1 ຊາມູເອນ 23:16 - ພຣະຄຳພີສັກສິ

¹⁶ ໂຢນາທານ​ໄດ້​ໄປ​ຫາ​ດາວິດ​ທີ່​ນັ້ນ ແລະ​ໃຫ້​ກຳລັງໃຈ​ເພິ່ນ​ດ້ວຍ​ຄວາມ​ເຊື່ອໝັ້ນ​ວ່າ ພຣະເຈົ້າຢາເວ​ຈະ​ເປັນ​ຜູ້​ປົກປັກ​ຮັກສາ

1 ຊາມູເອນ 23:16 Jak'a apnaqawi uñst'ayäwi

ເນເຫມີຢາ 2:18

ແລ້ວ​ຂ້າພະເຈົ້າ​ກໍໄດ້​ບອກ​ພວກເຂົາ​ວ່າ ພຣະເຈົ້າ​ສະຖິດ​ຢູ່​ນຳ​ຂ້າພະເຈົ້າ ແລະ​ຊ່ວຍ​ຊູ​ຂ້າພະເຈົ້າ​ຢ່າງໃດ ແລະ​ກະສັດ​ໄດ້​ເວົ້າ​ກັບ​ຂ້າພະເຈົ້າ​ຢ່າງໃດ​ອີກ​ດ້ວຍ. ພວກເຂົາ​ຕອບ​ວ່າ, “ໃຫ້​ພວກເຮົາ​ລົງມື​ສ້າງ​ເມືອງ​ຂຶ້ນ​ໃໝ່​ສາ” ແລ້ວ​ພວກເຂົາ​ກໍ​ຕຽມພ້ອມ​ທີ່​ຈະ​ລົງມື​ເຮັດ​ວຽກ.

ພຣະທຳ​ໂຢບ 16:5

ຂ້ອຍ​ຈະ​ເຮັດ​ໃຫ້​ພວກເຈົ້າ​ເຂັ້ມແຂງ​ດ້ວຍ​ຄຳແນະນຳ ແລະ​ສືບຕໍ່​ເລົ້າໂລມ​ໃຈ​ດ້ວຍ​ຄຳເວົ້າ​ຕ່າງໆ.

ສຸພາສິດ 27:17

ເຫຼັກ​ຝົນ​ເຫຼັກ​ໃຫ້​ຄົມ​ສັນໃດ ການ​ຮຽນຮູ້​ຈາກ​ຜູ້​ອື່ນ​ກໍ​ຝົນ​ຕົນ​ໃຫ້​ສຽບແຫລມ​ສັນນັ້ນ.

ສຸພາສິດ 27:9

ເຄື່ອງ​ສຳອາງ​ແລະ​ນໍ້າຫອມ​ໃຫ້​ຈິດໃຈ​ສົດຊື່ນ, ແຕ່​ຄວາມ​ລຳບາກ​ໃຫ້​ຈິດໃຈ​ລະທົມ.

ເອເຊກຽນ 13:22

ດ້ວຍ​ການຕົວະ​ຂອງ​ພວກເຈົ້າ​ນັ້ນ ພວກເຈົ້າ​ເຮັດ​ໃຫ້​ຄົນ​ຊອບທຳ​ໝົດ​ກຳລັງໃຈ ຄື​ຄົນ​ທີ່​ເຮົາ​ບໍ່​ຕ້ອງການ​ທຳຮ້າຍ. ພວກເຈົ້າ​ປ້ອງກັນ​ຄົນຊົ່ວ​ໄວ້​ບໍ່​ໃຫ້​ພວກເຂົາ​ປະຖິ້ມ​ຄວາມຊົ່ວ ແລະ​ຊ່ວຍ​ເອົາ​ຊີວິດ​ຂອງ​ພວກເຂົາ​ໄວ້.

ລູກາ 22:32

ແຕ່​ເຮົາ​ໄດ້​ພາວັນນາ​ອະທິຖານ​ສຳລັບ​ເຈົ້າ ເພື່ອ​ຄວາມເຊື່ອ​ຂອງ​ເຈົ້າ​ຈະ​ບໍ່​ຂາດ​ໄປ ເມື່ອ​ເຈົ້າ​ກັບຄືນ​ມາ​ຫາ​ເຮົາ​ແລ້ວ ເຈົ້າ​ຕ້ອງ​ຊູແຮງ​ບັນດາ​ພີ່ນ້ອງ​ຂອງ​ເຈົ້າ​ໄວ້.”

ລູກາ 22:43

ແລ້ວ​ມີ​ເທວະດາ​ຕົນ​ໜຶ່ງ ຈາກ​ສະຫວັນ​ມາ​ປາກົດ​ແກ່​ພຣະອົງ ຊູ​ກຳລັງ​ພຣະອົງ​ຂຶ້ນ.

ເອເຟໂຊ 6:10

ສຸດທ້າຍ​ນີ້ ຂໍ​ໃຫ້​ພວກເຈົ້າ​ຈົ່ງ​ມີ​ກຳລັງ​ເພີ່ມ​ຂຶ້ນ​ໃນ​ອົງພຣະ​ຜູ້​ເປັນເຈົ້າ ແລະ​ໃນ​ຣິດເດດ​ອັນ​ແກ່ກ້າ​ຂອງ​ພຣະອົງ.

ພຣະບັນຍັດສອງ 3:28

ເຈົ້າ​ຈົ່ງ​ແນະນຳ​ໂຢຊວຍ​ແລະ​ໃຫ້​ກຳລັງໃຈ​ລາວ ໃຫ້​ເດັດດ່ຽວ​ກ້າຫານ​ຫລາຍ​ຍິ່ງ​ຂຶ້ນ ເພາະ​ລາວ​ຈະ​ຕ້ອງ​ເປັນ​ຜູ້​ນຳພາ​ປະຊາຊົນ​ຂ້າມ​ແມ່ນໍ້າ​ຈໍແດນ ເຂົ້າ​ໄປ​ຢຶດຄອງ​ດິນແດນ​ທີ່​ເຈົ້າ​ເຫັນ​ຢູ່​ນີ້.’

2 ຕີໂມທຽວ 2:1

ເຫດສະນັ້ນ ລູກ​ຂອງ​ເຮົາ​ເອີຍ ຈົ່ງ​ເຂັ້ມແຂງ​ຂຶ້ນ​ໂດຍ​ພຣະຄຸນ ທີ່​ພວກເຮົາ​ມີ​ໃນ​ພຣະຄຣິດເຈົ້າ​ເຢຊູ.

1 ຊາມູເອນ 23:15

ດາວິດ​ຮູ້​ດີ​ວ່າ ກະສັດ​ໂຊນ​ໄດ້​ອອກ​ຕາມ​ຫາ​ເພື່ອ​ຈະ​ຂ້າ​ຕົນ. ດາວິດ​ໄດ້​ອາໄສ​ຢູ່​ທີ່​ເມືອງ​ໂຮເຣັດ​ໃນ​ຖິ່ນ​ແຫ້ງແລ້ງ​ກັນດານ ໃກ້​ກັບ​ເມືອງ​ຊີເຟ.

1 ຊາມູເອນ 30:6

ບັດນີ້ ດາວິດ​ເປັນທຸກໃຈ​ຫລາຍ​ທີ່ສຸດ ກໍ​ເພາະ​ຄົນ​ທັງຫລາຍ​ຂອງ​ເພິ່ນ​ເກີດ​ມີ​ຄວາມ​ຂົມຂື່ນ ຍ້ອນ​ພວກເຂົາ​ສູນເສຍ​ລູກ​ເມຍ ແລະ​ພວກເຂົາ​ຕ່າງ​ກໍ​ຂູ່​ວ່າ​ຈະ​ແກວ່ງ​ກ້ອນຫີນ​ໃສ່​ດາວິດ, ແຕ່​ດາວິດ​ໄດ້​ຊູ​ກຳລັງໃຈ​ຂຶ້ນ​ໃນ​ພຣະເຈົ້າຢາເວ ພຣະເຈົ້າ​ຂອງ​ເພິ່ນ.