກາ ແລະ​ທົ່ວ​ທັງ​ບາຊານ​ໄກ​ອອກ​ໄປ, ຈົນເຖິງ​ເຂດແດນ​ຂອງ​ພວກ​ເກຊູ​ແລະ​ພວກ​ມາອາກາ ລວມທັງ​ເຄິ່ງ​ໜຶ່ງ​ຂອງ​ກີເລອາດ​ໄກ​ອອກ​ໄປ​ຈົນເຖິງ​ເຂດແດນ​ຂອງ​ເຈົ້າ​ສີໂຫນ ກະສັດ​ແຫ່ງ​ເຮັດຊະໂບນ.

ໂຢຊວຍ 13:13

ເຖິງ​ຢ່າງ​ໃດ​ກໍຕາມ ຊາວ​ອິດສະຣາເອນ​ບໍ່ໄດ້​ຂັບໄລ່​ພວກ​ເກຊູ ແລະ​ພວກ​ມາອາກາ​ໃຫ້​ອອກ​ໄປ, ແຕ່​ພວກ​ນີ້​ຍັງ​ຢູ່​ຕາມ​ດິນແດນ​ອິດສະຣາເອນ​ຕໍ່ໄປ.

ໂຢຊວຍ 13:2

ເຂດແດນ​ທັງໝົດ​ຂອງ​ຊາວ​ຟີລິດສະຕິນ​ແລະ​ຊາວ​ເກຊູ

ໂຢຊວຍ 16:10

ແຕ່​ພວກເຂົາ​ບໍ່ໄດ້​ຂັບໄລ່​ພວກ​ການາອານ ທີ່​ຢູ່​ໃນ​ເມືອງ​ເກເຊ​ໃຫ້​ອອກ​ໄປ. ດ້ວຍເຫດນີ້ ພວກ​ການາອານ​ຈຶ່ງ​ຍັງ​ຢູ່​ຮ່ວມ​ກັບ​ພວກ​ເອຟຣາອິມ​ຈົນ​ເຖິງ​ທຸກ​ວັນ​ນີ້. ແຕ່​ພວກ​ເອຟຣາອິມ​ໄດ້​ບັງຄັບ​ພວກເຂົາ​ໃຫ້​ເຮັດ​ວຽກ​ດັ່ງ​ທາດຮັບໃຊ້.

ພວກ^ຜູ້ປົກຄອງ 1:29

ເຜົ່າ​ເອຟຣາອິມ​ບໍ່ໄດ້​ຂັບໄລ່​ຊາວ​ການາອານ​ທີ່​ຢູ່​ໃນ​ເມືອງ​ເກເຊ ໃຫ້​ອອກ​ໜີໄປ. ດັ່ງນັ້ນ ຊາວ​ການາອານ​ຈຶ່ງ​ຍັງ​ສືບຕໍ່​ຢູ່​ໃນ​ທີ່ນັ້ນ​ກັບ​ພວກເຂົາ.

1 ຊາມູເອນ 29:6

ດັ່ງນັ້ນ ເຈົ້າ​ອາກີເຊ​ຈຶ່ງ​ຮ້ອງ​ດາວິດ​ມາ ແລະ​ບອກ​ວ່າ, “ຂ້ອຍ​ສາບານ​ໂດຍ​ພຣະເຈົ້າຢາເວ​ອົງ​ຊົງ​ຊີວິດ​ຢູ່​ວ່າ ເຈົ້າ​ໄດ້​ສະແດງ​ຄວາມ​ຈົງຮັກ​ພັກດີ​ຕໍ່​ຂ້ອຍ ແລະ​ຂ້ອຍ​ກໍ​ພໍໃຈ​ໃຫ້​ເຈົ້າ​ອອກ​ໄປ​ຕໍ່ສູ້​ໃນ​ສະໜາມຮົບ​ນຳ​ຂ້ອຍ. ນັບ​ຕັ້ງແຕ່​ມື້​ທີ່​ເຈົ້າ​ໄດ້​ມາ​ຫາ​ຂ້ອຍ ຂ້ອຍ​ກໍ​ບໍ່​ເຫັນ​ຄວາມຜິດ​ໃນ​ຕົວ​ຂອງ​ເຈົ້າ​ແຕ່​ຢ່າງ​ໃດ​ເລີຍ, ແຕ່​ກະສັດ​ຄົນອື່ນ​ບໍ່​ເຫັນດີ​ໃນ​ຕົວ​ເຈົ້າ.

1 ຊາມູເອນ 30:1

ສອງ​ມື້​ຕໍ່ມາ ດາວິດ​ພ້ອມ​ກັບ​ຄົນ​ທັງຫລາຍ​ຂອງຕົນ​ກໍໄດ້​ກັບຄືນ​ມາ​ຮອດ​ເມືອງ​ຊິກລັກ. ພວກ​ອາມາເຫຼັກ​ໄດ້​ມາ​ຫລອນ​ປຸ້ນ​ທາງ​ພາກໃຕ້​ຂອງ​ຢູດາຍ ແລະ​ໂຈມຕີ​ເມືອງ​ຊິກລັກ. ພວກເຂົາ​ໄດ້​ຈູດ​ເມືອງ​ຖິ້ມ