1 ຊາມູເອນ 2:10 - ພຣະຄຳພີສັກສິ

¹⁰ ສັດຕູ​ຂອງ​ພຣະເຈົ້າຢາເວ​ຈະ​ຖືກ​ດັບສູນ ຈາກ​ສະຫວັນ ພຣະອົງ​ຈະ​ແຜດ​ສຽງ​ຕໍ່ສູ້. ພຣະເຈົ້າຢາເວ​ຈະ​ຕັດສິນ​ທຸກຄົນ ທັງໝົດ​ທີ່ສຸດ​ປາຍ​ແຜ່ນດິນ​ໂລກ; ພຣະອົງ​ຈະ​ປະທານ​ກຳລັງ​ແກ່​ກະສັດ​ຂອງ​ພຣະອົງ ແລະ​ໃຫ້​ໄຊຊະນະ​ແກ່​ກະສັດ ທີ່​ພຣະອົງ​ຊົງ​ເລືອກ.”

1 ຊາມູເອນ 2:10 Jak'a apnaqawi uñst'ayäwi

2 ຊາມູເອນ 22:14

ແລ້ວ​ຈາກ​ຟ້າ​ສະຫວັນ​ພຣະເຈົ້າຢາເວ​ຮ້ອງ​ກັງວານ ແລະ​ສຽງ​ອັນ​ຊົງຣິດ​ຂອງ​ພຣະອົງ ກໍ​ດັງ​ທົ່ວ​ໃຕ້​ຟ້າ.

2 ຊາມູເອນ 7:13

ລາວ​ຈະ​ເປັນ​ຜູ້​ສ້າງ​ວິຫານ​ສຳລັບ​ເຮົາ ແລະ​ເຮົາ​ຈະ​ໃຫ້​ເຊື້ອສາຍ​ຂອງ​ລາວ​ປົກຄອງ​ຕະຫລອດໄປ.

2 ຊາມູເອນ 7:8

ດັ່ງນັ້ນ ຈົ່ງ​ບອກ​ດາວິດ​ຜູ້ຮັບໃຊ້​ຂອງເຮົາ​ວ່າ, ‘ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ບອກ​ລາວ​ວ່າ, ເຈົ້າ​ເປັນ​ຄົນ​ລ້ຽງແກະ​ຕາມ​ທົ່ງນາ ແລະ​ເຮົາ​ໄດ້​ເອົາ​ເຈົ້າ​ມາ​ເປັນ​ຜູ້ປົກຄອງ​ຊາວ​ອິດສະຣາເອນ​ປະຊາຊົນ​ຂອງເຮົາ.

ພຣະທຳ​ໂຢບ 40:9

ເຈົ້າ​ເຂັ້ມແຂງ​ເທົ່າ​ກັນ​ກັບ​ເຮົາ​ບໍ? ສຽງ​ເຈົ້າ​ກ້ອງສະໜັ່ນ​ດັ່ງ​ສຽງ​ຂອງເຮົາ​ຫລື​ບໍ່?

ເພງ^ສັນລະເສີນ 132:17

ຢູ່​ທີ່​ນີ້ ເຮົາ​ຈະ​ຕັ້ງ​ເຊື້ອສາຍ​ດາວິດ​ຜູ້ໜຶ່ງ​ເປັນ​ກະສັດ​ຜູ້​ຍິ່ງໃຫຍ່​ ເຮົາ​ຈະ​ຮັກສາ​ການປົກຄອງ​ຂອງ​ກະສັດ​ຜູ້​ທີ່​ເຮົາ​ໄດ້​ຫົດສົງ​ໄວ້.

ເພງ^ສັນລະເສີນ 148:14

ພຣະອົງ​ໃຫ້​ຊົນຊາດ​ຂອງ​ພຣະອົງ​ໄດ້​ເຂັ້ມແຂງ​ຂຶ້ນ​ອີກ​ໃໝ່ ເພື່ອ​ປະຊາຊົນ​ທັງປວງ​ຈະ​ໄດ້​ຍ້ອງຍໍ​ສັນລະເສີນ​ພຣະອົງ ຄື​ຊາດ​ອິດສະຣາເອນ ພວກ​ທີ່ຮັກຍິ່ງ​ຂອງ​ພຣະອົງ. ຈົ່ງ​ຍ້ອງຍໍ​ສັນລະເສີນ​ພຣະເຈົ້າຢາເວ​ເຖີດ.

ເພງ^ສັນລະເສີນ 2:2

ກະສັດ, ພວກ​ຜູ້ປົກຄອງ​ຂອງ​ພວກເຂົາ ກໍ​ລຸກ​ຂຶ້ນ​ຕໍ່ຕ້ານ ພວກເຂົາ​ຮ່ວມໃຈ​ກັນ​ວາງ​ອຸບາຍ ຕໍ່ສູ້​ພຣະເຈົ້າຢາເວ​ແລະ​ຕໍ່ສູ້​ກະສັດ ທີ່​ພຣະອົງ​ຫົດສົງ​ໄວ້.

ເພງ^ສັນລະເສີນ 2:6

ພຣະອົງ​ກ່າວ​ວ່າ, “ເຮົາ​ໄດ້​ແຕ່ງຕັ້ງ​ກະສັດ​ຂອງເຮົາ; ຢູ່​ເທິງ​ພູເຂົາ​ຊີໂອນ ພູ​ສັກສິດ​ຂອງເຮົາ.”

ເພງ^ສັນລະເສີນ 2:9

ເຈົ້າ​ຈະ​ຂ້ຽນ​ພວກເຂົາ​ດ້ວຍ​ໄມ້ແສ້​ເຫຼັກ; ຈະ​ທຸບ​ພວກເຂົາ​ດັ່ງ​ທຸບ​ໝໍ້ດິນ​ແຕກ​ເປັນ​ປ່ຽງໆ.

ເພງ^ສັນລະເສີນ 20:6

ບັດນີ້ ຈຶ່ງ​ຮູ້ວ່າ​ພຣະເຈົ້າຢາເວ​ໃຫ້​ຄວາມ​ມີໄຊ ແກ່​ກະສັດ​ທີ່​ພຣະອົງ​ໄດ້​ເລືອກເອົາ​ນັ້ນ. ພຣະອົງ​ຕອບ​ເພິ່ນ​ຈາກ​ທີ່​ສັກສິດ​ແຫ່ງ​ຟ້າ​ສະຫວັນ ໄດ້​ມີໄຊ​ອັນ​ໃຫຍ່ຫລວງ​ໂດຍ​ຣິດທານຸພາບ.

ເພງ^ສັນລະເສີນ 20:7

ບາງຄົນ​ໄວ້ວາງໃຈ​ໃນ​ລົດຮົບ​ຂອງ​ພວກຕົນ ຄົນອື່ນ​ໄວ້ວາງໃຈ​ໃນ​ມ້າ​ຮົບ​ຂອງ​ເຂົາເຈົ້າ ແຕ່​ພວກເຮົາ​ໄວ້ວາງໃຈ​ໃນ​ພຣະນາມ ແຫ່ງ​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ.

ເພງ^ສັນລະເສີນ 21:1

ຂ້າແດ່​ພຣະເຈົ້າຢາເວ ກະສັດ​ດີໃຈ​ຍ້ອນ​ພຣະອົງ​ໃຫ້​ກຳລັງ ເພິ່ນ​ຊົມຊື່ນ​ຍິນດີ​ເພາະ​ໄດ້​ໄຊຊະນະ.

ເພງ^ສັນລະເສີນ 28:8

ພຣະເຈົ້າຢາເວ​ປົກປ້ອງ​ປະຊາຊົນ​ຂອງ​ພຣະອົງ ພຣະອົງ​ປ້ອງກັນ​ທັງ​ຊ່ວຍ​ເອົາ​ກະສັດ​ທີ່​ໄດ້​ຊົງ​ຫົດສົງ​ໄວ້.

ເພງ^ສັນລະເສີນ 45:7

ທ່ານ​ຮັກ​ສິ່ງ​ທີ່​ຖືກຕ້ອງ​ແລະ​ກຽດຊັງ​ສິ່ງ​ທີ່​ຊົ່ວຮ້າຍ. ສະນັ້ນ​ພຣະເຈົ້າ ພຣະເຈົ້າ​ຂອງທ່ານ​ຈຶ່ງ​ຫົດສົງ​ທ່ານ​ໄວ້ ໂດຍ​ເທ​ພຣະພອນ​ໃຫ້​ທ່ານ​ໄດ້​ຮັບ​ຄວາມສຸກ ຫລາຍກວ່າ​ຄົນອື່ນ​ໃດ​ທົ່ວ​ໃຕ້​ຟ້າ​ໂລກ​ມະນຸດ.

ເພງ^ສັນລະເສີນ 89:17

ພຣະອົງ​ໃຫ້​ພວກ​ຂ້ານ້ອຍ​ມີໄຊ​ຢ່າງ​ໃຫຍ່ຫລວງ ໃນ​ຄວາມຮັກ​ຂອງ​ພຣະອົງ ເຮັດ​ໃຫ້​ພວກ​ຂ້ານ້ອຍ​ມີ​ກຳລັງ​ຂຶ້ນ.

ເພງ^ສັນລະເສີນ 89:24

ເຮົາ​ຈະ​ຮັກ​ແລະ​ສັດຊື່​ຕໍ່​ລາວ ຈະ​ໃຫ້​ລາວ​ໄຊຊະນະ​ເໜືອ​ສັດຕູ​ຢູ່​ເລື້ອຍໆ.

ເພງ^ສັນລະເສີນ 89:25

ເຮົາ​ຈະ​ໃຫ້​ອານາຈັກ​ຂອງ​ລາວ​ແຜ່​ຂະຫຍາຍ​ອອກ​ໄປ ຈາກ​ທະເລ​ເມດີແຕຣາເນ​ເຖິງ​ແມ່ນໍ້າ​ເອີຟຣັດ.

ເພງ^ສັນລະເສີນ 96:13

ເມື່ອ​ພຣະເຈົ້າຢາເວ​ມາ​ປົກຄອງ​ຄົນ​ໂລກນີ້ ພຣະອົງ​ຈະ​ປົງຄອງ​ຢ່າງ​ສັດຊື່​ແລະ​ເປັນທຳ ແລະ​ຈະ​ຕັດສິນ​ປະຊາຊົນ​ທັງຫລາຍ​ດ້ວຍ​ຄວາມຈິງ​ຂອງ​ພຣະອົງ.

ເພງ^ສັນລະເສີນ 98:9

ຕໍ່ໜ້າ​ພຣະເຈົ້າຢາເວ ເພາະ​ພຣະອົງ​ກຳລັງ​ຈະມາ​ຕັດສິນ​ແຜ່ນດິນ​ໂລກ ເພື່ອ​ພິພາກສາ​ຕັດສິນ​ໂລກ​ດ້ວຍ​ຄວາມ​ຊອບທຳ​ແລະ​ຊົນຊາດ​ທັງຫຼາຍ​ດ້ວຍ​ຄວາມ​ສັດຊື່.

ອົບພະຍົບ 15:6

ຂ້າແດ່​ພຣະເຈົ້າຢາເວ ມື​ຂວາ​ຂອງ​ພຣະອົງ​ນັ້ນ​ຊົງ​ຣິດອຳນາດ​ຍິ່ງ ຂ້າແດ່​ພຣະເຈົ້າຢາເວ ມື​ຂວາ​ຂອງ​ພຣະອົງ​ນັ້ນ​ທຳລາຍ​ພວກ​ສັດຕູ​ໃຫ້​ໝຸ່ນ​ທະລາຍ​ໄປ​ໄດ້.

ປັນຍາຈານ 11:9

ຄົນໜຸ່ມ​ເອີຍ ຈົ່ງ​ສະໜຸກ​ຢູ່​ໃນ​ຄວາມ​ໜຸ່ມແໜ້ນ​ຂອງເຈົ້າ. ຈົ່ງ​ຫາ​ຄວາມສຸກ​ເມື່ອ​ເຈົ້າ​ຍັງ​ໜຸ່ມແໜ້ນ​ຢູ່ ຈົ່ງ​ເຮັດ​ທຸກສິ່ງ​ທີ່​ເຈົ້າ​ຕ້ອງການ​ຢາກ​ເຮັດ ແລະ​ທຸກສິ່ງ​ທີ່​ເຈົ້າ​ພໍໃຈ​ເຮັດ​ດ້ວຍ. ແຕ່​ຈົ່ງ​ຈຳ​ໄວ້​ວ່າ ພຣະເຈົ້າ​ຈະ​ຕັດສິນ​ທຸກໆສິ່ງ​ທີ່​ເຈົ້າ​ໄດ້​ເຮັດ​ນັ້ນ.

ປັນຍາຈານ 12:14

ພຣະເຈົ້າ​ຈະ​ຕັດສິນ​ທຸກສິ່ງ​ທີ່​ພວກເຮົາ​ເຮັດ ບໍ່​ວ່າ​ດີ​ຫລື​ຊົ່ວ ແມ່ນແຕ່​ສິ່ງ​ທີ່​ພວກເຮົາ​ໄດ້​ເຮັດ​ໃນ​ທີ່​ລັບລີ້​ດ້ວຍ.

ເອຊາຢາ 29:6

ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ຈະ​ຊ່ວຍກູ້​ເອົາ​ພວກເຈົ້າ​ດ້ວຍ​ລົມພະຍຸ ທີ່​ມີ​ສຽງ​ຟ້າຮ້ອງ​ຟ້າແມບ ແລະ​ແຜ່ນດິນ​ໄຫວ. ພຣະອົງ​ຈະ​ສົ່ງ​ລົມ​ພະຍຸ​ຮ້າຍ ແລະ​ແປວໄຟ​ອັນ​ແກ່ກ້າ​ມາ;

ເອຊາຢາ 32:1

ວັນ​ໜຶ່ງ​ຈະ​ມາ​ເຖິງ ຄື​ຈະ​ມີ​ກະສັດ​ຄົນ​ໜຶ່ງ​ຜູ້​ທີ່​ປົກຄອງ​ດ້ວຍ​ຄວາມ​ຊອບທຳ ແລະ​ຜູ້​ນຳພາ​ຊາດ​ທີ່​ປົກຄອງ​ດ້ວຍ​ຄວາມ​ຍຸດຕິທຳ.

ເອຊາຢາ 45:24

ພວກເຂົາ​ຈະ​ກ່າວ​ຕໍ່​ເຮົາ​ວ່າ, ‘ໂດຍ​ພຣະເຈົ້າຢາເວ​ແຕ່​ອົງດຽວ ພົບ​ຄວາມຊອບທຳ​ແລະ​ກຳລັງ,’ ແຕ່​ທຸກຄົນ​ທີ່​ຄຽດແຄ້ນ​ຕໍ່ສູ້​ເຮົາ ກໍ​ຈະ​ມາ​ຫາ​ເຮົາ ແລະ​ຈະ​ຖືກ​ອັບອາຍ​ຂາຍໜ້າ.

ເອເຊກຽນ 29:21

ເມື່ອ​ເຫດການ​ເຫຼົ່ານີ້​ເກີດຂຶ້ນ ເຮົາ​ຈະ​ເຮັດ​ໃຫ້​ປະຊາຊົນ​ຊາດ​ອິດສະຣາເອນ​ເຂັ້ມແຂງ ແລະ​ນຳ​ເຈົ້າ​ຄື​ເອເຊກຽນ​ກ່າວ​ອອກ​ໄປ​ໃນ​ບ່ອນ​ທີ່​ທຸກຄົນ​ໄດ້ຍິນ​ເຈົ້າ ເພື່ອ​ວ່າ​ພວກເຂົາ​ຈະ​ຮູ້​ວ່າ​ເຮົາ​ແມ່ນ​ພຣະເຈົ້າຢາເວ.”

ມັດທາຍ 25:34

ແລ້ວ​ຈອມ​ກະສັດ​ກໍ​ຈະ​ກ່າວ​ແກ່​ບັນດາ​ຜູ້​ທີ່​ຢູ່​ເບື້ອງຂວາ​ຂອງ​ພຣະອົງ​ວ່າ, ‘ມາເຖີດ ພວກເຈົ້າ​ຜູ້​ທີ່​ໄດ້​ຮັບ​ພຣະພອນ​ຈາກ​ພຣະບິດາເຈົ້າ​ຂອງເຮົາ ຈົ່ງ​ມາ​ຮັບ​ເອົາ​ຣາຊອານາຈັກ ຊຶ່ງ​ໄດ້​ຖືກ​ຈັດຕຽມ​ໄວ້​ສຳລັບ​ພວກເຈົ້າ ຕັ້ງແຕ່​ຕົ້ນເດີມ​ສ້າງ​ໂລກ.

ມັດທາຍ 28:18

ພຣະເຢຊູເຈົ້າ​ຈຶ່ງ​ໄດ້​ຫຍັບ​ເຂົ້າ​ມາ​ໃກ້ ແລ້ວ​ຊົງ​ກ່າວ​ກັບ​ພວກເພິ່ນ​ວ່າ, “ອຳນາດ​ທັງໝົດ​ໃນ​ສະຫວັນ ແລະ​ທີ່​ແຜ່ນດິນ​ໂລກ ໄດ້​ມອບ​ໃຫ້​ແກ່​ເຮົາ​ແລ້ວ.

ລູກາ 1:69

ແລະ ໄດ້​ໃຫ້​ຜູ້​ຊົງ​ຣິດ​ຜູ້ໜຶ່ງ​ເກີດຂຶ້ນ ໃນ​ເຊື້ອວົງ​ຂອງ​ດາວິດ​ຜູ້ຮັບໃຊ້​ ຂອງ​ພຣະອົງ ເພື່ອ​ເປັນ​ຜູ້​ຊົງ​ໂຜດ​ໃຫ້​ພົ້ນ​ຂອງ​ພວກເຮົາ,

ລູກາ 19:27

ຝ່າຍ​ພວກ​ສັດຕູ​ຂອງເຮົາ ທີ່​ບໍ່​ຢາກ​ໃຫ້​ເຮົາ​ປົກຄອງ​ພວກເຂົາ​ນັ້ນ ຈົ່ງ​ພາ​ພວກເຂົາ​ມາ​ທີ່​ນີ້ ແລະ​ຂ້າ​ພວກເຂົາ​ເສຍ​ຕໍ່ໜ້າ​ເຮົາ.”’

ກິດຈະການ 10:38

ພວກທ່ານ​ກໍ​ຮູ້​ເຖິງ​ເລື່ອງ​ພຣະເຢຊູເຈົ້າ​ໄທ​ນາຊາເຣັດ ຜູ້​ທີ່​ພຣະເຈົ້າ​ໄດ້​ຫົດສົງ​ດ້ວຍ​ພຣະວິນຍານ​ບໍຣິສຸດເຈົ້າ ແລະ​ດ້ວຍ​ຣິດເດດ, ພຣະອົງ​ໄດ້​ໄປ​ທຸກຫົນ​ທຸກແຫ່ງ​ເຮັດ​ຄຸນງາມ​ຄວາມດີ ແລະ​ຊົງ​ໂຜດ​ຮັກສາ​ທຸກຄົນ​ທີ່​ຖືກ​ອຳນາດ​ຂອງ​ມານຮ້າຍ​ບຽດບຽນ ເພາະວ່າ​ພຣະເຈົ້າ​ຊົງ​ສະຖິດ​ຢູ່​ກັບ​ພຣະອົງ.

ກິດຈະການ 4:27

ຈິງ​ແທ້ ດ້ວຍວ່າ, ເຮໂຣດ​ກັບ​ປົນທຽວປີລາດ​ໄດ້​ມາ​ໃນ​ເມືອງ​ນີ້ ປະຊຸມ​ກັນ​ກັບ​ຄົນຕ່າງຊາດ ແລະ​ປະຊາຊົນ​ອິດສະຣາເອນ ເພື່ອ​ຕໍ່ສູ້​ພຣະເຢຊູເຈົ້າ ພຣະ​ຜູ້ຮັບໃຊ້​ອົງ​ບໍຣິສຸດ​ຂອງ​ພຣະອົງ ຜູ້​ທີ່​ພຣະອົງ​ໄດ້​ຫົດສົງ​ໄວ້​ແລ້ວ.

2 ໂກຣິນໂທ 5:10

ດ້ວຍວ່າ, ຈຳເປັນ​ທີ່​ພວກເຮົາ​ທຸກຄົນ ຈະ​ຕ້ອງ​ປາກົດ​ຕົວ​ຕໍ່ໜ້າ​ບັນລັງ​ພິພາກສາ​ຂອງ​ພຣະຄຣິດ ເພື່ອ​ແຕ່ລະຄົນ​ຈະ​ໄດ້​ຮັບ ສົມ​ກັບ​ການ​ທີ່​ຕົນ​ໄດ້​ເຮັດ​ໃນ​ຮ່າງກາຍ​ນີ້ ແລ້ວ​ແຕ່​ຈະ​ດີ ຫລື​ຊົ່ວ.

ພວກ^ຜູ້ປົກຄອງ 5:31

“ຂ້າແດ່ ພຣະເຈົ້າຢາເວ ຂໍ​ໃຫ້​ເຫຼົ່າ​ສັດຕູ​ຂອງ​ພຣະອົງ ຕາຍໄປ​ດັ່ງນີ້​ເທາະ ແຕ່​ຂໍ​ໃຫ້​ຜູ້​ເຂົ້າ​ສະໜິດ​ກັບ​ພຣະອົງ ສ່ອງແຈ້ງ​ດັ່ງ​ຕາເວັນ​ຂຶ້ນ​ແດ່ທ້ອນ.” ຕໍ່ມາ ປະເທດຊາດ​ບ້ານ​ເມືອງ​ກໍ​ມີ​ຄວາມ​ສະຫງົບສຸກ​ເປັນ​ເວລາ​ສີ່ສິບ​ປີ.

1 ຊາມູເອນ 12:13

ນີ້ເດ ກະສັດ​ທີ່​ພວກເຈົ້າ​ເລືອກເອົາ ພວກເຈົ້າ​ໄດ້​ຂໍ​ເອົາ​ກະສັດ ແລະ​ບັດນີ້ ພຣະເຈົ້າຢາເວ​ກໍ​ໃຫ້​ພວກເຈົ້າ​ມີ​ກະສັດ​ແລ້ວ.

1 ຊາມູເອນ 12:17

ດຽວນີ້ ເປັນ​ລະດູແລ້ງ​ແມ່ນ​ບໍ່? ແຕ່​ຂ້າພະເຈົ້າ​ຈະ​ພາວັນນາ​ອະທິຖານ​ຂໍ​ໃຫ້​ພຣະເຈົ້າຢາເວ​ສົ່ງ​ສຽງ​ຟ້າຮ້ອງ​ມາ ແລະ​ຝົນ​ກໍ​ຈະ​ຕົກລົງ. ເມື່ອ​ພວກເຈົ້າ​ໄດ້​ເຫັນ​ເຫດການ​ນີ້​ແລ້ວ ພວກເຈົ້າ​ຈະ​ຮູ້​ວ່າ​ເວລາ​ທີ່​ພວກເຈົ້າ​ຂໍ​ເອົາ​ກະສັດ​ຈາກ​ພຣະອົງ​ນັ້ນ ພວກເຈົ້າ​ໄດ້​ເຮັດ​ຜິດ​ຢ່າງ​ຮ້າຍແຮງ​ຕໍ່​ພຣະເຈົ້າຢາເວ.”

1 ຊາມູເອນ 12:18

ດັ່ງນັ້ນ ຊາມູເອນ​ຈຶ່ງ​ພາວັນນາ​ອະທິຖານ​ຕໍ່​ພຣະເຈົ້າຢາເວ ແລະ​ໃນ​ມື້​ນັ້ນ​ເອງ ພຣະເຈົ້າຢາເວ​ໄດ້​ສົ່ງ​ສຽງ​ຟ້າຮ້ອງ​ມາ ແລະ​ຝົນ​ກໍ​ຕົກ. ແລ້ວ​ປະຊາຊົນ​ທຸກຄົນ​ກໍ​ເກີດ​ຢ້ານກົວ​ພຣະເຈົ້າຢາເວ ແລະ ຊາມູເອນ;

1 ຊາມູເອນ 12:3

ຂ້າພະເຈົ້າ​ຢູ່​ທີ່ນີ້​ແລ້ວ ສະນັ້ນ ຖ້າ​ຂ້າພະເຈົ້າ​ເຮັດ​ຜິດ​ປະການໃດ​ປະການໜຶ່ງ ຈົ່ງ​ໃຫ້​ພວກເຈົ້າ​ຮ້ອງຟ້ອງ​ຂ້າພະເຈົ້າ​ດຽວ​ນີ້ ຢູ່​ຊ້ອງໜ້າ​ພຣະເຈົ້າຢາເວ ແລະ​ກະສັດ​ທີ່​ພຣະອົງ​ໄດ້​ເລືອກ​ເອົາ. ຂ້າພະເຈົ້າ​ເຄີຍ​ໄດ້​ເອົາ​ງົວ​ແລະ​ລໍ​ຂອງ​ຜູ້ໃດ​ບໍ? ຂ້າພະເຈົ້າ​ໄດ້​ສໍ້ໂກງ​ແລະ​ກົດຂີ່​ຂົ່ມເຫັງ​ຜູ້ໃດ​ແດ່? ຂ້າພະເຈົ້າ​ໄດ້​ຮັບ​ສິນບົນ​ຈາກ​ຜູ້ໃດ​ບໍ? ຖ້າ​ຂ້າພະເຈົ້າ​ໄດ້​ເຮັດ​ສິ່ງໃດ​ສິ່ງໜຶ່ງ​ດັ່ງ​ທີ່​ໄດ້​ກ່າວ​ມາ​ນີ້ ຂ້າພະເຈົ້າ​ຍິນດີ​ຈ່າຍ​ຄືນ​ສິ່ງ​ທີ່​ຂ້າພະເຈົ້າ​ເອົາ​ໄປ​ນັ້ນ.”

1 ຊາມູເອນ 15:28

ຊາມູເອນ​ກ່າວ​ແກ່​ເພິ່ນ​ວ່າ, “ພຣະເຈົ້າຢາເວ​ໄດ້​ຈີກ​ອານາຈັກ​ອິດສະຣາເອນ​ອອກ​ຈາກ​ເຈົ້າ​ໃນ​ມື້ນີ້ ແລະ​ພຣະອົງ​ຈະ​ມອບ​ໃຫ້​ແກ່​ຄົນອື່ນ​ທີ່​ດີກວ່າ​ເຈົ້າ.

1 ຊາມູເອນ 16:1

ພຣະເຈົ້າຢາເວ​ໄດ້​ກ່າວ​ຕໍ່​ຊາມູເອນ​ວ່າ, “ເຈົ້າ​ຍັງ​ຈະ​ໂສກເສົ້າ​ເສຍໃຈ​ນຳ​ໂຊນ​ອີກ​ດົນ​ປານໃດ? ເຮົາ​ໄດ້​ປົດ​ລາວ​ອອກ​ຈາກ​ຕຳແໜ່ງ​ກະສັດ​ແລ້ວ, ແຕ່​ບັດນີ້ ຈົ່ງ​ຖື​ນໍ້າມັນ​ສັກສິດ​ໄປ​ທີ່​ເມືອງ​ເບັດເລເຮັມ ແລະ​ຫາ​ຊາຍ​ຄົນ​ໜຶ່ງ​ທີ່​ຊື່​ວ່າ ເຢຊີ ເພາະ​ເຮົາ​ໄດ້​ເລືອກ​ເອົາ​ລູກຊາຍ​ຂອງ​ລາວ​ຄົນ​ໜຶ່ງ​ໃຫ້​ເປັນ​ກະສັດ.”

1 ຊາມູເອນ 7:10

ໃນ​ຂະນະທີ່​ຊາມູເອນ​ກຳລັງ​ຖວາຍ​ເຄື່ອງ​ບູຊາ​ຢູ່​ນັ້ນ ພວກ​ຟີລິດສະຕິນ​ໄດ້​ເຄື່ອນທັບ​ເຂົ້າ​ມາ​ໂຈມຕີ. ແຕ່​ພຣະເຈົ້າຢາເວ​ເຮັດ​ໃຫ້​ພວກເຂົາ​ໄດ້ຍິນ​ສຽງ​ຮ້ອງ​ອັນ​ໜ້າຢ້ານກົວ​ຍິ່ງ. ສະນັ້ນ ພວກເຂົາ​ຈຶ່ງ​ສັບສົນ​ວຸ້ນວາຍ ແລະ​ແຕກ​ໜີໄປ​ດ້ວຍ​ຄວາມ​ແຕກຕື່ນ​ຕົກໃຈ.