1 ຊາມູເອນ 18:7 - ພຣະຄຳພີສັກສິ

⁷ ໃນ​ການ​ສະເຫລີມ​ສະຫລອງ​ຄັ້ງນີ້ ພວກຜູ້ຍິງ​ໄດ້​ຮ້ອງເພງ​ວ່າ, “ໂຊນ​ໄດ້​ຂ້າ​ສັດຕູ​ຫລາຍ​ພັນ​ຄົນ, ແຕ່​ດາວິດ​ນັ້ນ​ໄດ້​ຂ້າ​ສັດຕູ​ຫລາຍ​ໝື່ນ​ຄົນ.”

1 ຊາມູເອນ 18:7 Jak'a apnaqawi uñst'ayäwi

2 ຊາມູເອນ 18:3

ພວກເຂົາ​ຕອບ​ວ່າ, “ທ່ານ​ບໍ່ຄວນ​ໄປ​ກັບ​ພວກ​ຂ້ານ້ອຍ ຖ້າ​ພວກ​ຂ້ານ້ອຍ​ລ້າ​ຖອຍ​ຫລື​ຖືກ​ຂ້າ​ເສຍ​ເຄິ່ງ​ໜຶ່ງ ກໍ​ບໍ່​ສຳຄັນ​ຫຍັງ​ສຳລັບ​ພວກ​ສັດຕູ; ແຕ່​ທ່ານ​ເອງ​ມີຄ່າ​ກວ່າ​ຄົນ​ດັ່ງ​ພວກ​ຂ້ານ້ອຍ​ຕັ້ງ​ໝື່ນ​ຄົນ. ຄົງ​ເປັນ​ການ​ດີກວ່າ​ທີ່​ທ່ານ​ຢູ່​ໃນ​ເມືອງ​ນີ້ ແລະ​ຈັດ​ສົ່ງ​ກອງໜູນ​ອອກ​ໄປ​ຊ່ວຍ.”

2 ຊາມູເອນ 23:1

ກະສັດ​ດາວິດ​ເປັນ​ລູກຊາຍ​ຂອງ​ເຢຊີ. ເພິ່ນ​ເປັນ​ຜູ້​ທີ່​ພຣະເຈົ້າ​ໄດ້​ສ້າງ​ຂຶ້ນ​ໃຫ້​ເປັນ​ຜູ້​ຍິ່ງໃຫຍ່ ເປັນ​ຜູ້​ທີ່​ພຣະເຈົ້າ​ຂອງ​ຢາໂຄບ​ເຈີມ​ຕັ້ງ​ໃຫ້​ເປັນ​ກະສັດ ແລະ​ໃຫ້​ປະພັນ​ເພງ​ອັນ​ອອນຊອນ​ສຳລັບ​ຊາດ​ອິດສະຣາເອນ. ຕໍ່ໄປນີ້​ແມ່ນ​ຖ້ອຍຄຳ​ຄັ້ງ​ສຸດທ້າຍ​ຂອງ​ກະສັດ​ດາວິດ:

2 ຊາມູເອນ 6:5

ກະສັດ​ດາວິດ​ກັບ​ຊາວ​ອິດສະຣາເອນ​ທຸກຄົນ​ຕ່າງ​ກໍ​ຟ້ອນ ແລະ​ຮ້ອງລຳ​ທຳເພງ​ດ້ວຍ​ສຸດໃຈ ຕໍ່ໜ້າ​ພຣະເຈົ້າຢາເວ. ພວກເຂົາ​ດີດພິນ, ຕີ​ກອງ, ສັ່ນ​ກະລໍ ແລະ​ຕົບແສ່ງ​ໄປ​ນຳ​ພ້ອມ.

ອົບພະຍົບ 15:21

ນາງ​ຮ້ອງເພງ​ຊໍ້າໄປ​ຊໍ້າມາ​ວ່າ, “ຈົ່ງ​ຍ້ອງຍໍ​ສັນລະສັນ​ພຣະເຈົ້າຢາເວ​ດ້ວຍ​ການ​ຮ້ອງລຳ​ທຳເພງ ເພາະ​ໄຊຊະນະ​ຂອງ​ພຣະອົງ ຊ່າລື​ໄປ​ທົ່ວ​ໂລກ. ພຣະອົງ​ໄດ້​ໂຍນ​ຝູງມ້າ ແລະ​ທະຫານ​ທັງຫລາຍ ໃຫ້​ມໍຣະນາ​ໃນ​ທ້ອງ​ທະເລ​ອັນ​ກວ້າງໃຫຍ່.”

1 ຊາມູເອນ 21:11

ບັນດາ​ຂ້າຣາຊການ​ຂອງ​ເຈົ້າ​ອາກີເຊ​ໄດ້​ຖາມ​ເພິ່ນ​ວ່າ, “ບໍ່ແມ່ນ​ດາວິດ​ຄົນ​ນີ້​ບໍ ທີ່​ເປັນ​ກະສັດ​ຂອງ​ປະເທດ​ນັ້ນ ທີ່​ພວກຜູ້ຍິງ​ຟ້ອນລຳ​ທຳເພງ​ຮ້ອງ​ຊົມເຊີຍ​ວ່າ ‘ໂຊນ​ໄດ້​ຂ້າ​ສັດຕູ​ຫລາຍ​ພັນ​ຄົນ, ແຕ່​ດາວິດ​ໄດ້​ຂ້າ​ຫລາຍ​ໝື່ນ​ຄົນ.”’

1 ຊາມູເອນ 21:12

ດາວິດ​ຮູ້ສຶກ​ເຖິງ​ອັນຕະລາຍ​ຂອງ​ຄຳເວົ້າ​ເຫຼົ່ານີ້ ແລະ​ລາວ​ກໍ​ຢ້ານກົວ​ເຈົ້າ​ອາກີເຊ​ທີ່ສຸດ.

1 ຊາມູເອນ 29:5

ບໍ່ແມ່ນ​ດາວິດ​ຄົນ​ນີ້​ບໍ ທີ່​ພວກຜູ້ຍິງ​ໄດ້​ຮ້ອງເພງ​ຊົມເຊີຍ ຕອນ​ທີ່​ພວກເຂົາ​ຟ້ອນລຳ​ທຳເພງ​ນັ້ນ​ວ່າ, ‘ໂຊນ​ໄດ້​ຂ້າ​ຫລາຍ​ພັນ​ຄົນ ແຕ່​ດາວິດ​ໄດ້​ຂ້າ​ຫລາຍ​ໝື່ນ​ຄົນ.”’