1 ຊາມູເອນ 24:16 - ພຣະຄຳພີສັກສິ

¹⁶ ເມື່ອ​ດາວິດ​ເວົ້າ​ສຸດ​ແລ້ວ ກະສັດ​ໂຊນ​ກໍ​ກ່າວ​ວ່າ, “ດາວິດ ລູກ​ຂອງ​ພໍ່ ແມ່ນ​ເຈົ້າ​ແທ້​ບໍ?” ແລ້ວ​ເພິ່ນ​ກໍ​ຮ້ອງໄຫ້.

1 ຊາມູເອນ 24:16 Jak'a apnaqawi uñst'ayäwi

ປະຖົມມະການ 16:5

ແລ້ວ​ຊາຣາຍ​ກໍ​ເວົ້າ​ຕໍ່​ອັບຣາມ​ວ່າ, “ເປັນ​ຄວາມຜິດ​ຂອງ​ເຈົ້າ ທີ່​ຮາກາ​ໝິ່ນປະໝາດ​ຂ້ອຍ. ຂ້ອຍ​ເອົາ​ນາງ​ໃຫ້​ເປັນ​ເມຍ​ຂອງ​ເຈົ້າ, ແຕ່​ເມື່ອ​ນາງ​ມີ​ທ້ອງ​ແລ້ວ ກໍ​ໝິ່ນປະໝາດ​ຂ້ອຍ. ຂໍ​ໃຫ້​ພຣະເຈົ້າຢາເວ​ຕັດສິນ​ເອົາ​ເອງ​ເຖີດ​ວ່າ ໃນ​ລະຫວ່າງ​ຂ້ອຍ​ກັບ​ເຈົ້າ​ແມ່ນ​ໃຜ​ຖືກ ເຈົ້າ​ຫລື​ຂ້ອຍ?”

ປະຖົມມະການ 2:2

ມື້​ທີ​ເຈັດ​ສິ່ງ​ທີ່​ພຣະເຈົ້າ​ໄດ້​ສ້າງ​ກໍ​ສຳເລັດ ແລະ​ພຣະອົງ​ໄດ້​ຢຸດ​ພັກ​ກິດຈະການ.

ປະຖົມມະການ 33:4

ຝ່າຍ​ເອຊາວ​ກໍ​ຟ້າວ​ແລ່ນ​ໄປ​ພົບ​ຢາໂຄບ ທັງ​ກອດ​ແລະ​ຈູບ​ລາວ. ພວກເຂົາ​ພາກັນ​ຮ້ອງໄຫ້.

1 ຂ່າວຄາວ 12:18

ພຣະວິນຍານ​ໄດ້​ຄວບຄຸມ​ອາມາໄສ ຊຶ່ງ​ໃນ​ເວລາ​ຕໍ່ມາ​ໄດ້​ເປັນ​ຜູ້​ບັນຊາການ​ຂອງ “ທະຫານ​ເອກ​ສາມສິບ​ຄົນ.” ລາວ​ໄດ້​ຮ້ອງ​ຕອບ​ວ່າ, “ດາວິດ​ລູກຊາຍ​ຂອງ​ເຢຊີ​ເອີຍ ພວກເຮົາ​ຢູ່​ຝ່າຍ​ທ່ານ ຂໍ​ໃຫ້​ທ່ານ​ກັບ​ຜູ້​ຊ່ວຍ​ຂອງທ່ານ ຈົ່ງ​ມີ​ສັນຕິສຸກ, ສັນຕິສຸກ​ຢູ່​ກັບ​ທ່ານ ພຣະເຈົ້າ​ຢູ່​ຝ່າຍ​ທ່ານ​ແລ້ວ.” ແລ້ວ​ດາວິດ​ກໍ​ຕ້ອນຮັບ​ພວກເຂົາ ແລະ​ເພິ່ນ​ໄດ້​ໃຫ້​ພວກເຂົາ​ເປັນ​ນາຍ​ທະຫານ​ປະຈຳ​ກອງທັບ​ຂອງຕົນ.

ພຣະທຳ​ໂຢບ 6:25

ຄຳເວົ້າ​ອັນ​ສັດຊື່​ນັ້ນ ເຮັດ​ໃຫ້​ແນ່ນອນ​ໃຈ​ໃດ ແຕ່​ພວກເຈົ້າ​ກຳລັງ​ເວົ້າ​ຄຳ​ໃນ​ສິ່ງ​ທີ່​ຜິດ​ທັງນັ້ນ.

ເພງ^ສັນລະເສີນ 119:154

ຂໍ​ຊົງ​ໂຜດ​ເປັນ​ທະນາຍຄວາມ​ແກ້​ຄະດີ​ໃຫ້​ຂ້ານ້ອຍ ແລະ​ປ່ອຍ​ຂ້ານ້ອຍ​ໃຫ້​ເປັນ​ອິດສະຫລະ. ໂຜດ​ຊ່ວຍ​ໃຫ້​ພົ້ນ​ຕາມ​ທີ່​ໄດ້​ສັນຍາ​ໄວ້​ດ້ວຍ.

ສຸພາສິດ 15:1

ຄຳຕອບ​ອັນ​ອ່ອນຫວານ​ລະງັບ​ຄວາມໂກດ​ໄວ້, ແຕ່​ຄຳເວົ້າ​ຫຍາບຊ້າ​ຍົວະ​ໃຫ້​ໂມໂຫ.

ສຸພາສິດ 25:11

ຄວາມ​ຄິດ​ເຫັນ​ອັນ​ເດັ່ນຊັດ ກໍ​ເໝືອນດັ່ງ​ກີ້ຄຳ​ທີ່​ປະດັບ​ຢູ່​ໃນ​ເງິນ.

ລູກາ 21:15

ເພາະ​ເຮົາ​ຈະ​ໃຫ້​ພວກເຈົ້າ​ມີ​ຖ້ອຍຄຳ ແລະ​ສະຕິປັນຍາ ຊຶ່ງ​ພວກ​ຜູ້​ຂັດຂວາງ​ຕໍ່ສູ້​ຈະ​ບໍ່​ສາມາດ​ໂຕ້ຕອບ ຫລື​ໂຕ້ແຍ້ງ​ພວກເຈົ້າ​ໄດ້.

ກິດຈະການ 6:10

ຄົນ​ເຫຼົ່ານັ້ນ​ຕໍ່ສູ້​ກັບ​ຄຳ​ທີ່​ທ່ານ​ກ່າວ​ດ້ວຍ​ສະຕິປັນຍາ ແລະ​ດ້ວຍ​ພຣະວິນຍານ​ບໍ່ໄດ້.

ພວກ^ຜູ້ປົກຄອງ 11:27

ບໍ່ແມ່ນ, ຂ້າພະເຈົ້າ​ບໍ່ໄດ້​ເຮັດ​ຜິດ​ຫຍັງ​ຕໍ່​ທ່ານ ແຕ່​ແມ່ນ​ທ່ານ​ເອງ​ທີ່​ເຮັດ​ຜິດ​ຕໍ່​ຂ້າພະເຈົ້າ​ໂດຍ​ລົງມື​ເຮັດ​ເສິກ​ນີ້. ດັ່ງນັ້ນ ຂໍ​ໃຫ້​ພຣະເຈົ້າຢາເວ​ຜູ້​ພິພາກສາ ເປັນ​ຜູ້ຕັດສິນ​ລະຫວ່າງ​ຊາວ​ອິດສະຣາເອນ​ແລະ​ຊາວ​ອຳໂມນ.”

1 ຊາມູເອນ 26:17

ກະສັດ​ໂຊນ​ຈື່​ສຽງ​ຂອງ​ດາວິດ​ໄດ້ ຈຶ່ງ​ເອີ້ນ​ຖາມ​ວ່າ, “ດາວິດ ລູກ​ຂອງ​ພໍ່​ເອີຍ ແມ່ນ​ເຈົ້າ​ຊັ້ນບໍ?” ດາວິດ​ຕອບ​ວ່າ, “ແມ່ນແລ້ວ ພະຣາຊາ​ເຈົ້າ​ຂ້າ”

1 ຊາມູເອນ 26:24

ເໝືອນກັນ​ກັບ​ທີ່​ຂ້ານ້ອຍ​ໄດ້​ໄວ້​ຊີວິດ​ຂອງທ່ານ​ແລ້ວ​ໃນ​ມື້ນີ້ ຂໍ​ພຣະເຈົ້າຢາເວ​ກະທຳ​ຕໍ່​ຂ້ານ້ອຍ​ເຊັ່ນດຽວ​ກັນ​ເຖີດ ແລະ​ຂໍ​ໃຫ້​ຂ້ານ້ອຍ​ພົ້ນ​ຈາກ​ຄວາມ​ເດືອດຮ້ອນ​ທຸກຢ່າງ​ດ້ວຍ.”