1 ຊາມູເອນ 2:5 - ພຣະຄຳພີສັກສິ

⁵ ຜູ້​ທີ່​ເຄີຍ​ຢູ່ດີ​ກິນດີ​ກໍ​ອອກ​ຮັບ​ຈ້າງ​ຫາຢູ່​ຫາກິນ ແຕ່​ຜູ້​ທີ່​ຫິວໂຫຍ​ຊໍ້າ​ບໍ່​ຫິວໂຫຍ​ຕໍ່ໄປ​ອີກ. ພັນລະຍາ​ທີ່​ເປັນ​ໝັນ​ນັ້ນ​ໄດ້​ລູກ​ເຖິງ​ເຈັດ​ຄົນ ແຕ່​ແມ່​ມີ​ລູກ​ຫລາຍ​ຄົນ​ຊໍ້າ​ບໍ່ມີ​ລູກ​ຕໍ່ໄປ​ອີກ.

1 ຊາມູເອນ 2:5 Jak'a apnaqawi uñst'ayäwi

ເພງ^ສັນລະເສີນ 113:9

ພຣະອົງ​ໃຫ້ກຽດ​ຍິງ​ທີ່​ບໍ່ມີ​ລູກ​ໂດຍ​ໃຫ້​ນາງ​ມີ​ເຮືອນ​ຢູ່ ໃຫ້​ນາງ​ມີ​ຄວາມສຸກ​ໂດຍ​ໃຫ້​ນາງ​ມີ​ລູກ. ຈົ່ງ​ຍ້ອງຍໍ​ສັນລະເສີນ​ພຣະເຈົ້າຢາເວ.

ເພງ^ສັນລະເສີນ 34:10

ແມ່ນແຕ່​ຝູງ​ສິງ​ກໍ​ອຶດຢາກ​ຍ້ອນ​ຂາດ​ອາຫານ ແຕ່​ຜູ້​ທີ່​ເຊື່ອຟັງ​ພຣະເຈົ້າຢາເວ​ຢ່າງ​ຈິງໃຈ​ບໍ່​ຂາດ​ສິ່ງດີ​ຈັກເທື່ອ.

ເອຊາຢາ 33:9

ດິນແດນ​ຖືກ​ປະຖິ້ມ​ໃຫ້​ຮົກຮ້າງ​ຫວ່າງເປົ່າ. ປ່າໄມ້​ຂອງ​ນະຄອນ​ເລບານອນ​ຫ່ຽວແຫ້ງ​ໄປ ຮ່ອມພູ​ທີ່​ອຸດົມສົມບູນ​ດີ​ໃນ​ຊາໂຣນ​ກໍ​ເປັນ​ດັ່ງ​ຖິ່ນ​ແຫ້ງແລ້ງ​ກັນດານ ແລະ​ໃນ​ຖິ່ນ​ບາຊານ ແລະ​ເທິງ​ພູ​ກາເມນ ໃບໄມ້​ກໍ​ຫລົ່ນ​ລົງ​ຈາກ​ຕົ້ນ​ໝົດ.

ເອຊາຢາ 54:1

ເຢຣູຊາເລັມ​ເອີຍ ເຈົ້າ​ນັ້ນ​ເປັນ​ດັ່ງ​ຍິງ​ເປັນ​ໝັນ ແຕ່​ບັດນີ້ ຈົ່ງ​ຮ້ອງລຳ​ທຳເພງ​ຍິນດີ​ກັນ​ເຖີດ ບັດນີ້ ເຈົ້າ​ຈະ​ມີ​ລູກ​ຕື່ມ​ຢ່າງ​ຫລວງຫລາຍ ລື່ນກວ່າ​ຍິງ​ຜູ້​ທີ່​ຜົວ​ບໍ່ເຄີຍ​ໜີປະ​ຈັກເທື່ອ. ພຣະເຈົ້າຢາເວ​ກ່າວ​ດັ່ງນີ້ແຫຼະ.

ເຢເຣມີຢາ 15:9

ແມ່​ທີ່​ເສຍ​ລູກ​ເຈັດ​ຄົນ ກໍ​ສະຫລົບ​ລົ້ມ​ຫາຍໃຈ​ປາ ສຳລັບ​ນາງ ແສງ​ກາງເວັນ​ກໍ​ປ່ຽນ​ເປັນ​ມືດ​ສາ​ແລ້ວ; ນາງ​ຖືກ​ອັບອາຍ​ຂາຍໜ້າ ແລະ​ຂົມຂື່ນ​ຈິດໃຈ ເຮົາ​ຈະ​ປ່ອຍ​ໃຫ້​ສັດຕູ​ຂ້າ​ພວກເຈົ້າ​ຜູ້​ຍັງ​ມີ​ຊີວິດ​ຢູ່.” ພຣະເຈົ້າຢາເວ​ກ່າວ​ດັ່ງນີ້ແຫລະ.

ລູກາ 1:53

ພຣະອົງ​ໃຫ້​ຄົນ​ອຶດຢາກ​ເຕັມ​ໄປ​ດ້ວຍ​ຂອງ​ດີ ແລະ​ໃຫ້​ຄົນ​ຮັ່ງມີ​ໜີໄປ​ມື​ເປົ່າ.

ລູກາ 16:25

ແຕ່​ອັບຣາຮາມ​ຕອບ​ວ່າ, ‘ລູກ​ເອີຍ ຈົ່ງ​ລະນຶກເຖິງ​ຄາວ​ເມື່ອ​ເຈົ້າ​ຍັງ​ມີ​ຊີວິດ​ຢູ່ ເຈົ້າ​ໄດ້​ຮັບ​ແຕ່​ຂອງ​ດີ​ສຳລັບ​ຕົນ ສ່ວນ​ລາຊາໂຣ​ແລ້ວ ໄດ້​ຮັບ​ແຕ່​ຂອງ​ບໍ່​ດີ ຢ່າງ​ດຽວກັນ​ນັ້ນ​ແຫຼະ, ແຕ່​ບັດນີ້ ລາຊາໂຣ​ໄດ້​ຮັບ​ຄວາມສຸກ​ສະບາຍ​ຢູ່​ທີ່​ນີ້ ສ່ວນ​ເຈົ້າ​ແລ້ວ​ກຳລັງ​ໄດ້​ຮັບ​ຄວາມ​ທົນທຸກ​ທໍລະມານ.

ຄາລາເຕຍ 4:27

ເພາະ​ມີ​ຄຳ​ຂຽນ​ໄວ້​ໃນ​ພຣະຄຳພີ​ວ່າ, “ໂອ ຍິງ​ໝັນ​ຜູ້​ບໍ່ເຄີຍ​ເກີດ​ລູກ​ເອີຍ ຈົ່ງ​ຊົມຊື່ນ​ຍິນດີ​ເທີ້ນ ເຈົ້າ​ຜູ້​ທີ່​ບໍ່ເຄີຍ​ເຈັບ​ທ້ອງ ເກີດ​ລູກ​ຈັກເທື່ອ​ເອີຍ ຈົ່ງ​ໂຮ່ຮ້ອງ​ຂຶ້ນ​ດ້ວຍ​ຄວາມ ຊົມຊື່ນ​ຍິນດີ​ສາ ດ້ວຍວ່າ, ຍິງ​ທີ່​ຖືກ​ປະຮ້າງ​ກໍ​ມີ​ລູກ ຫລາຍກວ່າ​ຍິງ​ທີ່​ມີ​ຜົວ.”

ນາງຣຸດ 4:15

ລູກໃພ້​ຂອງ​ເຈົ້າ​ຮັກ​ເຈົ້າ​ຫລາຍ ແລະ​ນາງ​ໄດ້​ປະຕິບັດ​ຕໍ່​ເຈົ້າ​ດີກວ່າ​ລູກຊາຍ​ເຈັດ​ຄົນ. ມາບັດນີ້ ນາງ​ຍັງ​ມີ​ຫລານຊາຍ​ໃຫ້​ເຈົ້າ​ອີກ ຜູ້​ທີ່​ຈະ​ນຳ​ເອົາ​ຊີວິດ​ໃໝ່​ມາ​ໃຫ້​ເຈົ້າ ແລະ​ຈະ​ໃຫ້​ຄວາມ​ຄຸ້ມຄອງ​ແກ່​ເຈົ້າ​ໃນ​ເວລາ​ເຈົ້າ​ເຖົ້າແກ່​ຊະຣາ.”

1 ຊາມູເອນ 1:20

ດັ່ງນັ້ນ ນາງ​ຈຶ່ງ​ຖືພາ​ແລະ​ເກີດ​ລູກຊາຍ​ຜູ້ໜຶ່ງ. ນາງ​ຕັ້ງ​ຊື່​ໃຫ້​ເດັກ​ນັ້ນ​ວ່າ ຊາມູເອນ ແລະ​ອະທິບາຍ​ວ່າ, “ເພາະ​ຂ້ອຍ​ຂໍ​ເດັກ​ຄົນ​ນີ້​ຈາກ​ພຣະເຈົ້າຢາເວ.”

1 ຊາມູເອນ 1:6

ເປນິນນາ​ຄູ່ແຂ່ງ​ຂອງ​ນາງ​ໄດ້​ເຮັດ​ໃຫ້​ນາງ​ເຈັບໃຈ​ແລະ​ອັບອາຍ​ຢູ່​ເລື້ອຍ​ມາ ຍ້ອນ​ພຣະເຈົ້າຢາເວ​ບໍ່​ໃຫ້​ນາງ​ຮັນນາ​ມີ​ລູກ.