1 ຊາມູເອນ 24:4 - ພຣະຄຳພີສັກສິ

⁴ ພວກ​ທະຫານ​ຈຶ່ງ​ເວົ້າ​ກັບ​ດາວິດ​ວ່າ, “ນີ້​ແມ່ນ​ໂອກາດ​ຂອງທ່ານ​ແລ້ວ ພຣະເຈົ້າຢາເວ​ໄດ້​ມອບ​ສັດຕູ​ຂອງທ່ານ​ໄວ້​ຢູ່​ໃນ​ກຳມື​ຂອງທ່ານ ຕາມ​ທີ່​ພຣະອົງ​ໄດ້​ກ່າວ​ໄວ້. ບັດນີ້ ຈົ່ງ​ເຮັດ​ກັບ​ສັດຕູ​ຂອງທ່ານ​ຕາມ​ທີ່​ຕ້ອງການ​ສາ.” ດາວິດ​ຈຶ່ງ​ຄານ​ອອກ​ມາ​ຕັດ​ສົ້ນ​ເສື້ອລ່າມ​ຂອງ​ກະສັດ​ໂຊນ ໂດຍ​ທີ່​ເພິ່ນ​ບໍ່​ຮູ້​ຕົວ,

1 ຊາມູເອນ 24:4 Jak'a apnaqawi uñst'ayäwi

2 ຊາມູເອນ 4:8

ພວກເຂົາ​ນຳ​ເອົາ​ຫົວ​ອີຊະໂບເຊັດ​ມາ​ໃຫ້​ກະສັດ​ດາວິດ​ຢູ່​ໃນ​ເມືອງ​ເຮັບໂຣນ ແລະ​ເວົ້າ​ວ່າ, “ນີ້​ຄື​ຫົວ​ອີຊະໂບເຊັດ​ລູກຊາຍ​ຂອງ​ກະສັດ​ໂຊນ ສັດຕູ​ຜູ້​ທີ່​ພະຍາຍາມ​ຂ້າ​ທ່ານ. ວັນ​ນີ້ ພຣະເຈົ້າຢາເວ​ອະນຸຍາດ​ໃຫ້​ທ່ານ​ແກ້ແຄ້ນ​ໂຊນ ແລະ​ເຊື້ອສາຍ​ຂອງ​ເພິ່ນ​ແລ້ວ.”

ພຣະທຳ​ໂຢບ 31:31

ທຸກໆ​ຄົນ​ທີ່​ເຮັດ​ວຽກ​ໃຫ້​ຂ້ອຍ​ພວກເຂົາ​ຮູ້​ເລື່ອງນີ້​ດີ ວ່າ​ຂ້ອຍ​ມີ​ໃຈ​ຕ້ອນຮັບ​ຄົນ​ແປກໜ້າ​ຢູ່​ເລື້ອຍໆ.

ເພງ^ສັນລະເສີນ 142:1

ຂ້ານ້ອຍ​ຮ້ອງຫາ​ພຣະເຈົ້າຢາເວ ດ້ວຍ​ສຽງ​ຄໍ່າຄວນ ແລະ​ພາວັນນາ​ອະທິຖານ​ຂໍ​ພຣະເຈົ້າຢາເວ ດ້ວຍ​ສຽງ​ປາກ​ຂອງ​ຂ້ານ້ອຍ.

ເພງ^ສັນລະເສີນ 57:1

ຂ້າແດ່​ພຣະເຈົ້າ ຂໍ​ຊົງ​ໂຜດ​ເມດຕາ​ແລະ​ອີດູ​ແດ່​ ເພາະ​ມາ​ເພິ່ງ​ຄວາມ​ປອດໄພ​ໃນ​ພຣະອົງ. ຢູ່​ໃຕ້​ປີກ​ຂອງ​ພຣະອົງ​ນັ້ນ​ຂ້ານ້ອຍ​ໄດ້​ພົບ​ຄວາມ​ຄຸ້ມຄອງ ຈົນກວ່າ​ລົມ​ພະຍຸ​ຮ້າຍ​ຜ່ານ​ພົ້ນ​ໄປ​ແລ້ວ.

ອົບພະຍົບ 21:13

ຖ້າ​ຜູ້ໃດ​ບໍ່ໄດ້​ມີ​ເຈດຕະນາ​ຂ້າ​ເຂົາ, ແຕ່​ເຂົາ​ຕາຍ​ເພາະ​ພຣະເຈົ້າ​ຊົງ​ອະນຸຍາດ​ໃຫ້​ເຂົາ​ຕາຍ. ຖ້າ​ເປັນ​ເຊັ່ນນັ້ນ ລາວ​ກໍ​ສາມາດ​ປົບໜີໄປ​ບ່ອນ​ທີ່​ເຮົາ​ກຳນົດ​ໄວ້​ໃຫ້​ໄດ້ ແລະ​ໃນ​ທີ່ນັ້ນ​ລາວ​ຈະ​ປອດໄພ.

1 ຊາມູເອນ 22:1

ແລ້ວ​ດາວິດ​ກໍໄດ້​ອອກ​ຈາກ​ເມືອງກາດ​ໄປ​ຢູ່​ໃນ​ຖໍ້າ​ທີ່​ໃກ້​ກັບ​ເມືອງ​ອາດຸນລຳ. ເມື່ອ​ພວກອ້າຍ ແລະ​ພີ່ນ້ອງ​ທັງຫລາຍ​ໃນ​ຄອບຄົວ​ຂອງ​ພໍ່​ລາວ​ໄດ້ຍິນ​ວ່າ​ລາວ​ຢູ່​ທີ່​ນັ້ນ ພວກເຂົາ​ຈຶ່ງ​ພາກັນ​ໄປ​ສົມທົບ​ກຳລັງ​ກັບ​ລາວ.

1 ຊາມູເອນ 23:17

ໂດຍ​ເວົ້າ​ວ່າ, “ຢ່າ​ຢ້ານ​ເລີຍ ກະສັດ​ໂຊນ​ພໍ່​ຂອງຂ້ອຍ​ເຮັດ​ຫຍັງ​ໃຫ້​ເຈົ້າ​ບໍ່ໄດ້​ດອກ. ເພິ່ນ​ຮູ້ຈັກ​ດີ​ວ່າ​ເຈົ້າ​ຄົນ​ດຽວ​ເທົ່ານັ້ນ ທີ່​ຈະ​ເປັນ​ກະສັດ​ຂອງ​ຊາດ​ອິດສະຣາເອນ ແລະ​ຂ້ອຍ​ກໍ​ຈະ​ເປັນ​ຜູ້​ຮອງ​ຂອງ​ເຈົ້າ.”

1 ຊາມູເອນ 23:7

ຕໍ່ມາ ໄດ້​ມີ​ຄົນ​ມາ​ບອກ​ກະສັດ​ໂຊນ​ວ່າ​ດາວິດ​ຢູ່​ທີ່​ເມືອງ​ເກອີລາ ແລະ​ເພິ່ນ​ກໍ​ເວົ້າ​ວ່າ, “ພຣະເຈົ້າ​ມອບ​ດາວິດ​ໄວ້​ໃນ​ກຳມື​ຂອງເຮົາ​ແລ້ວ. ລາວ​ຫ້າງ​ແຮ້ວ​ໃສ່​ຕົນເອງ​ທີ່​ເຂົ້າ​ໄປ​ຢູ່​ໃນ​ເມືອງ​ທີ່​ມີ​ກຳແພງ​ອ້ອມ ແລະ​ທັງ​ມີ​ປະຕູ​ອັນ​ແໜ້ນໜາ​ອີກ​ດ້ວຍ.”

1 ຊາມູເອນ 24:10

ທ່ານ​ຄົງ​ເຫັນ​ດ້ວຍ​ຕົນເອງ​ແລ້ວ​ວ່າ ເມື່ອ​ຫວ່າງກີ້​ນີ້ເອງ​ຢູ່​ໃນ​ຖໍ້າ​ນັ້ນ ພຣະເຈົ້າຢາເວ​ໄດ້​ມອບ​ທ່ານ​ໄວ້​ໃນ​ກຳມື​ຂອງ​ຂ້ານ້ອຍ. ຄົນ​ຂອງ​ຂ້ານ້ອຍ​ບາງຄົນ​ບອກ​ໃຫ້​ຂ້ານ້ອຍ​ສັງຫານ​ທ່ານ​ເສຍ, ແຕ່​ຂ້ານ້ອຍ​ຮູ້ສຶກ​ອີດູ​ຕົນ​ທ່ານ​ຈຶ່ງ​ບອກ​ພວກເຂົາ​ວ່າ ຂ້ານ້ອຍ​ບໍ່ຄວນ​ທຳຮ້າຍ​ທ່ານ​ແຕ່​ຢ່າງໃດ ເພາະ​ທ່ານ​ເປັນ​ຜູ້​ທີ່​ພຣະເຈົ້າຢາເວ​ໄດ້​ເຈີມຕັ້ງ​ໄວ້.

1 ຊາມູເອນ 24:18

ມື້ນີ້ ເຈົ້າ​ໄດ້​ສະແດງ​ໃຫ້​ຂ້ອຍ​ເຫັນ​ວ່າ​ເຈົ້າ​ດີ​ຕໍ່​ຂ້ອຍ​ເທົ່າໃດ ຍ້ອນ​ເຈົ້າ​ບໍ່ໄດ້​ຂ້າ​ຂ້ອຍ ໂດຍ​ທີ່​ພຣະເຈົ້າຢາເວ​ໄດ້​ມອບ​ຂ້ອຍ​ໄວ້​ຢູ່​ໃນ​ກຳມື​ຂອງ​ເຈົ້າ.

1 ຊາມູເອນ 26:23

ພຣະເຈົ້າຢາເວ​ຈະ​ໃຫ້​ບຳເໜັດ​ແກ່​ຜູ້​ທີ່​ສັດຊື່​ແລະ​ທ່ຽງທຳ ມື້ນີ້ ພຣະອົງ​ມອບ​ທ່ານ​ໄວ້​ໃນ​ກຳມື​ຂອງ​ຂ້ານ້ອຍ​ແລ້ວ, ແຕ່​ຂ້ານ້ອຍ​ບໍ່ໄດ້​ທຳຮ້າຍ​ທ່ານ ຜູ້​ທີ່​ພຣະເຈົ້າຢາເວ​ໄດ້​ຊົງເຈີມ.