1 ຊາມູເອນ 19:13 - ພຣະຄຳພີສັກສິ

¹³ ແລ້ວ​ນາງ​ກໍ​ເອົາ​ຮູບເຄົາຣົບ​ປະຈຳເຮືອນ​ມາ​ວາງ​ໄວ້​ເທິງ​ຕຽງ ເອົາ​ໝອນ​ທີ່​ເຮັດ​ດ້ວຍ​ຂົນແກະ​ວາງ​ໃສ່​ເທິງ​ຮູບ​ນັ້ນ ແລະ​ເອົາ​ຜ້າຫົ່ມ​ປົກໄວ້.

1 ຊາມູເອນ 19:13 Jak'a apnaqawi uñst'ayäwi

ປະຖົມມະການ 31:19

ລາບານ​ອອກ​ໄປ​ຕັດ​ຂົນແກະ ແລະ​ໃນ​ຂະນະທີ່​ເພິ່ນ​ບໍ່​ຢູ່​ນັ້ນ ນາງ​ຣາເຊັນ​ໄດ້​ເຂົ້າ​ໄປ​ລັກ​ເອົາ​ຮູບເຄົາຣົບ​ປະຈຳ​ຄອບຄົວ​ຂອງ​ພໍ່​ຕົນ​ໄປ​ນຳ.

ໂຮເສອາ 3:4

ໃນ​ລັກສະນະ​ດຽວ​ນີ້​ແຫຼະ ປະຊາຊົນ​ອິດສະຣາເອນ​ຈະ​ຢູ່​ຢ່າງ​ບໍ່ມີ​ກະສັດ ຫລື​ຜູ້ນຳ​ເປັນ​ເວລາ​ນານ ແລະ​ຈະ​ບໍ່ມີ​ເຄື່ອງ​ເຜົາບູຊາ ຫລື​ຫີນ​ສັກສິດ ບໍ່ມີ​ຮູບເຄົາຣົບ​ຫລື​ເທວະຮູບ ເພື່ອ​ບອກ​ເຖິງ​ເລື່ອງ​ອະນາຄົດ.

ພວກ^ຜູ້ປົກຄອງ 17:5

ສະນັ້ນ ມີກາ​ຈຶ່ງ​ມີ​ບ່ອນ​ຂາບໄຫວ້​ສ່ວນຕົວ. ລາວ​ຍັງ​ໄດ້​ເຮັດ​ຮູບເຄົາຣົບ​ບາງ​ຮູບ​ແລະ​ເອໂຟດ​ຜືນ​ໜຶ່ງ ແລ້ວ​ກໍ​ແຕ່ງຕັ້ງ​ໃຫ້​ຜູ້ໜຶ່ງ​ໃນ​ພວກ​ລູກຊາຍ​ຂອງຕົນ​ເປັນ​ປະໂຣຫິດ.

ພວກ^ຜູ້ປົກຄອງ 18:14

ແລ້ວ​ຊາຍ​ທັງ​ຫ້າ​ທີ່​ໄດ້​ໄປ​ສອດແນມ​ເບິ່ງ​ອ້ອມແອ້ມ​ເມືອງ​ລາອິດ ກໍໄດ້​ບອກ​ພັກພວກ​ຂອງຕົນ​ວ່າ, “ພວກເຈົ້າ​ຮູ້ຈັກ​ບໍ​ໃນ​ບ້ານ​ນີ້​ມີ​ເຮືອນ​ຫລັງ​ໜຶ່ງ ທີ່​ມີ​ຮູບເຄົາຣົບ​ເປັນ​ໄມ້​ເຄືອບ​ດ້ວຍ​ເງິນ. ນອກຈາກນີ້​ຍັງ​ມີ​ຮູບເຄົາຣົບ​ອື່ນໆ ແລະ​ເອໂຟດ​ຜືນ​ໜຶ່ງ​ອີກ. ພວກເຈົ້າ​ຄິດ​ວ່າ​ພວກເຮົາ​ຄວນ​ຈະ​ເຮັດ​ຢ່າງໃດ?”

ພວກ^ຜູ້ປົກຄອງ 18:17

ໃນ​ເວລາ​ທີ່​ປະໂຣຫິດ​ກຳລັງ​ຢູ່​ທີ່​ປະຕູບ້ານ​ກັບ​ທະຫານ​ຫົກຮ້ອຍ​ຄົນ​ນັ້ນ; ສອດແນມ​ຫ້າ​ຄົນ​ກໍໄດ້​ເຂົ້າ​ໄປ​ໃນ​ເຮືອນ ແລະ​ຢຶດ​ຮູບເຄົາຣົບ​ເປັນ​ໄມ້​ເຄືອບ​ດ້ວຍ​ເງິນ, ຮູບເຄົາຣົບ​ອື່ນໆ, ຕະຫລອດ​ທັງ​ເອໂຟດ​ດ້ວຍ.

1 ຊາມູເອນ 19:16

ພວກເຂົາ​ຈຶ່ງ​ເຂົ້າ​ໄປ​ແລະ​ພົບ​ຮູບເຄົາຣົບ​ປະຈຳເຮືອນ​ເທິງ​ຕຽງນອນ ທັງ​ມີ​ໝອນ​ທີ່​ເຮັດ​ດ້ວຍ​ຂົນແກະ​ວາງ​ທີ່​ເທິງ​ຫົວ​ຂອງ​ຮູບເຄົາຣົບ​ນັ້ນ.