1 ຊາມູເອນ 2:17 - ພຣະຄຳພີສັກສິ

¹⁷ ບາບ​ຂອງ​ພວກ​ລູກຊາຍ​ຂອງ​ເອລີ​ນີ້​ໜັກ​ທີ່ສຸດ​ຕໍ່​ສາຍຕາ​ຂອງ​ພຣະເຈົ້າຢາເວ ເພາະ​ພວກເຂົາ​ໝິ່ນປະໝາດ​ເຄື່ອງ​ບູຊາ​ທີ່​ໄດ້​ຖືກ​ນຳ​ມາ​ຖວາຍ​ແກ່​ພຣະເຈົ້າຢາເວ.

1 ຊາມູເອນ 2:17 Jak'a apnaqawi uñst'ayäwi

ປະຖົມມະການ 10:9

ດ້ວຍ​ກຳລັງ​ຄວາມ​ກ້າຫານ​ທີ່​ມາ​ຈາກ​ພຣະເຈົ້າຢາເວ ລາວ​ຈຶ່ງ​ເປັນ​ນາຍພານ​ຜູ້​ຍິ່ງໃຫຍ່. ສະນັ້ນ ຄົນ​ຈຶ່ງ​ມັກ​ອວຍພອນ​ກັນແລະກັນ​ວ່າ, “ຂໍ​ພຣະເຈົ້າຢາເວ​ບັນດານ​ໃຫ້​ເຈົ້າ​ເປັນ​ນາຍພານ​ຜູ້​ຍິ່ງໃຫຍ່​ເໝືອນ​ດັ່ງ​ນິມໂຣດ.”

ປະຖົມມະການ 13:13

ຊຶ່ງ​ປະຊາຊົນ​ໃນ​ເມືອງ​ນີ້​ຊົ່ວຊ້າ ແລະ​ເຮັດ​ຜິດບາບ​ຕໍ່ສູ້​ພຣະເຈົ້າຢາເວ.

ປະຖົມມະການ 6:11

ແຕ່​ພວກ​ອື່ນໆ​ທຸກຄົນ​ໄດ້​ເຮັດ​ຊົ່ວ​ໃນ​ສາຍ​ຕາ​ຂອງ​ພຣະເຈົ້າ ແລະ​ການ​ຂ້າຟັນ​ລັນແທງ​ກັນ​ກໍ​ແຜ່ລາມ​ໄປ​ທົ່ວ​ທຸກ​ທີ່​ທຸກບ່ອນ.

2 ກະສັດ 21:6

ເພິ່ນ​ໄດ້​ຖວາຍ​ລູກຊາຍ​ຂອງຕົນ​ໃຫ້​ເປັນ​ເຄື່ອງ​ຖວາຍບູຊາ. ເພິ່ນ​ທຳພິທີ​ຖາມ​ສິ່ງ​ສັກສິດ ແລະ​ຝຶກ​ເວດມົນ​ກະຖາ ແລະ​ປຶກສາ ພວກ​ໝໍ​ດູ​ແລະ​ໝໍ​ຜີ. ເພິ່ນ​ໄດ້​ເຮັດ​ບາບ​ຢ່າງ​ໃຫຍ່ຫລວງ​ຕໍ່ສູ້​ພຣະເຈົ້າຢາເວ ແລະ​ເຮັດ​ໃຫ້​ພຣະອົງ​ໂກດຮ້າຍ.

ເພງ^ສັນລະເສີນ 51:4

ຂ້ານ້ອຍ​ໄດ້​ເຮັດ​ບາບ​ຕໍ່ສູ້​ພຣະອົງ​ແຕ່ຜູ້ດຽວ ຄື​ເຮັດ​ໃນ​ສິ່ງ​ທີ່​ພຣະອົງ​ຖື​ວ່າ​ເປັນ​ການ​ຊົ່ວຮ້າຍ. ການ​ທີ່​ພຣະອົງ​ຕັດສິນ​ຂ້ານ້ອຍ​ນັ້ນ​ກໍ​ຖືກຕ້ອງ​ແລ້ວ. ພຣະອົງ​ຊົງ​ຍຸດຕິທຳ​ເມື່ອ​ລົງໂທດ​ຂ້ານ້ອຍ​ນັ້ນ.

ເອຊາຢາ 3:8

ຖືກຕ້ອງ ຄວາມ​ຫຼົ້ມຈົມ​ເປັນ​ຂອງ​ນະຄອນ​ເຢຣູຊາເລັມ​ສາ​ແລ້ວ ຢູດາຍ​ກໍ​ກຳລັງ​ຫຼົ້ມຈົມ​ດ້ວຍ ພວກເຂົາ​ເວົ້າ​ແລະ​ເຮັດ​ທຸກຢ່າງ​ຕໍ່ສູ້​ພຣະເຈົ້າຢາເວ; ພວກເຂົາ​ດູຖູກ​ໝິ່ນປະໝາດ​ພຣະອົງ​ຢ່າງ​ເປີດເຜີຍ.

ມາລາກີ 2:13

ມີ​ອີກ​ສິ່ງ​ໜຶ່ງ​ທີ່​ພວກເຈົ້າ​ຍັງ​ເຮັດ​ຢູ່. ພວກເຈົ້າ​ຮ້ອງໄຫ້​ແລະ​ຄວນຄາງ​ໃສ່​ແທ່ນບູຊາ​ຂອງ​ພຣະເຈົ້າຢາເວ ຍ້ອນ​ພຣະອົງ​ບໍ່​ຮັບ​ເຄື່ອງ​ຖວາຍບູຊາ ຊຶ່ງ​ພວກເຈົ້າ​ນຳ​ມາ​ນັ້ນ​ອີກ​ຕໍ່ໄປ.

ມັດທາຍ 18:7

ວິບັດ​ແກ່​ໂລກນີ້ ເພາະ​ເຫດ​ລໍ້ລວງ​ມະນຸດ​ໃຫ້​ຕົກ​ໃນ​ບາບ ເຫດການ​ນີ້​ຈະ​ເກີດຂຶ້ນ​ສະເໝີ, ແຕ່​ວິບັດ​ແກ່​ຄົນ​ນັ້ນ ຜູ້​ທີ່​ເປັນ​ຕົ້ນເຫດ​ເຮັດ​ໃຫ້​ຕົກ​ໃນ​ບາບ.”

1 ຊາມູເອນ 2:16

ຖ້າ​ຊາຍ​ຄົນ​ນັ້ນ​ຕອບ​ວ່າ, “ຂໍ​ໃຫ້​ເອົາ​ໄຂມັນ​ນີ້​ໄປ​ເຜົາ​ເສຍ​ກ່ອນ ຈຶ່ງ​ເອົາ​ຕາມ​ທີ່​ເຈົ້າ​ຕ້ອງການ.” ຄົນ​ຮັບໃຊ້​ຂອງ​ປະໂຣຫິດ​ຈະ​ເວົ້າ​ວ່າ, “ບໍ່ໄດ້ ຕ້ອງ​ເອົາ​ໃຫ້​ຂ້ອຍ​ດຽວ​ນີ້​ໂລດ; ຖ້າ​ເຈົ້າ​ບໍ່​ຍອມ​ໃຫ້​ໂດຍ​ດີ ຂ້ອຍ​ຈະ​ຕ້ອງ​ໃຊ້​ກຳລັງ.”

1 ຊາມູເອນ 3:13

ເຮົາ​ໄດ້​ບອກ​ລາວ​ແລ້ວ​ວ່າ ເຮົາ​ຈະ​ລົງໂທດ​ຄອບຄົວ​ຂອງ​ລາວ​ຕະຫລອດໄປ ເພາະ​ພວກ​ລູກຊາຍ​ຂອງ​ລາວ​ໄດ້​ກ່າວ​ຄຳ​ຊົ່ວຊ້າ​ຕໍ່ສູ້​ເຮົາ. ສ່ວນ​ເອລີ​ເອງ​ກໍ​ຮູ້ຈັກ​ວ່າ​ພວກເຂົາ​ເວົ້າ​ດັ່ງນັ້ນ ແຕ່​ລາວ​ບໍ່ໄດ້​ຫ້າມ​ພວກເຂົາ.