1 ຊາມູເອນ 22:6 - ພຣະຄຳພີສັກສິ

⁶ ວັນໜຶ່ງ​ທີ່​ເມືອງ​ກີເບອາ ກະສັດ​ໂຊນ​ຖື​ຫອກ​ໃນ​ມື ແລະ​ນັ່ງ​ຢູ່​ທີ່​ເນີນພູ ໃຕ້​ຕົ້ນໄມ້​ກົກ​ໜຶ່ງ​ຊື່​ວ່າ ຕາມາຣີ ຝ່າຍ​ຂ້າຣາຊການ​ຂອງ​ເພິ່ນ​ທັງໝົດ​ກໍ​ຢືນ​ອ້ອມຮອບ​ເພິ່ນ​ຢູ່. ຕໍ່ມາ ມີ​ຄົນ​ມາ​ບອກ​ເພິ່ນ​ວ່າ ເຂົາ​ໄດ້​ພົບ​ບ່ອນ​ຢູ່​ຂອງ​ດາວິດ​ແລະ​ທະຫານ​ຂອງ​ເພິ່ນ​ແລ້ວ.

1 ຊາມູເອນ 22:6 Jak'a apnaqawi uñst'ayäwi

ປະຖົມມະການ 21:33

ແລ້ວ​ອັບຣາຮາມ​ກໍ​ປູກ​ກົກໄມ້​ຕົ້ນ​ໜຶ່ງ​ຊື່​ວ່າ, “ຕາມາຣີ” ໃສ່​ທີ່​ເບເອນເຊບາ ແລະ​ຮ້ອງທູນ​ອອກ​ນາມຊື່​ພຣະເຈົ້າຢາເວ ຄື​ພຣະເຈົ້າ​ຜູ້​ດຳລົງ​ຢູ່​ຕະຫລອດໄປ​ເປັນນິດ.

ພວກ^ຜູ້ປົກຄອງ 4:5

ປະຊາຊົນ​ອິດສະຣາເອນ​ໄດ້​ມາ​ຫາ​ນາງ​ເດໂບຣາ​ທີ່​ກ້ອງ​ຕົ້ນ​ຕານ ລະຫວ່າງ​ເມືອງ​ຣາມາ​ແລະ​ເມືອງ​ເບັດເອນ​ໃນ​ເຂດ​ເນີນພູ​ເອຟຣາອິມ ບ່ອນ​ທີ່​ນາງ​ນັ່ງ​ເພື່ອ​ໃຫ້​ຄຳ​ປຶກສາ​ຫາລື.

1 ຊາມູເອນ 14:2

ໃນ​ເວລາ​ນັ້ນ ເພິ່ນ​ໄດ້​ພັກ​ຢູ່​ກ້ອງ​ຕົ້ນ​ໝາກ​ພີລາ​ທີ່​ມິກໂຣນ ຊຶ່ງ​ບໍ່​ໄກ​ເທົ່າ​ໃດ​ຈາກ​ເມືອງ​ກີເບອາ; ເພິ່ນ​ມີ​ທະຫານ​ຢູ່​ນຳ​ປະມານ​ຫົກຮ້ອຍ​ຄົນ.

1 ຊາມູເອນ 18:10

ວັນ​ຕໍ່ມາ ວິນຍານ​ຊົ່ວຮ້າຍ​ທີ່​ອົງພຣະ​ຜູ້​ເປັນເຈົ້າ​ໄດ້​ສົ່ງ​ມາ ກໍ​ເຂົ້າ​ສິງ​ກະສັດ​ໂຊນ​ທັນທີ; ເພິ່ນ​ໄດ້​ເວົ້າ​ລະເມີ​ຢູ່​ໃນ​ເຮືອນ​ຂອງຕົນ​ດັ່ງ​ຄົນບ້າ. ສ່ວນ​ດາວິດ​ນັ້ນ​ດີດພິນ​ຢູ່​ດັ່ງ​ທີ່​ເຄີຍ​ເຮັດ​ມາ​ທຸກ​ວັນ ແລະ​ກະສັດ​ໂຊນ​ກໍ​ຖື​ຫອກ​ຢູ່​ໃນ​ມື.

1 ຊາມູເອນ 19:9

ວັນໜຶ່ງ ວິນຍານ​ຊົ່ວຮ້າຍ​ທີ່​ພຣະເຈົ້າຢາເວ​ໃຊ້​ມາ​ນັ້ນ ໄດ້​ເຂົ້າ​ສິງ​ກະສັດ​ໂຊນ​ອີກ. ເພິ່ນ​ໄດ້ນັ່ງ​ຢູ່​ໃນ​ວັງ​ແລະ​ຖື​ຫອກ​ໃນ​ມື, ຂະນະທີ່​ດາວິດ​ກໍ​ກຳລັງ​ດີດພິນ​ຢູ່​ໃນ​ທີ່ນັ້ນ.

1 ຊາມູເອນ 20:33

ໃນທັນທີ​ນັ້ນ ກະສັດ​ໂຊນ​ເງືອດ​ຫອກ​ຂອງຕົນ​ອອກ​ໝາຍ​ຈະ​ຂ້າ​ໂຢນາທານ ແລະ​ໂຢນາທານ​ກໍ​ເຂົ້າໃຈ​ຄັກແນ່​ວ່າ ພໍ່​ຂອງຕົນ​ຕັ້ງໃຈ​ຈະ​ຂ້າ​ດາວິດ​ແທ້.

1 ຊາມູເອນ 31:13

ພວກເຂົາ​ເອົາ​ກະດູກ​ໄປ​ຝັງ​ໄວ້​ໃນ​ເມືອງ ຢູ່​ລຸ່ມ​ກົກໄມ້​ຕົ້ນ​ໜຶ່ງ​ຊື່​ວ່າ ຕາມາຣີ​ທີ່​ເມືອງ​ຢາເບັດ ແລະ​ພາກັນ​ອົດອາຫານ​ເປັນ​ເວລາ​ເຈັດ​ວັນ.