1 ຊາມູເອນ 21:11 - ພຣະຄຳພີສັກສິ

¹¹ ບັນດາ​ຂ້າຣາຊການ​ຂອງ​ເຈົ້າ​ອາກີເຊ​ໄດ້​ຖາມ​ເພິ່ນ​ວ່າ, “ບໍ່ແມ່ນ​ດາວິດ​ຄົນ​ນີ້​ບໍ ທີ່​ເປັນ​ກະສັດ​ຂອງ​ປະເທດ​ນັ້ນ ທີ່​ພວກຜູ້ຍິງ​ຟ້ອນລຳ​ທຳເພງ​ຮ້ອງ​ຊົມເຊີຍ​ວ່າ ‘ໂຊນ​ໄດ້​ຂ້າ​ສັດຕູ​ຫລາຍ​ພັນ​ຄົນ, ແຕ່​ດາວິດ​ໄດ້​ຂ້າ​ຫລາຍ​ໝື່ນ​ຄົນ.”’

1 ຊາມູເອນ 21:11 Jak'a apnaqawi uñst'ayäwi

ເພງ^ສັນລະເສີນ 34:1

ຂ້ານ້ອຍ​ຈະ​ໂມທະນາ​ຂອບພຣະຄຸນ​ພຣະເຈົ້າຢາເວ ຢູ່​ຕະຫລອດ​ເວລາ ແລະ​ຈະ​ບໍ່​ຢຸດ​ເຊົາ​ຍ້ອງຍໍ​ສັນລະເສີນ​ພຣະອົງ​ຈັກເທື່ອ.

1 ຊາມູເອນ 16:1

ພຣະເຈົ້າຢາເວ​ໄດ້​ກ່າວ​ຕໍ່​ຊາມູເອນ​ວ່າ, “ເຈົ້າ​ຍັງ​ຈະ​ໂສກເສົ້າ​ເສຍໃຈ​ນຳ​ໂຊນ​ອີກ​ດົນ​ປານໃດ? ເຮົາ​ໄດ້​ປົດ​ລາວ​ອອກ​ຈາກ​ຕຳແໜ່ງ​ກະສັດ​ແລ້ວ, ແຕ່​ບັດນີ້ ຈົ່ງ​ຖື​ນໍ້າມັນ​ສັກສິດ​ໄປ​ທີ່​ເມືອງ​ເບັດເລເຮັມ ແລະ​ຫາ​ຊາຍ​ຄົນ​ໜຶ່ງ​ທີ່​ຊື່​ວ່າ ເຢຊີ ເພາະ​ເຮົາ​ໄດ້​ເລືອກ​ເອົາ​ລູກຊາຍ​ຂອງ​ລາວ​ຄົນ​ໜຶ່ງ​ໃຫ້​ເປັນ​ກະສັດ.”

1 ຊາມູເອນ 19:18

ສ່ວນ​ດາວິດ​ນັ້ນ ໄດ້​ໜີໄປ​ຫາ​ຊາມູເອນ​ທີ່​ເມືອງ​ຣາມາ ແລະ​ບອກ​ທຸກສິ່ງ​ທີ່​ກະສັດ​ໂຊນ​ໄດ້​ເຮັດ​ຕໍ່​ຕົນ​ສູ່​ຊາມູເອນ​ຟັງ ແລ້ວ​ຊາມູເອນ​ກັບ​ດາວິດ​ຈຶ່ງ​ໄປ​ພັກ​ຢູ່​ບ້ານ​ນາໂຢດ.

1 ຊາມູເອນ 27:1

ດາວິດ​ຄິດ​ໃນໃຈ​ວ່າ, “ໃນ​ມື້ໜຶ່ງ​ຂ້າງ​ໜ້າ ກະສັດ​ໂຊນ​ຈະ​ຕ້ອງ​ຂ້າ​ເຮົາ​ແນ່ໆ. ດີທີ່ສຸດ​ແລ້ວ ເຮົາ​ຄວນ​ໜີໄປ​ຢູ່​ໃນ​ດິນແດນ​ຂອງ​ພວກ​ຟີລິດສະຕິນ ແລ້ວ​ກະສັດ​ໂຊນ​ກໍ​ຈະ​ບໍ່​ຕາມ​ຫາ​ຂ້າ​ເຮົາ​ໃນ​ອິດສະຣາເອນ​ນີ້​ອີກ​ຕໍ່ໄປ ແລະ​ເຮົາ​ກໍ​ຈະ​ປອດໄພ.”

1 ຊາມູເອນ 27:2

ດັ່ງນັ້ນ ດາວິດ​ພ້ອມ​ດ້ວຍ​ຄົນ​ຂອງ​ເພິ່ນ​ຫົກຮ້ອຍ​ຄົນ ຈຶ່ງ​ໄດ້​ໄປ​ຫາ​ເຈົ້າ​ອາກີເຊ​ລູກຊາຍ​ຂອງ​ມາອົກ ກະສັດ​ຂອງ​ເມືອງ​ກາດ.

1 ຊາມູເອນ 29:5

ບໍ່ແມ່ນ​ດາວິດ​ຄົນ​ນີ້​ບໍ ທີ່​ພວກຜູ້ຍິງ​ໄດ້​ຮ້ອງເພງ​ຊົມເຊີຍ ຕອນ​ທີ່​ພວກເຂົາ​ຟ້ອນລຳ​ທຳເພງ​ນັ້ນ​ວ່າ, ‘ໂຊນ​ໄດ້​ຂ້າ​ຫລາຍ​ພັນ​ຄົນ ແຕ່​ດາວິດ​ໄດ້​ຂ້າ​ຫລາຍ​ໝື່ນ​ຄົນ.”’