1 ຊາມູເອນ 27:2 - ພຣະຄຳພີສັກສິ

² ດັ່ງນັ້ນ ດາວິດ​ພ້ອມ​ດ້ວຍ​ຄົນ​ຂອງ​ເພິ່ນ​ຫົກຮ້ອຍ​ຄົນ ຈຶ່ງ​ໄດ້​ໄປ​ຫາ​ເຈົ້າ​ອາກີເຊ​ລູກຊາຍ​ຂອງ​ມາອົກ ກະສັດ​ຂອງ​ເມືອງ​ກາດ.

1 ຊາມູເອນ 27:2 Jak'a apnaqawi uñst'ayäwi

1 ຂ່າວຄາວ 12:1

ດາວິດ​ໄດ້​ອາໄສ​ຢູ່​ເມືອງ​ຊິກລັກ ບ່ອນ​ທີ່​ເພິ່ນ​ໄດ້​ໄປ​ຊ່ອນ​ຕົວ​ຢູ່​ຈາກ​ກະສັດ​ໂຊນ​ລູກຊາຍ​ຂອງ​ກີເຊ. ໃນ​ທີ່ນັ້ນ​ໄດ້​ມີ​ທະຫານ​ຜູ້​ເກັ່ງກ້າ​ສາມາດ​ໃນ​ຫລາຍໆ​ດ້ານ​ທີ່​ໄວ້​ໃຈ​ໄດ້;

1 ຊາມູເອນ 21:10

ສະນັ້ນ ດາວິດ​ຈຶ່ງ​ຈາກ​ໄປ​ໂດຍ​ປົບໜີ​ຈາກ​ກະສັດ​ໂຊນ ແລະ​ໄດ້​ໄປ​ຫາ​ເຈົ້າ​ອາກີເຊ​ແຫ່ງ​ເມືອງກາດ.

1 ຊາມູເອນ 21:11

ບັນດາ​ຂ້າຣາຊການ​ຂອງ​ເຈົ້າ​ອາກີເຊ​ໄດ້​ຖາມ​ເພິ່ນ​ວ່າ, “ບໍ່ແມ່ນ​ດາວິດ​ຄົນ​ນີ້​ບໍ ທີ່​ເປັນ​ກະສັດ​ຂອງ​ປະເທດ​ນັ້ນ ທີ່​ພວກຜູ້ຍິງ​ຟ້ອນລຳ​ທຳເພງ​ຮ້ອງ​ຊົມເຊີຍ​ວ່າ ‘ໂຊນ​ໄດ້​ຂ້າ​ສັດຕູ​ຫລາຍ​ພັນ​ຄົນ, ແຕ່​ດາວິດ​ໄດ້​ຂ້າ​ຫລາຍ​ໝື່ນ​ຄົນ.”’

1 ຊາມູເອນ 25:13

ດາວິດ​ສັ່ງ​ວ່າ, “ຕຽມ​ເອົາ​ດາບ​ຂອງ​ພວກເຈົ້າ.” ແລະ​ພວກເຂົາ​ກໍໄດ້​ປະຕິບັດ​ຕາມ. ສ່ວນ​ດາວິດ​ນັ້ນ​ກໍ​ຖື​ເອົາ​ດາບ​ຂອງຕົນ​ຄືກັນ​ໂດຍ​ມີ​ຄົນ​ປະມານ​ສີ່ຮ້ອຍ​ຄົນ ອອກ​ເດີນທາງ​ໄປ​ກັບ​ເພິ່ນ ແລະ​ສ່ວນ​ອີກ​ສອງຮ້ອຍ​ຄົນ​ນັ້ນ ໄດ້​ປະ​ໄວ້​ໃຫ້​ຢູ່​ເຝົ້າ​ເຄື່ອງຂອງ.

1 ຊາມູເອນ 30:8

ດາວິດ​ຖາມ​ພຣະເຈົ້າຢາເວ​ວ່າ, “ຂ້ານ້ອຍ​ຄວນ​ຈະ​ໄລ່​ຕິດຕາມ​ພວກ​ນັກປຸ້ນ​ຫລື​ບໍ່? ຂ້ານ້ອຍ​ຈະ​ຕາມ​ທັນ​ພວກເຂົາ​ຫລື​ບໍ່?” ພຣະອົງ​ຕອບ​ວ່າ, “ຈົ່ງ​ໄລ່​ຕິດຕາມ​ພວກເຂົາ​ໄປ ແລະ​ເຈົ້າ​ຈະ​ຕາມ​ທັນ ພ້ອມ​ທັງ​ຈະ​ຊ່ວຍ​ກອບກູ້​ເອົາ​ທຸກສິ່ງ​ນັ້ນ​ກັບຄືນ​ມາ.”

1 ຊາມູເອນ 30:9

ດັ່ງນັ້ນ ດາວິດ​ພ້ອມ​ດ້ວຍ​ຄົນ​ຂອງ​ເພິ່ນ​ຫົກຮ້ອຍ​ຄົນ​ຈຶ່ງ​ອອກ​ເດີນທາງ​ໄປ. ເມື່ອ​ມາ​ເຖິງ​ຫ້ວຍນໍ້າ​ເບໂສເຣ ຄົນ​ຂອງ​ດາວິດ​ບາງຄົນ​ກໍໄດ້​ຄ້າງ​ຢູ່​ທີ່​ນັ້ນ.