1 ຊາມູເອນ 21:9 - ພຣະຄຳພີສັກສິ

⁹ ອາຮີເມເຫຼັກ​ຕອບ​ວ່າ, “ມີ ແມ່ນ​ດາບ​ຂອງ​ໂກລີອາດ​ຄົນ​ຟີລິດສະຕິນ ຜູ້​ທີ່​ທ່ານ​ໄດ້​ຂ້າ​ໃນ​ຮ່ອມພູ​ເອລາ​ນັ້ນ. ມັນ​ຢູ່​ທາງ​ຫລັງ​ຂອງ​ເອໂຟດ ແລະ​ມີ​ຜ້າ​ພັນ​ໄວ້. ມັນ​ເປັນ​ອາວຸດ​ຢ່າງ​ດຽວ​ເທົ່ານັ້ນ​ທີ່​ມີ​ຢູ່​ໃນ​ທີ່​ນີ້ ຖ້າ​ທ່ານ​ຢາກ​ໄດ້​ກໍ​ເຊີນ​ເອົາ​ໄປ​ໂລດ.” ດາວິດ​ເວົ້າ​ວ່າ, “ຈົ່ງ​ເອົາ​ໃຫ້​ຂ້າພະເຈົ້າ​ເຖີດ ບໍ່ມີ​ດາບ​ດວງ​ໃດ​ຈະ​ດີ​ໄປ​ກວ່າ​ດາບ​ດວງ​ນີ້.”

1 ຊາມູເອນ 21:9 Jak'a apnaqawi uñst'ayäwi

1 ຊາມູເອນ 17:2

ສ່ວນ​ກະສັດ​ໂຊນ​ແລະ​ຊາວ​ອິດສະຣາເອນ​ນັ້ນ​ກໍໄດ້​ເຕົ້າໂຮມ​ກັນ ແລະ​ຕັ້ງ​ຄ້າຍ​ຢູ່​ທີ່​ຮ່ອມພູ​ເອລາ, ແລ້ວ​ພວກເຂົາ​ກໍ​ຕຽມພ້ອມ​ທີ່​ຈະ​ສູ້ຮົບ​ພວກ​ຟີລິດສະຕິນ​ໃນ​ທີ່ນັ້ນ.

1 ຊາມູເອນ 21:8

ດາວິດ​ຖາມ​ອາຮີເມເຫຼັກ​ວ່າ, “ທ່ານ​ມີ​ຫອກ​ຫລື​ດາບ ພໍ​ທີ່​ຈະ​ເອົາ​ໃຫ້​ຂ້າພະເຈົ້າ​ໃຊ້​ແດ່​ບໍ? ກະສັດ​ໄດ້​ສັ່ງ​ໃຫ້​ຂ້າພະເຈົ້າ​ອອກ​ມາ​ຢ່າງຟ້າວຟັ່ງ​ໂພດ ເລີຍ​ບໍ່ມີ​ເວລາ​ພໍ​ທີ່​ຈະ​ເອົາ​ດາບ​ຫລື​ອາວຸດ​ໃດໆ​ຕິດຕົວ​ມາ​ນຳ.”

1 ຊາມູເອນ 22:10

ອາຮີເມເຫຼັກ​ໄດ້​ຖາມ​ພຣະເຈົ້າຢາເວ​ໃຫ້​ລາວ​ວ່າ ລາວ​ຄວນ​ຈະ​ເຮັດ​ຢ່າງໃດ. ນອກຈາກ​ນັ້ນ ເພິ່ນ​ຍັງ​ເອົາ​ອາຫານ​ແລະ​ດາບ​ຂອງ​ໂກລີອາດ ຊາວ​ຟີລິດສະຕິນ​ໃຫ້​ລາວ​ດ້ວຍ.”

1 ຊາມູເອນ 31:10

ແລ້ວ​ພວກເຂົາ​ກໍ​ເອົາ​ອາວຸດ​ຂອງ​ເພິ່ນ​ໄປ​ບັນຈຸ​ໄວ້​ຢູ່​ໃນ​ວັດ​ຂອງ​ເຈົ້າແມ່​ອັດສະຕາກ ແລະ​ຕອກ​ຊາກສົບ​ຂອງ​ເພິ່ນ​ໃສ່​ກັບ​ກຳແພງ​ເມືອງ​ເບັດ​ຊານ.