1 ຊາມູເອນ 2:22 - ພຣະຄຳພີສັກສິ

²² ບັດນີ້ ເອລີ​ກໍ​ເຖົ້າແກ່​ຫລາຍ​ແລ້ວ ເພິ່ນ​ໄດ້ຍິນ​ເລື່ອງ​ຕ່າງໆ​ທີ່​ລູກຊາຍ​ຂອງຕົນ​ໄດ້​ເຮັດ​ຕໍ່​ຊາວ​ອິດສະຣາເອນ ລວມທັງ​ເລື່ອງ​ທີ່​ພວກເຂົາ​ເປັນຊູ້​ກັບ​ພວກຜູ້ຍິງ ທີ່​ມາ​ບົວລະບັດ​ຮັບໃຊ້​ຢູ່​ຕໍ່ໜ້າ​ຫໍເຕັນ​ບ່ອນ​ຊຸມນຸມ​ນັ້ນ​ດ້ວຍ.

1 ຊາມູເອນ 2:22 Jak'a apnaqawi uñst'ayäwi

ປະຖົມມະການ 35:22

ເມື່ອ​ຢາໂຄບ​ໄດ້​ອາໄສ​ຢູ່​ໃນ​ດິນແດນ​ນັ້ນ ຣູເບັນ​ໄດ້​ລັກ​ນອນ​ນຳ​ນາງ​ບິນຮາ ເມຍນ້ອຍ​ຄົນ​ໜຶ່ງ​ຂອງ​ພໍ່​ຕົນ; ເມື່ອ​ຢາໂຄບ​ຮູ້​ເລື່ອງ​ນີ້ ເພິ່ນ​ກໍ​ຮ້າຍ​ຫຼາຍ. ຢາໂຄບ​ມີ​ລູກຊາຍ​ສິບສອງ​ຄົນ.

ປະຖົມມະການ 37:2

ປະຫວັດ​ຄອບຄົວ​ຂອງ​ຢາໂຄບ ມີ​ດັ່ງນີ້: ໂຢເຊັບ​ຊາຍໜຸ່ມ​ອາຍຸ 17 ປີ ເຄີຍ​ໄປ​ລ້ຽງ​ແກະ ແລະ​ແບ້​ນຳ​ພວກ​ອ້າຍ​ຂອງຕົນ​ເຊັ່ນ: ພວກ​ລູກຊາຍ​ຂອງ​ນາງ​ບິນຮາ ແລະ​ນາງ​ຊີລະປາ​ຜູ້​ເປັນ​ເມຍນ້ອຍ​ຂອງ​ພໍ່​ຕົນ. ໂຢເຊັບ​ຟ້ອງ​ການ​ຊົ່ວຊ້າ​ທີ່​ພວກ​ອ້າຍ​ຂອງຕົນ​ໄດ້​ເຮັດ ສູ່​ພໍ່​ຟັງ​ຢູ່​ສະເໝີ.

ອົບພະຍົບ 38:8

ເບຊາເລນ​ເຮັດ​ຂັນ​ແລະ​ພານ​ຮອງ​ຂັນ ດ້ວຍ​ທອງສຳຣິດ​ຈາກ​ແວ່ນແຍງ​ຂອງ​ພວກຜູ້ຍິງ​ທີ່​ບົວລະບັດ​ຮັບໃຊ້​ທີ່​ທາງ​ເຂົ້າ​ຫໍເຕັນ​ບ່ອນ​ຊຸມນຸມ.

ເອເຊກຽນ 22:26

ບັນດາ​ປະໂຣຫິດ​ຝ່າຝືນ​ກົດບັນຍັດ​ຂອງເຮົາ ແລະ​ບໍ່​ໃຫ້​ຄວາມນັບຖື​ແກ່​ສິ່ງ​ບໍຣິສຸດ. ພວກເຂົາ​ບໍ່​ເຫັນ​ຄວາມ​ແຕກຕ່າງ​ລະຫວ່າງ​ສິ່ງ​ບໍຣິສຸດ ແລະ​ສິ່ງ​ບໍ່​ບໍຣິສຸດ. ພວກເຂົາ​ບໍ່​ສັ່ງສອນ​ໃຫ້​ຮູ້​ເຖິງ​ຄວາມ​ແຕກຕ່າງ ລະຫວ່າງ​ສິ່ງ​ທີ່​ບໍ່​ເປັນ​ມົນທິນ​ແລະ​ສິ່ງ​ທີ່​ເປັນ​ມົນທິນ ແລະ​ພວກເຂົາ​ກໍ​ບໍ່​ເອົາໃຈໃສ່​ຕໍ່​ວັນ​ຊະບາໂຕ​ດ້ວຍ. ຜົນ​ກໍ​ຄື​ປະຊາຊົນ​ອິດສະຣາເອນ​ບໍ່ໄດ້​ນັບຖື​ເຮົາ.

1 ຊາມູເອນ 2:23

ເພິ່ນ​ເວົ້າ​ຕໍ່​ພວກເຂົາ​ວ່າ, “ເປັນຫຍັງ​ພວກເຈົ້າ​ຈຶ່ງ​ເຮັດ​ສິ່ງ​ເຫຼົ່ານີ້? ທຸກໆ​ຄົນ​ບອກ​ຂ້ອຍ​ເຖິງ​ພຶດຕິກຳ​ອັນ​ຊົ່ວຊ້າ​ຂອງ​ພວກເຈົ້າ.

1 ຊາມູເອນ 3:13

ເຮົາ​ໄດ້​ບອກ​ລາວ​ແລ້ວ​ວ່າ ເຮົາ​ຈະ​ລົງໂທດ​ຄອບຄົວ​ຂອງ​ລາວ​ຕະຫລອດໄປ ເພາະ​ພວກ​ລູກຊາຍ​ຂອງ​ລາວ​ໄດ້​ກ່າວ​ຄຳ​ຊົ່ວຊ້າ​ຕໍ່ສູ້​ເຮົາ. ສ່ວນ​ເອລີ​ເອງ​ກໍ​ຮູ້ຈັກ​ວ່າ​ພວກເຂົາ​ເວົ້າ​ດັ່ງນັ້ນ ແຕ່​ລາວ​ບໍ່ໄດ້​ຫ້າມ​ພວກເຂົາ.

1 ຊາມູເອນ 8:1

ເມື່ອ​ຊາມູເອນ​ເຖົ້າແກ່​ແລ້ວ ເພິ່ນ​ໄດ້​ໃຫ້​ພວກ​ລູກຊາຍ​ຂອງຕົນ ຂຶ້ນ​ເປັນ​ຜູ້ປົກຄອງ​ຊາດ​ອິດສະຣາເອນ​ແທນ​ຕົນ.