1 ຊາມູເອນ 19:18 - ພຣະຄຳພີສັກສິ

¹⁸ ສ່ວນ​ດາວິດ​ນັ້ນ ໄດ້​ໜີໄປ​ຫາ​ຊາມູເອນ​ທີ່​ເມືອງ​ຣາມາ ແລະ​ບອກ​ທຸກສິ່ງ​ທີ່​ກະສັດ​ໂຊນ​ໄດ້​ເຮັດ​ຕໍ່​ຕົນ​ສູ່​ຊາມູເອນ​ຟັງ ແລ້ວ​ຊາມູເອນ​ກັບ​ດາວິດ​ຈຶ່ງ​ໄປ​ພັກ​ຢູ່​ບ້ານ​ນາໂຢດ.

1 ຊາມູເອນ 19:18 Jak'a apnaqawi uñst'ayäwi

ເພງ^ສັນລະເສີນ 116:11

ເຖິງ​ແມ່ນ​ຂ້ານ້ອຍ​ເຄີຍ​ຢ້ານ ແລະ​ເວົ້າ​ວ່າ, “ບໍ່ມີ​ຜູ້ໃດ​ເປັນ​ທີ່​ໄວ້ວາງໃຈ​ໄດ້​ເລີຍ.”

ຢາໂກໂບ 5:16

ເຫດສະນັ້ນ ເຈົ້າ​ທັງຫລາຍ ຈົ່ງ​ສາລະພາບ​ຜິດ​ຂອງຕົນ​ຕໍ່​ກັນແລະກັນ, ຈົ່ງ​ພາວັນນາ​ອະທິຖານ​ເພື່ອ​ກັນແລະກັນ, ເພື່ອ​ເຈົ້າ​ທັງຫລາຍ​ຈະ​ໄດ້​ດີ​ພະຍາດ. ຄຳ​ພາວັນນາ​ອະທິຖານ​ຂອງ​ຜູ້​ຊອບທຳ​ມີຣິດ​ສັກສິດ​ເຮັດ​ໃຫ້​ເກີດຜົນ.

1 ຊາມູເອນ 1:19

ເຊົ້າ​ມື້​ໃໝ່​ມາ ເອນການາ​ພ້ອມ​ທັງ​ຄອບຄົວ​ໄດ້​ລຸກ​ແຕ່​ເຊົ້າ. ຫລັງຈາກ​ນະມັດສະການ​ຕໍ່ໜ້າ​ພຣະເຈົ້າຢາເວ​ແລ້ວ ພວກເຂົາ​ກໍ​ໄດ້​ກັບຄືນ​ເມືອ​ເຮືອນ​ຂອງ​ພວກເຂົາ​ທີ່​ຣາມາ. ເອນການາ​ໄດ້​ສົມສູ່​ກັບ​ນາງ​ຮັນນາ​ເມຍ​ຂອງຕົນ ແລະ​ພຣະເຈົ້າຢາເວ​ກໍໄດ້​ຊົງ​ລະນຶກເຖິງ​ນາງ.

1 ຊາມູເອນ 15:34

ແລ້ວ​ຊາມູເອນ​ກໍ​ໄດ້ໄປ​ທີ່​ເມືອງ​ຣາມາ ສ່ວນ​ກະສັດ​ໂຊນ​ນັ້ນ​ໄດ້​ຄືນ​ເມືອ​ວັງ​ຂອງ​ເພິ່ນ​ທີ່​ເມືອງ​ກີເບອາ.

1 ຊາມູເອນ 19:19

ຕໍ່ມາ ມີ​ຄົນ​ມາ​ບອກ​ກະສັດ​ໂຊນ​ວ່າ ດາວິດ​ຢູ່​ທີ່​ບ້ານ​ນາໂຢດ​ໃນ​ເມືອງ​ຣາມາ.

1 ຊາມູເອນ 19:22

ແລ້ວ​ເພິ່ນ​ກໍ​ອອກ​ໄປ​ທີ່​ເມືອງ​ຣາມາ​ເອງ. ເມື່ອ​ໄປ​ຮອດ​ນໍ້າສ້າງ​ໃຫຍ່​ທີ່​ເສກູ ເພິ່ນ​ຈຶ່ງ​ຖາມ​ຫາ​ຊາມູເອນ​ແລະ​ດາວິດ ແລະ​ເຂົາ​ກໍ​ບອກ​ເພິ່ນ​ວ່າ​ທັງສອງ​ຢູ່​ທີ່​ບ້ານ​ນາໂຢດ​ໃນ​ຣາມາ.

1 ຊາມູເອນ 19:23

ໃນ​ຂະນະທີ່​ເພິ່ນ​ກຳລັງ​ເດີນທາງ​ໄປ​ນັ້ນ ວິນຍານ​ຂອງ​ພຣະເຈົ້າ​ເຂົ້າ​ຄວບຄຸມ​ເພິ່ນ​ຄືກັນ. ເພິ່ນ​ຈຶ່ງ​ຟ້ອນ​ແລະ​ໂຮຮ້ອງ​ໄປ​ສຸດ​ທາງ​ຈົນເຖິງ​ບ້ານ​ນາໂຢດ​ໃນ​ຣາມາ.

1 ຊາມູເອນ 20:1

ຕໍ່ມາ ດາວິດ​ໄດ້​ໜີໄປ​ຈາກ​ບ້ານ​ນາໂຢດ​ໃນ​ເມືອງ​ຣາມາ ໄປ​ຫາ​ໂຢນາທານ​ແລະ​ຖາມ​ລາວ​ວ່າ, “ຂ້ອຍ​ໄດ້​ເຮັດ​ຜິດ​ຫຍັງ ຂ້ອຍ​ມີ​ຄວາມຜິດ​ຫຍັງ ຂ້ອຍ​ໄດ້​ເຮັດ​ຊົ່ວ​ອັນໃດ​ແດ່​ຕໍ່​ພໍ່​ຂອງ​ເຈົ້າ ເພິ່ນ​ຈຶ່ງ​ຢາກ​ຂ້າ​ຂ້ອຍ?”

1 ຊາມູເອນ 21:11

ບັນດາ​ຂ້າຣາຊການ​ຂອງ​ເຈົ້າ​ອາກີເຊ​ໄດ້​ຖາມ​ເພິ່ນ​ວ່າ, “ບໍ່ແມ່ນ​ດາວິດ​ຄົນ​ນີ້​ບໍ ທີ່​ເປັນ​ກະສັດ​ຂອງ​ປະເທດ​ນັ້ນ ທີ່​ພວກຜູ້ຍິງ​ຟ້ອນລຳ​ທຳເພງ​ຮ້ອງ​ຊົມເຊີຍ​ວ່າ ‘ໂຊນ​ໄດ້​ຂ້າ​ສັດຕູ​ຫລາຍ​ພັນ​ຄົນ, ແຕ່​ດາວິດ​ໄດ້​ຂ້າ​ຫລາຍ​ໝື່ນ​ຄົນ.”’

1 ຊາມູເອນ 28:3

ມາບັດນີ້ ຊາມູເອນ​ກໍໄດ້​ຕາຍໄປ​ແລ້ວ ຊາວ​ອິດສະຣາເອນ​ທັງໝົດ​ໄດ້​ໄວ້ທຸກ​ໃຫ້​ເພິ່ນ ແລະ​ຝັງ​ຊາກສົບ​ຂອງ​ເພິ່ນ​ໄວ້​ທີ່​ຣາມາ ບ້ານ​ເມືອງ​ຂອງ​ເພິ່ນ​ເອງ. ໃນ​ສະໄໝ​ນັ້ນ ກະສັດ​ໂຊນ​ໄດ້​ຂັບໄລ່​ພວກ​ໝໍ​ມໍ ແລະ​ພວກ​ໝໍ​ຜີ​ທັງຫຼາຍ​ໃຫ້​ອອກ​ໄປ​ຈາກ​ອິດສະຣາເອນ.

1 ຊາມູເອນ 7:17

ແລ້ວ​ເພິ່ນ​ກໍໄດ້​ກັບຄືນ​ເມືອ​ເຮືອນ​ຂອງ​ເພິ່ນ​ທີ່​ເມືອງ​ຣາມາ ບ່ອນ​ທີ່​ເພິ່ນ​ຮັບໃຊ້​ເປັນ​ຜູ້​ຕັດສິນ​ຄວາມ​ຄືກັນ. ຢູ່​ໃນ​ເມືອງ​ຣາມາ​ນີ້ ເພິ່ນ​ສ້າງ​ແທ່ນບູຊາ​ແທ່ນ​ໜຶ່ງ​ຂຶ້ນ​ເພື່ອ​ຖວາຍ​ແກ່​ພຣະເຈົ້າຢາເວ.