1 ຊາມູເອນ 27:1 - ພຣະຄຳພີສັກສິ1 ດາວິດຄິດໃນໃຈວ່າ, “ໃນມື້ໜຶ່ງຂ້າງໜ້າ ກະສັດໂຊນຈະຕ້ອງຂ້າເຮົາແນ່ໆ. ດີທີ່ສຸດແລ້ວ ເຮົາຄວນໜີໄປຢູ່ໃນດິນແດນຂອງພວກຟີລິດສະຕິນ ແລ້ວກະສັດໂຊນກໍຈະບໍ່ຕາມຫາຂ້າເຮົາໃນອິດສະຣາເອນນີ້ອີກຕໍ່ໄປ ແລະເຮົາກໍຈະປອດໄພ.” Uka jalj uñjjattʼäta |
1 ຊາມູເອນ 27:1
29 Jak'a apnaqawi uñst'ayäwi
ແຕ່ດາວິດຕອບວ່າ, “ພໍ່ຂອງເຈົ້າຮູ້ດີວ່າເຈົ້ານິຍົມຊົມຊອບຂ້ອຍຫລາຍເທົ່າໃດ ເພິ່ນຄົງບໍ່ກ້າບອກແຜນການທີ່ເພິ່ນຈະເຮັດໃຫ້ເຈົ້າຮູ້ນຳດອກ ເພາະເຈົ້າອາດໂສກເສົ້າເສຍໃຈ. ຂ້ອຍຂໍສາບານໂດຍພຣະເຈົ້າຢາເວອົງຊົງຊີວິດຢູ່ແລະຕໍ່ເຈົ້າວ່າ ຂ້ອຍເອງຢູ່ຫ່າງຈາກຄວາມຕາຍແຕ່ພຽງກ້າວດຽວເທົ່ານັ້ນ.”
ຂ້າແດ່ພະຣາຊາ ຂໍທ່ານຟັງຂ້ານ້ອຍເວົ້າສາກ່ອນ ຖ້າແມ່ນພຣະເຈົ້າຢາເວໃຫ້ທ່ານເປັນຜູ້ຕໍ່ສູ້ຂ້ານ້ອຍແລ້ວ ການຖວາຍບູຊາຢ່າງໜຶ່ງກໍຈະກະທຳໃຫ້ພຣະອົງປ່ຽນໃຈ, ແຕ່ຖ້າແມ່ນມະນຸດເປັນຜູ້ກະທຳເອງ ກໍຂໍໃຫ້ຄຳສາບແຊ່ງຂອງພຣະເຈົ້າຢາເວຕົກຖືກພວກເຂົາ ເພາະພວກເຂົາເອງເປັນຜູ້ຕາມລ່າຂ້ານ້ອຍໃຫ້ອອກຈາກດິນແດນຂອງພຣະເຈົ້າຢາເວ ແລະໃຫ້ຂ້ານ້ອຍໄປອາໄສຢູ່ໃນປະເທດທີ່ຂ້ານ້ອຍຈຳເປັນຕ້ອງຂາບໄຫວ້ພະອື່ນ.
ເມື່ອແມ່ທັບຂອງພວກຟີລິດສະຕິນຫລຽວເຫັນພວກເຂົາຈຶ່ງຖາມວ່າ, “ພວກເຮັບເຣີເຫຼົ່ານີ້ມາເຮັດຫຍັງຢູ່ໃນທີ່ນີ້?” ເຈົ້າອາກີເຊຕອບວ່າ, “ຜູ້ນີ້ແມ່ນດາວິດຜູ້ຮັບໃຊ້ຂອງໂຊນ ກະສັດຂອງຊາດອິດສະຣາເອນ. ລາວຢູ່ນຳເຮົາມານານພໍສົມຄວນແລ້ວ. ນັບຕັ້ງແຕ່ມື້ທີ່ລາວໄດ້ມາຢູ່ນຳເຮົາ ລາວບໍ່ໄດ້ເຮັດຜິດຫຍັງໃຫ້ເຮົາເຫັນເລີຍ.”
Anuncios ukanaka