1 ຊາມູເອນ 2:9 - ພຣະຄຳພີສັກສິ

⁹ ພຣະອົງ​ຄຸ້ມຄອງ​ຊີວິດ​ຄົນ​ທີ່​ສັດຊື່​ຕໍ່​ພຣະອົງ ສ່ວນ​ຄົນຊົ່ວຮ້າຍ​ຈະ​ຖືກ​ດັບສູນ​ໃນ​ທີ່​ມືດ; ມະນຸດ​ບໍ່​ຫ່ອນ​ໄຊຊະນະ​ໄດ້​ດ້ວຍ​ກຳລັງ ຄື​ໂດຍ​ກຳລັງ​ຂອງ​ຕົນເອງ​ທີ່​ມີ​ຢູ່​ນັ້ນ.

1 ຊາມູເອນ 2:9 Jak'a apnaqawi uñst'ayäwi

ພຣະທຳ​ໂຢບ 18:18

ລາວ​ຈະ​ຖືກ​ຂັບໄລ່​ອອກ​ຈາກ​ດິນແດນ​ຄົນ​ເປັນ ຄື​ຖືກ​ຂັບໄລ່​ຈາກ​ແສງແຈ້ງ​ເຂົ້າສູ່​ຄວາມມືດ.

ພຣະທຳ​ໂຢບ 40:13

ຝັງ​ພວກເຂົາ​ທັງໝົດ​ໄວ້​ຢູ່​ໃນ​ພື້ນດິນ​ສາ ມັດ​ພວກເຂົາ​ໄວ້​ກັບ​ແດນ​ມໍຣະນາ​ເຖີດ.

ພຣະທຳ​ໂຢບ 5:16

ພຣະອົງ​ໃຫ້​ຄົນ​ທຸກ​ລຳບາກ​ມີ​ຄວາມ​ຫວັງໃຈ ແລະ​ຊົງ​ງັບ​ປາກ​ຄົນຊົ່ວ​ໃຫ້​ມິດງຽບ.

ພຣະທຳ​ໂຢບ 5:24

ແລ້ວ​ເຈົ້າ​ຈະ​ຢູ່​ໃນ​ທີ່​ພັກ​ຢ່າງ​ເຕັມປ່ຽມ​ສຸກສັນ; ເມື່ອ​ແນມ​ເບິ່ງ​ຝູງແກະ ກໍ​ຢູ່​ສະບາຍ​ຫາຍ​ຮ້ອນ.

ເພງ^ສັນລະເສີນ 1:6

ເພາະວ່າ​ພຣະເຈົ້າຢາເວ ຊົງ​ພິທັກ​ຮັກສາ​ຄົນ​ຊອບທຳ ແຕ່​ທາງ​ຂອງ​ຄົນ​ອະທຳ​ຈະ​ຈິບຫາຍໄປ.

ເພງ^ສັນລະເສີນ 105:37

ແລ້ວ​ພຣະອົງ​ກໍໄດ້​ນຳ​ພວກ​ອິດສະຣາເອນ​ອອກ​ໄປ ພວກເຂົາ​ໄດ້​ຖື​ເອົາ​ເງິນ​ແລະ​ຄຳ​ໄປ​ນຳ​ດ້ວຍ, ທຸກຄົນ​ຕ່າງ​ກໍ​ມີ​ສຸຂະພາບ​ແຂງແຮງ​ດີ ພ້ອມ​ທັງ​ມີ​ກຳລັງ​ເຂັ້ມແຂງ​ດີ​ດ້ວຍ.

ເພງ^ສັນລະເສີນ 121:3

ພຣະອົງ​ຈະ​ບໍ່​ຍອມ​ໃຫ້​ເຈົ້າ​ພະລາດ​ລົ້ມ​ລົງ​ໄປ ພຣະຜູ້​ຄຸ້ມຄອງ​ຈະ​ປົກປັກ​ຮັກສາ​ເຈົ້າ​ໄວ້.

ເພງ^ສັນລະເສີນ 121:5

ພຣະເຈົ້າຢາເວ​ຈະ​ເຝົ້າ​ຮັກສາ​ເຈົ້າ​ໄວ້ ພຣະເຈົ້າຢາເວ​ຢູ່​ຄຽງ​ຂ້າງ​ເພື່ອ​ປົກປ້ອງ​ເຈົ້າ​ໄວ້.

ເພງ^ສັນລະເສີນ 121:8

ພຣະເຈົ້າຢາເວ​ຈະ​ປົກປ້ອງ​ຄຸ້ມຄອງ​ເຈົ້າ​ໃນ​ການ​ໄປມາ​ຂອງເຈົ້າ ຕັ້ງແຕ່​ບັດນີ້ ແລະ​ສືບໆໄປ​ເປັນນິດ.

ເພງ^ສັນລະເສີນ 145:20

ພຣະເຈົ້າຢາເວ​ປົກປັກ​ຮັກສາ​ຜູ້​ທີ່​ຮັກ​ພຣະອົງ​ທຸກຄົນ ແຕ່​ພຣະອົງ​ຈະ​ທຳລາຍ​ຜູ້​ຊົ່ວຮ້າຍ​ທຸກຄົນ​ຖິ້ມ.

ເພງ^ສັນລະເສີນ 31:17

ຂ້າແດ່​ພຣະເຈົ້າຢາເວ ຂ້ານ້ອຍ​ຮ້ອງຫາ​ພຣະອົງ ຂໍ​ຢ່າ​ໃຫ້​ຂ້ານ້ອຍ​ໄດ້​ຖືກ​ອັບອາຍ​ຂາຍໜ້າ ແຕ່​ຂໍ​ໃຫ້​ບັນດາ​ຄົນຊົ່ວຮ້າຍ​ເສຍໜ້າ​ໄປ ຂໍ​ໃຫ້​ພວກເຂົາ​ລົງ​ໄປ​ສູ່​ແດນ​ມໍຣະນາ​ຢ່າງ​ມິດງຽບ.

ເພງ^ສັນລະເສີນ 37:28

ສຳລັບ​ພຣະເຈົ້າຢາເວ​ພຣະອົງ​ຮັກ​ຄວາມ​ເປັນທຳ ແລະ​ບໍ່​ປ່ອຍປະ​ລະເລີຍ​ຄົນ​ທີ່​ສັດຊື່​ຕໍ່​ພຣະອົງ​ນັ້ນ. ພຣະອົງ​ຄຸ້ມຄອງ​ເຂົາເຈົ້າ​ຕະຫລອດໄປ ແຕ່​ເຊື້ອສາຍ​ຂອງ​ຄົນຊົ່ວ​ຈະ​ຖືກ​ໄລ່​ໃຫ້​ໜີໄປ​ສິ້ນ.

ເພງ^ສັນລະເສີນ 94:18

ຂ້າແດ່​ພຣະເຈົ້າຢາເວ ຂ້ານ້ອຍ​ກຳລັງ​ລົ້ມ ແຕ່​ຄວາມຮັກ​ອັນ​ໝັ້ນຄົງ​ຂອງ​ພຣະອົງ ກໍ​ຊ່ວຍຊູ​ຂ້ານ້ອຍ​ໃຫ້​ລຸກ​ຂຶ້ນ.

ເພງ^ສັນລະເສີນ 97:10

ພຣະເຈົ້າຢາເວ​ຮັກ​ພວກ​ທີ່​ກຽດຊັງ​ຄວາມຊົ່ວ ພຣະອົງ​ຄຸ້ມຄອງ​ຊີວິດ​ປະຊາຊົນ​ຂອງ​ພຣະອົງ​ໄວ້ ພຣະອົງ​ຊ່ວຍກູ້​ເອົາ​ພວກເຂົາ​ອອກ​ຈາກ​ຄວາມ​ຊົ່ວຮ້າຍ.

ສຸພາສິດ 16:9

ມະນຸດ​ວາງ​ແຜນການ, ແຕ່​ພຣະເຈົ້າຢາເວ​ປະທານ​ຄວາມ​ສຳເລັດ​ໃຫ້.

ສຸພາສິດ 2:8

ພຣະອົງ​ຊົງ​ປົກປ້ອງ​ທາງ​ຂອງ​ຄວາມ​ຍຸດຕິທຳ ແລະ​ເຝົ້າ​ຮັກສາ​ທາງ​ຂອງ​ຄົນ​ທີ່​ເຊື່ອ​ໃນ​ພຣະອົງ.

ສຸພາສິດ 3:26

ເພາະ​ພຣະເຈົ້າຢາເວ​ຊົງ​ເປັນ​ຄວາມ​ໝັ້ນໃຈ​ຂອງເຈົ້າ. ພຣະອົງ​ຈະ​ບໍ່​ປ່ອຍ​ໃຫ້​ຕີນ​ເຈົ້າ​ຕົກ​ຖືກ​ບ້ວງແຮ້ວ.

ປັນຍາຈານ 5:17

ພວກເຮົາ​ຕ້ອງ​ໃຊ້​ຊີວິດ​ຢູ່​ໃນ​ຄວາມ​ມືດມົນ​ແລະ​ຄວາມ​ໂສກເສົ້າ ຄວາມ​ວິຕົກ​ກັງວົນ, ຄວາມ​ໂກດຮ້າຍ ແລະ​ຄວາມ​ເຈັບປ່ວຍ.

ປັນຍາຈານ 9:11

ຂ້າພະເຈົ້າ​ຍັງ​ເຫັນ​ຫລາຍໆ​ສິ່ງ​ອີກ​ຢູ່ໃຕ້​ດວງຕາເວັນ. ນັກແລ່ນ​ໄວ​ບໍ່ແມ່ນ​ຈະ​ໄດ້​ຊະນະ​ໃນ​ການ​ແຂ່ງຂັນ​ສະເໝີ​ໄປ ແລະ​ຄົນ​ກ້າຫານ​ຫລາຍ​ບໍ່ແມ່ນ​ຈະ​ຕີ​ຊະນະ​ໃນ​ສະໜາມຮົບ​ສະເໝີ​ໄປ. ຄົນມີ​ປັນຍາ​ບໍ່ແມ່ນ​ຈະ​ທຳມາ​ຫາກິນ​ລ້ຽງຊີບ​ຢ່າງ​ສະດວກ​ສະບາຍ​ສະເໝີ​ໄປ; ຄົນສະຫລາດ​ບໍ່ແມ່ນ​ຈະ​ຮັ່ງມີ​ເປັນດີ​ສະເໝີ​ໄປ ແລະ​ຄົນ​ທີ່​ມີ​ຄວາມ​ສາມາດ​ບໍ່ແມ່ນ​ຈະ​ໄດ້​ຂຶ້ນ​ສູ່​ຕຳແໜ່ງ​ສູງ​ສະເໝີ​ໄປ. ແຕ່​ກຳນົດ​ເວລາ​ແລະ​ໂອກາດ​ເກີດຂຶ້ນ​ກັບ​ທຸກໆ​ຄົນ.

ເອຊາຢາ 27:3

“ເຮົາ​ເຝົ້າເບິ່ງ​ແລະ​ຫົດ​ນໍ້າ​ມັນ​ບໍ່ໄດ້​ຂາດ. ເຮົາ​ເຝົ້າ​ຮັກສາ​ທັງເວັນ ແລະ​ທັງຄືນ ເພື່ອ​ບໍ່​ໃຫ້​ຜູ້ໃດ​ມາ​ທຳຮ້າຍ​ມັນ​ໄດ້.

ເອຊາຢາ 47:5

ອົງພຣະ​ຜູ້​ເປັນເຈົ້າ​ລັ່ນປາກ​ກ່າວ​ຕໍ່​ນະຄອນ​ບາບີໂລນ​ວ່າ, “ຈົ່ງ​ນັ່ງ​ໃນ​ທີ່​ງຽບ​ສະຫງົບ ແລະ​ໃນ​ທີ່​ມືດ​ສາ​ເຖີດ ເພາະ​ເຈົ້າ​ໄດ້​ສູນເສຍ​ຕໍ່າແໜ່ງ​ຂອງເຈົ້າ​ໄປ ຄື​ຕໍ່າແໜ່ງ​ແຫ່ງ​ຣາຊີນີ​ຂອງ​ບັນດາ​ຊົນຊາດ

ເຢເຣມີຢາ 8:14

ປະຊາຊົນ​ຂອງ​ພຣະເຈົ້າ​ໄດ້​ຖາມ​ກັນ​ວ່າ, “ເປັນຫຍັງ​ຈຶ່ງ​ເມົາ​ນັ່ງ​ເສີຍ​ຢູ່? ຮິບ​ມາ​ເຖີດ ໃຫ້​ພວກເຮົາ​ແລ່ນ​ໄປ​ສູ່​ເມືອງ​ທີ່​ມີ​ປ້ອມ​ປ້ອງກັນ ແລະ​ຕາຍ​ຢູ່​ໃນ​ທີ່ນັ້ນ. ເພາະວ່າ ພຣະເຈົ້າຢາເວ ພຣະເຈົ້າ​ຂອງ​ພວກເຮົາ​ໄດ້​ລົງໂທດ​ພວກເຮົາ​ໃຫ້​ເຖິງ​ຕາຍ​ສາ​ແລ້ວ; ພຣະອົງ​ໄດ້​ໃຫ້​ພວກເຮົາ​ດື່ມ​ຢາ​ເບື່ອ ຍ້ອນ​ພວກເຮົາ​ໄດ້​ເຮັດ​ບາບ​ຕໍ່ສູ້​ພຣະອົງ.

ເຢເຣມີຢາ 9:23

ພຣະເຈົ້າຢາເວ​ກ່າວ​ວ່າ, “ຄົນ​ສະຫລາດ​ບໍ່ຄວນ​ອວດ ເຖິງ​ສະຕິປັນຍາ​ທີ່​ຕົນ​ມີ​ຢູ່​ນັ້ນ; ຄົນ​ແຂງແຮງ​ກໍ​ບໍ່ຄວນ​ອວດ​ເຖິງ​ເຮື່ອແຮງ​ຂອງຕົນ ຄົນຮັ່ງມີ​ກໍ​ບໍ່ຄວນ​ອວດ​ເຖິງ​ຊັບສົມບັດ​ຂອງຕົນ​ດ້ວຍ.

ນາຮູມ 1:8

ດັ່ງ​ນໍ້າ​ມາກ​ທີ່​ໄຫລ​ແຮງ ພຣະອົງ​ທຳລາຍ​ສັດຕູ ຂອງ​ພຣະອົງ​ໃຫ້​ດັບສູນສິ້ນ; ພວກ​ແຂງຂໍ້​ຕໍ່​ພຣະອົງ​ນັ້ນ​ກໍ​ຕົກ​ຖືກ​ຄວາມຕາຍ ທັງ​ຖືກ​ສົ່ງ​ລົງ​ໄປ​ສູ່​ແດນ​ມໍຣະນາ​ພຸ້ນ.

ເຊຟານີຢາ 1:15

ມັນ​ຈະ​ເປັນ​ວັນ​ແຫ່ງ​ຄວາມ​ໂກດຮ້າຍ​ໃຫຍ່ ວັນ​ແຫ່ງ​ຄວາມ​ເດືອດຮ້ອນ ແລະ​ເປັນທຸກໃຈ​ຫລາຍ ມື້​ແຫ່ງ​ການ​ຮົກຮ້າງ​ເພພັງ​ແລະ​ຈິບຫາຍ ມື້​ແຫ່ງ​ຄວາມ​ມືດຕຶບ​ແລະ​ໝົ່ນໝອງ ມື້​ແຫ່ງ​ເມກໝອກ​ດຳ

ເຊກາຣີຢາ 4:6

ເທວະດາ​ຕົນ​ນັ້ນ​ໄດ້​ສັ່ງ​ຂ້າພະເຈົ້າ​ໃຫ້​ມອບ​ຖ້ອຍຄຳ​ຈາກ​ພຣະເຈົ້າຢາເວ​ແກ່​ເຊຣຸບບາເບນ. ຖ້ອຍຄຳ​ນັ້ນ​ມີ​ດັ່ງນີ້: “ເຈົ້າ​ຈະ​ພົບ​ຄວາມ​ສຳເລັດ ບໍ່ແມ່ນ​ໂດຍ​ກຳລັງ​ທາງ​ທະຫານ ຫລື​ໂດຍ​ກຳລັງ​ຂອງ​ເຈົ້າເອງ ແຕ່​ໂດຍ​ພຣະວິນຍານ​ຂອງເຮົາ. ພຣະເຈົ້າຢາເວ​ອົງ​ຊົງ​ຣິດອຳນາດ​ຍິ່ງໃຫຍ່​ກ່າວ​ດັ່ງນັ້ນແຫຼະ.

ຈົດບັນຊີ 6:24

“ຂໍ​ພຣະເຈົ້າຢາເວ​ອວຍພອນ​ແລະ​ປົກປັກ​ຮັກສາ​ພວກເຈົ້າ;

ມັດທາຍ 8:12

ສ່ວນ​ພວກ​ທີ່​ຄວນ​ຈະ​ໄດ້​ຢູ່​ໃນ​ອານາຈັກ​ນັ້ນ ຈະ​ຖືກ​ໂຍນ​ຖິ້ມ​ອອກ​ຂ້າງ​ນອກ​ຢູ່​ໃນ​ຄວາມມືດ. ໃນ​ທີ່ນັ້ນ ພວກເຂົາ​ຈະ​ຮ້ອງໄຫ້ ແລະ​ຂົບ​ແຂ້ວ​ຄ້ຽວຟັນ”

ໂຣມ 3:19

ແຕ່​ເຮົາ​ທັງຫລາຍ​ຮູ້​ຢູ່​ວ່າ ກົດບັນຍັດ​ທຸກ​ຂໍ້​ທີ່​ໄດ້​ກ່າວ​ນັ້ນ​ກໍ​ກ່າວ​ແກ່​ຄົນ​ເຫຼົ່ານັ້ນ ທີ່​ຢູ່​ໃຕ້​ກົດບັນຍັດ​ເພື່ອ​ອັດ​ປາກ​ທຸກຄົນ ແລະ​ເພື່ອ​ໃຫ້​ມະນຸດ​ທຸກຄົນ​ໃນ​ໂລກ ຢູ່​ໃຕ້​ການ​ພິພາກສາ​ຂອງ​ພຣະເຈົ້າ.

ພຣະບັນຍັດສອງ 33:3

ພຣະອົງ​ຮັກ​ໄພ່ພົນ​ຂອງ​ພຣະອົງ​ຫລາຍ ແລະ​ປົກປັກ​ຮັກສາ​ຜູ້​ທີ່​ເປັນ​ຄົນ​ຂອງ​ພຣະອົງ​ໄວ້. ດັ່ງນັ້ນ ພວກເຮົາ​ຈົ່ງ​ຂາບ​ຢູ່​ໃຕ້​ຕີນ​ຂອງ​ພຣະອົງ ແລະ​ເຊື່ອຟັງ​ຂໍ້ຄຳສັ່ງ​ທຸກປະການ​ນັ້ນ.

1 ເປໂຕ 1:5

ຊຶ່ງ​ເປັນ​ຜູ້​ທີ່​ຣິດອຳນາດ​ຂອງ​ພຣະເຈົ້າ ຊົງ​ເຝົ້າ​ຮັກສາ​ໄວ້​ດ້ວຍ​ຄວາມເຊື່ອ ຈົນ​ໄດ້​ເຖິງ​ຄວາມ​ພົ້ນ ຊຶ່ງ​ພ້ອມແລ້ວ​ທີ່​ຈະ​ປາກົດ​ໃນ​ວັນ​ສຸດທ້າຍ.

2 ເປໂຕ 2:17

ພວກ​ຄູສອນ​ປອມ​ເຫຼົ່ານີ້ ເປັນ​ເໝືອນ​ບໍ່​ທີ່​ຂາດ​ນໍ້າ ເປັນ​ດັ່ງ​ໝອກ​ທີ່​ຖືກ​ລົມພະຍຸ​ພັດ​ໄປ ພຣະເຈົ້າ​ໄດ້​ຈັດ​ຂຸມ​ມືດ​ອັນ​ເລິກ​ໄວ້​ສຳລັບ​ພວກເຂົາ.

ຢູດາ 1:1

ຈາກ ຢູດາ ຜູ້ຮັບໃຊ້​ຂອງ​ພຣະເຢຊູ​ຄຣິດເຈົ້າ ແລະ​ເປັນ​ນ້ອງຊາຍ​ຂອງ​ຢາໂກໂບ. ເຖິງ ພວກ​ທີ່​ໄດ້​ຖືກ​ເອີ້ນ​ໄວ້​ແລ້ວ​ໂດຍ​ພຣະເຈົ້າ ຄື​ຜູ້​ທີ່​ດຳເນີນ​ຊີວິດ​ໃນ​ຄວາມຮັກ​ຂອງ​ພຣະບິດາເຈົ້າ ແລະ​ໃນ​ຄວາມ​ປ້ອງກັນ​ຮັກສາ​ຂອງ​ພຣະເຢຊູ​ຄຣິດເຈົ້າ.

ຢູດາ 1:13

ພວກເຂົາ​ເປັນ​ດັ່ງ​ຄື້ນ​ຟອງ​ນໍ້າ​ອັນ​ຮ້າຍແຮງ​ໃນ​ມະຫາສະໝຸດ ທີ່​ພົ່ນ​ການ​ກະທຳ​ອັນ​ໜ້າລະອາຍ​ຂອງຕົນ​ອອກ​ມາ​ຄື​ດັ່ງ​ປູມປວກ. ເປັນ​ດັ່ງ​ດາວ​ລ່ອງລອຍ​ນອກ​ວົງ​ໂຄຈອນ ທີ່​ຊົງ​ຈັດຕຽມ​ບ່ອນ​ໜຶ່ງ​ໄວ້​ຖ້າ​ແລ້ວ ໃນ​ຄວາມມືດ​ອັນ​ໜາຕຶບ​ນິຣັນດອນ.

ຢູດາ 1:3

ເພື່ອນ​ທີ່ຮັກ​ຂອງເຮົາ​ເອີຍ, ເຮົາ​ອົດສາ​ພະຍາຍາມ​ຢ່າງ​ສຸດ​ຄວາມ​ສາມາດ ເພື່ອ​ຂຽນ​ຈົດໝາຍ​ມາ​ເຖິງ​ພວກເຈົ້າ ກ່ຽວກັບ​ເລື່ອງ​ຄວາມ​ພົ້ນ​ທີ່​ພວກເຮົາ​ມີ​ຢູ່​ຮ່ວມ​ກັນ ເມື່ອ​ເຮົາ​ເຫັນ​ມີ​ຄວາມ​ຈຳເປັນ​ທີ່​ຈະ​ຕ້ອງ​ຂຽນ​ມາ​ເຕືອນ​ສະຕິ​ພວກເຈົ້າ ໃຫ້​ຕໍ່ສູ້​ເພື່ອ​ຄວາມເຊື່ອ ຊຶ່ງ​ພຣະເຈົ້າ​ໄດ້​ມອບ​ໃຫ້​ແກ່​ປະຊາຊົນ​ຂອງ​ພຣະອົງ​ເທື່ອ​ດຽວ​ເປັນ​ການ​ສິ້ນສຸດ.

1 ຊາມູເອນ 25:26

ທ່ານເອີຍ ພຣະເຈົ້າຢາເວ​ຊົງ​ພຣະຊົນຢູ່ ແລະ​ທ່ານ​ມີ​ຊີວິດຢູ່, ດ້ວຍວ່າ​ພຣະເຈົ້າຢາເວ​ໄດ້​ຫ້າມ​ທ່ານ​ບໍ່ໃຫ້​ແກ້ແຄ້ນ ແລະ​ຂ້າ​ສັດຕູ​ຂອງທ່ານ. ບັດນີ້ ຂໍ​ໃຫ້​ສັດຕູ​ທຸກຄົນ​ທີ່​ຢາກ​ທຳຮ້າຍ​ທ່ານ​ຖືກ​ລົງໂທດ​ຢ່າງ​ດຽວກັນ​ກັບ​ນາບານ.