1 ຊາມູເອນ 23:2 - ພຣະຄຳພີສັກສິ

² ສະນັ້ນ ລາວ​ຈຶ່ງ​ຖາມ​ພຣະເຈົ້າຢາເວ​ວ່າ, “ຂ້ານ້ອຍ​ຄວນ​ຈະ​ໄປ​ໂຈມຕີ​ພວກ​ຟີລິດສະຕິນ​ຫລື​ບໍ່?” ພຣະເຈົ້າຢາເວ​ຕອບ​ດາວິດ​ວ່າ, “ຄວນໄປ ໂຈມຕີ​ພວກເຂົາ​ແລະ​ຊ່ວຍ​ເອົາ​ເມືອງ​ເກອີລາ​ໄວ້.”

1 ຊາມູເອນ 23:2 Jak'a apnaqawi uñst'ayäwi

2 ຊາມູເອນ 2:1

ຫລັງຈາກ​ນັ້ນ​ແລ້ວ ດາວິດ​ກໍ​ຖາມ​ພຣະເຈົ້າຢາເວ​ວ່າ, “ຂ້ານ້ອຍ​ຄວນ​ໄປ​ຢຶດເອົາ​ເມືອງ​ໜຶ່ງ​ໃນ​ຢູດາຍ​ຫລື​ບໍ່?” ພຣະເຈົ້າຢາເວ​ຕອບ​ເພິ່ນ​ວ່າ, “ໄປ​ຢຶດເອົາ.” ດາວິດ​ຖາມ​ວ່າ, “ເມືອງໃດ?” ພຣະອົງ​ກ່າວ​ວ່າ, “ເມືອງ​ເຮັບໂຣນ.”

2 ຊາມູເອນ 5:19

ກະສັດ​ດາວິດ​ຖາມ​ພຣະເຈົ້າຢາເວ​ວ່າ, “ໃຫ້​ຂ້ານ້ອຍ​ໄປ​ໂຈມຕີ​ພວກ​ຟີລິດສະຕິນ​ຫລື​ບໍ່? ພຣະອົງ​ຈະ​ໃຫ້​ຂ້ານ້ອຍ​ຮົບ​ຊະນະ​ພວກເຂົາ​ຫລື​ບໍ່?” ພຣະເຈົ້າຢາເວ​ໄດ້ຕອບ​ວ່າ, “ຈົ່ງ​ໄປ​ໂຈມຕີ​ພວກເຂົາ ເຮົາ​ຈະ​ໃຫ້​ເຈົ້າ​ຮົບ​ຊະນະ.”

2 ຊາມູເອນ 5:23

ກະສັດ​ດາວິດ​ຈຶ່ງ​ຖາມ​ພຣະເຈົ້າຢາເວ​ຕື່ມ ແລະ​ພຣະອົງ​ຕອບ​ວ່າ, “ຢ່າ​ໂຈມຕີ​ພວກເຂົາ​ໃນ​ບ່ອນ​ນີ້ ແຕ່​ໃຫ້​ອ້ອມ​ໄປ​ໂຈມຕີ​ພວກເຂົາ​ທາງ​ດ້ານຫລັງ​ຢູ່​ໃກ້​ກັບ​ຕົ້ນ​ມອນ.

1 ຂ່າວຄາວ 14:10

ກະສັດ​ດາວິດ​ໄດ້​ທູນ​ຖາມ​ພຣະເຈົ້າ​ວ່າ, “ຂ້ານ້ອຍ​ຄວນ​ຈະ​ເຂົ້າ​ໂຈມຕີ​ພວກ​ຟີລິດສະຕິນ​ຫລື​ບໍ່? ພຣະອົງ​ຈະ​ໃຫ້​ຂ້ານ້ອຍ​ໄຊຊະນະ​ເໜືອ​ພວກເຂົາ​ຫລື​ບໍ່?” ພຣະເຈົ້າຢາເວ​ຕອບ​ວ່າ, “ຈົ່ງ​ຂຶ້ນ​ໄປ ເຮົາ​ຈະ​ໃຫ້​ເຈົ້າ​ມີໄຊ​ເໜືອ​ພວກເຂົາ.”

ເພງ^ສັນລະເສີນ 32:8

“ເຮົາ​ຈະ​ສອນ​ເຈົ້າ​ໃຫ້​ຮູ້ຈັກ​ທາງ​ທີ່​ເຈົ້າ​ຄວນໄປ ເຮົາ​ຈະ​ໃຫ້​ຄຳແນະນຳ​ແລະ​ແອບ​ສອນ​ເຈົ້າ.

ເຢເຣມີຢາ 10:23

ຂ້າແດ່​ພຣະເຈົ້າຢາເວ ຂ້ານ້ອຍ​ຮູ້​ວ່າ ຊີວິດ​ຂອງ​ມະນຸດ​ບໍ່ໄດ້​ຢູ່​ທີ່​ຕົວເຂົາ ບໍ່ມີ​ຜູ້ໃດ​ຄວບຄຸມ​ຊີວິດ​ຂອງ​ຕົນເອງ​ໄດ້.

ຈົດບັນຊີ 27:21

ລາວ​ຈະ​ເພິ່ງ​ປະໂຣຫິດ​ເອເລອາຊາ ຜູ້​ທີ່​ຈະ​ຮຽນຮູ້​ຄວາມປະສົງ​ຂອງເຮົາ ໂດຍ​ໃຊ້​ອຸຣິມ​ແລະ​ທຸມມິມ ຕໍ່ໜ້າ​ພຣະເຈົ້າຢາເວ ອັນ​ນີ້​ຈະ​ແມ່ນ​ວິທີ​ທີ່​ເອເລອາຊາ ນຳພາ​ໂຢຊວຍ ແລະ​ຊຸມຊົນ​ອິດສະຣາເອນ ໃນ​ວຽກ​ການ​ທັງໝົດ​ຂອງ​ພວກເຂົາ.”

ໂຢຊວຍ 9:14

ຊາວ​ອິດສະຣາເອນ​ໄດ້​ຊີມ​ອາຫານ​ບາງ​ສ່ວນ​ຂອງ​ພວກເຂົາ ແຕ່​ບໍ່ໄດ້​ຂໍ​ຄຳແນະນຳ​ຈາກ​ພຣະເຈົ້າຢາເວ​ກ່ຽວກັບ​ເລື່ອງນີ້.

ພວກ^ຜູ້ປົກຄອງ 1:1

ຫລັງຈາກ​ທີ່​ໂຢຊວຍ​ໄດ້​ຕາຍໄປ​ແລ້ວ ຊາວ​ອິດສະຣາເອນ​ກໍໄດ້​ຖາມ​ພຣະເຈົ້າຢາເວ​ວ່າ, “ໃນ​ພວກ​ຂ້ານ້ອຍ ແມ່ນ​ເຜົ່າໃດ​ທີ່​ຈະ​ເປັນ​ພວກ​ທຳອິດ​ໄປ​ໂຈມຕີ​ພວກ​ການາອານ​ກ່ອນ?”

1 ຊາມູເອນ 10:22

ພວກເຂົາ​ຈຶ່ງ​ທູນ​ຖາມ​ພຣະເຈົ້າຢາເວ​ວ່າ, “ຍັງ​ມີ​ຄົນອື່ນ​ອີກ​ບໍ?” ພຣະເຈົ້າຢາເວ​ຈຶ່ງ​ຕອບ​ວ່າ, “ໂຊນ​ຢູ່​ຫັ້ນ​ເດ ພວມ​ລີ້​ຢູ່​ທາງຫລັງ​ເຄື່ອງ​ຂອງ.”

1 ຊາມູເອນ 14:37

ດັ່ງນັ້ນ ກະສັດ​ໂຊນ​ຈຶ່ງ​ຖາມ​ພຣະເຈົ້າ​ວ່າ, “ພຣະອົງ​ຈະ​ໃຫ້​ພວກ​ຂ້ານ້ອຍ​ໄປ​ສູ້ຮົບ​ພວກ​ຟີລິດສະຕິນ​ຫລື​ບໍ່? ພຣະອົງ​ຈະ​ໃຫ້​ພວກ​ຂ້ານ້ອຍ​ຮົບ​ຊະນະ​ພວກເຂົາ​ຫລື​ບໍ່?” ແຕ່​ໃນ​ມື້​ນັ້ນ ພຣະອົງ​ບໍ່ໄດ້​ຕອບ​ເພິ່ນ.

1 ຊາມູເອນ 23:3

ແຕ່​ຄົນ​ຂອງ​ດາວິດ​ເວົ້າ​ກັບ​ລາວ​ວ່າ, “ໃນ​ຢູດາຍ​ນີ້ ພວກເຮົາ​ກໍ​ຢ້ານກົວ​ຢູ່​ແລ້ວ ຖ້າ​ພວກເຮົາ​ໄປ​ໂຈມຕີ​ກອງທັບ​ຂອງ​ພວກ​ຟີລິດສະຕິນ​ທີ່​ເມືອງ​ເກອີລາ ກໍ​ຍິ່ງ​ເປັນ​ໜ້າຢ້ານກົວ​ໃຫຍ່!”

1 ຊາມູເອນ 23:4

ສະນັ້ນ ດາວິດ​ຈຶ່ງ​ໄດ້​ປຶກສາ​ນຳ​ພຣະເຈົ້າຢາເວ​ອີກ ແລະ​ພຣະເຈົ້າຢາເວ​ກໍ​ຕອບ​ດາວິດ​ວ່າ, “ໄປ​ໂຈມຕີ​ເມືອງ​ເກອີລາ ແລະ​ເຮົາ​ຈະ​ໃຫ້​ເຈົ້າ​ມີ​ໄຊຊະນະ​ເໜືອ​ພວກ​ຟີລິດສະຕິນ.”

1 ຊາມູເອນ 23:6

ເມື່ອ​ອາບີອາທາ​ລູກຊາຍ​ຂອງ​ອາຮີເມເຫຼັກ ໄດ້​ປົບໜີ​ໄປ​ອາໄສ​ຢູ່​ນຳ​ດາວິດ​ທີ່​ເມືອງ​ເກອີລາ​ນັ້ນ ລາວ​ໄດ້​ເອົາ​ເອໂຟດ​ໄປ​ນຳ.

1 ຊາມູເອນ 30:8

ດາວິດ​ຖາມ​ພຣະເຈົ້າຢາເວ​ວ່າ, “ຂ້ານ້ອຍ​ຄວນ​ຈະ​ໄລ່​ຕິດຕາມ​ພວກ​ນັກປຸ້ນ​ຫລື​ບໍ່? ຂ້ານ້ອຍ​ຈະ​ຕາມ​ທັນ​ພວກເຂົາ​ຫລື​ບໍ່?” ພຣະອົງ​ຕອບ​ວ່າ, “ຈົ່ງ​ໄລ່​ຕິດຕາມ​ພວກເຂົາ​ໄປ ແລະ​ເຈົ້າ​ຈະ​ຕາມ​ທັນ ພ້ອມ​ທັງ​ຈະ​ຊ່ວຍ​ກອບກູ້​ເອົາ​ທຸກສິ່ງ​ນັ້ນ​ກັບຄືນ​ມາ.”