1 ຊາມູເອນ 18:4 - ພຣະຄຳພີສັກສິ

⁴ ລາວ​ໄດ້​ແກ້​ເສື້ອ​ຊັ້ນນອກ​ທີ່​ຕົນ​ນຸ່ງ​ມອບ​ໃຫ້​ດາວິດ ພ້ອມ​ທັງ​ເຄື່ອງຮົບ​ເຊັ່ນ: ດາບ, ຄັນທະນູ ແລະ​ສາຍແອວ.

1 ຊາມູເອນ 18:4 Jak'a apnaqawi uñst'ayäwi

ປະຖົມມະການ 41:42

ແລ້ວ​ກະສັດ​ກໍ​ຖອດ​ແຫວນ​ແຫ່ງ​ອຳນາດ​ອອກ​ຈາກ​ນິ້ວມື​ຂອງຕົນ ແລະ​ສຸບ​ໃສ່​ນິ້ວມື​ຂອງ​ໂຢເຊັບ. ເພິ່ນ​ເອົາ​ເສື້ອ​ໂຕ​ງາມ​ທີ່ສຸດ​ໃຫ້​ໂຢເຊັບ​ນຸ່ງ ແລະ​ເອົາ​ສາຍສ້ອຍ​ຄຳ​ຄ້ອງ​ຄໍ​ໃຫ້.

2 ຊາມູເອນ 1:22

ຄັນທະນູ​ຂອງ​ໂຢນາທານ​ນັ້ນ ຊ່າງ​ໜ້າ​ຮ້າຍກາດ​ເຫລືອຫລາຍ ດາບ​ຂອງ​ກະສັດ​ໂຊນ​ບໍ່​ເມດຕາ​ຜູ້ໃດ ໃຊ້​ແທງ​ສັດຕູ​ຜູ້​ເກັ່ງກ້າ​ໃຫ້​ຕາຍ​ໄດ້.

ເອຊາຢາ 61:10

ຂ້ານ້ອຍ​ຈະ​ຊົມຊື່ນ​ຍິນດີ​ໃນ​ພຣະເຈົ້າຢາເວ ຈິດໃຈ​ຂອງຂ້ານ້ອຍຈະ​ຊື່ນບານ​ໃນ​ພຣະເຈົ້າ​ຂອງ​ຂ້ານ້ອຍ ເພາະ​ພຣະອົງ​ໄດ້ເອົາ​ເສື້ອຜ້າແຫ່ງ​ຄວາມພົ້ນ​ມາໃຫ້​ນຸ່ງ ພຣະອົງ​ໄດ້ເອົາ​ເສື້ອ​ແຫ່ງ​ຄວາມຊອບທຳ​ໃຫ້​ຂ້ານ້ອຍຮົ່ມໄວ້ ເໝືອນດັ່ງ​ເຈົ້າບ່າວ​ຕົບແຕ່ງ​ຕົວ​ຄື​ປະໂຣຫິດ ແລະ​ເໝືອນດັ່ງ​ເຈົ້າສາວ​ປະດັບ​ຕົວ​ດ້ວຍ​ເພັດພອຍ.

ເອເຊກຽນ 23:15

ທັງ​ມີ​ສາຍ​ຮັດ​ແອວ​ແລະ​ຜ້າ​ຄຽນ​ຫົວ​ແບບ​ແປກໆ​ດ້ວຍ.

ລູກາ 15:22

ແຕ່​ຜູ້​ເປັນ​ພໍ່​ເອີ້ນ​ບັນດາ​ຄົນ​ຮັບໃຊ້​ຂອງຕົນ​ມາ ເພິ່ນ​ເວົ້າ​ວ່າ, ‘ໄວໆ ຟ້າວ​ເອົາ​ເຄື່ອງ​ຢ່າງດີ​ທີ່ສຸດ​ມາ​ໃຫ້​ລູກ​ຂອງເຮົາ​ນຸ່ງ ຈົ່ງ​ເອົາ​ແຫວນ​ມາ​ສວມ​ໃສ່​ນິ້ວ​ມື ແລະ​ສຸບ​ເກີບ​ໃສ່​ຕີນ​ໃຫ້​ລູກ​ຂອງເຮົາ.

2 ໂກຣິນໂທ 5:21

ເພາະວ່າ ພຣະເຈົ້າ​ໄດ້​ຊົງ​ກະທຳ​ໃຫ້​ພຣະຄຣິດ ຜູ້​ຊົງ​ບໍ່ມີ​ຄວາມ​ຜິດບາບ​ນັ້ນ ໄດ້​ເຂົ້າ​ສ່ວນ​ກັບ​ຄວາມ​ຜິດບາບ​ຂອງ​ພວກເຮົາ ເພື່ອ​ພວກເຮົາ​ຈະ​ໄດ້​ເຂົ້າ​ສ່ວນ​ໃນ​ຄວາມ​ຊອບທຳ​ຂອງ​ພຣະເຈົ້າ​ໂດຍ​ທາງ​ພຣະອົງ.

1 ຊາມູເອນ 17:38

ກະສັດ​ໂຊນ​ໄດ້​ເອົາ​ເຄື່ອງຮົບ​ຂອງ​ເພິ່ນ​ໃຫ້​ດາວິດ​ສວມ​ໃສ່ ເຊັ່ນວ່າ: ໝວກ​ເປັນ​ທອງສຳຣິດ ຊຶ່ງ​ເພິ່ນ​ສຸບໃສ່​ຫົວ​ຂອງ​ດາວິດ ແລະ​ເອົາ​ເສື້ອ​ຫຸ້ມເກາະ​ໃຫ້​ລາວ​ນຸ່ງ.

1 ຊາມູເອນ 18:5

ດາວິດ​ໄດ້​ອອກ​ໄປ​ເຮັດ​ວຽກ​ດ້ວຍ​ຄວາມ​ສະຫຼຽວ​ສະຫຼາດ​ແລະ​ສຳເລັດ​ໜ້າທີ່​ທຸກຢ່າງ ຕາມ​ທີ່​ກະສັດ​ໂຊນ​ໄດ້​ສັ່ງ. ດັ່ງນັ້ນ ເພິ່ນ​ຈຶ່ງ​ແຕ່ງຕັ້ງ​ລາວ​ໃຫ້​ເປັນ​ນາຍ​ທະຫານ​ໃນ​ກອງທັບ​ຂອງ​ເພິ່ນ. ເລື່ອງ​ນີ້​ໄດ້​ສ້າງ​ຄວາມ​ພໍໃຈ​ແກ່​ບັນດາ​ນາຍ​ທະຫານ ແລະ​ພົນທະຫານ​ທຸກຄົນ​ຂອງ​ໂຊນ.