1 ຊາມູເອນ 20:41 - ພຣະຄຳພີສັກສິ

⁴¹ ຫລັງຈາກ​ເດັກນ້ອຍ​ກັບ​ເມືອ​ແລ້ວ ດາວິດ​ໄດ້​ອອກ​ມາ​ຈາກ​ດ້ານຫລັງ​ຂອງ​ໂງ່ນຫີນ ກົ້ມ​ຂາບລົງ​ຕໍ່ໜ້າ​ໂຢນາທານ​ສາມ​ເທື່ອ. ດາວິດ​ກັບ​ໂຢນາທານ​ກອດ​ກັນ​ຮ້ອງໄຫ້. ດາວິດ​ໂສກເສົ້າ​ເສຍໃຈ​ຫລາຍກວ່າ​ໂຢນາທານ.

1 ຊາມູເອນ 20:41 Jak'a apnaqawi uñst'ayäwi

ປະຖົມມະການ 29:11

ແລ້ວ​ລາວ​ກໍ​ຈູບ​ນາງ​ພ້ອມ​ທັງ​ຮ້ອງໄຫ້​ດ້ວຍ​ຄວາມ​ຊົມຊື່ນ​ຍິນດີ.

ປະຖົມມະການ 29:13

ເມື່ອ​ລາບານ​ໄດ້ຍິນ​ຂ່າວ​ວ່າ ຢາໂຄບ​ຫລານຊາຍ​ຂອງຕົນ​ມາ ເພິ່ນ​ກໍ​ຟ້າວ​ອອກ​ມາ​ພົບ​ທັງ​ກອດ​ຈູບ ແລະ​ພາ​ລາວ​ເມືອ​ເຮືອນ. ເມື່ອ​ຢາໂຄບ​ເລົ່າ​ເລື່ອງ​ທັງໝົດ​ທີ່​ເກີດຂຶ້ນ​ສູ່​ຟັງ​ແລ້ວ

ປະຖົມມະການ 33:4

ຝ່າຍ​ເອຊາວ​ກໍ​ຟ້າວ​ແລ່ນ​ໄປ​ພົບ​ຢາໂຄບ ທັງ​ກອດ​ແລະ​ຈູບ​ລາວ. ພວກເຂົາ​ພາກັນ​ຮ້ອງໄຫ້.

ປະຖົມມະການ 42:6

ໂຢເຊັບ ໃນ​ຖານະ​ເປັນ​ຜູ້ປົກຄອງ​ປະເທດ​ເອຢິບ ເພິ່ນ​ໄດ້​ຂາຍ​ເຂົ້າ​ໃຫ້​ແກ່​ປະຊາຊົນ​ຈາກ​ທຸກ​ຊາດ​ທົ່ວ​ໂລກ. ດັ່ງນັ້ນ ພວກ​ອ້າຍ​ຂອງ​ໂຢເຊັບ​ຈຶ່ງ​ເຂົ້າ​ມາ​ຫາ​ແລະ​ຂາບລົງ​ຕໍ່ໜ້າ​ເພິ່ນ.

ປະຖົມມະການ 43:28

ພວກເຂົາ​ຕອບ​ວ່າ, “ພໍ່​ຂອງ​ພວກ​ຂ້ານ້ອຍ​ຜູ້ຮັບໃຊ້​ທີ່​ສັດຊື່​ຕໍ່​ທ່ານ ຍັງ​ມີ​ຊີວິດ​ຢູ່​ແລະ​ຍັງ​ສະບາຍດີ.” ແລ້ວ​ພວກເຂົາ​ກໍ​ຂາບລົງ​ດິນ​ຕໍ່ໜ້າ​ໂຢເຊັບ.

ປະຖົມມະການ 45:15

ແລ້ວ​ທັງໆ​ທີ່​ຍັງ​ຮ້ອງໄຫ້​ຢູ່​ນັ້ນ ເພິ່ນ​ກອດ​ແລະ​ຈູບ​ພວກອ້າຍ​ທຸກໆ​ຄົນ. ຫລັງຈາກ​ນັ້ນ ອ້າຍ​ແລະ​ນ້ອງ​ກໍ​ໂອ້​ລົມ​ກັນ​ກັບ​ໂຢເຊັບ.

2 ຊາມູເອນ 1:2

ໃນ​ວັນ​ທີ​ສາມ ມີ​ຊາຍໜຸ່ມ​ຜູ້ໜຶ່ງ​ມາ​ຈາກ​ຄ້າຍ​ຂອງ​ກະສັດ​ໂຊນ. ລາວ​ຈີກ​ເຄື່ອງນຸ່ງ​ຂອງຕົນ ແລະ​ເອົາ​ຂີ້ຝຸ່ນ​ດິນ​ໂຮຍ​ຫົວ​ເພື່ອ​ສະແດງ​ຄວາມ​ໂສກເສົ້າ ລາວ​ເຂົ້າ​ໄປ​ຫາ​ດາວິດ ແລະ​ຂາບລົງ​ດ້ວຍ​ຄວາມນັບຖື.

2 ຊາມູເອນ 1:26

ຂ້ອຍ​ຮ້ອງໄຫ້​ຫາ​ເຈົ້າ​ອ້າຍ​ໂຢນາທານ​ເອີຍ ເຈົ້າ​ເປັນ​ທີ່ຮັກ​ແພງ​ຂອງຂ້ອຍ​ຫລາຍ​ແທ້ໆ ຄວາມຮັກ​ທີ່​ເຈົ້າ​ມີ​ແກ່​ຂ້ອຍ​ຊ່າງ​ປະເສີດ​ຫລາຍ ເໜືອກວ່າ​ຄວາມຮັກ​ໃດໆ​ທີ່​ມີ​ຕໍ່​ຜູ້ຍິງ​ເສຍ​ອີກ.

2 ຊາມູເອນ 14:4

ຍິງ​ຊາວ​ເມືອງ​ເຕກົວ​ກໍ​ໄດ້​ເຂົ້າ​ໄປ​ພົບ​ກະສັດ ໂດຍ​ກົ້ມ​ຂາບລົງ​ດ້ວຍ​ຄວາມນັບຖື ແລະ​ເວົ້າ​ວ່າ, “ຂ້າແດ່​ພະຣາຊາ ກະລຸນາ​ຊ່ວຍ​ຂ້ານ້ອຍ​ແດ່ທ້ອນ.”

2 ຊາມູເອນ 19:39

ແລ້ວ​ກະສັດ​ດາວິດ​ພ້ອມ​ກັບ​ພັກພວກ​ຂອງ​ເພິ່ນ​ທຸກຄົນ ກໍ​ຂ້າມ​ແມ່ນໍ້າ​ຈໍແດນ​ໄປ. ເພິ່ນ​ຈູບລາ​ທັງ​ອວຍພອນ​ບາກຊິນໄລ ແລ້ວ​ບາກຊິນໄລ​ກໍ​ກັບຄືນ​ເມືອ​ສູ່​ບ້ານເມືອງ​ຂອງຕົນ.

2 ຊາມູເອນ 9:6

ເມື່ອ​ເມຟີໂບເຊັດ ລູກຊາຍ​ຂອງ​ໂຢນາທານ​ຫລານຊາຍ​ຂອງ​ໂຊນ​ເຂົ້າ​ມາ ລາວ​ກໍ​ກົ້ມ​ຂາບລົງ​ສະແດງ​ຄວາມ​ເຄົາຣົບ​ກະສັດ​ດາວິດ. ດາວິດ​ກ່າວ​ວ່າ, “ເມຟີໂບເຊັດ​ເອີຍ.” ແລະ​ລາວ​ຈຶ່ງ​ຕອບ​ວ່າ, “ຂ້ານ້ອຍ​ຂ້າ​ຮັບໃຊ້​ຂອງທ່ານ.”

1 ກະສັດ 1:16

ຣາຊິນີ​ບັດເຊບາ​ກົ້ມຂາບ​ກະສັດ ແລະ​ເພິ່ນ​ຖາມ​ນາງ​ວ່າ, “ເຈົ້າ​ຕ້ອງການ​ຫຍັງ?”

1 ກະສັດ 1:23

ແລ້ວ​ມີ​ຄົນ​ມາ​ລາຍງານ​ກະສັດ​ວ່າ, “ຜູ້ທຳນວາຍ​ໄດ້​ມາ​ທີ່​ນີ້.” ແລະ​ນາທານ​ກໍໄດ້​ເຂົ້າ​ໄປ​ກົ້ມ​ຂາບ​ຕໍ່ໜ້າ​ກະສັດ.

1 ກະສັດ 1:31

ຣາຊິນີ​ບັດເຊບາ​ໄດ້​ກົ້ມຂາບ ແລະ​ເວົ້າ​ວ່າ, “ຂໍ​ໃຫ້​ກະສັດ​ຜູ້​ເປັນ​ເຈົ້າ​ເໜືອ​ຫົວ​ຂອງ​ຂ້ານ້ອຍ ຈົ່ງ​ໝັ້ນຍືນ​ຕະຫລອດໄປ.”

ກິດຈະການ 20:37

ທຸກຄົນ​ຈຶ່ງ​ຮ້ອງໄຫ້ ແລະ​ກອດ​ສັ່ງລາ​ເພິ່ນ​ດ້ວຍ​ຄວາມ​ຮັກແພງ.

1 ຊາມູເອນ 10:1

ແລ້ວ​ຊາມູເອນ​ກໍ​ເອົາ​ເຕົ້າ​ນໍ້າມັນ​ໝາກກອກເທດ​ຖອກ​ໃສ່​ຫົວ​ໂຊນ ແລະ​ຈູບ​ລາວ ແລະ​ກ່າວ​ວ່າ, “ພຣະເຈົ້າຢາເວ​ໄດ້ຫົດສົງ​ເຈົ້າ​ໃຫ້​ເປັນ​ຜູ້​ປົກຄອງ​ຊາວ​ອິດສະຣາເອນ​ປະຊາຊົນ​ຂອງ​ພຣະອົງ. ເຈົ້າ​ຈະ​ປົກຄອງ​ປະຊາຊົນ​ຂອງ​ພຣະເຈົ້າຢາເວ ແລະ​ຊ່ວຍ​ພວກເຂົາ​ໃຫ້​ພົ້ນ​ຈາກ​ສັດຕູ​ທັງປວງ​ຂອງ​ພວກເຂົາ. ຂໍ້​ພິສູດ​ທີ່​ພຣະເຈົ້າຢາເວ​ໄດ້​ເລືອກ​ເອົາ​ເຈົ້າ ໃຫ້​ຂຶ້ນ​ເປັນ​ຜູ້​ປົກຄອງ​ປະຊາຊົນ​ຂອງ​ພຣະອົງ ແມ່ນ​ດັ່ງນີ້:

1 ຊາມູເອນ 18:3

ແລ້ວ​ໂຢນາທານ​ກໍໄດ້​ສາບານ​ເປັນ​ເພື່ອນ​ທີ່ດີ​ກັບ​ດາວິດ​ຕະຫລອດໄປ ເພາະ​ເພິ່ນ​ຮັກ​ດາວິດ​ເໝືອນ​ຊີວິດ​ຈິດໃຈ​ຂອງ​ຕົນເອງ.

1 ຊາມູເອນ 20:40

ໂຢນາທານ​ເອົາ​ອາວຸດ​ຂອງຕົນ​ໃຫ້​ເດັກ​ນັ້ນ​ຖື ແລະ​ໃຫ້​ເອົາ​ກັບຄືນ​ເມືອ​ໄວ້​ໃນເມືອງ.

1 ຊາມູເອນ 24:9

ແລະ​ຖາມ​ວ່າ, “ເປັນຫຍັງ​ທ່ານ​ຈຶ່ງ​ຟັງຄວາມ​ຂອງ​ປະຊາຊົນ​ທີ່​ບອກ​ທ່ານ​ວ່າ ຂ້ານ້ອຍ​ກຳລັງ​ພະຍາຍາມ​ທຳຮ້າຍ​ທ່ານ,

1 ຊາມູເອນ 25:23

ພໍ​ອາບີກາຍ​ຫລຽວເຫັນ​ດາວິດ ນາງ​ກໍ​ຟ້າວ​ລົງ​ຈາກ​ຫລັງ​ລໍ ແລະ​ກົ້ມ​ຂາບລົງ​ດິນ