1 ຊາມູເອນ 26:12 - ພຣະຄຳພີສັກສິ

¹² ດັ່ງນັ້ນ ດາວິດ​ຈຶ່ງ​ຈັບ​ເອົາ​ຫອກ​ແລະ​ໄຫ​ນໍ້າ ຊຶ່ງ​ຢູ່​ໃກ້​ກັບ​ຫົວ​ຂອງ​ກະສັດ​ໂຊນ​ນັ້ນ​ແລະ​ພາກັນ​ໜີໄປ. ບໍ່ມີ​ຜູ້ໃດ​ຕື່ນ​ຂຶ້ນ​ແລະ​ຮູ້​ເຫັນ​ເຫດການ​ທີ່​ເກີດຂຶ້ນ​ນັ້ນ​ເລີຍ, ພວກເຂົາ​ທຸກຄົນ​ພາກັນ​ນອນຫລັບ​ສະໜິດ ເພາະ​ພຣະເຈົ້າຢາເວ​ໄດ້​ບັນດານ​ໃຫ້​ທຸກຄົນ​ນອນຫລັບ.

1 ຊາມູເອນ 26:12 Jak'a apnaqawi uñst'ayäwi

ປະຖົມມະການ 15:12

ພໍ​ເມື່ອ​ຕາເວັນ​ລັບ​ຂອບ​ຟ້າ​ແລ້ວ ອັບຣາມ​ກໍ​ນອນ​ຫລັບ​ສະໜິດ ແລະ​ຄວາມ​ຢ້ານກົວ​ອັນ​ໃຫຍ່​ກໍ​ຄອບງຳ​ເພິ່ນ.

ປະຖົມມະການ 2:21

ແລ້ວ​ພຣະເຈົ້າຢາເວ​ພຣະເຈົ້າ​ຈຶ່ງ​ເຮັດ​ໃຫ້​ຜູ້ຊາຍ​ນັ້ນ​ນອນ​ຫລັບ​ສະໜິດ ແລະ​ໃນ​ຂະນະທີ່​ລາວ​ນອນ​ຢູ່​ນັ້ນ ພຣະອົງ​ກໍ​ເອົາ​ກະດູກ​ຂ້າງ​ຊີກ​ໜຶ່ງ​ຂອງ​ລາວ​ອອກ​ມາ ແລະ​ເຮັດ​ໃຫ້​ເນື້ອໜັງ​ຈອດ​ຕິດ​ກັນ​ດັ່ງເດີມ.

ເອສະເທີ 6:1

ໃນຄືນນັ້ນ ກະສັດ​ນອນ​ບໍ່​ຫລັບ ເພິ່ນ​ຈຶ່ງ​ໃຫ້​ຂ້າຣາຊການ​ນຳ​ເອົາ​ປຶ້ມ​ບັນທຶກ​ລາຍງານ​ຂອງ​ກະສັດ ມາ​ອ່ານ​ສູ່​ຟັງ.

ເອຊາຢາ 29:10

ພຣະເຈົ້າຢາເວ​ໄດ້​ເຮັດ​ໃຫ້​ພວກເຈົ້າ​ງ້ວງນອນ ພ້ອມ​ທີ່​ຈະ​ລົ້ມລົງ​ນອນ​ຢ່າງ​ຫລັບ​ສະໜິດ. ພວກ​ຜູ້ທຳນວາຍ​ຄວນ​ຈະ​ເປັນ​ສາຍຕາ​ໃຫ້​ແກ່​ປະຊາຊົນ ແຕ່​ພຣະເຈົ້າ​ໄດ້​ອັດຕາ​ຂອງ​ພວກເຂົາ​ໄວ້​ສາ​ແລ້ວ.

1 ຊາມູເອນ 24:4

ພວກ​ທະຫານ​ຈຶ່ງ​ເວົ້າ​ກັບ​ດາວິດ​ວ່າ, “ນີ້​ແມ່ນ​ໂອກາດ​ຂອງທ່ານ​ແລ້ວ ພຣະເຈົ້າຢາເວ​ໄດ້​ມອບ​ສັດຕູ​ຂອງທ່ານ​ໄວ້​ຢູ່​ໃນ​ກຳມື​ຂອງທ່ານ ຕາມ​ທີ່​ພຣະອົງ​ໄດ້​ກ່າວ​ໄວ້. ບັດນີ້ ຈົ່ງ​ເຮັດ​ກັບ​ສັດຕູ​ຂອງທ່ານ​ຕາມ​ທີ່​ຕ້ອງການ​ສາ.” ດາວິດ​ຈຶ່ງ​ຄານ​ອອກ​ມາ​ຕັດ​ສົ້ນ​ເສື້ອລ່າມ​ຂອງ​ກະສັດ​ໂຊນ ໂດຍ​ທີ່​ເພິ່ນ​ບໍ່​ຮູ້​ຕົວ,

1 ຊາມູເອນ 26:13

ແລ້ວ​ດາວິດ​ກໍໄດ້​ຂ້າມ​ຮ່ອມພູ​ໄປ​ເທິງ​ເນີນພູ​ໜ່ວຍ​ອື່ນ ແລະ​ຕັ້ງ​ທ່າ​ຢູ່​ບ່ອນ​ທີ່​ຫ່າງໄກ​ພໍສົມຄວນ​ຈາກ​ຄ້າຍ​ຂອງ​ກະສັດ​ໂຊນ.

1 ຊາມູເອນ 26:7

ສະນັ້ນ ດາວິດ​ກັບ​ອາບີໄຊ​ຈຶ່ງ​ເຂົ້າ​ໄປ​ໃນ​ຄ້າຍ​ຂອງ​ກະສັດ​ໂຊນ​ໃນ​ຄືນ​ນັ້ນ ແລະ​ພົບ​ວ່າ​ເພິ່ນ​ກຳລັງ​ນອນ​ຢູ່​ໃນ​ກາງຄ້າຍ ໂດຍ​ມີ​ຫອກ​ສຽບ​ໄວ້​ກັບ​ພື້ນດິນ​ໃກ້​ທີ່​ຫົວ​ຂອງ​ເພິ່ນ. ສ່ວນ​ອັບເນ​ແລະ​ທະຫານ​ກໍ​ນອນ​ອ້ອມ​ເພິ່ນ​ຢູ່.