1 ຊາມູເອນ 22:8 - ພຣະຄຳພີສັກສິ

⁸ ດ້ວຍເຫດ​ນັ້ນ​ບໍ ພວກເຈົ້າ​ຈຶ່ງ​ພວມ​ກະບົດ​ຕໍ່​ເຮົາ? ໃນ​ພວກເຈົ້າ​ບໍ່ມີ​ຜູ້ໃດ​ເລີຍ​ບອກ​ເຮົາ​ວ່າ ລູກຊາຍ​ຂອງເຮົາ​ເອງ​ໄດ້​ເຮັດ​ສັນຍາ​ມິດຕະພາບ​ກັບ​ດາວິດ. ບໍ່ມີ​ຜູ້ໃດ​ເລີຍ​ສົນໃຈ​ບອກ​ເຮົາ​ວ່າ ດາວິດ​ຜູ້ຮັບໃຊ້​ຂອງເຮົາ​ເອງ​ກຳລັງ​ຊອກ​ຫາ​ຊ່ອງທາງ​ທີ່​ຈະ​ຂ້າ​ເຮົາ ແລະ​ລູກຊາຍ​ຂອງເຮົາ​ເອງ​ເປັນ​ຜູ້​ໃຫ້​ກຳລັງໃຈ ແລະ​ສະໜັບ​ສະໜູນ​ລາວ.”

1 ຊາມູເອນ 22:8 Jak'a apnaqawi uñst'ayäwi

2 ກະສັດ 6:11

ກະສັດ​ແຫ່ງ​ຊີເຣຍ​ເສຍໃຈ​ຫຼາຍ​ໃນ​ເລື່ອງ​ນີ້; ເພິ່ນ​ຈຶ່ງ​ໄດ້​ເອີ້ນ​ພວກ​ນາຍ​ທະຫານ​ຂອງ​ເພິ່ນ​ມາ​ຖາມ​ວ່າ, “ມີ​ໃຜ​ແດ່​ໃນ​ພວກເຈົ້າ ທີ່​ເຂົ້າຂ້າງ​ກະສັດ​ແຫ່ງ​ອິດສະຣາເອນ?”

ພຣະທຳ​ໂຢບ 33:16

ພຣະອົງ​ເຮັດ​ໃຫ້​ພວກເຂົາ​ຟັງ​ຖ້ອຍຄຳ​ຂອງ​ພຣະອົງ ພວກເຂົາ​ກໍ​ຢ້ານກົວ​ຈົນ​ງົງ​ໃນ​ຄຳເຕືອນ​ຂອງ​ພຣະເຈົ້າ.

1 ຊາມູເອນ 18:1

ເມື່ອ​ກະສັດ​ໂຊນ​ແລະ​ດາວິດ​ໄດ້​ສົນທະນາກັນ​ຈົບ​ລົງ​ແລ້ວ ໂຢນາທານ​ລູກຊາຍ​ຂອງ​ໂຊນ​ກໍ​ເກີດ​ນິຍົມ​ຊົມຊອບ​ໃນ​ຕົວ​ຂອງ​ດາວິດ ແລະ​ຮັກ​ລາວ​ຫລາຍ​ເທົ່າ​ກັບ​ຮັກ​ຕົນເອງ.

1 ຊາມູເອນ 18:3

ແລ້ວ​ໂຢນາທານ​ກໍໄດ້​ສາບານ​ເປັນ​ເພື່ອນ​ທີ່ດີ​ກັບ​ດາວິດ​ຕະຫລອດໄປ ເພາະ​ເພິ່ນ​ຮັກ​ດາວິດ​ເໝືອນ​ຊີວິດ​ຈິດໃຈ​ຂອງ​ຕົນເອງ.

1 ຊາມູເອນ 20:2

ໂຢນາທານ​ຕອບ​ວ່າ, “ເຈົ້າ​ຈະ​ບໍ່​ຕາຍ​ດອກ ພໍ່​ຂອງຂ້ອຍ​ໄດ້​ບອກ​ໃຫ້​ຂ້ອຍ​ຮູ້​ທຸກສິ່ງ​ທີ່​ເພິ່ນ​ຈະ​ເຮັດ ບໍ່​ວ່າ​ຈະ​ເປັນ​ສິ່ງ​ສຳຄັນ​ຫລື​ບໍ່​ກໍຕາມ ເປັນຫຍັງ​ເພິ່ນ​ຈຶ່ງ​ຈະ​ປິດບັງ​ເລື່ອງ​ນີ້​ຕໍ່​ຂ້ອຍ ຄົງ​ບໍ່​ເປັນ​ຢ່າງນັ້ນ​ດອກ.”

1 ຊາມູເອນ 20:42

ໂຢນາທານ​ເວົ້າ​ກັບ​ດາວິດ​ວ່າ, “ຈົ່ງ​ໄປ​ດ້ວຍ​ຄວາມ​ສະຫງົບສຸກ ຕາມທີ່​ເຮົາ​ທັງສອງ​ໄດ້​ສາບານ​ໃນ​ນາມ​ຂອງ​ພຣະເຈົ້າຢາເວ​ວ່າ, ພຣະເຈົ້າຢາເວ​ຈະ​ໂຜດ​ໃຫ້​ເຈົ້າ​ກັບ​ຂ້ອຍ ແລະ​ເຊື້ອສາຍ​ຂອງ​ເຈົ້າ​ກັບ​ເຊື້ອສາຍ​ຂອງຂ້ອຍ​ເປັນ​ມິດ​ຕໍ່ກັນ​ຕະຫລອດໄປ​ຢ່າງ​ແນ່ນອນ.” ແລ້ວ​ດາວິດ​ກໍ​ຈາກ​ໄປ ແລະ​ໂຢນາທານ​ໄດ້​ກັບເມືອ​ໃນເມືອງ.

1 ຊາມູເອນ 20:8

ຂໍ​ໃຫ້​ເຈົ້າ​ຈົ່ງ​ເຮັດ​ຕາມ​ຄຳ​ຂໍຮ້ອງ​ຂອງຂ້ອຍ​ດ້ວຍ​ເທີ້ນ ແລະ​ຈົ່ງ​ຮັກສາ​ຄຳສັນຍາ​ອັນ​ສັກສິດ​ທີ່​ເຈົ້າ​ໄດ້​ມີ​ຕໍ່​ຂ້ອຍ, ແຕ່​ຖ້າ​ຂ້ອຍ​ເປັນ​ຄົນ​ຜິດ ກໍ​ຂໍ​ໃຫ້​ເຈົ້າ​ເປັນ​ຜູ້​ຂ້າ​ຂ້ອຍ​ເອງ ແລະ​ບໍ່​ຕ້ອງ​ໃຫ້​ພໍ່​ຂອງເຈົ້າ​ລົງມື​ຂ້າ​ຂ້ອຍ​ດອກ.”

1 ຊາມູເອນ 22:13

ກະສັດ​ໂຊນ​ໄດ້ຖາມ​ລາວ​ວ່າ, “ເປັນຫຍັງ​ເຈົ້າ​ກັບ​ດາວິດ​ຈຶ່ງ​ຮ່ວມໃຈ​ກັນ​ກະບົດ​ຕໍ່​ເຮົາ? ເປັນຫຍັງ​ເຈົ້າ​ຈຶ່ງ​ເອົາ​ເຂົ້າຈີ່​ແລະ​ມອບ​ດາບ​ໃຫ້​ແກ່​ມັນ ແລ້ວ​ທັງ​ທູນ​ຖາມ​ພຣະເຈົ້າ​ໃຫ້​ມັນ​ດ້ວຍ? ດຽວນີ້​ມັນ​ໄດ້​ຫັນ​ມາ​ຕໍ່ສູ້​ເຮົາ​ແລະ​ລໍ​ຫາ​ໂອກາດ​ທີ່​ຈະ​ຂ້າ​ເຮົາ​ຢູ່.”

1 ຊາມູເອນ 23:21

ກະສັດ​ໂຊນ​ຕອບ​ວ່າ, “ຂໍ​ໃຫ້​ພຣະເຈົ້າຢາເວ​ອວຍພອນ​ພວກເຈົ້າ​ທີ່​ມີ​ນໍ້າໃຈ​ອັນ​ດີ​ຕໍ່​ເຮົາ.